لكل من يهاجم بدون تفكير

[medo-312]

العربية دي أي مشكلة بتحصل فيها برضه بتحصل في عربيات تانية كتير وده عادي جدا أي مصنع بيطلع إنتاج لازم يكون في نسبة أخطاء وعيوب تصنيع وهو التوكيلات عملوها ليه؟؟ وبما أن مبيعات العربية كبيرة بيبان إن نسبة المشاكل كتير وده بالظبط حصل مع السيراتو في بداية إنتاجها.. الحاجة التانية العربية رخيصة ومتقفلة في مصر وخامات رخيصة.. ليه الناس مستغربة من مشكلة التيل أو غيرها.. رغم أنه بالظبط نفس مشاكل البيجو 301 اللي متقفلة بره!! وماحدش قال فضيحة والكلام التخين ده!! .. خلاص الكل كده عارف إمكانيات العربية ومات الكلام وربنا يبارك لأصحابها فيها ويستر طريقهم

[Hmatchy]

محدش ليه مصلحه العربيه تطلع حلوه ولا وحشه هو بس نوع من التحزير للمقبلين على الشراء واكيد طبيعى يكون ده كلامك منا معايا واحد صاحبى معاه افيو طالع بيها السما
بص العربيه دى وحشه ومقالوش انها هندى تقفيل محلى
ولا ثبات ولا فرامل ولا صاج ولا شاسيه قوى تبقى عربيه ازاى بس نفسى افهم
طب مهى الفرنا باعت ومغرقه الدنيا تبقى كده حلوه ؟؟؟؟
مهو الثقافه دى هيا اللى مخليه التوكيلات بيعو ويشترو فينا ويضحكو علينا وينزلولنا عربيات من ماركات تانيه تحت اسم تانى
بس الحقيقه هتفضل ان اى حد عاوز عربيه ركوبه يبعد عن الصنى لكن عاوزها مشاوير جو البلد او اى حاجه توديك مشوارك افتكر كده ممكن تعدى
لكن تقول حلوه او تقيمها وتقول كويسه لا انا اختلف معاك
اما بقى نقطه التجار ومش التجار لمعلوماتك لو الشكل القديم متوفر زى الجديد مكانش الجديد باع
اعزرنى لو كلامى حاد بس شوف العربيه فى اختبارات السرعه المنخفظه 15 كيلو تقريبا بيحصلها ايه ده تريحه عليها بتعوج الشاسيه وحصلت مع صديق عضو هنا واتشدت زرجينه
المختصر لو انت حابب تركب ابعد عن الصنى حابب تمشى مع السوق هاتها

[eng.m7md.ali]

ازاي بتقارن الجراند شيروكي بالصني؟

اولاً ال2 تقفيل مصري بس طبعاً فرق كبير جداً بين ال2 في اشراف الشركة الام .. الشيروكي فيها اهتمام لانها مش عربية ب 50 الف جنيه وده طبيعي جداً عكس الصني اللي شركة نيسان رمياها
ثانياً انا قريت الكلام اللي عالصورة ده في الاول استغربت بس انا عملت زي مانتو وكل ملاك الصني اللي بيعترضوا على اي موضوع عن مشكلة في العربية بدون صور .. هل الصورة بتاعت الشيروكي دي كافية؟ طب اللي صورها مصورهاش من الجنب ليه مثلا عشان نشوف موضوع الايرباج؟
ثالثاً وده الاهم ... لو تلاحظ ان وكيل شيروكي هو عز العرب .. بالعقل كدة هل عز العرب هيكون رده على اصحاب العربية انهم يحمدو ربنا انهم كويسين؟ ليه يااعم هيا بروتون مثلا عشان تطلسق صحابها؟ اهتمام عز العرب بالفولفو والدودج والكرايسلر غير تماماً اهتمامه بباقي الماركات زي البروتون والجريت وول والسيتروين

[abohend]

الفرق كبير

العربية دي أي مشكلة بتحصل فيها برضه بتحصل في عربيات تانية كتير وده عادي جدا أي مصنع بيطلع إنتاج لازم يكون في نسبة أخطاء وعيوب تصنيع وهو التوكيلات عملوها ليه؟؟ وبما أن مبيعات العربية كبيرة بيبان إن نسبة المشاكل كتير وده بالظبط حصل مع السيراتو في بداية إنتاجها.. الحاجة التانية العربية رخيصة ومتقفلة في مصر وخامات رخيصة.. ليه الناس مستغربة من مشكلة التيل أو غيرها.. رغم أنه بالظبط نفس مشاكل البيجو 301 اللي متقفلة بره!! وماحدش قال فضيحة والكلام التخين ده!! .. خلاص الكل كده عارف إمكانيات العربية ومات الكلام وربنا يبارك لأصحابها فيها ويستر طريقهم

مشكلة ال301 تيل....و مش لوحدها عربيات كتير من الجديدة فيها نفس الموضوع
لكن النيسان مشكلتها كانت ماستر فرامل..يعني أرواح يا باشا مش صفارة و تيل يتغير
لكن الحقيقة التوكيل طلع محترم و صلح العيب و تفاداه في الموديلات الجديدة

[Omar Mahmoud]

التجار بيقولوا كدة علي العربية علشان يبيعوا الشكل القديم؟؟؟؟؟؟؟عاجلا ام اجلا الشكل القديم هيخلص هيعملوا إيه في الشكل الجديد اللي عندهم هيكهنوه؟؟؟؟؟؟
الشكل القديم افضل في كل حاجة إلا الوسع و إستهلاك البنزين
حاجة كمان السبع موزع لنيسان واحد قريبي شغال هناك مدير سألته علي العربية علشان كنت بفكر ابيع عربيتي و اشتريها قاللي القديمة احسن ماعدا النقطين اللي هما الوسع و الاستهلاك
خالي سافر إسكندرية بالصني القديمة و الجديدة قاللي مفيش مقارنة بين الاتنين.

[adel_edrees]

والله ما فى عربية فى الكون مفهاش عيوب وانا مقولتش ان مظهرش منها عيوب ماشى ومن غيرها وغيرها وغيرها عندك البيجو 301 روح شوف عيوبها


دا مثال اهة


لكن احنا بنتكلم على ان الناس مركزة اوى هنا فى المنتدى على مهاجمة النيسان مش عارف لية !


الى يدخل المنتدى هنا عندكم يقول انها byd ولا حاجة انزل الشارع وشوف النجاح الغير طبيعى للعربية وشوف رأى الناس فيها


لكن احنا هنا عملين زى قناة الجزيرة مبنصدق نلقط غلطة للنيسان صنى ونكبر الحكاية


انا راجل شغال فى المجال دا وبشوف بلاوى كل يوم من الهيونداى والكيا والاوبل كمان متزعلش نفسك


لكن مش مسلطة الاضواء على فضايح العربيات دى زى ما بتعملو مع الصنى ليييييييييييية دا الى نفسى افهمة


هيا مدايقاكم اوى كدا ؟


ماشى هيا مدايقة اى تاجر عربيات والناس الى شغالة فى المستعمل


هل المنتدى دا كلة سماسرة بقى ؟ يمكن هوا دا الى مزعلكم اوى كدا

سماسرة عارف أنت لو بتتكلم الوش في الوش كان الكلام أختلف تماما يا أستاذ أنت عارف أنت بتتكلم مع مين هنا في المنتدى لما تعرف أبقى تعالى و أتكلم يا أستاذ ما يصحش تتكلم عن الناس في المنتدى هنا أنهم سماسرة كلنا ناس محترمين يا أستاذ ألتزم في كلامك و دايما فكر في الكلمة قبل ما تقولها فأن الكلمة كالرصاصة ...........................

[medo-312]

مشكلة ال301 تيل....و مش لوحدها عربيات كتير من الجديدة فيها نفس الموضوع
لكن النيسان مشكلتها كانت ماستر فرامل..يعني أرواح يا باشا مش صفارة و تيل يتغير
لكن الحقيقة التوكيل طلع محترم و صلح العيب و تفاداه في الموديلات الجديدة

[Hosam_Optrawy]

انا بس نفسى أعرف لو العربيه دى ماكنتش بتتقفل في مصر وبتيجى من الهند كانت هاتبقى بكام ؟

[mastr_n]

انا عضو فى المنتدى من حوالى خمس سنين يعنى مدة مش قليلة واقدر اقولك ان الناس هنا بتنصح الناس بكل حيادية وامانة ومن غير اى اعتبارات او مصالح

انا من اوائل الناس اللى اشترت السيراتو فى المنتدى وحصل على العربية دية مواضيع لو قعدت تقراها عايزلك شهر بحالة من المدافعين عنها والمهاجمين مش معنى ان انا راكبها يبقى دية عربية سوبر لا لو حد سألنى بقولة على عيوبها قبل مميزاتها ودة الغرض من المنتدى

النيسان الصنى الجديدة فعلا عربية بيسموها city car داخل المدينة انما كجرى وحركات وهاندلينج ماتنفعش
انا سمعت عن كمية حوادث رهيبة غير انى سافرت بيها مع واحد قريبى اسكندرية ماعجبتنيش خالص

وفى النهاية دة مجرد رأى شخصى وكل واحد ربنا يباركلة فى عربيتة انما نقول ان المنتدى كلة سماسرة كدة مش صح

[abou-yahia]

للاسف

حسبي الله في اللي عملوا كده في قسم نيسان

Sent from my SM-N900 using Forum Runner