انه حقا توكيل محترم

[ashrsy]

على فكرة انا لسه مشترى نيسان صنى و كنت عايز اروح اعمل الصيانة الاولى فى مودرن موتورز لكن قلقت من كلامكم عليها و بفكر اروح يونايتد جروب بس مش لاقى حد بيقول ليه هى وحشه قوى كده و ايه الفرق غير المعملة

اولا مبروك عليك الصنى وربنا يديلك خيرها ويبعد عنك شرها
ثانيا فيه جزء من الحوار اللى على المنتدى بأحس انه فيه دعاية لمركز صيانة عن غيره وربما يكون بقصد تجارى فقط بدون النظر الى الخدمة المقدمة من المركز ( اكيد فهمتنى )
ثالثا من واقع تعاملى مع مودرن الهايكستب فعلا ناس وتوكيل محترم وموضوع التاخير الى بيحصل فيه لان القاعدة الاقتصادية اللى بتقول ان البضاعة الممتازة لازم يكون عليها طلب كتير ربما يفوق العرض ودا عكس البضاعة التعبانة والى راكدة فى السوق .
واخيرا ربنا يوفقك لما فيه الخير.

[sab3aawy]

وربما يكون بقصد تجارى فقط بدون النظر الى الخدمة المقدمة من المركز .

اخى العزيز ، معظمنا هنا يعرف بعضنا بشكل شيه شخصى، وكلنا مجرد ملاك للسيارة لا يهمهم فى النهاية سوى الحصول على خدمة جدية، حتى هذة اللحظة لم يتفضل احد العاملين باى من تلك المراكز لكى يدلى بدلوه فى موضوع افضل مركز صيانة،

لذلك ان كنت تقصد شخص معين تعرف انه يستفيد تجاريا من احد تلك المركاز يا ريت توضح لنا ذلك، اما لو كان الكلام على عمومه ففى هذة الحالة هو يحمل شئ من الجرح لكل من شارك فى الموضوع ليحكى خبرته عن احد مراكز الصيانة، لذلك نتمنى تحرى الدقة، خاصة فى مثل هذة الاشارات ذات الحساسية