لكل من يهاجم بدون تفكير

[Karim tolba]

الموضوع دا عالعادة للتجار والسماسرة الى من مصلحتهم تشوية صورة الصنى الجديدة

ودا لية ؟


علشان من مصلحتهم فشل السيارة بسبب ان الموديل القديم هوا دا الى شغالين علية


ونجاح الموديل الجديد ضد مصلحتهم وضد مصلحة الموديل القديم


بس عادى هيا دى مصر يا نعد نفتى زى ما بنلاقى اعضاء عمرهم ما ركبو العربية اخرهم شافوها وهيا ماشية فى الشارع


وتلاقية مثلا داخل يتكلم على عافشة العربية !! هههههههه شعب بيحب يفتى مش بيتغطى كويس وهوا نايم بليل


يا تلاقى واحد تاجر يعد يقولك لا لا ابعد عنها دى فيها وفيها وفيها


وكل دا علشان يعرف يبعلك الشكل القديم الى عندة امال اية ! هيحنطة :D


الكلام دا انا جايبة من تجار واصحاب معارض على صلة كبيرة بيهم والكلام دا طبعا هما بيقلهولى علشان هما اصحابى


لكن انا لو زبون عادى هيلبسونى زى ما بيلبسو اى حد


نبص كدا على الصورة دى

http://im60.gulfup.com/lZjqqG.jpg

دى للناس اللذيذة بتوع الارباج


على فكرة بقى النيسان عموما احسن وانظف مواتير احسن من مواتير اى عربية من الهيونداى ولا الكيا ولا الكلام دا


والى بيقول الصنى الجديدة مش بتجرى احب اقولة انها مفترية فى الجرى العربية معاية وبتجرى وزى الفل


اى حد مقبل على شراء السيارة احب اقولك متسمعش كلام ناس اعدة تتكلم وخلاص ولا هما فاهمين حاجة فى حاجة


الهجوم لمجرد الهجوم انا عربيتى مثلا لانسر يبقى الانسر هيا التوب والباقى زبالة


سمعت واحد ولا اتنين بيهاجمو النيسان اة لا يبقى النيسان دى زبالة من غير ما يكون جرب او فهم وتيجى تقولة طيب وحشة لية ؟ يعد يفتى ويحور ودا الطبيعى من الشعب كلة شعب بيحب يحور على نفسة

[johnson11]

ماشي يا باشا كل الكلام اللي انت بتقولوا كلام جميل و زي الفل بس خلينا مبدئيا نعترف ان الشكل القديم احسن
النيو صني عربيه زي الفل اي نعم في ناس بتفتي لمجرد انها سمعت كلام عليها بس للاسف الناس لما جت تقارنها بالقديمه لأت ان القديمه احسن فقالوا عليها وحشه بس هي مش وحشه اوي العربيه تحت اسم نيسان ده اولا ثانيا السعر 112000
وفيها abs و ايرباج و حاجات تانيه فهي افضل عربيه في الفئه السعريه ديه و كمان السوبر صالون منها ماليانه اوبشنز جنوط و اسبويلار ..... و ب 123000 فا حلو مش وحش مش احسن مثلا ماركب اوبترا فاضيه اوتوماتيك و ازاز كهرباء بس ب 117000 الف طب مانا ازود 5 الاف و اجيب صني سوبر صالون احسن
اانيو صني مش وحشه بس هاجي و اقولك برضوا ان اللي بيحكم الناس في الاخر هو السعر و العربيه دي طول ما سعراها حلو هاتفضل تتباع و محدش قال ان الصني الجديده مش بتجري لا بتجري و بتجيب 170 كمان بس الناس بتتكلم علي الثبات بعد 120 مش حلو متاخدش غرز بعد 120 يعني حتي لو موتورها 1500 فاهي برضوا بتجري طب ما الشارك 1500 cc مع والدي و ركبتاها كذا مره و ماشاء الله بتجري جري رهيب و التويوتا كرولا 2007 1300cc بتجري جدااا كمان الخلاصه ان اي عربيه بتجري و بتجيب 170 كمان و انا معاك جدا ان النيسان مواتيرها انضف من الهونداي و الكيا الياباني عموما تكيف و مواتير انضف من الكوري

[Mecha]

وسيادتك تقول ايه للاعطال العجيبه اللي جابت اسم نيسان ف الطين
واخرها طلمبه بنزين قطعت علي 9000 كم ؟؟
بدل ما سيادتك تنقد العملاء وتهزأ باعضاء المنتدي اللي مش متغطيين كويس
بطلوا localisation وركبوا مكونات نيسان الاصليه لانها اسمها ايه دي فاشله
واتعلموا م اليابان احترام العملاء اللي بيدفعوا ماهياتكم

[johnson11]

بس انا حابب اعرف ايه اللي جاب ال jeep في الموضوع اصلا و علي فكره الناس اللي هنا مش بتقول اي كلام و خلاص كل واحد بيحكي و بيقول اللي حصل معاه او مع غيره :)

[aymanshebl]

والله هو مافيش حاجة اسمها توب فى مصر المهم ان العربية اللى اشتريتها اكون مرتاح معاها و تلبى كل احتياجاتى هى ديه العربية التوب بالنسبة ليه

[Karim tolba]

بس انا حابب اعرف ايه اللي جاب ال jeep في الموضوع اصلا و علي فكره الناس اللي هنا مش بتقول اي كلام و خلاص كل واحد بيحكي و بيقول اللي حصل معاه او مع غيره :)

مفيش حبين بس نورى معاليك ان الجيب والبى ام وحتى المرسيدس ممكن تتقلب والايرباج بتعها ميفتحش والحمد لله انا مش جايبلك هيونداى ولا كيا ولا لانسر دى جيب يا باشا واهة الايرباج مفتحش تعليق حضرتك اية بقى ؟

[J A G U A R]

بس مش من الانصاف برضه ان احنا ننكر عيوب كارثيه حصلت فيها وحوادث خطيره وربنا يستر طريقنا طبعا

ولا ايه رأيك سيادتك فى النقطه دى ولا نقول مميزات ومش لازم عيوب !!!

[Karim tolba]

بس مش من الانصاف برضه ان احنا ننكر عيوب كارثيه حصلت فيها وحوادث خطيره وربنا يستر طريقنا طبعا

ولا ايه رأيك سيادتك فى النقطه دى ولا نقول مميزات ومش لازم عيوب !!!

والله ما فى عربية فى الكون مفهاش عيوب وانا مقولتش ان مظهرش منها عيوب ماشى ومن غيرها وغيرها وغيرها عندك البيجو 301 روح شوف عيوبها


دا مثال اهة


لكن احنا بنتكلم على ان الناس مركزة اوى هنا فى المنتدى على مهاجمة النيسان مش عارف لية !


الى يدخل المنتدى هنا عندكم يقول انها byd ولا حاجة انزل الشارع وشوف النجاح الغير طبيعى للعربية وشوف رأى الناس فيها


لكن احنا هنا عملين زى قناة الجزيرة مبنصدق نلقط غلطة للنيسان صنى ونكبر الحكاية


انا راجل شغال فى المجال دا وبشوف بلاوى كل يوم من الهيونداى والكيا والاوبل كمان متزعلش نفسك


لكن مش مسلطة الاضواء على فضايح العربيات دى زى ما بتعملو مع الصنى ليييييييييييية دا الى نفسى افهمة


هيا مدايقاكم اوى كدا ؟


ماشى هيا مدايقة اى تاجر عربيات والناس الى شغالة فى المستعمل


هل المنتدى دا كلة سماسرة بقى ؟ يمكن هوا دا الى مزعلكم اوى كدا

[borio1704]

أنا شايف إن غلطة نيسان الرئيسية هي إنها نزلت عربية جديدة في فئة أصغر بنفس الإسم القديم


العربية دي تحديدا ليها حوالي 4-5 أسامي تانية

يعني ممكن تلاقيها في سوق إسمها صني... وسوق تاني اسمها فيرسا.. وسوق تالت اسمها ألميرا... وسوف رابع إسمها لاتيو... ده غير نزولها باسم رينو سكالا.

https://en.wikipedia.org/wiki/Nissan_Latio

المهم.. العربية للأسف لما تقارنها مع العربيات اللي زيها وفي نفس فئتها تعتبر عربية واسعة واعتماديتها كويسة جدا. ... غير كده مفيش

يعني اللي عايز عربية... مجرد عربية توصله من نقطة أ إلى نقطة ب... النيسان دي (أيا كان إسمها) تعتبر اختيار جيد جدا.


في رأيي.. ممكن جدا تمشي عربيات تاكسي في مصر.. وهتبقى ممتازة.


إنما اختيارها كعربية تستمتع بيها... ما أعتقدش..

ده فيديو لمقارنة لبرنامج سيارات في ماليزيا (بالانجليزي المكسر بتاعهم)... وشايف إنه بيعبر كويس قوي عن الحقيقة.

DRIVEN 2014 #1: Honda City vs Toyota Vios vs Nissan Almera - YouTube



...

[J A G U A R]

والله ما فى عربية فى الكون مفهاش عيوب وانا مقولتش ان مظهرش منها عيوب ماشى ومن غيرها وغيرها وغيرها عندك البيجو 301 روح شوف عيوبها


دا مثال اهة


لكن احنا بنتكلم على ان الناس مركزة اوى هنا فى المنتدى على مهاجمة النيسان مش عارف لية !


الى يدخل المنتدى هنا عندكم يقول انها byd ولا حاجة انزل الشارع وشوف النجاح الغير طبيعى للعربية وشوف رأى الناس فيها


لكن احنا هنا عملين زى قناة الجزيرة مبنصدق نلقط غلطة للنيسان صنى ونكبر الحكاية


انا راجل شغال فى المجال دا وبشوف بلاوى كل يوم من الهيونداى والكيا والاوبل كمان متزعلش نفسك


لكن مش مسلطة الاضواء على فضايح العربيات دى زى ما بتعملو مع الصنى ليييييييييييية دا الى نفسى افهمة


هيا مدايقاكم اوى كدا ؟


ماشى هيا مدايقة اى تاجر عربيات والناس الى شغالة فى المستعمل


هل المنتدى دا كلة سماسرة بقى ؟ يمكن هوا دا الى مزعلكم اوى كدا

عاوز اسئل حضرتك سؤال ..

شوفتنى قبل كده بهاجم العربيه دى ؟؟

العربيه دى انا مليش اى مصلحه فيها سواء هاجمتها او مدحت فيها ولا شغال سمسار كمان

ممكن تلاقى غيرى بينتقدها ومركز عليها شويه

انا بقى بالذات عمرى ما بحب اظلم وكل عربيه لازم تاخد حقها

والمفروض ملاك العربيه تقول عيوبها قبل مميزاتها وان حصل حوادث للعربيه من كذا شخص والايرباج مفتحش وهكذا وبعد كده نقول مميزات العربيه ..... الخ

والحوادث دى على فكره هيا السبب الرئيسى الي بيخلى الناس تهاجمها علشان حضرتك تكون عارف

[johnson11]

مفيش حبين بس نورى معاليك ان الجيب والبى ام وحتى المرسيدس ممكن تتقلب والايرباج بتعها ميفتحش والحمد لله انا مش جايبلك هيونداى ولا كيا ولا لانسر دى جيب يا باشا واهة الايرباج مفتحش تعليق حضرتك اية بقى ؟

ماشي يا باشا مافيش اي براند من العربيات مبيبقاش فيه اخطاء و جيب عربيه محترمه جدا و خصوصا انها جراند شيروكي بتتققل برا و تتصدر لمصر بس حضرتك مفكرتش تسأل نفسك ان اكيد عربيه زي ديه و زي كل العربيات الفخمه ديه بيبقي في air bag lock فا ممكن هو يكون قافل الايرباج مثلا و ده وارد الفكره ان هما مش بيصدارولنا الوحش ماهو اللي بيصدروه ل اي دوله هو هو اللي بيصدروه ل مصر ( بتكلم عن الجيب طبعا)

[blazer]

ياباشا العربيه مشكلتها الرئيسيه فى انها واحده من اقل العربيات ثباتا فى السوق و صاج ضعيف
انا سوقت عربيتن صنى شكل جديد واحده ex وواحده سوبر صالون و سوقت نيسان شكل قديم و الفرق بينهم كبير فى الثبات و التحكم
و فى عيلتنا و صحابى 4 عربيات صنى شكل جديد يعنى مش بفتى
دا غير واحد صاحبى عمل حادثه بلعربيه و بلاش اوريك صور العربيه عشان هتزعل من منظرها وتقول سبحان من طلع الى جواها سليم

[johnson11]

عاوز اسئل حضرتك سؤال ..

شوفتنى قبل كده بهاجم العربيه دى ؟؟

العربيه دى انا مليش اى مصلحه فيها سواء هاجمتها او مدحت فيها ولا شغال سمسار كمان

ممكن تلاقى غيرى بينتقدها ومركز عليها شويه

انا بقى بالذات عمرى ما بحب اظلم وكل عربيه لازم تاخد حقها

والمفروض ملاك العربيه تقول عيوبها قبل مميزاتها وان حصل حوادث للعربيه من كذا شخص والايرباج مفتحش وهكذا وبعد كده نقول مميزات العربيه ..... الخ

والحوادث دى على فكره هيا السبب الرئيسى الي بيخلى الناس تهاجمها علشان حضرتك تكون عارف

كلام حضرتك صح 100%

[aymanshebl]

الاير باج بيفتح فقط لو العربية خدت ضربة او صدمة من الامام او الجنب فى مساحة الحساسات يعنى لو عمود او شجرة العربية اصطدمت بها من الامام الاير باج ممكن لا يفتح

[د.عماد صلاح]

احنا رجعنا للموضوع ده تاني ؟!!!!!
من الاخر مفيش عربيه بالسعر ده فيها كل حاجه لازم تضحي بحاجات عشان حاجات تانيه ...يعني في ناس ما بتحبش تجري و معظم مشاويرها في داخل المدينه يبقي العربيه دي حلوه ليهم ....في ناس عايزه جري وسفر ودول ماينفعلهمش العربيه دي ...لكن مشكله الفرامل الماستر والطنابير دي بصراحه مشكله غير مقبوله في اساسيات السياره .
موضوع اسكات الاعضاء و الادعاء بانهم بيفتوا بلا معرفه او علم او حاسين ان عربيتهم احسن عربيات فده خاطئ لان
اولا ....في شكاوي ووكوارث من ملاك السياره و عند الكتابه عنها يتم تكديب العضو وطلب الصور وعند نشر الصور يتم ايجاد اي مخرج بان العضو هو المخطأ في القياده او انه عمل الحادثه غلط عسان كده الايرباج مفتحش
ثانيا ....معظم الاعضاء بتتكلم عن تجربه وخبره والمنتدي فعلا فيه رجاله زي الدهب ...طبعا قصدي زي الدهب فعلا مش اللي بالي بالك
ثالثا ...من تجني او تكلم بغير علم او اضاف احداث غير صحيحه فان كل كلمه لها حساب
رابعا ...كل عضو منهم انا اعرف عيوب سياراتي جيدا و جبتهم حسب احتياجاتي ولا بيفرق معايا انك تنقضهم للصبح ..حديد في حديد