هشترى قشقاى وعايز مساعدتكم

[zangry]

استاذنا الغالى ..

ربنا ييسر الامور بصراحه عارف داخل على حاجه غريبه على شويه فمش عارف راسى من رجلى كنت حافظ الاوكتافيا وكل حاجه فيها واغلب عربياتى كانت المانى وهنجرب اليابانى والله المستعان وهنشوف الاستخاره هتوصلنى لايه فى العربيه دى

ربنا يوفقك ياباشا .. شكلك بعت الفانتازيا عشان تهرب من قسم سكودا مش عشان محتاج فلوس

[mostafa afifi]

ربنا يبارك فيك من كلام حضرتك بتقول اكشف على الطنابير (تقصد الديسكات) يعنى اشوف فيهم ايه مثلا ؟ تآكل ولا اعوجاج بيعمل رفه

ومن ناحيه زيت الفتيس انا شفت هنا فى المنتدى جدول صيانات لقيته غريب شويه يعنى الصيانات 5 الاف و10 وبعدين 20 وبعدين 40 وبعدها على طول 100 واستغربت لانى ماشفتش زيت الفتيس ولا حتى تيل الفرامل الكلام كله زيوت وفلاتر وسير
ومن ناحيه زجاج السقف هل هو سهل الكسر ؟

بالنسبه للطنابير قصدي الدسكات. كتير اوي يبقا فيها ريجه او متاكله
و بالنسبه للصيانات كل الصيانات اللي حضرتك كاتبها هي المهمه غير كده الباقي كله زيت و فلتر
و بالنسبه لازاز السقف صعب جدا جدا يتكسر بس انا اعرف واحد معاه 308 بانوراما و خشبه من فوق وقعت عليه عمل شرخ و خباه بالفاميه

[طارق _عبد السلام]

بالنسبه للطنابير قصدي الدسكات. كتير اوي يبقا فيها ريجه او متاكله
و بالنسبه للصيانات كل الصيانات اللي حضرتك كاتبها هي المهمه غير كده الباقي كله زيت و فلتر
و بالنسبه لازاز السقف صعب جدا جدا يتكسر بس انا اعرف واحد معاه 308 بانوراما و خشبه من فوق وقعت عليه عمل شرخ و خباه بالفاميه

اشكرك على المتابعه
رحت اخلص العربيه النهارده وقفتها فى الشمس وطلعت فيها ملاحيظ قفلتنى جدا فغيرت رايى فى العربيه وصرفت نظر عنها ومخلصتهاش
خيرها فى غيرها ان شاء الله

[Mo3taz mostafa]

هي ماش
يه كام الف و موديل كام و كان طالب كام

[طارق _عبد السلام]

هي ماش
يه كام الف و موديل كام و كان طالب كام

ماشيه 55 والكلام فى 170 بس العربيه كانت متهانه

[mostafa afifi]

اشكرك على المتابعه
رحت اخلص العربيه النهارده وقفتها فى الشمس وطلعت فيها ملاحيظ قفلتنى جدا فغيرت رايى فى العربيه وصرفت نظر عنها ومخلصتهاش
خيرها فى غيرها ان شاء الله

ملاحيظ زي ايه مثلا
و عموما العربيه لو متهانه ابعد عنها خالص

[Tomy1177]

مساء الخير
انا لسه عضو جديد و العرفنى الموقع دة هو تدويرى على القشقاى انا الحمد لله اشتريت 2014
و كنت بدور على مستعمل فى اﻻول ولكن لقيت 2013 عملة 10000ك 178000جنية فقلت اجبها زيرو احسن
التوكيل بيبعها 210000 و مزود بعض اﻻشياء لكن برة بضمان التوكيل ممكن 205 لحد 207

[Tomy1177]

اسف السعر كان 187000

[طارق _عبد السلام]

مساء الخير
انا لسه عضو جديد و العرفنى الموقع دة هو تدويرى على القشقاى انا الحمد لله اشتريت 2014
و كنت بدور على مستعمل فى اﻻول ولكن لقيت 2013 عملة 10000ك 178000جنية فقلت اجبها زيرو احسن
التوكيل بيبعها 210000 و مزود بعض اﻻشياء لكن برة بضمان التوكيل ممكن 205 لحد 207

طيب خليها 78 زى ماهى اصل انا اتعقدت بجد بدور على عربيه وكل ما الاقى واحده الاقي فبها اشتغالات كتيره ده انا كنت فى السوق امبارح فى القاهره السوق كله فيه عربيه واحده بس ماشيه 60 الف موديل 2012 وواخده خبطه تمام لان الاكصدام والرفرف راشين وكلها خرابيش وبصراحه مشيت وانا مصدوم لان المشوار كان جامد والجو كان حر جدا وبصراحه راجع من هناك مشوى او بالادق نص سوا :) والمشكله مش عارف اجيب جديد لان المبلغ المتاح مش مناسب وطبعا بينى وبين التقسيط مفيش عمار خالص

[طارق _عبد السلام]

وبعدين انا من غير عربيه وماشى حافى وبجد قمه فى التردد وكنت هخلص فى كيا سول 2012 ورجعت فى كلامى فى اخر لحظه وبجد مش عارف راسى من رجلى شكلى هرجع تانى للفانتازيا لانى مش عارف اقتنع بعربيه غيرها فعلا انا معجب جدا الاسبورتاج لكن مش لاقى فئه اولى ومقتنع بالقشقاى لكن مش لاقى عربيه نضيفه

[zangry]

دورلنا علي ٢ فانتازيا :d

[omaranes77]

خيانة ....
اية يا استاذ طارق انتي بتخونا ولا اية قشقاي وكيا سول وسبورتاج انت بعتنا خالص
ماشي يا استاذ طارق
بخصوص الحساس والكاميرا جارنا معاة واحدة فيها كاميرا وحساسات وعلي فكرة عربية نضيفة ربنا يوفقك
وتلف تلف ترجع لينا يا استاذ طارق
بالتوفيق
بس انا عندي سؤال حضرتك لية مابتفكرش في bmw 320 موديلات 2008 ولا حاجة كدة
الي زي حضرتك يركب الحاجات دي
المحترم للمحترمة ولا اية يا استتاذنا

[Tomy1177]

اﻻستاذ طارق
الله يكون فى عونك انا مجرب الفترة من غير عربيه بعد التعود بيكون اذاى
نصيحة شوف اعﻻنات contactcar انا كنت بشوف علية حاجة كويسه
ممكن اسعدك لو عرفتنى انت بدور فى حدود كام
وفى حل تانى ممكن تجيب عربيه مؤقتا صغيرة شويه يعنى ممكن كيا ريو 2013 120الف جنية او سيراتو 2012 على حسب ودة مؤقتا لحد ما ربنا يسهلها و تجيب النفسك فية زيرو و على مزاجك المهم ما تبعدش بالمديل عشان تاخد حاجة كويسه
ربنا يوفقق

[طارق _عبد السلام]

دورلنا علي ٢ فانتازيا :d

بتوع الفانتازيا عايشين فى الوهم اللى بيتكلم فوق ال200 واللى معاه عربيه مشرحه وبيتكلم فى فلوس دنا حسيت انى رميت عربيتى هههههههه بس سيبك الايه سفن الجديده هتلم الهبل ده وهترجع السعر زى الاول بس الموضوع يسمع

خيانة ....
اية يا استاذ طارق انتي بتخونا ولا اية قشقاي وكيا سول وسبورتاج انت بعتنا خالص
ماشي يا استاذ طارق
بخصوص الحساس والكاميرا جارنا معاة واحدة فيها كاميرا وحساسات وعلي فكرة عربية نضيفة ربنا يوفقك
وتلف تلف ترجع لينا يا استاذ طارق
بالتوفيق
بس انا عندي سؤال حضرتك لية مابتفكرش في bmw 320 موديلات 2008 ولا حاجة كدة
الي زي حضرتك يركب الحاجات دي
المحترم للمحترمة ولا اية يا استتاذنا

الله يبارك فيك استاذ عمر هى مش بايعكم ولا حاجه هى حاله توهان بجد مش عارف راسى من رجلى شويه عايز عربيه كويسه والسلام البى ام بجد اتمنى بس لازم عربيه 1600 سى سى علشان فيلم كروت البنزين ولازم عربيه عارفها كويس او من حد مضمون لان الغلطه فيها بفوره :)

اﻻستاذ طارق
الله يكون فى عونك انا مجرب الفترة من غير عربيه بعد التعود بيكون اذاى
نصيحة شوف اعﻻنات contactcar انا كنت بشوف علية حاجة كويسه
ممكن اسعدك لو عرفتنى انت بدور فى حدود كام
وفى حل تانى ممكن تجيب عربيه مؤقتا صغيرة شويه يعنى ممكن كيا ريو 2013 120الف جنية او سيراتو 2012 على حسب ودة مؤقتا لحد ما ربنا يسهلها و تجيب النفسك فية زيرو و على مزاجك المهم ما تبعدش بالمديل عشان تاخد حاجة كويسه
ربنا يوفقق

الله يباركلك استاذى الفاضل والله لسه صديق لى بيكلمنى على عربيه سيراتو 2010 فبريكه قلقى من السيراتوحاجه واحده بس حاسس ان العربيه دى بتتسرق على ما اركن واشترى حاجه ممكن ارجع ملقيهاش مع انها عربيه بياعه جدا وفكره صح انى اجيب حاجه كده تمشى الحال على ما تتظبط الامور
اشكرك ..تقديرى

[zangry]

ههههه من الناحية دي فانت رميتها فعلا ده اللي اشتري العربية بتاعتنا صاحبة معاه وحدة زي بتاعتك بالظبط كده وقالي شاريها بـ١٨٠ بس مصدقتوش لانه بيتاجر ده غير انه محامي كمان :D

وفي وحدة ٢٠١٢ اعلي فئة وكيل ماشية ٢٠ الف بـ٢١٠ وابو جمرة وحدة بيضا خليجي ماشية ٤٠ الف وفيها حكات بسيطة وبنفس السعر .. ووحدة تانية بتاعته برضه خليجي ٢٠١١ ماشية ٦٥ الف بـ١٩٠

قررت مجبش أوكتافيا بعد الأسعار دي :D وبدور علي بي ام مكنش هتبقي الـa7 تاني فئة ان شاء الله