هشترى قشقاى وعايز مساعدتكم

[طارق _عبد السلام]

السلام عليكم
انا سميت باسم الله وداخل القسم برجلى اليمين :)

اتفرجت على عربيه قشقاى 2012 اوتو لونها ذهبى ودفعت عربونها ليوم الاحد ان شاء الله

طلعت جربت العربيه ماحسيتش بالغربه بينها وبين اللفانتازيا يعنى ركوبه وصوت الموتور هادى وكنت وناس خوفتنى من الفتيس وقالوا هحس بنتشه لكن الصراحه حسيت ان العربيه مبتنقلش اصلا وتمام بس لما كبست للعربيه حسيت ببطىء استجابه منها والفرامل ماشاء الله المهم العربيه كانت مع واحد ...مش عايز اخد ذنب بقى محتاجه نضافه من جوه مخادع اليد فى الابواب لونها بيج ومتسخه جدا واللى مضايقنى اكتر مقابض الابواب الداخليه مقشره من الحروف المهم العربيه فيها كاميرا خلفيه وحساس ركن لكن شاشه الحساس موجوده على الطابلوه هى العربيه بتنزل بكاميرا وحساس ؟

العربيه فيها اكصدام امامى راشش ومرمه خفيفه جدا فى الباب الخلفى قلم البويه جابها وبصراحه هو قالى عليه
عايز اعرف موضوع الكاسيت والكاميرا والحساس لانى حاسس ان الكاسيت مش بتاع العربيه
وسعر العربيه تعمل كام بالوصف ده واخلى بالى من ايه وانا بستلمها منه ان شاء الله
لانى بصراحه قاعد حاسس انى تايه مش عارف ليه ودماغى بتروح وتيجى

[Optiplex]

مبرررووك مقدمااا استاذى الفاضل بس ياريت تكشف كويس قوووى علشان التجار ما عندعمشى اماان بس كنت عايز اسال حضرتك اسباب بيع الفنتازيا و لية استقريت على نيسااان

[amr011111]

موضوع تقشير المقابض ده طالما حصل فى الفتره البسيطه ديه فياريت تراجع العداد كويس وميكونش ملعوب فيه لاحسن تكون العربيه كانت بتتأجر

[simon659]

انت قول هو طالب كام وانا لو شايف انه حتي طالب 170 او اعلها هتها زيرو ارخص الشكل الجديد ولو هتشتري دي اطلع علي التوكيل بس اعتبر نفسي بكلم اخويا الواحد تعبان في القرش والعربيا دي تجيبها تقنيها يبقي تجيبها زيرو افضل وليك كل الحريه

[Mo3taz mostafa]

لو 2012. و ماشيه 20000 كم تعمل في حدود 175000


شوف انت حالة العربيه و قدرها
يعني الخبطه اللي مصلحها تنزل من 3 الي 5 الاف

لو العداد 30000 تنزل كمان خمسه

[طارق _عبد السلام]

مبرررووك مقدمااا استاذى الفاضل بس ياريت تكشف كويس قوووى علشان التجار ما عندعمشى اماان بس كنت عايز اسال حضرتك اسباب بيع الفنتازيا و لية استقريت على نيسااان

الله يبارك فيك

من ناحيه الفانتازيا العربيه ممتازه جدا جدا سبب بيعى كنت فى ظروف ومحتاج مبلغ وقلت هجيب عربيه صغيره ولفيت كتير عربيات بجد متتركبش وناس طالبه فيها فلوسفمن زهقى قلت هعلى وطبعا لوجبت فانتازيا زى اللى كانت معايا هكون خسرت كتير لان الاسسعار فيها هبل جامد مع انى بايع من شهر وانا بدور على عربيه شفت القشقاى العربيه عجبتنى جدا كارتفاع وكمضمون ومن ساعتها بدور على قشقاى او سبورتاج فئه اولى ومن تقارير هنا عرفت ان العربيه يابانى تقفيل انجليزى والعربيه بايعه كويس فى اوروبا فقتنعت اكتر بيها

[طارق _عبد السلام]

موضوع تقشير المقابض ده طالما حصل فى الفتره البسيطه ديه فياريت تراجع العداد كويس وميكونش ملعوب فيه لاحسن تكون العربيه كانت بتتأجر

موضوع اللعب فى العداد مستبعده شويه لانها ماشيه كتير 55 الف كيلو لو هيلعب كان نزله اقل وبعدين اغلب العربيات الايجار مش بس تقشير دى بتبقى مركبه انصاص واربع كمان

[طارق _عبد السلام]

انت قول هو طالب كام وانا لو شايف انه حتي طالب 170 او اعلها هتها زيرو ارخص الشكل الجديد ولو هتشتري دي اطلع علي التوكيل بس اعتبر نفسي بكلم اخويا الواحد تعبان في القرش والعربيا دي تجيبها تقنيها يبقي تجيبها زيرو افضل وليك كل الحريه

تقريبا فكرت نفس التفكير ده وكمان الشكل الجديد شكلها خطير جدا وعربيه جميله جدا بس هتنزل فى شهر 8 وسعرها مش معلوم ولو السعر موجود هتحجز 6 شهور او هشترى اوفر برايس وسعرها هيوصل فوق ال200 بكتير

[طارق _عبد السلام]

لو 2012. و ماشيه 20000 كم تعمل في حدود 175000


شوف انت حالة العربيه و قدرها
يعني الخبطه اللي مصلحها تنزل من 3 الي 5 الاف

لو العداد 30000 تنزل كمان خمسه

للاسف ماشيه 55 الف وكان طالب 173 ونزلت 170

[Mo3taz mostafa]

170 كتير جدا
ممكن. من 160 _165

[طارق _عبد السلام]

170 كتير جدا
ممكن. من 160 _165

المشكله انى كل ماكنت الاقى عربيه كل الكلام من 75 1الى 190 طبعا كلام غريب جدا
وفعلا حاسس ان السعر عالى شويه بس لى سؤال هى بتنزل بالكاميرا والسينسور ولا متركبين وتركيبهم ممكن يأثر على الضفيره ولا لا
ومن ناحيه مقابض الباب الداخليه هل هم بالضعف اللى يخليها تتخربش من الحواف لانى مش فاكر اى حاجه من العربيه غير المنظر ده سيبت كل حاجه حلوه فيها ومركز مع المنظر ده وهل لها صيانات اساسيه غير طبعا الزيوت والفلاتر يعنى المعامله مع الفتيس ازاى لانى قرأت هنا جدول الصيانه لها لقيت ترتيب الصيانات مختلف جدا عن ترتيب صيانات عربيتى الفانتازيا يعنى مثلا صيانه 40 الف فى القشقاى اساسيه وبعديها صيانه 100 الف ومفيش فيهم زيت فتيس ولا تيل فرامل

[mostafa afifi]

مبدئيا العربيه اللي ماشيه ده كلو سحبها يبقا ممتاز.... انا بسحب مع فانتازيا ببهدلو من الطلعه بس خد بالك الدواسه مشوارين مشوار خفيف و مشوار تقيل و بالنسبه لزيت الفتيس اعتقد غيرو علي 60 الف عشان التوكيل بيقول long life و اكشف توكيل و اطلع اقرص علي الطريق.... العربيه ده بتبقا فايقه جدا جدا علي الطريق... و اكشف علي الطنابير كويس عشان كان فيه كذا واحد اشتكي من الطنابير
و لو محتاج اي حاجه انا تحت خدمتك... انا معايا قشقاي 2013 6000 كيلو
و بالنسبه للكاميرا بتبقا نازله بالكاست التاتش و بتبقا نازله من السبع و كام معرض كده بس مش nissan egypt. و السنسور نفس الكلام او بسكون متركب في التوكيل و مش بيأثر خالص و شيك.علي ازاز السقف كويس.
و ربنا يوفقك في الشراء.و هي صفقه رابحه

[zangry]

السنسور والشاشة التاتش دى مش بتنزل مع العربية standard الموزعين بيشيلوا الاصلي ويركبوا ده وممكن ديفندرات وحركات من دى عشان يزودوا تمن العربية بس

[طارق _عبد السلام]

مبدئيا العربيه اللي ماشيه ده كلو سحبها يبقا ممتاز.... انا بسحب مع فانتازيا ببهدلو من الطلعه بس خد بالك الدواسه مشوارين مشوار خفيف و مشوار تقيل و بالنسبه لزيت الفتيس اعتقد غيرو علي 60 الف عشان التوكيل بيقول long life و اكشف توكيل و اطلع اقرص علي الطريق.... العربيه ده بتبقا فايقه جدا جدا علي الطريق... و اكشف علي الطنابير كويس عشان كان فيه كذا واحد اشتكي من الطنابير
و لو محتاج اي حاجه انا تحت خدمتك... انا معايا قشقاي 2013 6000 كيلو
و بالنسبه للكاميرا بتبقا نازله بالكاست التاتش و بتبقا نازله من السبع و كام معرض كده بس مش nissan egypt. و السنسور نفس الكلام او بسكون متركب في التوكيل و مش بيأثر خالص و شيك.علي ازاز السقف كويس.
و ربنا يوفقك في الشراء.و هي صفقه رابحه

ربنا يبارك فيك من كلام حضرتك بتقول اكشف على الطنابير (تقصد الديسكات) يعنى اشوف فيهم ايه مثلا ؟ تآكل ولا اعوجاج بيعمل رفه

ومن ناحيه زيت الفتيس انا شفت هنا فى المنتدى جدول صيانات لقيته غريب شويه يعنى الصيانات 5 الاف و10 وبعدين 20 وبعدين 40 وبعدها على طول 100 واستغربت لانى ماشفتش زيت الفتيس ولا حتى تيل الفرامل الكلام كله زيوت وفلاتر وسير
ومن ناحيه زجاج السقف هل هو سهل الكسر ؟

[طارق _عبد السلام]

السنسور والشاشة التاتش دى مش بتنزل مع العربية standard الموزعين بيشيلوا الاصلي ويركبوا ده وممكن ديفندرات وحركات من دى عشان يزودوا تمن العربية بس

استاذنا الغالى ..

ربنا ييسر الامور بصراحه عارف داخل على حاجه غريبه على شويه فمش عارف راسى من رجلى كنت حافظ الاوكتافيا وكل حاجه فيها واغلب عربياتى كانت المانى وهنجرب اليابانى والله المستعان وهنشوف الاستخاره هتوصلنى لايه فى العربيه دى