صباح الفل يا رجاله

[mohamed.heiba]

السلام عليكم

ايه الاخبار يا رجاله ؟؟

يا ريت بعد اذنكوا لو ملاك الصنى الشكل الجديد كده يفيدونى تقرير بسيط عن حاله السياره ( موديلات 2013 و 2014 فقط)

و كمان و انا فى التوكيل النهارده لاحظت ان فتيس الصنى هو هو فتيس ال جوك و القشقاى
و كمان الكاسيت برده
يا ريت لو الرجاله هنا تؤكد او تنفى الكلام ده ؟؟ و لو فى حاجات تانى مشتركه بينهم يا ريت تضيفوها يا رجاله

[Drsmash]

انا لسه عامل الصيانة في السبع النهاردة بتاعت 1000 كيلو و العربية لحد دلوقتي مش مواجهني فيها غير صوت المازيكا بتاعت الكاوتش :d
بالنسبة لفتيس الصني 2014 هو تقريبا cvvt بس مش عارف فتيس ال جوك و القشقاى ايه هو !

[Drsmash]

بس لو الكاسيت زي الصني يبقي الجوك و القشقاي تقفيل مصري برده :d و الله أعلم لاني مشفتش العربيتين من جوا

[Drsmash]

و الموضوع ده يفيدك كتير

http://www.nilemotors.net/Nile/293649-a.html

[edodahab]

عربية ممتازة بالنسبة لسعرها و مشاكلها بسيطة
انا معايا ٢٠١٤ عامل بيها ٥٠٠٠ كم

[saint2011]

انا لسه عامل الصيانة في السبع النهاردة بتاعت 1000 كيلو و العربية لحد دلوقتي مش مواجهني فيها غير صوت المازيكا بتاعت الكاوتش :d
بالنسبة لفتيس الصني 2014 هو تقريبا cvvt بس مش عارف فتيس ال جوك و القشقاى ايه هو !

فتيس النيوصنى أتوماتيك عادى مش cvt ذى القشقاى والجوك

[ibrahimsaad]

انا معايا العربيه موديل 2014 من شهر مشيت بيها 500 ك ومفيش اى مشاكل لحد دلوقت العربيه ممتازه ماعدا طبعا الكاوتش بيلم ظلط وده مش عيب جوهرى لانه ممكن يتغير بس انا مش ناوى اغيره دلوقت خالص

[Drsmash]

انا معايا العربيه موديل 2014 من شهر مشيت بيها 500 ك ومفيش اى مشاكل لحد دلوقت العربيه ممتازه ماعدا طبعا الكاوتش بيلم ظلط وده مش عيب جوهرى لانه ممكن يتغير بس انا مش ناوى اغيره دلوقت خالص

شكلك كده عامل زي حالاتي بتحب تسمع مازيكة حسباالله

[mohamed.heiba]

و الله يا رجاله انا عاجز عن الشكر

بس انا ليا سؤال كده ايه الفرق بين الفتيس الصنى و القشقاى ( او العادى و ال cvt )

و الحمد لله ان الناس كلها بتشكر فيها

و هل فى اى حاجه تانيه غير موضوع الكاوتش ده

[ibrahimsaad]

و الله يا رجاله انا عاجز عن الشكر

بس انا ليا سؤال كده ايه الفرق بين الفتيس الصنى و القشقاى ( او العادى و ال cvt )

و الحمد لله ان الناس كلها بتشكر فيها

و هل فى اى حاجه تانيه غير موضوع الكاوتش ده

هو كان فيه شويه مشاكل وعيوب فى الفرامل والماستر بس تم حلها فى الدفعات الجديده كلها وتم استدعاء الدفعات التى بها مشاكل وقاموا باصلاحها

حتى الان فى الدفعات الجديده كل شئ تمام على الاقل عندى انا لم اواجه مشاكل اللهم الا الباب بتاع السائق محتاج انى ارزعه جامد علشان يقفل مش بيقفل لو قفلته كده بالراحه وهاابقى اقول لهم عليه فى اول صيانه

[Dr M.Noaman]

العربية ما شاء الله على فكرة . معايا دلوقتي 180 كيلو لسه ... موضوع قفل باب السائق كنت قرأتها ع المنتدى هنا فلما جيت أستلم قلتلهم فقالي دا بسبب ضغط الهوا لأن بتبقى قافل الزجاج كله وتيجي تقفل فضغط الهوا بيمنعك سنة بسيطة ففتحت الشباك وقفلت فجاه معايا ع طول فعلا من غير أي ممانعة

موضوع الكاوتش فعلا بيلم زلط بس الوكيل قالي ماتغيرهوش دلوقتي بس اعمله ضغط 32 قدام و 30 ورا بالنيتروجين هيكلفك 20 جنيه كل شهر مثلا

[yasnme]

شكلك كده عامل زي حالاتي بتحب تسمع مازيكة حسباالله :c_laugh[1]:

انا اول ما شترتها حسيت ان فى حد بيحدفنى بالطوب
الكاوتش مشكلة و ربنا يسهل و اغيرة

[ibrahimsaad]

العربية ما شاء الله على فكرة . معايا دلوقتي 180 كيلو لسه ... موضوع قفل باب السائق كنت قرأتها ع المنتدى هنا فلما جيت أستلم قلتلهم فقالي دا بسبب ضغط الهوا لأن بتبقى قافل الزجاج كله وتيجي تقفل فضغط الهوا بيمنعك سنة بسيطة ففتحت الشباك وقفلت فجاه معايا ع طول فعلا من غير أي ممانعة

موضوع الكاوتش فعلا بيلم زلط بس الوكيل قالي ماتغيرهوش دلوقتي بس اعمله ضغط 32 قدام و 30 ورا بالنيتروجين هيكلفك 20 جنيه كل شهر مثلا

موضوع قفل الباب عندى لازم ارزعه حتى لو الشباك مفتوح

[د.عماد صلاح]

فتيسها اوتو عادي 4 سرعات

[Dr M.Noaman]

والله يا دكتور إبراهيم أنا لما قرأت عنه هنا رحت المعرض وجربت العربية ما أستلمها وحصل زي ما قلتلك ..
وربنا ييسرلك وتلاقيلها حل إن شاء الله