مشاكل غريبه فى الصنى حدثت معى

[hima1975]

انا معايا نيسان صنى 2008 اشترتها فى شهر فبراير وعامله الان 11 الف كيلو فقط القصه من البدايه
العطل الرئيسى :
اواخر 10 ايام فى رمضان
-لاحظت ساعات العربيه متستجبش لما بحاول اشغلها تستجيب من تانى مره او تالت مره
- اول يوم العيد شيكت على البطاريه فى بنزينه وقالى الراجل انها زى الفل وحكم سلوك البطاريه وقالى يمكن تكون هى السبب تهريب كهرباء
- سافرت دهب بالعربيه وقعدت ثلاث ايام ونفس العيب البسيط شغال
- وانا راجع ماشى كويس على سرعه 140 150 كم-باساعه انا شايف ان العربيه ثابته جدا على الارض بس بحس بصعوبه ان ازيد اعلى من كده لانها لاتستجيب بسرعه وكمان صوت العربيه شايفه عالى جدا ومش متناسب مع السرعه(مش هى دى المشكله )
- وقفت احط بنزين قبل النفق ب 130 كم ونشرب حاجه وبتاع وانا ماشى جيت اشغل العربيه مش راضيه تشتغل !!!!
نور التابلوه شغال اجى اشغل مفيش فايده واسمع اصوت كأنها ماس كهرباء او شورت الراجل صاحب البنزينه كان كويس جدا وحاول يساعدنا كتير بنفتح غطاء البطاريه فوجئت بأن الميه داخل البطاريه قليله جدا (مع انى مشيك عليها قبل ما اسافر)
- عملنا وصله واشتغلت العربيه الحمد لله ووصلنا لمصر الحمد لله بس الكهرباء كلها ملخبطه واذا بطلنا السيار لاتدور تانى الا بوصله
واللخبطه فى الكهرباء فعلا غريبه جدا جدا وهى عندما تشغل القلاب او النور العالى وانت ماشى تلاقى الار بى ام راح الى الزيرو ورجع فجأه الى 5 وسرعه العربيه زادت فجأه بطريقه غريبه !!!!!!!!!!!!!!!!!!
لو شغلت الانتظار ميشتغلش وتسمع صوت غريب ولو شغلت التكييف الار بى ام يروح للزيرو والكاسيت ينطفىء
تانى يوم روحت للتوكيل هما ناس متعاونين ولطاف جدا بعد اسبوع قالولى شيكنا كل حاجه الدفيره وجميع الدواير الكهرباء ملاقوش مشكله قالولى العيب من البطاريه !!!! بعد مجادله غيروا البطاريه ولاقيت كل حاجه منتظمه (والسياره ثابته لسه مجربتش وهى ماشيه)
بس هل كل ده يمكن يكون بسبب البطاريه فى الاوتوماتيك -- معلش انا معنديش خبره فى الاتوماتك
بعض الاعطال الغير رئيسيه حدثت مثل
- الرموت لا يعمل لمده شهر ونصف وفجأه اشتغل لوحده ----وحل الموضوع ده لو حدث معك افتح الكبوت افتح صندوق الفيوزات اغلع الفيوز الخاص بالريموت وضعه تانى بعد ثانيتين ( ده حسب كلام بتوع الصيانه فى التوكيل) انا لسه مجربتش الكلام ده
- السنتر لوك فيه مشكله بعض الابواب لا تفتح مع السنتر لوك ولسه هصلحها فى التوكيل
- بعيد عن سياراتى مع قريبى نفس العربيه وعامله 1500 كيلوا بلاحظ وانا اسخن العربيه امبارح صوت العربيه بيتغير مع تشغيل الانوار وخاصه مع تشغيل النور العالى والموضوع ده فى سياراتى ايضا

[WalidAdel]

اولاً قدر الله و ماشاء فعل
و الله يكون في العون
حوار البطاريه ده طالما اتصلح يبقي كويس بس اهم حاجه تتاكد انه اتصلح و كان في ناس هنا في المنتدي حصلهم مشاكل في العربيه السوبر صالون و وصلو انهم غيروا الدفيره بتاعت العربيه في التوكيل
و من بعدها الدنيا رجعت كويسه زي الاول

بس زي ماقولت لحضرتك تاكد العيب دا مش حيرجع تاني يعني حاول تطلع بالعربيه في طريفق سفر و جربها و كده
بالنسبه لموضوع ان صوت الموتور بيغير هو مش بيغير بالمعني الواضح هو بيعلي شويه و دا العادي
لما العربيه تسخن كويس العدد بينزل عند الشرطه اللي بعد الصفر علطول و بعدين لما مثلا تولع نور التابلوه و النور الوسط تلاقي العداد رفع
دا عادي
و بعدين استني بردوا راي باقي الاعضاء و الاهم راي الاستاذ سبعاوي حيقدر يفيدك ان شاء الله

[pharonicking]

المصرى مصرى

:k20:هو دة التقفيل المصرى يا باشا"""" :err:

[hima1975]

اولاً قدر الله و ماشاء فعل
و الله يكون في العون
حوار البطاريه ده طالما اتصلح يبقي كويس بس اهم حاجه تتاكد انه اتصلح و كان في ناس هنا في المنتدي حصلهم مشاكل في العربيه السوبر صالون و وصلو انهم غيروا الدفيره بتاعت العربيه في التوكيل
و من بعدها الدنيا رجعت كويسه زي الاول

بس زي ماقولت لحضرتك تاكد العيب دا مش حيرجع تاني يعني حاول تطلع بالعربيه في طريفق سفر و جربها و كده
بالنسبه لموضوع ان صوت الموتور بيغير هو مش بيغير بالمعني الواضح هو بيعلي شويه و دا العادي
لما العربيه تسخن كويس العدد بينزل عند الشرطه اللي بعد الصفر علطول و بعدين لما مثلا تولع نور التابلوه و النور الوسط تلاقي العداد رفع
دا عادي
و بعدين استني بردوا راي باقي الاعضاء و الاهم راي الاستاذ سبعاوي حيقدر يفيدك ان شاء الله

تمام وليد انا هاحاول اخدها واطلع بيها اسكندريه علشان اجربها بس هل المنطقى لما البطاريه يبقى فيها عيب يعمل كده فى العربيه ؟!!! يا ريت الاخ سبعاوى يفيدنا فى الموضوع ده
شكرا على ردك

[aratux]

الكهرباء لو فيها مشكلة حال العربية بيتقلب

[sab3aawy]

انا من قبل ما اقرأ ان بتوع التوكيل قالولك انها البطارية كنت هقوللك غير البطارية قبل اى حاجة
العربيات الحديثة تختلف بشكل كلى وجزئى عن العربيات القديمة اللى ممكن تدورها وتاخد البطارية وتمشى والعربية تفضل شغالة، العربية كلها حساسات كهربائية تناظرية analogue

يعنى ايه حساسات تناظرية، يعنى حساسات بتطلع اما تيار كهربى او مقاومة كهربية او فولت يتناسب اي منهم فى شدته مع الظاهرة المراد قياسها ، امثلة : حساس ال تى بى اس عبارة عن مقاومة متغيرة بتتغير مقدار ضغطك لدواسة البنزين، حساس الإيرماس عبارة عن حساس بيولد مللى فولت بيتناسب طرديا مع كمية الهواء الداخلة للمانيفولد، حساس الأكسيجين عبارة عن حساس يولد مللى فولت يتناسب مع نسبة اكسجين غاز العادم وهكذا، كل الحساسات دى بتشتغل بالكهرباء المولدة من الدينامو والمخزونة فى البطارية، والتى تكون مقننه الكترونيا فى حدود معينة من الجهد وشدة التيار لاتتجاوزها حتى تتناسب مع احتياجات الحساسات، فلو حصل ان البطارية هيست لأى سبب فاللى بيحصل انها بتحط احمال غير محسوبة على الدينامو تضعف المحصله اللى داخلة لمكونات العربية وبالتالى هذة المكونات ممكن تطلع قراءات خاطئة تخلى الكونترول بتاع العربية يهيس، او القراغءات تخرج عن الطبيعى تماما فتخلى الكونترول يقطع البنزين والموتور يبطل ، ده غير انها ممكن تلخبط مواعيد الغيارات فى الاوتوماتيك وحاجات كتير تانية

اما بالنسبة لاختلاف صوت المحرك عند تشغيل النور العالى، فده طبيعى لان النور العالى بيحط حمل على الديانمو اللى بدوره بيحط حمل على المحرك اللى بدوره بيعبر عن احساسه بالحمل من خلال ارتفاع صوته، ده شئ طبيعى جدا، انت لو اشتغلت فى مكان فيه مولدات كهربائية بتلاقى ان المولد (موتور جاز ضخم) لما بيدور فى اللحظات الاولى قبل رفع سكينة الكهرباء وتحميله باحمال كهربائية بيكون صوته عادى جدا، وبعدين لحظة رفع السكينة وتحميل المولد ، المولد بيصرخ كأنه بيتلوى فى اعماق الجحيم ، برغم ان سرعته لا زادت ولا نقصت لان مولدات الكهرباء لازم يكون فيها مثبت سرعة علشان بحافظ على تردد الكهرباء اللى طالعة منها

بالنسبة لسرعة ال 150 فخد بالك ان دى مرتبطة بحاجات كتير جدا، العربية فاضية وللا محملة، الهواء معاك وللا فى ضهرك، الطريق مطلع وللا منزل، حالة البوجيات وفلتر الهواء ، حالة الرشاشات ، الخ ، كمان الموتور لا يصل لسرعته القصوى قبل 5000 كيلومتر استعمال، كما انه لا يصل لسرعنه القصوى من اول مرة قرص عليه، لابد من عدة مشاوير سفر حتى يصل المحرك لسرعة ال175، ومتحاولش تحصل على اكتر من 175 مع الصنى الأوتوماتيك لأن دى السرعة القصوى المقننة بتاعتها فى الكتالوج، هى ممكن تتجاوزها لو الظروف فى صالحك(رياح، السيارة غير محملة، طريق هابط)لكن لا داعى لتجاوزها باى شكل حفاظا على سيارتك

[hima1975]

انا من قبل ما اقرأ ان بتوع التوكيل قالولك انها البطارية كنت هقوللك غير البطارية قبل اى حاجة
العربيات الحديثة تختلف بشكل كلى وجزئى عن العربيات القديمة اللى ممكن تدورها وتاخد البطارية وتمشى والعربية تفضل شغالة، العربية كلها حساسات كهربائية تناظرية analogue

يعنى ايه حساسات تناظرية، يعنى حساسات بتطلع اما تيار كهربى او مقاومة كهربية او فولت يتناسب اي منهم فى شدته مع الظاهرة المراد قياسها ، امثلة : حساس ال تى بى اس عبارة عن مقاومة متغيرة بتتغير مقدار ضغطك لدواسة البنزين، حساس الإيرماس عبارة عن حساس بيولد مللى فولت بيتناسب طرديا مع كمية الهواء الداخلة للمانيفولد، حساس الأكسيجين عبارة عن حساس يولد مللى فولت يتناسب مع نسبة اكسجين غاز العادم وهكذا، كل الحساسات دى بتشتغل بالكهرباء المولدة من الدينامو والمخزونة فى البطارية، والتى تكون مقننه الكترونيا فى حدود معينة من الجهد وشدة التيار لاتتجاوزها حتى تتناسب مع احتياجات الحساسات، فلو حصل ان البطارية هيست لأى سبب فاللى بيحصل انها بتحط احمال غير محسوبة على الدينامو تضعف المحصله اللى داخلة لمكونات العربية وبالتالى هذة المكونات ممكن تطلع قراءات خاطئة تخلى الكونترول بتاع العربية يهيس، او القراغءات تخرج عن الطبيعى تماما فتخلى الكونترول يقطع البنزين والموتور يبطل ، ده غير انها ممكن تلخبط مواعيد الغيارات فى الاوتوماتيك وحاجات كتير تانية

اما بالنسبة لاختلاف صوت المحرك عند تشغيل النور العالى، فده طبيعى لان النور العالى بيحط حمل على الديانمو اللى بدوره بيحط حمل على المحرك اللى بدوره بيعبر عن احساسه بالحمل من خلال ارتفاع صوته، ده شئ طبيعى جدا، انت لو اشتغلت فى مكان فيه مولدات كهربائية بتلاقى ان المولد (موتور جاز ضخم) لما بيدور فى اللحظات الاولى قبل رفع سكينة الكهرباء وتحميله باحمال كهربائية بيكون صوته عادى جدا، وبعدين لحظة رفع السكينة وتحميل المولد ، المولد بيصرخ كأنه بيتلوى فى اعماق الجحيم ، برغم ان سرعته لا زادت ولا نقصت لان مولدات الكهرباء لازم يكون فيها مثبت سرعة علشان بحافظ على تردد الكهرباء اللى طالعة منها

بالنسبة لسرعة ال 150 فخد بالك ان دى مرتبطة بحاجات كتير جدا، العربية فاضية وللا محملة، الهواء معاك وللا فى ضهرك، الطريق مطلع وللا منزل، حالة البوجيات وفلتر الهواء ، حالة الرشاشات ، الخ ، كمان الموتور لا يصل لسرعته القصوى قبل 5000 كيلومتر استعمال، كما انه لا يصل لسرعنه القصوى من اول مرة قرص عليه، لابد من عدة مشاوير سفر حتى يصل المحرك لسرعة ال175، ومتحاولش تحصل على اكتر من 175 مع الصنى الأوتوماتيك لأن دى السرعة القصوى المقننة بتاعتها فى الكتالوج، هى ممكن تتجاوزها لو الظروف فى صالحك(رياح، السيارة غير محملة، طريق هابط)لكن لا داعى لتجاوزها باى شكل حفاظا على سيارتك

كلام منطقى جدا شكرا سبعاوى باشا افادكم الله
سؤال تانى بالمره اخبار التكييف؟؟ التكييف عندى بيبرد ضعيف بالنهار لما تكون الدنيا حر لدرجه الناس الى ورا يفضلوا يفتحوا الزجاج عن تشغيل التكييف وبيشتغل كويس جدا بليل الكلام ده بعد ما وديته التوكيل مرتين واتحسن شويه والى بقولهولك ده النتيجه النهائيه
فى ناس بيقولوا تكييف النيسان المصرى كده وفى ناس بيقولوا تكيفهم زى الفل

[mrbond88]

انا الكلام ده حصل معايا في العربية ال byd flyer وفي الاخر العيب طلع في كتاوت الدينامو

http://www.nilemotors.net/Nile/showthread.php?t=42196

وانا كنت عامل موضوع عن اللي حصل معايا ,غير اني غيرت بطارية
واحتمال يكون في وجه شبه بين العيب اللي عندك واللي حصل عندي

[EslaM_NagY]

[quote=sab3aawy;464452]

اما بالنسبة لاختلاف صوت المحرك عند تشغيل النور العالى، فده طبيعى لان النور العالى بيحط حمل على الديانمو اللى بدوره بيحط حمل على المحرك اللى بدوره بيعبر عن احساسه بالحمل من خلال ارتفاع صوته، ده شئ طبيعى جدا


طب ممكن بس استفسار صغير يا بشمهندس سبعاوى ؟؟

انا لاحظت فى عربية صديقى نيسان صنى ان لما بشغل النور فعلا صوت الموتور بيختلف وعداد الار بى ام بيقل.

ولم الاحظها بتاتا فى اى عربية هيونداى.

ممكن التفسير ؟؟؟؟؟؟؟؟

[mohamedkikiyoyo]

انت معندكش فكره عن الكهرباء هذا كل مافي الأمر

[ahmad--ezzat]

انا معايا صنى 2008 زى الفل مفيهاش حاجة
روح التوكيل واعملهم بالو هناك وخد حقك انت فى الضمان لسا (بالنسبة لموضوع صوت المحرك العالى دة طبيعى عند ال 12 وال 140 بس بعد كدة الصوت بيهدى جامد والعربية بيوطى صوتها على الاخر )

[pharonicking]

انا اول مرة اسمع ان لما اشغل النور العالى الr p m يعلى ؟؟؟
يعنى معنى كدة ان لما اشغل الكاسيت والتكييف والنور واى حاجة بتنور الrpm حيطيير """
بقى دة كلام برده؟؟؟
على فكرة ضفيرة الكهربا فى النيسان صنى المصرى يتم تصنيعها فى بلد العجايب""
فلازم يحصل كدة""

[yahyanaabil]

انا اول مرة اسمع ان لما اشغل النور العالى الr p m يعلى ؟؟؟
يعنى معنى كدة ان لما اشغل الكاسيت والتكييف والنور واى حاجة بتنور الrpm حيطيير """
""

حضرتك اى تغيير فى الاحمال على موتور العربيه بيأثر على الRPM اللى بيتم تظبيطها بعد كده من خلال ECU

[Ahmed Hassan]

انا اول مرة اسمع ان لما اشغل النور العالى الr p m يعلى ؟؟؟
يعنى معنى كدة ان لما اشغل الكاسيت والتكييف والنور واى حاجة بتنور الrpm حيطيير """
بقى دة كلام برده؟؟؟
على فكرة ضفيرة الكهربا فى النيسان صنى المصرى يتم تصنيعها فى بلد العجايب""
فلازم يحصل كدة""

كل العربيات كده... و اوضح مثال هوه عند تشغيل التكييف. الموضوع ملوش علاقه بالضفيره المصري

[pharonicking]

اللى عنده دليل علمى ياريت يجيبه على الكلام دة" ومش كل العربيات بيحصل فيها كدة"
ممكن التكييف يعلى الrpm عشان بياخد من عزم الموتور بس النور حيعلى الrpm ازاى؟
عايزين دليل علمى ""