قولوا هندى قولوا صينى برضه النيو صنى مكسرة الدنيا فى المبيعات

[Mohamedjetta]

كل الكلام اللى حضرتك قولته صح فعلا أحنا في المنتدى عايزين العربية السوبر بتمن مش سوبر
اللى أنا كنت أقصده أن العربية مكسرة الدنيا في المبيعات مش بس في أسكندرية لأ ده في بورسعيد و في مصر كلها و كل اللى تسأله عليها يقوللك صفقة رابحة عربية ياباني و بالسعر ده و بالكماليات دى حتى لما تيجى تقو له ياعم الحاج دى مش ياباني يقوللك أمال شعار نيسان ده أيه و نيسان دى شركة أيه مش ياباني برضه و الخبراء اليابانيون اللى جايبهم شركة نيسان أيجيبت دول أيه طيب ما هو صح هنا تسكت و ما تقدرش تتكلم كلامه مقنع و حجته قوية طيب تعالى نتخيل الوضع حيبقى عامل أزاى لو شركة نيسان أيجيبت قالت للناس الحقيقة أن العربية دى هندى صيني بأشراف ياباني و الموتور مصمم في اليابان و مصنوع في الهند أو الصين ومجمعة بأيد مصرية و نشوف حجم المبيعات حيبقى عامل أزاى و الله لأو المبيعات أستمرت كما هي يبقى الناس اللى حتشتريها فاهمة كويس جدا و عارفة و كده تبقى العربية كويسة جدا جدا و يبقى الكلام اللى في المنتدى كلام فشنك أنا عن تجربة قيادة العربية كويسة ماعدا حاجتين الثبات و الشاسيه الضعيف غير كده فالسيارة كلها مميزات و عربية فعلا تحفة
بس السوبر صالون اما ال ex فهى ليست مثل السوبر صالون في أي شيء المهم أن العربية دى أرزاق ربنا يبارك في اللى عنده ويحفظهاله واللى حيشتريها ربنا يوفقه ليها و تكون قدم خير و سعد عليه أن شاء الله

كل كلامك صح و ع فكره العربيه دي اتظلمت اوي
و لو بصينا ع العيوب هنلاقي ان الاوكتافيا الفئه الاولي بسعر 193 الف وعيوبها هبده في العربيه من ورا و صوت دخول هوا من الشباك يعني كأنك فاتح الشباك و عفشه تورشم بيم بس امانه العفشه حلوه بس مش زي الملتي لينك اللي كانت في الفانتزيا
اما عيوب الصني بالنسبه لكبوت فتعالي نشوف الاوبترا الشكل القديم لازم تلاقي الكبوت من قدام متني سنه والعيب الثبات بتاع الصني فده حل سهل لو ركبت جنوط 15 او 16
في الاخر ربنا يبارلك كل اللي معاه العربيه واللي هيفكر يجبها

[ibrahimsaad]

كل كلامك صح و ع فكره العربيه دي اتظلمت اوي
و لو بصينا ع العيوب هنلاقي ان الاوكتافيا الفئه الاولي بسعر 193 الف وعيوبها هبده في العربيه من ورا و صوت دخول هوا من الشباك يعني كأنك فاتح الشباك و عفشه تورشم بيم بس امانه العفشه حلوه بس مش زي الملتي لينك اللي كانت في الفانتزيا
اما عيوب الصني بالنسبه لكبوت فتعالي نشوف الاوبترا الشكل القديم لازم تلاقي الكبوت من قدام متني سنه والعيب الثبات بتاع الصني فده حل سهل لو ركبت جنوط 15 او 16
في الاخر ربنا يبارلك كل اللي معاه العربيه واللي هيفكر يجبها

بصراحه اول مره اشوف حد بيكتب كلام كويس وينتقد بعقلانيه

وفعلا مفيش عربيه كامله بسعر رخيص ولو كل واحد عرف مميزات وعيوب عربيه هيعرف يتعامل معاها كويس

وربنا يسترها معانا كلنا

[ahmed1981]

كويسة على قد فلوسها
ومكتسحة المبيعات
فيها اجزاء هندي فعلاً
الفانوس إتكسر
اللي طلع منها هندي والجديد اللي ركبته هندي

قارن سعرها بسعر الفيرنا الأوتوماتيك تعرف هيا ليه مكتسحة

تجربتي ليها لا تتعدى 300 كيلو من الزيرو بالمكيف وطريق سفر
تكييفها تلاجه فعلاً
صوتها عالي شوية
بس أنا عارف إني مش راكب كورولا

بتتقارن بالأكسنت والريو مقارنة شرسه
وأظن إنهم يغلبوها لو بنفس سعرها
لكن هي أرخص منهم

يمكن بعد مدة وكيلوات كثير أغير رأيي أو مغيروش

اللوجان الجديدة لو نزلت أوتو
والدركسيون بتاعها التقيل بغباء يخف شوية هي اللي هتكتسح

لأن تقفيلها المغربي أنضف من تقفيل الصني المصري كثير

بس يبدو إنه إتفاق بين حيتان السوق وعيش وملح وكله متقسم إنت النهاردة وأنا بكره

ـ

[Mohamedjetta]

بصراحه اول مره اشوف حد بيكتب كلام كويس وينتقد بعقلانيه

وفعلا مفيش عربيه كامله بسعر رخيص ولو كل واحد عرف مميزات وعيوب عربيه هيعرف يتعامل معاها كويس

وربنا يسترها معانا كلنا

شكرا حضرتك
ولله انا من يومين اشتركت في جروب في الفيس بوك بدون ذكر اسم الجروب لاسف هناك منتقدين اي عربيه كوري او ياباني حتي لو كانت كويسه ونازلين ضرب عليهم ولاسف اللي بيعملو البوستات مش فاهمين حاجه ومعندهمش عربيات اصلا واللي بيعلقو مش فاهمين حاجه
من ضمنهم واحد بيقولك انا مش عارف مين عنده كيا ريو والفرامل هربت منه...... هههههههههههه طبعا هما مش لاقين حاجه علي العربيه لانها مفهاش عيوب فبيطلعو اي عيب وخلاص ( فتي )
السيراتو منتقدنها لانها مفهاش عيوب واحسن من عربيات الماني فيها عيوب تكره الواحد في العربيه
الكورولا عشان نجحت عمالين يقولك عربيه معفنه وخساره فيها 200 الف
وكل اللي بيعلق يقولك سيات ابيزا 2014 احسن حاجه والناس سايبه الابيزا ورايحين يجيبو الكيا السيراتو اللي تعتبر نفس التمن دي ناس مبتفهمش ... هو طبعا معرفش حاجه عن الابيزا 2014 هي عباره عربيه ثباتها ممكن يكون زي السيراتو او احسن سنه بسيطه صغيره اوي و الابيزا اصلا عربيه صغيره شبابيه مش عائليه و عيبها الفتيس dsg اللي عامل شبه البطيخه مع ناس كويس ( انا واحد منهم) و مع ناس بيبوظ
لاسف العربيات الناجحه في مصر بقت بتتشوه بأي شتي الطرق
تحياتي ليك حضرتك

[ibrahimsaad]

اكثلا 10 سيارات مبيعا فى 2014

https://www.facebook.com/photo.php?fbid=10152370939568244&set=gm.751926814879658&type=1

[A_H_M_A_D]

يا جماعه خلينا نتفق على ان اهم حاجه بتحدد اقبال الناس على شرا عربيه معينه هو سعرها

يعني مثلا السوزوكي ماروتي ، كل الناس عارفه كويس قوي انها صناعه هندي ١٠٠٪ وعمرها ما عتبت جزيرة اليابان كلها ، ومع ذلك محققه مبيعات عاليه جدا في رينج العربيات الصغيره ، ليه؟ مش عشان عليها علامة سوزوكي ولا عشان حد بيقول عليها ياباني ، لأ ، عشان هي ارخص عربيه ليها اربع عجلات بتتباع في مصر

و بالمثل الصني ، حتى لو هي مفيهاش من ريحة اليابان اي حاجه ، فرضا يعني ، ولكن سعرها بالمقارنة ببقية العربيات في السوق هايخليها تحقق مبيعات ضخمه جدا عشان نظرية القيمه كإمكانيات وشكل مناسب بالنسبة الى السعر

[wael30003]

سؤال الى الاستاذة اللى استفاضوا فى النقا ش
.....انا فرأت كل كلمة وردها .....وعايز رأى حضراتكم .....مع الاسباب لو تفضلتم

انا هنا فى الرياض السعودية

وبقارن بين سيارتين اكسنت ام صنى

مع العلم انى كنت فى مصر معايا لوجان 2012 وبعتها قبل ما اسافر

ودلوقتى بقارن بين صنى واكسنت اوتوماتيك

الصنى اللى عاجبنى فيها وسع الصالون والاكسنت اللى عاجبنى فيها كلها ما عدا وسع الصالون

بصراحة اللوجان اللى يركبها ويشوف وسع صالونها ما يقدرش او صعب اوى ينزل عن الوسع بتاع صالونها

لكن اللوجان فيها عيوب برده لا داعى لذكرها الان حقنا للدماء اللى اسيلت فى المداخلات السابقة

المهم خلينا فى موضوعنا

طبعا ضعف الشاسيه ده فرق معايا كتير فى اخذ القرار .....بالاضافة الى الثبات لكن الثبات له حل وهو تغيير الجنوط

وانا كنت قررت انى اشترى خلاص بنسبة 95 بالمائة النيسان صنى

لكن ضعف الشاسيه انا باعتبره عيب خطير خاصة فى حالة الحوادث الكبيرة لا قدر الله ....وخاصة انها ما دخلتش اختبار npc

كنت محتار بين الاكسنت وعيبها الوحيد بالنسبة لى ضيق الصالون ....والصنى الجديدة عيبها الوحيد بالنسبة لى ضعف الشاسيه

افيدونى افادكم الله

وجزاكم الله خير مقدما

[adel_edrees]

سؤال الى الاستاذة اللى استفاضوا فى النقا ش
.....انا فرأت كل كلمة وردها .....وعايز رأى حضراتكم .....مع الاسباب لو تفضلتم

انا هنا فى الرياض السعودية

وبقارن بين سيارتين اكسنت ام صنى

مع العلم انى كنت فى مصر معايا لوجان 2012 وبعتها قبل ما اسافر

ودلوقتى بقارن بين صنى واكسنت اوتوماتيك

الصنى اللى عاجبنى فيها وسع الصالون والاكسنت اللى عاجبنى فيها كلها ما عدا وسع الصالون

بصراحة اللوجان اللى يركبها ويشوف وسع صالونها ما يقدرش او صعب اوى ينزل عن الوسع بتاع صالونها

لكن اللوجان فيها عيوب برده لا داعى لذكرها الان حقنا للدماء اللى اسيلت فى المداخلات السابقة

المهم خلينا فى موضوعنا

طبعا ضعف الشاسيه ده فرق معايا كتير فى اخذ القرار .....بالاضافة الى الثبات لكن الثبات له حل وهو تغيير الجنوط

وانا كنت قررت انى اشترى خلاص بنسبة 95 بالمائة النيسان صنى

لكن ضعف الشاسيه انا باعتبره عيب خطير خاصة فى حالة الحوادث الكبيرة لا قدر الله ....وخاصة انها ما دخلتش اختبار npc

كنت محتار بين الاكسنت وعيبها الوحيد بالنسبة لى ضيق الصالون ....والصنى الجديدة عيبها الوحيد بالنسبة لى ضعف الشاسيه

افيدونى افادكم الله

وجزاكم الله خير مقدما

عموما تأكد تماما أننك لو جبيت الصنى فده رزقك لو أنا قلت العربية دى مصنوعة من الورق و عربية سيئة و أنت لك نصيب فيها حتشتريها أنت جبت من الأخر الصنى الشاسيه مش الصاح الخارجي اللى أحنا بنتكلم عنه الصاج الخارجي معقول مش سئ و لنا في الهيونداى أكسل مثل على ذلك لكن المشكلة الأساسية هي ضعف أساسيات العربية و ده عن تجربة شخصية لو أنت الموضوع ده في السعودية و في النموذج اللى بينزل في السعودية كان نفس المشكلة يبقى أبعد بعيد عنها تماما و برضه المشكلة مش في الحوادث الكبيرة لأن الحوادث الكبيرة تتساوى معظم العربيات في هذه الفئة لكن المشكلة واحد خبطك من الجنب عادى و ارد تروح للسمكرى يقوللك حنرد لك الخبطة اللى فى الرفرف اللى أدام على البارد معنى كده أنها خبطة صغيرة و أستحالة بجميع الأحوال أنه يقوللك أخخخخخخخخخ بس ياباشا الخبطة الصغنتتة دى تنت فردة الشاسيه أدام تضرب كف على كف و تقول معقولة معقولة ده عن تجربة شخصية و الحوار ده منقول من قصة واقعية
هي عربية كويسة و غزيرة الكماليات لكن في النهاية ليست يابانية و لا التصميم بتاعها طلع من نيسان اليابانية الموتور تم تصميمه في اليابان و التصنيع في الصين قطع الغيار الأصلية مش يابانية و لا صينية بل هندية و ده في حد ذاته مش عيب لكن في ناس بسطاء كتير عايز يركب عربية فاكر أنها ياباني و ما سمعش أن العربية دى هندى أو عرف قصتها و بالتالى أشتروها على أنها ياباني و عموما الهند جامدة جدا في العربيات و هي تعتبر ضمن الكبار في صناعة السيارات و العربية مغرقة مصر و هي صاحبة أكبر المبيعات في السيارات الأن في مصر و العربية كميكانيكا وفتيس و كماليات حلوة وما فيهاش مشاكل على الأطلاق بخلاف تيل الفرامل و أنها بتبدى ما تبقاش مسيطر على العربية بعد 120 كيلو لو أنت سواق عاقل العربية تحفة بسعرها ده و بكمالياتها الغزيرة دى لكن لو واحدة ست أو شاب أرعن العربية مش حتقعد في أيديهم أكتر من سنة
حضرتك ذكرت اللوجان اللوجان مش رينو اللوجان داتشيا مواتيرها بالكامل من رينو عربية برضه معكوكة يعنى المواتير فرنساوى و الشاسيه رومانى والعربية متجمعة في المغرب و العربية سمعتها في مصر منيلة بستين نيلة من أيام الرينو 9 و الرينو فويجو اللى كانت عندى و الرينو 18 و الرينو 5 و مكنش حد كتير من الصنايعية بيفهموا فيها العربية كأى عربية فى هذه الفئة لها عيوب و ليها مميزات لكن ماحدش في مصر من اللى أشتراها ألا و عارف أنها مغربى و أنها تتبع داتشيا الرومانية و حتى أكون منصف بصفتى أن أنا عندى العربيتين النيسان أحلى كركوبة و مشى و لو لأنك بتخاف جدا من كل حد يقرب لك بتبقى عايز تمسك مضرب دبان و أي حد ييجى جنبها تنشه بالمضرب و انت ماشى
أنا راى الأكسنت أحسن و أعلى قيمة سعرية لو حبيت تنزل بيها مصر و السلام ختام