إعـــــــلان

Collapse

.

,
See more
See less

عيوب سيارة نيسان صني 2014 الشكل الجديد

Collapse
X
 
  • Filter
  • الوقت
  • Show
Clear All
new posts

  • #16
    يا جماعة كل واحد توصلو الرسالة يشيارها على الفيس علشان الراجل دة باخد حقة

    Comment


    • #17
      ربنا يعينك يا أستاذ محمد و يوفقك و ياريت ناس كتير تقتدى بيك فى جزئية الدفاع عن حقها (لإن للإسف الأجهزة الرقابية عندنا ليست ذو قيمة يعتد بها), لكن أتمنى إن عزيمتك ماتقلش لو مافيش تضامن كبير معاك للإسباب اللى ذكرها الإستاذ أبو يحيى (لإن للإسف مفهوم التضامن المجتمعى و المؤسسات الحقوقية و الرقابية المجتمعية عندنا غير ناضج لغاية دلوقتى).

      من باب العلم بالشئ ليس أكثر, موضوع تيل الفرامل اللى بيصفر مش فى النيسان صنى وحدها (مش قصدى إن ده شئ طبيعى و الناس تقبله), للإسف فى ماركات تانية كتير بتعانى من نفس المشكلة (تيل يصفر على 3000 كيلو و يتغير على حساب العميل على 10000 كيلو), ونفس الردود اللى إنت أخدتها من توكيلك أخدناها من التوكيل بتاعنا (بالحرف و الله) وكأنهم بيتعاملوا مع مصنع تيل فرامل واحد.

      حالياً انا متردد من مشاركة مشكلتك على صفحتى لسبب واحد بس, لإن كأنى بقول إن عربيتى أفضل من عربيتك, مع العلم إن كلنا عندنا نفس المشكلة, قطع غيار سيئة بتتركب فى عربيتنا, توكيلات عديمة الضمير و الأخلاق و بتحاول بقدر ما تستطيع ترمى المشكلة على العميل, وكل ده بسبب خوف الناس على نزول سعر العربية اكتر من خوفهم على حياتهم و حياة اسرهم و ده اللى التوكيلات بتستغله و بتلعب عليه.

      مش عايز اطول فى الكلام اكتر من كده, وكل اللى أقدر اقوله ربنا يعينك و يوفقك و ربنا يكرم الناس و تقتدى بيك (بإختلاف ماركات عربياتهم).
      It's not who I'm underneath, It's what I do that defines me

      Comment


      • #18
        تمت المشاركة على صفحتى مع التأكيد إن نفس المشكلة عندنا فى موديل العربية بتاعتنا إحنا كمان.
        It's not who I'm underneath, It's what I do that defines me

        Comment


        • #19
          الصنى و الفيرنا
          سيارتين فى مصر جعلونى أؤمن أن مصر دولة من كوكب تانى و أن العقلية المصرية فى شراء السيارة تهتم فقط بالناحية الإقتصادية (تفكير مادى بحت)

          أولا السيارة يجب أن تكون رخيصة ( تفكير مادى )
          ثانيا قطع الغيار يكون فى منها إستعمال و متوفرة و رخيصة (تفكير مادى )
          ثالثا : لما أحب أبيع ما أخسرش كتير يعنى عايز عربية بياعة ( تفكير مادى )

          تقوله الجودة و الأمان يقولك ياعم كلها عربيات و أنا عايز 4 عجلات تمشى

          سبحان الله تجد بعد ذلك أن نيسان و غبور و منصور و الإيميجرانديتباهوا أنهم يحققون أعلى المبيعات سنويا لأسوأ سيارات فى مصر

          Comment


          • #20
            معاك

            استاذنا الاضل… انا حكايتي حكاية مع النيسان صني. 2013. انا معاك. يا ريت نتبني حملة توقيعات ونعملها علي الفيس علشان نرجع حقنا من الشركة دي . ارجو التواصل . لاني عانيت ومازلت اعاني من عيوب التيل والطنابير والسحب. وغيرها الكثييير. ياريت نتواصل لاني عاوز اجمع اكبر عدد ممكن من مالكي العربية الزبالة دي. علشان نرفع قضية محترمة ع. ونشوف محامي كبير ونتعامل معاه. ده تليفوني وارجو التواصل. د. حامد الزيات . دكتور باداب بنها
            01007500549

            Comment


            • #21
              حضرتك نموذج للمستهلك الواعي المحترم
              نشكرك
              (( ومن يتق الله يجعل له مخرجا ويرزقه من حيث لا يحتسب ))

              Comment


              • #22
                ربنا معاك العالم دى مش فاهمه انهم بيخسروا بالطريقه دى اكتر ما بيكسبوا

                Comment


                • #23
                  المشاركة الأصلية كتبت بواسطة muhammad momen مشاهدة المشاركة
                  [justify][/justify][justify]



                  [/justify][justify]
                  أنا بكتب الرساله ده، علشان محدش يرتكب نفس الخطأ اللى عملته لما ييجي يشتري عربية ..... وبكتبها لأني سلكت كل السبل المباشرة للتواصل مع شركة نيسان وفي الآخر عملولي بلوك على الصفحة بتاعتهم ومبقوش يردوا على التليفون، فبقت هى ده الطريقة الوحيدة اللي ممكن أوصل بيها المشكلة الموجودة في العربية لكل الناس .....




                  الحكاية بدأت إني زى خلق الله اللي عايزين يعيشوا بكرامة على قد ميقدروا في مصر بعيد عن المواصلات التي تمتهن فيها آدمية الإنسان، والعربيات القديمة اللي بهدلت الواحد فلوس لتصلحها ووقفه في الشارع، خصوصا بعد مالواحد مبقاش بطوله وبقى في زوجة وأولاد....ربنا كرمني وقلت أدفع اللي معايا واشتري عربية جديدة، سألت على العربيات ولقيت إن أقرب عربية مناسبة ليه هى العربية النيسان .

                  اشتريت سيارة نيسان صني 2014 الشكل الجديد في شهر يونيو الماضي، وبدأ تيل الفرامل (يصفر) بعد 3 الاف كيلو متر ، قلت لمهندس الصيانة الكلام ده، ورد إن ده رايش ونضفناه وكله تمام !!!

                  واستمر الصوت حتى الكيلو 13 ألف، طلب المهندس في توكيل أوتو إيجيبت تغيير التيل !!! قلته إزاى التيل يخلص بعد 13 ألف كيلو ؟!!!! قال لي ده رجلك واستخدامك!!! مع العلم بأن هذه هى السيارة الخامسة التي أمتلكها ولم يحدث ذلك في أى سيارة من قبل ولا حتى الفيات، فالتيل بيقعد مش أقل من 25 ألف كيلو في العربيات العادية.!!!!!!
                  قلت خليها على وغيرت التيل ودفعت تمنه !!

                  وبعد الكيلو 17 ألف – يعني بعد أربعة الآف كيلو بالتيل الجديد، بدأت الصفارة ترجع تاني كلمت الصيانة وحددت موعد ....)
                  فأخبروني إن التيل تمام ومفهوش حاجه وإن الصفاره ده رايش : ) زى بتاع المرة اللي فاتت!! ... وتم قياس الطنابير وقالوا فيها ريجه بسيطة وبعتنا للتوكيل وهيرد علينا، المهم يعدي أسبوع في التاني لحد ميبقوا شهرين ولاحد سأل فيا !!

                  رحت أعمل صيانة ال30 ألف كيلو ...... كانت الطنابير والتيل ادمروا لأن التوكيل الغير محترم مردش!!! وعايزني أغير الطنابير واغير التيل!!!
                  المهم بكل تكبر واستعلاء وكأني شاحت العربية منهم، التوكيل فضل يكابر وأكن المشكلة مشكلتي
                  يعني أيه واحد يروح يشتري عربية من شركة المفروض إنها محترمة يطلع فيها عيب صناعة في الفرامل ....ولما لاقدر الله حد من ولادي ولا مراتي يجرالهم حاجه هتقوليلي معلش أحنا آسفين!!!!

                  أنا اشترتيت عربية على إنها سليمة وطلعت عربية خربانة وفيها عيوب صناعة ... وأنا هاخد حقي بإذن الله في النهاية
                  ولو مكنش في استجابة سأتبع كل الوسائل المحترمة علشان آخد حقي
                  العربية مرمية في توكيل أوتو إيجيبت في أبورواش بقلها شهر لإنهم بيتبعوا منهج خليه يضرب دماغه في الحيطه ... ومش هيعرف يعمل معانا حاجه!!!

                  أرسلت رسائل متعددة لشركة نيسان في اليابان ومحدش رد ........
                  كلمت نيسان في مصر وبيقولوا أى كلام ومش عايزين يعترفوا بغلطهم

                  سأحصل على حقي في النهاية بإذن الله ومش أنا بس ، لا وهجيب حق كل واحد خدعته هذه الشركة الغير محترمة.
                  ….
                  *ملحوظة نيسان سحبت 8 الاف عربية من السوق وقالت إنها حلت المشكلة في العربيات اللي انتجت من بعد الشاسيه رقم 8 الآف ... وأنا شاسيه عربيتي رقمه 23 ألف واشتريت العربية على الأساس ده بس للأسف المشكلة لسه موجودة.

                  [/justify]
                  #العربية_النيسان_الصني_الجديدة
                  #متشتريش_نيسان_فيها_عيب_صناعة_في_الفرامل
                  #هاخد_حقي_بإذن_الله
                  #متشتريهاش


                  جلسة حماية المستهلك الاولى


                  "انشرها على قد متقدر ...حذر الناس ... احمي ولو واحد من إنه يتغش أو يضيع حقه"
                  -------------------------------
                  "متجيب بوسه – هكذا قال لي في النهاية"
                  المكان : 96 ش أحمد عرابي – المهندسين - جهاز حماية نيسان
                  الحضور :
                  أولاً: جهاز حماية نيسان
                  اللجنة الفنية للسيارات برئاسة اللواء احمد بركات، محمد أنور – مدير إدارة شكاوى السيارات، د.أحمد عمران – منتدب من كلية الهندسة – جامعة عين شمس، وكان في واحده بتكتب
                  ثانياً: شركة نيسان
                  ثلاث ممثلين عن شركة نيسان منهم واحد اسمه (طارق سعيد هو اللي بتكلم والباقي مشاهدين
                  ثالثا: الشاكي
                  محمد مؤمن (صاحب العربية) .. أ/ عاصم الخولي – محام – د.هشام خشبة
                  سوف أختصر الجلسة قدر المستطاع
                  اللواء أحمد بركات: فين صاحب العربية؟
                  رديت: موجود
                  اللواء أحمد بركات: ومين دول ، قلتله أ/ عاصم الخولي المحامي – د.هشام خشبه صديق ، رد قال : لأ مش قانوني مينفعش صديق لازم يخرج الأستاذ عاصم ماشي ...طب والتلاته بتوع نيسان دول (قانوني) أنا صاحب الحق، هو: معلش دا القانون (هشان خرج)
                  اللواء أحمد بركات: العربية نيسان صني اشتريتها يوم 19مايو 2014 ، مشيت بيها كتير ماشاء الله ، اللي حوليه آه كتير
                  رديت عليهم: ما أنا جيبها علشان أمشي بيها ، مش جيبها علشان أركنها
                  اللواء بركات: أيه مشكلتك؟
                  رديت : أولا حضرتك أنا عربيتي ده جبتها بالقسط ...مش أبويا ولا أمي اللي جيبنهالي (ولو حتى كده فده حقي )
                  أنا رحت لشركة نيسان بعد مشتريت العربية بـ 3 أسابيع كان التيل بيصفر وقالولي ده رايش ونضفناه، بعدها فضل التيل يصفر لحد مرحت عند الـ 12 ألف كيلو قالولي غير التيل، قلتلهم إزاى التيل يخلص بالسرعة ده؟!! قالولي ده مشكلة رجلك بتدوس كتير على الفرامل، وبكل حسن نية دفعت (650 جنيه) ثمن التيل وغيرته!
                  بعد كده مشيت أقل من الفين كيلو على التيل الجديد لقيته بدأ يصفر، رحت التوكيل وقلتلهم في صفاره، ولكن لاحياة لمن تنادي قالولي الطنابير فيها ريجه وبعتنا نشوف الضمان وهنرد عليك هنغيرهالك ولا لأ ....وسابوني شهرين بمشي بالعربية معايا مراتي وعيالي وبمشي في وسط الناس، وهمه ولاهمهم حياة الناس وأنا معرفش إن المشكلة كبيرة، لحد موصلت لـ 29 ألف كيلو قالولي التيل والطنابير باظوا .......!!!!!!!!
                  طيب التيل بلعناه، طب في طنابير في الدنيا كلها تبوظ بعد 29 الف كيلو ..إزاى!!! وغير كده كلموني في الأول بكل تكبر وقالولي بالأدب :إضرب دماغك في الحيط مش هتعرف تعمل حاجه، ولما بعتلهم رسالة على الفيس بوك عملولي بلوك وبعد كده واحده من خدمة العملاء كلمتني وفي آخر المكالمة قفلت السكه فوشي وأنا بتكلم وقالتلي مع السلامه!! !!!!
                  جيت أكمل الكلام : قال لي، خلص علشان في ناس تاني بره (كان في 8 مشتكيين شركة نيسان)
                  رديت: يعني أيه أخلص!! أنا كان معادي الساعة 11 ودخلت واحده هو حضرتك جايبني علشان أشتكي وتكتبوا ولا في حاجه تاني؟!!!
                  اللواء بركات: قال لي هو أنت ليه aggressiveكده ( هو كان عايز تلميذ في الفصل يقعد ساكت!!) المهم الراجل مستحملش 5 دقايق وقام (اللي هو رئيس الجلسة) قال معلش يا جماعة أنا آسف عندي مشوار وقام ماشي ومرجعش تاني.
                  قعد د.إبراهيم عمران يدير الجلسة: إنت عايز أيه؟
                  أنا: عايز شهادة بسلامة العربية، تفيد بمطابقة التيل والطنابير للمواصفات القياسية العالمية، وتحليل للمواد المصنوع منها التيل والطنابير أو ياخدوا عربيتهم ويدوني فلوسي.
                  رد قال : مفيش إلا المواصفات القياسية المصرية .... (قلتله ماشي) هاتوهالي!!
                  رد د. إبرهيم عمران تاني قال : خلاص يعني أيه المطلوب؟
                  رد: أستاذ عاصم (المحامي): عايزين الشهادة أو ترجعوا العربية،
                  رد عمران قال يبقى نعمل لجنة فحص من كلية الهندسة
                  ملحوظة: بدفع في اللجنة ده (1.5%) من ثمن العربية حوالي ألفين جنيه (وكنت مستعد أدفع) ....
                  قم قال د.عمران (وكأنه لايعرف اللي جى) :نسمع نيسان
                  ها يطارق بيه!!!
                  رد نيسان (طارق سعيد) : إحنا اللي يهمنا رضى العميل ( ومكنش بيبوص لي أصلا وكان في واحده جنبه عماله تبصلي وتضحك وتحس إنهم جايبنها تنرفزني علشان أغلط فيهم) قلتله عميل أيه: هو أنت بصتلي أصلاً!!
                  نيسان (طارق سعيد): بيوجه كلامه لإبراهيم عمران (اللي هو المفروض فني ومش مختص قانونيا) يا فندم العميل جه من أسبوع – والعربية بقلها 5 أسابيع - علشان يصلح العربية (أنا كنت رايح أعمل الصيانه الدورية مش أصلح العربية) وخدمة العملاء كلموه وقالوله يصلح العربية و إحنا صلحنهاله وغيرنا التيل والطنابير!!!!! بس هو امتنع يخدها !!! وكله تمام ولو عايز يجربها يجربها!!!!!!!!!!!!!!!!
                  أنا طبعا قعدت أقول دول مبيقلوش الصدق، إزاى يتعمل كده من غير إذني، ياريت تثبت كل الكلام اللي قاله في محضر الجلسة وبعد أصرار مني كتبوه، وقلتلهم مش إنتم بتقولوا إني وافقت هاتوا لي دليل إني وافقت .....وطلبت تفريغ المحتوى الصوتي مع خدمة العملاء .....
                  رد: د.عمران ..... طيب تمام يعني إنت مصمم على لجنة الفحص؟ (طبعا لجنة الفحص كده اضربت بس هو عايز يقللي خلاص مفيش فايده من اللى انت بتعمله) ...رديت قلتله وهو ده ينفع يغيروا قطعة في العربية من غير موافقتي هى بتاعتهم ولا بتاعتي!!وبعدين لما حضرتك تروح .... لجنة الفحص هتلاقي أيه؟!!! تيل جديد وطنابير جديدة وطبعاً القديم بخ رااااااح !!!
                  على الرغم من إن المفروض لجنة الفحص لمجرد إنها عرفت إن في طنابير اتغيرت في 29 ألف كيلو ده كارثة لوحدها !!!!!
                  وبعدين قلتله طيب مش هو غيرها خليه يديني شهادة بإن قطع الغيار ده آمنه ومطابقة للمواصفات القياسية ويديني تحليل المواد
                  رد: عمران ومحمد أنور على التوالي: إن المسئول عن الفحص معندوش إمكانية يحلل المواد ....
                  رديت : تمام بس أكيييييد نيسان عندها تحليل المواد المصنوع منها التيل والطنابير خليهم يدوهاني ....
                  قام محمد أنور: موجه الكلام لمندوب نيسان "طارق" : أدوله الشهادة
                  فأجاب (طارق نيسان) بحرف واحد : لأ
                  قلتله: طيب أنا كده عرفت اللي فيها خلاص، أنا عايز أقلكم حاجه ....إنتم حولتم الشركة ده للنيابة في 12 إبريل 2014 وبعد كده حولتوها 3 مرات للنيابة ولسه سايبنها بتنتج عربيات وتعرض حياة الناس للخطر !!! إزاى بتعملوا كده هو مش إنتم انتخبتم الرئيس وصوتوا على الدستور اللي بيتكلم عن كرامة الإنسان وآمنه وإن ده حق من حقوقه.... ليه بتخلفوه !!
                  قام د.عمران قاللي : الموضوع أكبر من كده، و إحنا مينفعش نتهم الناس بدون دليل وفي 25 ألف عربية نيسان في الشارع واللي اشتكوا أقل من 1 % ... فمنقدرش نقول إن ده ظاهرة!!!!
                  قلتله عند الناس المحترمين واحد زى مليون !!!
                  رد قال: وهو يتبسم خلاص يا باشمهندس خد عربيتك ولو في أى حاجه إحنا معاك ....والكلام اللى إنت عارفينه ده
                  قلتلهم موجه كلامي لإبراهيم عمران ومحمد أنور .....
                  إنت عايزني اسكت وروح استلم العربية وامشي بيها معايا مراتي وعيالي وحوليا ناس أعرض حياتهم للخطر، و مش عارفين تجيبوا لي ورقه من شركة إن العربية آمنة للاستخدام ...هى حياة الناس ملهاش قيمه .....فسكتوااااااا
                  وبعدين فجأة قالوا ياريت كله يتفضل بره علشان اللجنة هتتداول:
                  3 دقايق وبعدين ندونا :
                  وكانت توصية اللجنة إني استلم العربية ولو في أى مشاكل ابقى ارجعلهم !!
                  مضيت على الورقة "برفض توصيات جهاز حماية نيسان، واتخاذ كافة الإجراءات القانونية ضد شركة نيسان.
                  وبتوع نيسان يبصولي ويضحكوا وأنا بمضي، والناس الي المفروض من الجهاز يبقوا في صفي أو على الأقل محايدين، البنت اللي بتكتب منهم والله العظيم بتكركر من الضح هى وبتاعت نيسان !!!!
                  في النهاية
                  قمت أمشي، وأنا ماشي ناداني د.إبراهيم عمران و قال لي: مش تجيب بوسه قبل متمشي!!!!!!!!!!!!
                  ------------------------------------------------------------------
                  نفسنا طويل بإذن الله، مش مهم أنا دلوقتي ( أنا هاخد حقي في الآخر بإذن الله وهى مسألة وقت) المهم إننا نقدر نحمي أكبر عدد من الناس إنهم ميشتروش العربيه ده، "وبالمناسبة كان معايا 8 بيشتكوا من موديلات تانيه زى التيدا والكشكاي)
                  ده واجبنا وده اللي هيوجع نيسان وهيردع أى شركة ممكن تفكر في غش الناس أوي وهم موجعين بالفعل .....
                  رساله هامه الى الاخ محمد

                  انا كان معايا هذه الموديل الرديىء 2013 و فاهم جدا فى السيارات عامه و رحت اشترى العربيه عاى اساس انها لها سمعه طسيبه المهم من ساعه ما جبتها و انا حسيت ان الفرامل زيرو وحشه بمعنى الكلمه روحت التوكيل فى صيانه الاف اشتغلات و مقتنعتش بالكلام روحت عامل شكوى فى جهاز حمايه المستهلك و بعد اسبوع لايت بنت احمد مرعى بتكلمنى شخصيا بكلام فيه اسف و اعتذار اروحت بعد ما ححدوا لى ميعاد و تم تغير الطنبور و الكلبسات الالاف لاقيت نفس المشكله ل و الكلبسات على حسابهم العربيه عامله سعتها 2500 كيلو بعد الحمس الالاف لاقيت نفس المشكله طبعا هاتتتتتى يا معلم بعد كده اوللت ابعها اعت حوالى 3 اسابيع مش عارف ابعها لسوء السمعه العربيه كلها عيوب من الكاوتش و عدم الاتزان على الطرق السريعه و الساج الخفيف جدا جدا و صوت المانور المزعج جدا م استهلاك بنزين عالى مع عفشه رديئه , الميزه واحده انها واسعه اوى . انا اسف على الاطاله بس انا كنت لازم اقول الكلام ده لانه لايوجد ضمير و ده اللى مضيع كل حاجه و لعل اى عضو يقرا و يستفيد لان الفلوس مش بتيجى بالساهل. و شكرا

                  Comment


                  • #24
                    احب احكي حكايتي مع فرامل النيسان ...... الفرامل مش سيئة اوي كدة بس مش واو ..... صوت الفرامل كان موجود من اول 15 الاف كيلو ورحت توكيل السبع ...... حقيقي ناس محترمة وقالولي هنغيره في الضمان هو والطنابير علشان لو كانت الفرامل اثرت على الطنابير وفعلا غيروهم ...... صوت الصفارة خف ولكنه لم يختفي بس اتعودت عليه .... عند صيانة ال30000 قاللي المهندس اني اغير التيل كمان 4000 كيلو ..... فسألتوا هو بيتغير كل اد ايه قاللي 10 الاف كيلو ...... غيرته بس محتجتش للان اغير طنابير والفرامل احسن لغاية دلوقتي ...... بما اني واحد كان معاه افيو كان بيغير تيل وطنابير كل 15 الف فالموضوع اتعودت عليه

                    Comment


                    • #25
                      يا باشا انت كنت شفتك علي الفيسبوك و انت بعتلي رسالة بس معرفتش اقراها عشان الصفحة اللي بعتلي منها اتشالت........

                      أنا غيرت تيلين لحد دلوقتي في عربيتي و انا 29.000 كيلو و المفروض خلاص علي وشك تغيير طنابير, غيرت الأول علي حسابهم و قلولي اول و اخر مرة, سياستهم كده.

                      أنا خلاص عايز ابيع العربية اصلاً, بس لو في حاجة ممكن اقدر اعملها عشان دي حقوق بتضيع ارجو منك ذكرها انا معاك....

                      Comment


                      • #26
                        نفس المشاكل عندى فى الفرامل والطنابير والسياره عامله تقريبا 25 ألف كيلو وصيانتها دايما فى التوكيل. بس بصراحه أسوأ معامله إللى هو مكانه فى الهايكستب. فياريت ياجماعه يكون فى خطوه فعليه تجاه تجاهل المسؤلين من شركة نيسان وتكون بشكل جماعى

                        Comment


                        • #27
                          نفس مشاكل الفرامل والطنابير. المفروض نرفع قضيه بشكل جماعى ﻹسترداد حقنا

                          Comment


                          • #28
                            عايز رقم حضرتك ضروري جدا

                            Comment


                            • #29
                              عايز رقم حضرتك ضروري

                              Comment


                              • #30
                                الحمد لله على نعمة الصني 2011 لانها بجد كانت عربية محترمة وتكاد تكون خالية من العيوب ، انا بجد متعجب ، بدل ما الجودة تزيد . بقت زبالة
                                حسبي الله ونعم الوكيل في كل من غشنا واستحل اموالنا بغير حق
                                .
                                [sor2]http://www14.0zz0.com/2013/04/28/21/496557114.jpg[/sor2]

                                Comment

                                Working...
                                X