باركولي أستلمت العربية

[yasnme]

الف مبروك

[beshoyyy]

مبروك و اختيار جيد جدا

[ashrafwolf]

بقولك يا باشا الدلايات عملت فرق ولا ملهاش لازمة
و ركبتها فين و بكام لو سمحت

متابع

[Drsmash]

متابع

الله يبارك فيكم جميعا

و انا جبتها من معرض B Auto اللي علي طريق المطار ناحية كارفور 113 الف و بإذن الله ناوي أفرش العربية الارض و الكراسي بس سؤال فيه حد نظيف اعمل الفرش عنده و يكون سعره معقول أصل فيه ناس بتقولي الارض و الكراسي ممكن تدخل في 2000 جنيه

[captain hosam]

مباركه

الف مبروك يا اخى الفاضل على السياره و ربنا يكفيك شرها و يرزقك خيرها يا رب
و عقبالى انا قاعد مستنى استلم انا كمان و قالولى فى التوكيل الاسبوع الجاى
المهم انا ناوى اول حاجه اعملها اغير كاوتش العربيه ل كاوتش بريدج ستون 195 \60
و اعملها فرش و اظبط طقم الصوت المهم طمننا التكييف فعلا غيروه و بقى تتش ولا لسه بكر
و ربنا يديمها علينا نعمه و يحرسها من شر العين

[edodahab]

الدفعات الجديدة غيروا التكييف و بقى تاتش فعلا

[hatahet]

بقولك يا باشا الدلايات عملت فرق ولا ملهاش لازمة
و ركبتها فين و بكام لو سمحت

طبعان عملت فرق الحمد لله كبيير فعلان جنب العربيه بيتبهدل لو عديت فشويه ميه لكن دلوقتي بعد مركبتهم الحمد لله و لا اء حاجه بتوسخها من الميه و الترطشه دي حتي اللي ورا مخليين الاكصدام الخلفي نضيف الحمد لله
انا كنت اشتريتهم من التوفيقيه الجوز ب 20 يعني الطقم جوزين ب 40 و جبت اربع كلبسات زاي اللي فالكرتيره بتاعت العجل الامامي
و انا اللي ركبتهم
اللي قدام بتحتاج تقطع فيها حته كدا عشان في جزء بارز كدا من تحت في العربيه و بتحدد مكان اللي هتخرم فيه الدلايات بالظبط و بعدين تخرمهم باي مفك كدا و تفك الكلبسين بتوع الكرتيره و تركبهم في الدلايا و تركبهم فمكانهم في العربيه زى مكانو
و اللي ورا بتحتاج تخرم في الاكصدام خرمين تحت بع كدا بمسافه عشان امسك الدلايا كويس و تخرم الدلايات علي مكان الاكصدام بعد متحدد المكان بالظبط و تركبهم مع بعض بالكلبسات
شكل الموضوع طويل بس سخل و محتاج تركيز في مكان خرم الدلايات او او الاكصدام

[احمد كاكتوس]

مليون مبروك انا كمان استلمت اول امس ورخصت تاني يوم علي طول الحمد لله بس انا من الأسماعيليه والمرور عندنا كويس ومش زحمه اوي انا مبسوط جدا من العربيه بس في حاجه زي سواد ( هباب ) بيطلع علي الجنط ناس قالولي ده تطبيع التل صح ولا ايه ؟

[limo81]

اعتقد كده ، فعلا ده اللي كان حصل معايا
بس تابع برضه

[medo-312]

الف مبروك يا باشا وربنا يعطيك خيرها ويكفيك شرها
انا اللى حصل معايا وانا برخص فى مرور السلام انى بعد ما فحصت ورفعت البصمه ودفعت التامين وجيت اقدم على الورق على الشباك الموظفه اديتنى ملزمه كده فها يجى 200 ورقه قالتلى طلع رقم الشاسية بتاعت العربية بتاعتك من هنا والملزمه كلها عربيات نيسان ميكروباس على نص نقل عى صنى على كل عربيات نيسان ويمكن كمان اى عربيه فى حروف ن و س المهم قاعدت ساعه ادور ملقتش اديتنى ملزمه غيرها برده ملقتش المهم الموظفه قالتلى روح مرور الدراسه هاتلى بيان برقم الشاسيه بتاعك المهم انا قولتها ليه كل ده ما كل الاوراق معاكى وباسمى قالتلى تعليمات روحت لرئيس الوحده عمرو بيه راجل محترم المهم ادانى تاشيره وقالى انزل كمل طبعا بعد الحوار ده كله كانت الخزنه قفلت المهم كملت تانى اليوم والحمد ببه قضيت على خير
المم انت روح بدرى واذا حصل معاك كده انجز وروح لرئيس الوحده على طول وانجز عشان تخلص ومبروك مقدما

مبرووووك يامعاذ باشا

[Drsmash]

انا لاحظت الهباب الاسود ده و أستغربت جدا و ناس كتير بتقول ده فعلا التطبيع بس مستغرب ! ممكن حد يفيدنا!

[shifo]

انا لاحظت الهباب الاسود ده و أستغربت جدا و ناس كتير بتقول ده فعلا التطبيع بس مستغرب ! ممكن حد يفيدنا!

لا تقلق دا موضوع عادى فى العربيات الاوتو وحيختفى بعد فترة قصيرة
:b4_564:

[Ah.Farid]

مبروك يا باشا انا استلمت من 10 ايام وركبتلها فرش جلد على قطيفة قريب جدا من فرشها الاصلى من عند سبير كار اللى فى وسط البلد امام وزارة الداخلية بصراحة اسعارهم حلوة ةشغل تضيف ومعاملتهم كويسة كلفنى 265 بالتركيب كمان ورحت مظبط غطاء ووتربروف كمان ب180 جنية قلت بالمرة علشان يحمى العربية

[S O P H O S]

الف مبـــروك

[egyptiandiver]

مليون مبروك