مشاكل غريبه فى الصنى حدثت معى

[yahyanaabil]

اللى عنده دليل علمى ياريت يجيبه على الكلام دة" ومش كل العربيات بيحصل فيها كدة"
ممكن التكييف يعلى الrpm عشان بياخد من عزم الموتور بس النور حيعلى الrpm ازاى؟
عايزين دليل علمى ""

حضرتك اى مولد كهربا لما تزود الاحمال عليه(النور العالى) سرعته بتقل لانه بيبقى محتاج عزم اعلى عشان يدوره ويطلع الباور المطلوبه منه وده بيأثر على ال rpm بتاع الموتور

[EslaM_NagY]

حضرتك اى تغيير فى الاحمال على موتور العربيه بيأثر على الRPM اللى بيتم تظبيطها بعد كده من خلال ECU

مع خالص احترامى :k10:

انا راكب فيرنا ومبيحصلش الكلام دا خااااالص حتى مع تشغيل التكيف كمان

[tmedhat]

البطارية مية فى المية هى السبب
بس نقص مية البطارية معناة ان الدينامو بيشحن زيادة و دة حيحرق البطارية الجدية
الجديدة

خد بالك من موضوع المية دى لو نقص بعد مشوار طويل يبقى الدينامو بيشحن زيادة و دة غلط لازم يتصلح

[Emadsamy]

أنا معايا صنى زيرو من إسبوعين بس. و لما بنور النور ال Rpm مش بيعلا ولا حاجه حتى مع تحريك الدركسيون فى الركن بيفضل الrpm ثابت برضه مع العلم بإنه فى اللانسر بيزيد علشان حمل الباور
و شكرا

[bmya]

الاخوه اللي بيقولو ان ده مش بيحصل ممكن يكون عندكم حاجه غلط
لكن معروف انك لما تشغل التكييف لازم الموتور يعلي شويه وتبان اوي لو انت ممور العربيه وواقف
انا كان معايا لانسر 99 اتوماتيك كنت لما اشغل التييف العربيه توطي وتترج وتبقي ضعيفه اوي روحت للكهربائي لقيت ان فيشه الاتوماتيك مفصوله ودي الفيشه اللي لما تشغل التكييف اتوماتيك كده هي بتعلي العربيه وعلي فكره نص العربيات اللانسر الموديل ده بتبقي الفيشه دي مش شغاله ومحدش واخد باله
انا معايا حاليا سيريون اتوماتيك وبرده لما بشغل التكييف لازم الrpm يعلي
بالاضافه اللي طبعا ان النور العالي بياثر علي لفات الrpm
والصني اللي معايا نفس النظام

[WalidAdel]

موضوع ال Rpm اللي بيعلي ده مش في كل العربيات انا كنت راكب لانوس و مكنش في حاجه بتحصل لما ادور التكييف او اولع النور و لا حتي البي ام كان معاياع واحد 525 موديل 84 و مكنش الموضوع ده بيحصل بردوا عادي يعني اللانسر 99 و 2002 و البومه لازم يعلي لما تشغل التكييف في الصني بيعلي بردوا انا معياي 2007 اي اكس صالون
انا اقصد ان كل عربيه علي حسب ال Ecu و كده

[ahmad--ezzat]

انا عندى النوبيرا
لا بيعلى ولا اى حاجة

[wave]

مع الأعتزار للأخوه موضوع الأربى أم يعلى مع النور ده معناه ان فى مشكله فى الكهربا بتاعت العربيه او بمعنى اصح فى مشكله فى الضفيره فعلا
بمعنا ان فى حمل من شورت معين فى الأسلاك يترتب عليه محاوله من المحرك والدنمو تعويضها وقد حدث هذا معى فى سيارتى وكانت هيونداى
والمشكله فى الضفيره وللعلم من الأعراض نقص فى مياه البطاريه وفى بعض الأحيان زيادة حرارة المحرك خاصتا فى الليل عن النهار مع ان المفروض العكس و المصيبه ان مع اهمال هذه المشكله يبدا الدنمو فى السقوط الكتاوت الداخليه فى الدنمو ثم البوبينا الداخليه

لو هذا الكلام مضبوط هذه مصيبه فى سياره جديده ويبقى عيب خطير

[midarwish]

انا اسمي محمد درويش وانا بشتغل مهندس ميكانيكا و عايز اعرف رقم موبايل البشمهندس سبعاوى الجامد جدا......

و انا عندي نيسان صني 2007
و انا عندي سؤال،هل يوجد اي مؤشر يشير ان شنطة السيارة مفتوحة؟ اصل انا مرة مشيت مشوار بالعربية و بعد ما وصلت اكتشفت ان انا كنت ناسى الشنطة مفتوحة و بعدين فكرت ،قات ازاى العربية مايكونشي فيها اي حاجة تبين ان انا ناسي شنطة العربية مفتوحة طبعا غير اللمبة الي موجودة جوه شنطة العربية ،هل كل النيسان صني الموديل ده كده ولا انا عندي حاجه مش مضبوطة؟؟؟

[islamabady1980]

متابع