ملاك الصنى 2014 ادخلو دافعو عن العربية بجد

[المنسي]

انت فين ياعم كريم .. دا انا كنت حاسس انى باحارب لوحدى واتهمونى انى شغال في نيسان من كتر مادافعت عنها لدرجة انى كنت متغاظ من ملاك العربية اللي ساكتين علي الافتراء ده وسايبنى لوحدى ..!! والغربية بيقولوا ماحدش بيدافع عنها غير ملاكها .. طيب عايزين مين يدافع .. ملاك الاسكودا مثلا !!! ماهو طبيعى اللى جرب وركب هو اللى يدافع .

مالهم بس ملاك سكودا هو مفيش موضوع اللا لما الاقى بتوع سكودا مذكورين فيه
على العموم زى ما الزملاء وضحو كل عربية ليها مميزات وليها عيوب
مشكلتنا دلوقتى بقت فالتقفيل المصرى اللى ضيع سمعة العربية

[Karim tolba]

هوا كل الحكاية انها بتتقفل فى مصر مش اكتر

[yasser100]

انا مش فاهم هل غرض المنتدى تبصير و توعية الناس اللى بيشتروا عربيات جديده و اخذ الاراء فى المشاكل اللى بتحصل و لا ادخال الكره للناس فى عربياتهم اللى بيملكوها ؟؟

[Karim tolba]

حاجة تقرف والله تلاقى الناس الى فى قسم متسوبيشى على طول داخلين قسم نيسان يشتمو فى الصنى ويخرجو وغيرهم كتير

حرقاهم ازاى الصنى عاملة المبيعات دى هيتجننو يعينى فكرين الناس عبيطة مثلا


نيسان صنى محققة اعلى نسبة مبيعات فى مصر اخر 6 اشهر غصب عن اى حد


كل عربية وليها مميزات وعيوب لكن بجد يا جماعة محدش يصدق كلام الناس دى اقسم بالله العظيم الصنى مفيها كمية المشاكل دى خااااااااااااالص ممكن اة تحتاج مع الوقت تغير تيل فرامل بس هل دا عيب يستحق كل التشوية دا لسمعة السيارة ؟


تدخل قسم لانسر تلاقى عربية لعبة اسمها ارتاج هههههههههه 1200 سى سى و 3 سلندر واعدين هناك يقارنوها بالصنى


الواحد بجد بيشوف الجهل دا بيزعل

[yasser100]

انا معى سوبر صالون 2013 الشكل الجديد عاملة 30000الف كيلو بسم الله ما شاء الله بمشى بيها على طريق الجيش بسرعة 200 وعلى الطرق السريعة ما بتستهلش بنزيم5.5 الى 6.5 لتر *100كم بس خفيفة لوحدى بخاف منها انما لو معاى 2-3 بتبقى راسية ومرتاح البال ومحدش بيعدى منى غير الاسكودا!!!!!!!!!! مع العلم كان اول اختيار كان البروتون برسونا عريسة ملهاش حل بصراحة بس مشكلتها التوكيل ثانى اختيار النترا 2012 الشكل الجديد كنت مبهور من شكلهاوحجزتها ولااكن فية واحد صديقى قال لى اركبها قبل ما تشتريها فعلا اجرتها يوم ماارتحتش ليها فكرت تانى فى البروتون وحجزتها رحت عندعز العرب ما عجبنيش اسلوبة وحسسنى انى جى اشحت منة فجاة وظهرت الصنى الشكل الجديد لاان القديم ما بقبلوش خالص قلت عربية تادى الغرض والسلام

ما عليش ياريت بلاش تقول سرعة 200 بالصنى لانه فيه هنا ناس يتقرا و بتجرب نفس الموضوع و العربيه فعلا مش مصممه للسرعه دى لانها سيتى كار بنسبه كبيره و مش هاتكون ثابته باى شكل من الاشكال علشان ما يبقاش عليك ذنب و ناس تمشى بها على سرعه عاليه على حسب كلامك و يحصل حاجه لاقدر الله

[ibrahimsaad]

انا من ملاك العربيه نيو صنى 2014 عامله 3500 ك

العربيه معايا زى الفل ولم يحدث معى اى مشاكل وهى ممتازه من حيث السعر والامكانيات

قد تكون مساله الشكل فيها اذواق ولكن ممكن اتغاضى عن مساله الشكل فى مقابل اشياء اخرى

ولان مفيش عربيه كامله فيها كل مايتمناه الانسان فهنا لازم كل واحد يشوف هو عايز العربيه لايه وايه المطلوب منها

علشان كده انا استقريت على نيسان صنى رغم ان كان فيه خيارات اخرى ليه انا مقتنع بيها

اولا انا استخدامى عائلى فهى مناسبه جدا لى من حيث الوسع الداخلى والشنطه

ثانيا عاليه عن الارض فهى مناسبه جدا لى لانى كنت باعانى من المطبات اللى عندنا كانت بتبهدل العربيه

ثالثا العربيه انا جربتها شخصيا لحد 140 ك ثابته وده على سبيل التجربه لكن انا اخرى هو 100- 120 بس مابحبش ازود عن كده لان الطرق بتاعتنا مش بتاعه الجرى ولان كثير من الحوادث بيكون سببها السرعه فهنا مساله الثبات بعد كده ماتهمنيش فى شئ لان هى كده ثابته معايا فى الرنج ده

رابعا العربيه عفشتها ناعمه ومريحه وعوامل الامان فيها كويسه وخصوصا ال abs

خامسا التكييف جيد مش ممتاز ومش بياثر على السحب ولو اتشحن كويس بيبقى ممتاز

طبعا التوكيل من اهم الاسباب اللى خلتنى اشترى الصنى فهو ممتاز ومنتشر فى كل انحاء مصر وناس محترمين

علشان كده انا اشتريت الصنى والحمد لله مش ندمان على القرار

نيجى بقى لموضوع الدفاع عن العربيه او مهاجمتها

كبر دماغك وريح نفسك وسيب اللى يقول يقول انا شخصيا مكبر دماغى ولم اعد اهتم بهكذا كلام

لان العربيه معايا كويسه ومستمتع بيها وكمان العربيه منتشره جدا وكل يوم بتنتشر اكثر قد يكون هناك بعض المشاكل لدى البعض وليس الكل وكلها تتركز فى خامه التيل ودى اكيد هيكون ليها حل عاجلا ام اجلا غير كده

استمتع بعربيتك وماتخليش حد ياثر عليك بكلام طالما انك مقتنع ومريحاك فلن تجد اجماع على عربيه حتى لو كانت ماركه عالميه

وعلى راى المثل على قد لحافك مد رجليك ورحم الله امرئ عرف قدر نفسه

[omaranes77]

علي فكرة الصني مش اعلي مبيعات
اعلي مبيعات
هيوانداي فيرنا .. ايمجراند

[omar101970]

اعتقد اعلى مبيعات للسنه دى هيونداى فيرنا ثم تويوتا كوروﻻ

[mohamedsalah84]

يا جماعة انا واحد من الملاك الجدد للنيسان الصنى و بصراحة مظهرش معايا اى مشاكل - الحمد لله - غير بعض عيوب التقفيل الصغيرة اللى عمرها ما تقلل من قيمة العربية و احب اقول كلمة حق انى كنت حشترى الاكسنت ار بى و قارنت برده باللاوبل كورس و البيجو 301 و حسيت ان الصنى اكترهم عملية و اريحهم و والله العظيم انا حمدت ربنا بعد ما اشترتها انى مجبتش حاجة غيرها مع ان باقى العربيات كانت اعلى منها شوية فى السعر بس الحمد لله العربية عائلية و وواسعة و مريحة و تكييفها محترم و انا حبيت اقول كلمة حق للى بيفكر يشتريها يتوكل على الله و مش حيندم إن شاء الله...

[medo-312]

مالهم بس ملاك سكودا هو مفيش موضوع اللا لما الاقى بتوع سكودا مذكورين فيه
على العموم زى ما الزملاء وضحو كل عربية ليها مميزات وليها عيوب
مشكلتنا دلوقتى بقت فالتقفيل المصرى اللى ضيع سمعة العربية

ياباشا مش قصدى والله انا باقول مثلا .. يعنى ناس بتستغرب ان ملاك الصنى بيدافعوا عنها وانا مش عارف ايه الغريب لما اكون مالك عربية وراكبها ومجربها وادافع عنها !! يعنى حضرتك لو دافعت عن الأسكودا انا شايف انه طبيعى جدا بحكم تجربتك للعربية .. ياريت تكون فهمت قصدى .. تحياتى لحضرتك وتحياتى لكل اعضاء قسم اسكودا المحترمين

[muhmdsaiyad]

انا بقولك عربية عوامل امانها صفر و الدليل http://www.nilemotors.net/Nile/425098-a.html

[Karim tolba]

انا بقولك عربية عوامل امانها صفر و الدليل http://www.nilemotors.net/nile/425098-a.html

انت مين يعنى ؟ فهمنا بس


انت ركبتها تعرفها ولا لازم نعد نفتى وخلاص


الموضوع الى انت جايبة دا لعربية عملت حادثة والايرباج مفتحش ماشى بس دى فيها حاجة مش كل العربيات كدا يعنى نصيب صاحب العربية دى انها كانت فيها عيب عادى يعنى ممكن تحصل مع اى حد


عوامل امان صفر ههههههههههههه كلمة متطلعش غير من واحد بيحب يفتى فى اى كلام وخلاص


حرام عليك دا حتى الموضوع الى انت جايبة بص على الكبينة هتلقيها زى الفل مفهاش خدش رغم شكل العربية المفزع من برا


العربية ممتازة يا جماعة وعوامل الامان بتعتها احسن حاجة فيها


والموديلات بتاعت 2014 الحمد لله مفهاش اى مشاكل

[Ahmed Saad]

انت مين يعنى ؟ فهمنا بس


انت ركبتها تعرفها ولا لازم نعد نفتى وخلاص


الموضوع الى انت جايبة دا لعربية عملت حادثة والايرباج مفتحش ماشى بس دى فيها حاجة مش كل العربيات كدا يعنى نصيب صاحب العربية دى انها كانت فيها عيب عادى يعنى ممكن تحصل مع اى حد


عوامل امان صفر ههههههههههههه كلمة متطلعش غير من واحد بيحب يفتى فى اى كلام وخلاص


حرام عليك دا حتى الموضوع الى انت جايبة بص على الكبينة هتلقيها زى الفل مفهاش خدش رغم شكل العربية المفزع من برا


العربية ممتازة يا جماعة وعوامل الامان بتعتها احسن حاجة فيها


والموديلات بتاعت 2014 الحمد لله مفهاش اى مشاكل

يا باشا ماتقفش علىالراجل للأنه هو صاحب العربيه اللي عامله حادثة والموضوع باسمه واكيد متنرفز من اللي حصل في عربيته

[المنسي]

انت مين يعنى ؟ فهمنا بس


انت ركبتها تعرفها ولا لازم نعد نفتى وخلاص


الموضوع الى انت جايبة دا لعربية عملت حادثة والايرباج مفتحش ماشى بس دى فيها حاجة مش كل العربيات كدا يعنى نصيب صاحب العربية دى انها كانت فيها عيب عادى يعنى ممكن تحصل مع اى حد


عوامل امان صفر ههههههههههههه كلمة متطلعش غير من واحد بيحب يفتى فى اى كلام وخلاص


حرام عليك دا حتى الموضوع الى انت جايبة بص على الكبينة هتلقيها زى الفل مفهاش خدش رغم شكل العربية المفزع من برا


العربية ممتازة يا جماعة وعوامل الامان بتعتها احسن حاجة فيها


والموديلات بتاعت 2014 الحمد لله مفهاش اى مشاكل

الراجل اللى سيادتك دخلت فيه شمال هو اللى عامل الحادثة بالعربية يعنى اكيد مش هيشكر فيها بدليل الصور اللى احنا شفناها فى الموضوع بتاعه
انا ابتديت احس ان فيه تجميل للعربية على حساب حاجات تانية
تقبل تحياتى

[Karim tolba]

مكنتش اعرف ان هوا الى عمل الحادثة اسف

لا حقك يا باشا انا لو مكانك اكيد هعمل كدا


بس صدقنى الى حصل معاك دا قداء وقدر وعربيتك نفسها كانت معيوبة


لاكن باقى العربيات عادى الايرباج بيفتح


حظك جية كدا بقى معلش