ملاك الصنى 2014 ادخلو دافعو عن العربية بجد

[Karim tolba]

ياباشا امشى على طريق الجيش وانت تشوف حوادث الالنترا والجيلى واحد صاحبى صيدلى كان بيعدل الشماسة العجلة لحقت التراب لفت منة ومقدرش يسيطر على السيار وكان معاة اسرتة بقة تخبط شرق وترجع تخبط غرب(النترا2012)مانول اما الجيلى على مطب طارت ضرب فرامل ليست فى التلتوار ولولا ستر ربنا ثم الايرباج كان الله يرحمة الصنى نفس المطب وكنا 4 بالسيارة طارت ونزلت وضربت فرامل وقفت ولم يحدث شئ ولله الحمد والمنةوبعدين غبور لو عرض ازبل سيارة فى العالم هيبيعهااااااااا !!!!!!!!!!!!!!!!!!!!

بس تسلم انت جبت المفيد بجد


على فكرة انا مستلم العربية من معرض فى المنصورة وانا اصلا من بنها


وانا راجع على الطريق طبعا عايز اشوف العربية عايز اجرب سحبها


فتحت جبت 140 وماشى ولا فى دماغى وللاسف طريق المنصورة زى الزفت


ببص قدامى لقتنى داخل على مطب ربنا ميورك جبل مش مطب


ضربت فرامل ودى كانت اول مرة اجرب ال اى بى اس بقى


الحمد لله عرفت نعمة ال اى بى اس ساعتها انا لو كنت بالالنترا كان زمانى اتقلبت وش علشان مفهاش اى بى اس ( الالنترا الى كنت رايح بيها 2010 )


بجد عوامل الامان فى الصنى ممتازة دا كفاية ان العربية مش بتدور والباب مفتوح


هل دى تتقارن بالجيلى ههههههههههههه بجد حاجة تضحك واحد صحى معاة اسبرنزا طلع يشد مع كيا ريو


عمل حادثة ربنا ستر علية انة خرج منها لو شوفت شكل الاسبرنزل هتقول دا عاش ازاى اصلا


وبتاع الكيا ولا الهوا وكل دا بفضل ال اى بس اس

[atwa]

من شهر كنت رايح اعمل صيانة فى اوتو ايجبت وطلعت الدائرى وعند نزلة مصر القديمة زحمة رهيبة واسعاف وشرطة اكتر من نص ساعة ليقتها النترا 2014 داخلة فى التليتوار

[Karim tolba]

دا الى بنتكلم فية يا باشا لما اروح ادفع فى الالنترا 140 الف جنية وميكنش فيها اى عوامل امان لمجرد انى اقول انا راكب النترا وشكلها فاجر ومش عارف اية

عايز الى فيها عوامل امان روح ادفع 170 الف جنية بقى فى عربية هيونداى هههههههههههه

[ashrafwolf]

و الله انا كنت ناوي اعمل موضوع ريفيو بعد صيانة ال10000
المهم
اولا انا كنت سايق هيونداي اكسنت 2000 و بعدين لانوس 2000 و بعدين االنيو صني
ثانيا انا عامل بيها 6500 كم و ديه مسافه غير كافيه للحكم علي أي عربيه

المهم

نيجي للمميزات

1-عفشه ناعمه جدا جدا جدا
2-سحب ممتاز
3-صالون ضخم من جوه
4-سعر ممتاز بالنسبه للمنافسين
5-سواقه سهله و دركسيون باللمسه يجيبك شمال و يمين
6-شنطه بحر ممكن تغرق فيها
7-ارتفاع السياره مع الاحمال فوق الممتاز للشوارع المصريه
8-تكييف جيد جدا

العيوب

1-العربيه خفيفه لاقصي حد و لا تصلح للسفر علي الطرق الممتلئه بالنقل او الطرق الحارتين (زي طريق شرم)
2-استهلاك بنزين عادي جدا زيها زي ال1600
3-القايم اللي ماسك البرابريز غليظ و يحجب الرؤيه عند المنعطفات بنسبة 90% و يحجب الرؤيه بصفه عامه ب25%
4-خامات التابلوه و الابواب زباله
5-تقفيل زباله
6-موضوع الفرامل اللي باسمع عنه

[atwa]

مع العلم ان الصنى الاصول لاتقارن بالالنترا ولاالجلى لاان الاالنترا فئة اعلى تقارن بالفولونس الفولكس التيوتا الخ والجيلى صينى تقارن بالليفان الشيرى الالسبلنزا الخ وبعدين الصنى مش رخيصة يعنى بتتجمع فى مصر انما لو بتنزل من برة جاهزة هتعدى 170000 الف جنية(مستوردة بافراج جمركى)انما الحمد لله انتاج محلى

[Karim tolba]

و الله انا كنت ناوي اعمل موضوع ريفيو بعد صيانة ال10000
المهم
اولا انا كنت سايق هيونداي اكسنت 2000 و بعدين لانوس 2000 و بعدين االنيو صني
ثانيا انا عامل بيها 6500 كم و ديه مسافه غير كافيه للحكم علي أي عربيه

المهم

نيجي للمميزات

1-عفشه ناعمه جدا جدا جدا
2-سحب ممتاز
3-صالون ضخم من جوه
4-سعر ممتاز بالنسبه للمنافسين
5-سواقه سهله و دركسيون باللمسه يجيبك شمال و يمين
6-شنطه بحر ممكن تغرق فيها
7-ارتفاع السياره مع الاحمال فوق الممتاز للشوارع المصريه
8-تكييف جيد جدا

العيوب

1-العربيه خفيفه لاقصي حد و لا تصلح للسفر علي الطرق الممتلئه بالنقل او الطرق الحارتين (زي طريق شرم)
2-استهلاك بنزين عادي جدا زيها زي ال1600
3-القايم اللي ماسك البرابريز غليظ و يحجب الرؤيه عند المنعطفات بنسبة 90% و يحجب الرؤيه بصفه عامه ب25%
4-خامات التابلوه و الابواب زباله
5-تقفيل زباله
6-موضوع الفرامل اللي باسمع عنه

استهلاك بنزين عالى ! ازاى


خفيفة دا طبيعى هاتلى عربية من 2013 لحد دلوقتى مش خفيفة دا بعيدا عن الفورد والبى ام بقى حضرتك


القائم غليظ دى نقطة اعتقد ملهاش لزمة اصلا نتكلم فيها


خامات التابلوة مش ممتازة معاك بس بردو مش زبالة عايز تشوف التابلوهات الزبالة الى بجد اركب العربيات الصينى

[atwa]

سعر الصنى فى دول الخليج بتبدا من 47000 الف ريال الاى 60000 الف ريال اضرب فى2جنية وضيف الشحن + 60% جمارك + ضريبت مبيعات شوف هتعمل كام الف جنية مصرى تقريبا حوالى 190000 الف جنية حسبة بلدى وانا قاعد على المسطبة

[Karim tolba]

سعر الصنى فى دول الخليج بتبدا من 47000 الف ريال الاى 60000 الف ريال اضرب فى2جنية وضيف الشحن + 60% جمارك + ضريبت مبيعات شوف هتعمل كام الف جنية مصرى تقريبا حوالى 190000 الف جنية حسبة بلدى وانا قاعد على المسطبة

هههههههههههههه اتفرج يا عم


يا اخى دا ياريت كلة يتقفل فى مصر


ولا انى ادفع فى عربية هيونداى ولا كيا 170 ولا 180 الف جنية

[atwa]

انت عارف شكلها وحش من ورا بس لو عرضها من ورا شوية كانت تيقى خرافة وتحس انها مشلحه من ورا(تشوفها من قدام اومن الجنب بسم الله ماشاء الله تيجى تبص من ورا!!!!!!!!!!!)انما حجمها معقول بتلف فى اى شارع ضيق عادى لو النترا مش هتعرف ترجع بيها

[atwa]

انا معى سوبر صالون 2013 الشكل الجديد عاملة 30000الف كيلو بسم الله ما شاء الله بمشى بيها على طريق الجيش بسرعة 200 وعلى الطرق السريعة ما بتستهلش بنزيم5.5 الى 6.5 لتر *100كم بس خفيفة لوحدى بخاف منها انما لو معاى 2-3 بتبقى راسية ومرتاح البال ومحدش بيعدى منى غير الاسكودا!!!!!!!!!! مع العلم كان اول اختيار كان البروتون برسونا عريسة ملهاش حل بصراحة بس مشكلتها التوكيل ثانى اختيار النترا 2012 الشكل الجديد كنت مبهور من شكلهاوحجزتها ولااكن فية واحد صديقى قال لى اركبها قبل ما تشتريها فعلا اجرتها يوم ماارتحتش ليها فكرت تانى فى البروتون وحجزتها رحت عندعز العرب ما عجبنيش اسلوبة وحسسنى انى جى اشحت منة فجاة وظهرت الصنى الشكل الجديد لاان القديم ما بقبلوش خالص قلت عربية تادى الغرض والسلام

[medo-312]

انت فين ياعم كريم .. دا انا كنت حاسس انى باحارب لوحدى واتهمونى انى شغال في نيسان من كتر مادافعت عنها لدرجة انى كنت متغاظ من ملاك العربية اللي ساكتين علي الافتراء ده وسايبنى لوحدى ..!! والغربية بيقولوا ماحدش بيدافع عنها غير ملاكها .. طيب عايزين مين يدافع .. ملاك الاسكودا مثلا !!! ماهو طبيعى اللى جرب وركب هو اللى يدافع .

[ashrafwolf]

يا رجاله العربيه فيها مزايا زي مافيها عيوب (الكمال لله وحده)
الفكره ان الواحد بيدي فكره كامله للناس المقبلين علي الشراء

[Omar2017]

على فكرة مش ضد الاميجراند بالعكس انا بحبها


بس خضرتك انزل اشترى الامجراند دى بكرا الصبح كدا


وتعالة بعد بكرا بعها شوف هتخسر فيها كام


صينى يعنى تقريبا انسى اعادة البيع


ضد بردو انك تقارن النيسان الصنى بالجيلى الصينى يا جدع انت حرام عليك والله لو حطنلى فيها جنط بى بى اس حتى


اكيد يعنى النيسان الصنى احسن مش محتاجة كلام


انا بجد ضد اى عربية صينى مهما كانت


تقدر تقولى حضرتك العربيات الصينى دى مش بينزل منها اوتوماتك لية ؟ + مين مجنون ممكن ينزل يجيب عربية زيرو 2014 مش اوتوماتك

دلوقتي الصيني بيفكرني بالكوري من 20 سنة مكنش في ثقة غير الالماني و الياباني
نزلت كذا شركة كورية و محققوش اي حاجة الكيا زي الاسبيرانزا دلوقتي و الجاك زي الهيونداي
نزلت الدايو و حقتت نجاح منقطع النطير و انتشرت و الكوري خد سمعة و الجيلي امجراند هي الدايو الصيني نزلت و حققت نجاح منقطع النظير
انا المجنون اللي بشتري عربية زيرو مش اوتوماتيك 2014

[احمد فهمى]

للأسف كل العربيات اللى حضرتك وضحتها احسن من الصنى وبالفعل فيها عيوب ومن جوه وحشه جدآ حتى المتور نفسو قديم انا كان معايا الصنى القديمه وفى نظرى افضل من الجديده كانت عامله 130 الف كيلو ولم يظهر عيب واحد من بتوع الصنى الجديده باختصار عربيه التجميع المحلى طغي عليها ولا غبار على اسم نيسان عالميآ

[omaranes77]

احييك يا باشا علي دفاعك للعربية ودي حاجة حلوة علي فكرة
بس في كام نقطة كدة غريبة
اذاي abs وقف العربية
مهمتة انك تتحكم في العربية وانت دايس علي الفرامل
حضرتك شوفت حادثة الباشا الي موجودة في المنتدي
ايرباج مافتحش والعربية متخرشمة كدة ممكن تبقي عيب صناعة تمام ...
العربية اة ليها مميزات بس عيوبها كتير
مش عايزة شاب اصلا
حضراتكو بتقولو عغشة ناعمة والعربية عالية يبقي اكيد ثبات ضايع
مش معني ان النيسان مش ثابتة يبقي خلاص
كتيير من العربيات مش ثابتة
بس انا بتكلم في حتة لازم نتقبل العربية بمميزاتها وعيوبها
تحياتي ليك وللعربية المحترمة