استفسار بخصوص الموتور

[ibrahimsaad]

بصوا ياجماعه انا طول عمرى احب السواقه المعتدله واحب الالتزام وباحترم قواعد المرور وبالتزم بالسرعه القصوى دا مبدئيا

اضافه لذلك طرق مصر ماشاء الله تجبرنى انى التزم بالسرعه القانونيه

علاوه على ذلك مارايته بنفسى من حوادث كثيره يكون غالبا سببها السرعه والتهور وغالبا مايكونوا شباب متهور

انا بس جربت النيو صنى فى فتره التليين وجبت بيها لغايه 130 على سبيل التجربه فقط وخفت ازود عن كده بصراحه مش علشان ثبات العربيه لا لكن لانى اصلا بخاف وبترعب من السرعات العاليه

دلوقت انا كل استخدامى للعربيه داخل المدينه يعنى من البيت للشغل وبعض المشاوير البسيطه وبالتالى مفيش فرصه انى امشى على سرعات عاليه

سؤالى هل ده ممكن ياثر على الموتور لانى مش بجيبه لاخر سرعته او على الاقل لانى مش بزود عن السرعه القانونيه يعنى بالبلدى هل ده ممكن يخلى العربيه اخرها كده ولا ساعه مااحب اقفل العداد يجيب معايا

طبعا الغرض من السؤال مش انى اجيب السرعات دى وامشى بيها لا انا بس عايز اعرف على سبيل العلم بالشئ

[د.عماد صلاح]

انا راي ان العربيه لازم كل 3 او 4 شهور تجري وتقرص عليها شويه وتكون حاطط منظف رشاشات ...انا بعمل ده كل 4 اشهر ..و الحركه دي بتفوق الموتور

[abohend]

التفتيح

متقلقش مش هيأثر و لا حاجة
بس بديهيا لما تيجي تجرب تفتح بالعربية لأول مرة هتلاقي الإستجابة مش سريعة أوي لأن الكمبيوتر بيضبط العربية على نمط سواقتك

و في بعض الآراء المختلف عليها إن الجري بالعربية بينطر الكربون المترسب

راجع الموضوع ده

http://www.nilemotors.net/Nile/414287-a.html

تم طرح جميع الآراء عن فائدة التفتيح من عدمه

بس أنا عن نفسي مقتنع إنه بمجرد العودة لنمط القيادة داخل المدينة العربية هتتخنق تاني و الكربون هيرسب تاني و الكمبيوتر هيضبط على نمط السواقة داخل المدينة..يبقى لزمته ايه!!

[ibrahimsaad]

انا متشكر ليكم جدا

[svneleven]

أظن مش لازم تجيب سرعة عالية ممكن تعلي ال أر بي أم و أنت ماشي علي 60 70 يعني أقرص علي النقلات كل شوية عشان تخلي الموتور فايق.