نيسان صنی

[moroz]

السلام عليكم،

يا جماعة انا عايز اخد رايكم انا معايا فی حدود 115000 و عايز اشتری عربية ففكرت فی النيسان الصنی بس دخلت هنا لاقيت شكوی كتير منها فقلت خلاص اجيب ای حاجة مستعملة فی نفس الحدود بس مش لاقی كل الناس بتستهبل فی الاسعار فا رايكم اجيب صنی و خلاص و لا استنی و ادور علی حاجة مستعمل كويسة؟؟؟؟؟

[hi_nmr]

بلاش الصني فيها عيوب صناعه في الفرامل وفي مشاكل كتير مع الوكيل وجهاز حمايه المستهلك مش قادر يجيب حقوق الناس والوكيل محدش قادر يقف قصاده
اخر معلومه عرفتها ان الفرامل غير مطابقه اصلا للمواصفات فبلاش تستسهل وتجيب حاجه معيوبه انت مش بتدفع ورق انت بتدفع فلوس شقيت وتعبت فيها

[moroz]

اصل انا شوية اشوف ناس تشتكی و ناس تقول لا مفيش حاجة و بعدين انا شايف ان عيب الفرامل ده بسيط ليه التوكيل مغيرهاش كل ده؟؟؟ طيب مش عايز تبيع السيراتو الی معاك؟؟ :d اصلی بدور علی سيراتو برده بس مش لاقی كله مستعبط فی الاسعار

[hotmail]

ابعد عن الصني واشتري عربيه يكون التوكيل بتاعها محترم عشان كده انصحك تشتري تويوتا كورولا 2007 او2006 وتكون عامله مسافه قليله او 2008 2009 جنوب افريقي اعلى فئه عربيات محترمه وممكن كمان تشتريها بأقل من المبلغ اللي معاك اهم شئ تكون العربيه عامله مسافه قليله انا عارف ان صعب تلاقيها لكن اكيد موجوده في السوق بس محتاجه مجهود شويه انا بقولك الكلام عن التويوتا والنيسان عن تجربه انا معايا صني 98 الغربيه محترمه لكن التوكيل سئ عكس توكيل التويوتا اللي مجربه ايضا

[mif]

http://www.nilemotors.net/Nile/455442-a.html

بلاش صني

ممكن تركب سيفيك او كورولا مستعمل
او لانسر شارك 2015
او سوزوكي سياز 2015 بس مش متجربة و هندي و نفس توكيل صني الزبالة

[salam100100]

اسأل ملاك الصنى الحقيقين على الحقيقه ومتكتفيش بالنت

اسأل ملاك الصنى الحقيقين على الحقيقه ومتكتفيش بالنت من فضلك

فى مشاكل فالفرامل؟ نعم , هل اتحلت ؟ ؟؟؟؟؟؟ اسال ملاك الصنى

[abdoumahros]

بروتون

جين2 او بيرسونا زيرو

[احمد فهمى]

نصيحه اشتري السوزوكي الجديده زيرو هتزود 7 الاف على المبلغ اللى معاك بس هتشتري عربية العمر عيب الصني مش شركة نيسان لا التجميع المحلى واستهتار وكيلها بالعملا

[moroz]

اسأل ملاك الصنى الحقيقين على الحقيقه ومتكتفيش بالنت من فضلك

فى مشاكل فالفرامل؟ نعم , هل اتحلت ؟ ؟؟؟؟؟؟ اسال ملاك الصنى

طيب هما فين ملاك الصنی، مانا عامل موضوع فی قسم نيسان اعمل ايه تانی

[hi_nmr]

اصل انا شوية اشوف ناس تشتكی و ناس تقول لا مفيش حاجة و بعدين انا شايف ان عيب الفرامل ده بسيط ليه التوكيل مغيرهاش كل ده؟؟؟ طيب مش عايز تبيع السيراتو الی معاك؟؟ :d اصلی بدور علی سيراتو برده بس مش لاقی كله مستعبط فی الاسعار

اللي بيقولك مفيش حاجه ده حاجه من الاتنين يا يكون بينكر العيب عشان مينتشرش بين الناس والعربيه تضرب في السوق وثمنها يقل يا بيكلم علي العربيه اللي تحت رجله ولسه متلسعش من نار الوكيل زي باقي الناس
بالنسبه لتغيير الفرامل انا مقصدش تيل الفرامل انا اقصد منظومه الفرامل بالكامل مع الهوبات ضيف عليهم بقي استهبال الوكيل وتنصله من المسئوليه
ربنا يرزقك بعربيه حلوه

طيب هما فين ملاك الصنی، مانا عامل موضوع فی قسم نيسان اعمل ايه تانی

ما كل اللي دخلوا قالولك اهو بلاش صني عشان الوكيل سئ

[salam100100]

اللي بيقولك مفيش حاجه ده حاجه من الاتنين يا يكون بينكر العيب عشان مينتشرش بين الناس والعربيه تضرب في السوق وثمنها يقل يا بيكلم علي العربيه اللي تحت رجله ولسه متلسعش من نار الوكيل زي باقي الناس
بالنسبه لتغيير الفرامل انا مقصدش تيل الفرامل انا اقصد منظومه الفرامل بالكامل مع الهوبات ضيف عليهم بقي استهبال الوكيل وتنصله من المسئوليه
ربنا يرزقك بعربيه حلوه



ما كل اللي دخلوا قالولك اهو بلاش صني عشان الوكيل سئ

انا من ملاك الصنى 2015, معايا من شهر 9 .
مبشتكيش من حاجه, عيب الفرامل لسه مظهرش معايا
عامل 5000 كم
رحت التوكيل مره واحده صيانه ال1000 وكانوا جيدين فى المعامله

مره تانيه, متكتفيش بالنت فى تكوين قرار الشراء او عدمه
اسال جار ليك معاه العربيه وشوف رد فعله
اسال واحد بيركن فى باركينج.....الخ
المهم خد اراء المالك الحقيقى على الطبيعه
انا مش بقول ان العربيه كامله, لكن فيها عيوب طبعا
لحد دلوقتى انا مقتنع بالعربيه جدا

[a220msaber]

حضرتك كل اللي بيقول علي التوكيل سيء هو متعملش معاه بالعكس التوكيل محترم جدا وانا عن نفسي تعرضت لمشكله الفرامل وتم تغير دوره الفرامل بالكامل بالتعديل الجديد ..مسر عمومي - تيل فرامل - طنابير - كليبرات ...وكل هذا علي حساب التوكيل بدون تحمل حتي مصاريف التركيب وعلي فكره العربيه معي من سنتين موديل 2013 وبتعامل مع اتو ايجيبت ابورواش وهما فعلا محترمين جدا

[salam100100]

نصيحه اشتري السوزوكي الجديده زيرو هتزود 7 الاف على المبلغ اللى معاك بس هتشتري عربية العمر عيب الصني مش شركة نيسان لا التجميع المحلى واستهتار وكيلها بالعملا

السوزوكي الجديده هتشتري عربية العمر ????
على اى اساس حضرتك بتنصح بيها؟

الرجاء عدم المبالغه, العربيه لسه اعلنوا عنها يوم 01/01/2015

[mahmoudsaad87]

انا من ملاك النيسان صنى 2013

السلام عليكم
انا من ملاك النيسان صنى 2013 الشكل الجديد الهاى لاين
بص يا سيدى
انا عملت 50000 كيلو بالعربية دى و انا مقدرش انكر ان فى مشكلة فى كذا حاجة فى العربية
1- التوكيل سئ بس مش اوى عشان مبالغش لانى مثلا كان عندى مشكله فى السماعات انها تتغير فضلو مدوخنى سنة كاملة و لما ركبت باظت تانى اه والله
2-الفرامل : انا اول مرة غيرت التيل مع صيانة 5000 و دفعت تمنه طبعا و بعدين ظهرت المشكلة تانى فراح التوكيل مغير التيل و الطنابير على حسابه و بعدين ظهرت المشكلة تانى فغيرت تيل على حسابى و بعدين ظهرت تانى و روحت متعصب جدا فى التوكيل راح المهندس قالى احنا هنغير منظومة الفرامل كلها تيع الضمان
و المشكلة اختفت شوية و رجعت تانى بس اخف بكتير من الاول يعنى مثلا مرة تدوس فرامل تحس انها مليانة تحت رجلك و ان فيها ثبات و مرة تانية تلاقى فيها بوش و رجلك بتنزل جامد مع الفرامل و بيبقى الحل فى الوقت ده عشان اقف انى اشيل رجلى و ادوس تانى
3-التقفيل : بالنسبالى انا مشفتش تقفيل سئ كده الفيبر اللى فى الباب بحس انى خبطة بايدى هيتكسر لكن المقابض حلوة --- الصاج بقى زفت الصراحة انا مرة كلب طلع على الكابوت طبقه
4-التكييف : كويس مش وحش و مش الفظيع عادى يعنى
5-الفتيس جميل فى النقلات و عربية بتجرى و سريعة بس عشان تبقى ثابتة بعد 140 لازم تبقى محمل العربية انا جبت بيها 195
6- احلى ميزة انها واسعة جدا
من الاخر العربية كويسة بالنسبه لفلوسها و فئتها ودى عربية بتاعة عائلة مش شباب.
يارب اكون وضحتلك اللى انتا عايزة

[Mahmoud Rashad]

اصل انا شوية اشوف ناس تشتكی و ناس تقول لا مفيش حاجة و بعدين انا شايف ان عيب الفرامل ده بسيط ليه التوكيل مغيرهاش كل ده؟؟؟ طيب مش عايز تبيع السيراتو الی معاك؟؟ :d اصلی بدور علی سيراتو برده بس مش لاقی كله مستعبط فی الاسعار

انا الحمد لله معايا نيسان صني الشكل الجديد 2015 والحمد لله زي الفل معايا بقالها 4شهور معايا عملت بيها 10000كيلو والفرامل بتعتها والله زي الفل وانقذتني ف مواقف كتير اخرها كنت هلبس وش ف وش ف اتوبيس سياحي والحد لله لولا الفرامل كان زماني الله يرحمني العيب الوحيد ف العربيه الصاج بتعها خفيف اوي ودا عشان العربية تبقي وزنها خفيف وماتكلش بنزين انا مش بقول الكلام دا عشان من ملاك العربيه بس شهاده لله العربيه زي الفل