سنترا 2017 هاى لاين

[yassal]

السلام عليكم
ناوى ان شاء الله أشترى سنترا 2017 هاى لاين اللى نازلة بشاشات dvd وباركنج سنسور وكاميرا خلفية من السبع
العربية ماشاء الله شايفها كويسة بس طبعا مجربتهاش فى السواقة والثبات
ايه عيوب العربية دى وايه مميزاتها من وجهة نظر اللى جربها وساقها قبل كده - السؤال المهم جدا : قطع غيارها موجودة فى التوكيل وبرة ولا لأ؟ انا قريت كام بوست قبل كه بيشتكوا من عدم توافر قطع الغيار حتى فى التوكيل - برجاء الافادة بسرعة للأهمية

[mummy_47]

ابعد عن نيسان ...واشتري دماغك ولو عايز تعرف السبب ..راجع مشاركات ومشاكل الاعضاء مع التوكيل وخصوصا ملاك الجوك والقاشقاي ..يعني العربيات التوب فما بالك بقى بالسنترا وصني

[salam100100]

ابعد عن نيسان ...واشتري دماغك ولو عايز تعرف السبب ..راجع مشاركات ومشاكل الاعضاء مع التوكيل وخصوصا ملاك الجوك والقاشقاي ..يعني العربيات التوب فما بالك بقى بالسنترا وصني

دا رائيك ويحترم وكمان رائ ناس تانيه انا متاكد من كدا

بس خلينى اقول
ابعد عن نيسان
وابعد عن غبور
وابعد عن منصور
وابعد عن فورد
وابعد عن رينو
وابعد عن سوبارو
وابعد عن ---------------------الخ


فى مشاكل جماعيه فى كل توكيل
وفى مشاكل فرديه فى كل توكيل

انا معايا صنى صاحبه الضجه الفظيعه فى مشكله الفرامل وبقول عن نفسى الفرامل رائعه ولسه بتيل الفابريكه وعامل 37000 كم- التوكيل بتعامل معاه عادى جدا مقابلتش مشاكل معاه عشان مفيش مشاكل واجهتها فالعربيه- بل بالعكس غيرولى بلى العجل فالضمان من غير ميرجعولى
يمكن شكوتى لحد دلوقتى من التوكيل انه بيتاخر فى تسليم العربيه - يعنى بغير زيت وفيلتر فى اربع ساعات

ارجع واقول انا راضى ....فى غيرى غير راضى عن نيسان او التوكيل
بلاش نعمم

ومش معناها ان فى ناس غير راضيين نبعد
هو طبعا الناس اللى مش عاجبهم نيسان والتوكيل ومشاكل الفتيس فالجوك والمشاركات اللى هنا فالمنتدى انا معاهم انه لازم يكملوا ويخدوا حقهم زيهم زى ملاك الفورد فوكس والفتيس (عاملين فيديو على يوتيوب متجمعين وبيشتكوا من العربيه- اكبر فضيحه لفورد فالعالم), زيهم زى صاحب الهويونداى كريتا- زيهم زى مالك الفولكس واجون تيجوان اللى ربط حمار فالعربيه وصورها قدام مول فى 6 اكتوبر وبيشتكى ان التوكيل مش عارف يصلحها

هما لما هيخدوا حقهم - هيحافظوا على حقى

لما ملاك الصنى (الشكل الجديد) من موديل 2012 ل2014 اشتكوا من الفرامل وكبروا المشكله
التوكيل صلحها فالموديل 2015 اللى هو معايا. ليه ابعد عن نيسان صنى ؟؟؟؟؟؟؟؟؟؟؟؟؟؟؟؟

بالنسبه للسينترا ياريت ملاك العربيه يشاركونا باداء العربيه والتوكيل من وجهه نظرهم

حاجه على جمب ولو غلط صلحونى, اغلب العربيات اللى بتتجمع فى مصر بتنجح فالمابيعات ومبتنقرضدش بسرعه
وبكرر اغلب- هدى مثل سريع
من اول الفيات نصر 127-128 ................لحد اللانوس-نوبيرا- فيرنا- اوبترا- صنى- وهضيف عليهم السينترا عشان انا متوقع لها استمرار النجاح على حساب الالنترا المصرى (دا رائ)
فى عربيات مكملتش زى المرسيدس العيون

[yassal]

على فكرة أنا واحد من الناس كنت هجيب الالينترا ال hd الجديدة بس بعد ما شوفت السنترا بصراحة فرق كبير لصالح السنترا مع طبعا اضافة 40 ألف جنيه فرق السعر بينهم والأثنين هاى لاين

[mummy_47]

ممكن اسال بعض الاسئلة:
السنترا بقالها اد ايه في السوق ؟؟
الالنترا بقالها ادي ايه في السوق؟؟
ليه الناس مبتشتريش السنترا زي ما بتشتري السيراتو والالنترا..رغم فرق السعر لصالح السنترا اللي كانت اسمها Blue Bird؟؟
ليه التيدا رغم انها نازله من سنين مش قادرة تنافس الكوري..؟؟؟
ليه النيسان مش منتشرة في دول الخليج زي التويوتا مثلا....بعد ما نحط النيسان باترول ونيسان ارمادا على جنب؟؟
لو نيسان مصر مش بتحترم العميل اللي دافع 300 الف او اكثر في قاشقاي ومش بتغيرله العربية لو حصل فيها مشاكل ....متخيل حضرتك انها هتعمل كده في السيارات الصني مثلا وهتغيرلك العربية لو الفتيس ال CVT حصله مشكله؟؟؟
يا فندم لازم كلنا نكون ايد واحدة عشان لو حضرتك كنت مكان صاحب الجوك والقاشقاي اتعذبت طول هذه الفترة ولسيه ماخذتش حقك حتى الان ..وراحت فرحتك بالعربية وضاعت فلوسك..يا ترى هتنصح الناس تشتري نيسان؟؟؟
كل التوكيلات فيها مشاكل لكن بنسب متفاوته ..واقل مشاكل في توكيلات الكوري...ما عدا غبور...اما سوبارو وهوندا فخليهم عللى جنب لانها سيارات محترمة وتوكيلات اكثر احتراما ...الفطيم وابو غالي
لكن توكيل نيسان لو باظ الفتيس مش هتلاقيه الا في نيسان وهتدفع مبلغ خزعبلي...وهيقولك ده عيب استخدام
الحظ كان مع توكيل نيسان في الصني الشكل القديم لانها عربية تكنولجي قديم ..بلا مشاكل تقريبا ما عدا عيوب التقفيل وبعض العيوب البسيطةالمعروفة ولكنها مستفزة احيانا وبتقفلك من العربية ..لكن ماشي فرق السعر يهون علينا..
اما في النسترا والجوك والقاشقاي والهاي تكنولوجي كار فاعتقد ان التوكيل لم يصل الى هذا المستوى ...

[tasaka]

i chose it for my sister , Sentra 2016 high line

it means it is a good choice

[Yehya Badr]

حأحكلي لحضرتك تجربة حماي و تجربة جاري مع النسيان صني القديمة - اللي هي قطع ياباني تجميع مصري مش كولكشن صيني علي هندي علي مصري علي ياباني

1) حماي معاه الصني 2010 عمل حادثة من سنتين. عربية نص نقل دخلت فيه من ورا حب يغير الشنطة أو علي الأقل الفقل اللي فيها لأنه انكسر لا لاقي عند التوكيل العظيم بتاع نسيان شنطة و لا قفل !
2) جاري معاه الصني 2004 الياباني طلعت عنده مشكلة في حساس من حساسات الموتور راح التوكيل برضة مافيش حساسات !

يعني التوكيل الجميل بعد ما أستمر في طرح العربية اكثر من 6 سنين ما عندوش ستوك قطع غيار !!

نيجي لنصابة الموسم النسيان صني الجديدة اكثر من حال موثقة هنا في المنتدي اشتكي من الفرامل و شركة نسيان مصر لها الفخر بأنها أول شركة يتم تحويلها للنيابة العامة بواسطة جهاز حماية المستهلك بسبب رداءة قطع الغيار - اللي اتضح أنها صناعة مصانع بير السلم ! - أزاي ترمي فلوسك علي عربية من انتاجهم ! يا راجل واحد صديقي كان حيروح في حادثة بسبب الصني موديل 2014 العربية ما كملتش 20 ألف كم و الفرامل عاملتها معها علي الطريق ما بين الزقازيق و القاهرة و أتقلبت و كان ماشي علي 100-90 كم في الساعة !

شوف نصيحة ابعد عن النسيان لا سنترا و لا صني و لا جوك و قشقاي ! اطالما في بدائل كثير احسن و امن مليون مرة ! السنترا دي مش حنتشر زي ما الصني القديمة ما أنتشرتش و لو أشترتيها اعمل حسابك حتدوج علي قطع غيارها كما 3 سنين لما الموديل يوقف ! و مش حتجيب ثمنها لأن الجمارك ساعتها مع الأوروبي حتبقي صفر و تكلفة التجميع في مصر حتكون اعلي من الأستيراد

[salam100100]

حأحكلي لحضرتك تجربة حماي و تجربة جاري

نيجي لنصابة الموسم النسيان صني الجديدة اكثر من حال موثقة هنا في المنتدي اشتكي من الفرامل و شركة نسيان مصر لها الفخر بأنها أول شركة يتم تحويلها للنيابة العامة بواسطة جهاز حماية المستهلك بسبب رداءة قطع الغيار - اللي اتضح أنها صناعة مصانع بير السلم ! - أزاي ترمي فلوسك علي عربية من انتاجهم ! يا راجل واحد صديقي كان حيروح في حادثة بسبب الصني موديل 2014 العربية ما كملتش 20 ألف كم و الفرامل عاملتها معها علي الطريق ما بين الزقازيق و القاهرة و أتقلبت و كان ماشي علي 100-90 كم في الساعة !

شوف نصيحة ابعد عن النسيان لا سنترا و لا صني و لا جوك و قشقاي ! اطالما في بدائل كثير احسن و امن مليون مرة ! السنترا دي مش حنتشر زي ما الصني القديمة ما أنتشرتش و لو أشترتيها اعمل حسابك حتدوج علي قطع غيارها كما 3 سنين لما الموديل يوقف ! و مش حتجيب ثمنها لأن الجمارك ساعتها مع الأوروبي حتبقي صفر و تكلفة التجميع في مصر حتكون اعلي من الأستيراد

http://www.nilemotors.net/Nile/479899-a.html

[salam100100]

خلونا نتيح فرصه لملاك السينترا يبلغونا عن عربيتهم - اداء العربيه- اداء التوكيل- قطع الغيار - ما هى المشاكل اللى بتواجههم
دا اساس الموضوع

جميع الاراء تحترم
حضارتكم قلتم رائيكم
انا قلت رائ
ناقص ملاك السينترا

يا ملاك السينترا متبخلوش علينا ولو فى تحذير قولوه- كونوا محايدين فى تقيمكم للعربيه

[sherif_mahalla]

هي بصراحة حظوظ
بس أنا عن نفسي في واحد صاحبي معاه سنترا ٢٠١٥ و سمع صفارة في الفرامل
التوكيل قاله مشكلة في الطنابير ؟؟!!
من سوء الاستخدام ؟؟!!!
و تغييرهم على حسابك الخزعبلي
طبعا قالهم طنابير ايه اللي من سوء استخدام
في سنه؟!
و صيانتها كلها عندكوا أصلا يبقى إزاي
المهم المفاأجه
زهق من الصفارة
راح لفني فرامل فكهاله لقاها صيني؟!!!!!!
لأ و نوع ردئ جدا
طبعا غيرها
بس للأسف مش هيقدر يثبت أي حاجه و هما عارفين ده
لأنك في التوكيل مبتشوفهومش و بره التوكيل مش هتقدر تثبت
المهم ركب نوع كويس
و الصفارة راحت
و الطنابير فل الفل
قولي بقى مين ممكن يركبلك فرامل مضروبة في توكيل أي عربية
مش معقول كل الناس اللي بتشتكي دي بتتجنى عليهم
فيه زميل آخر كان معاه صني الشكل الجديد و عامله ٤٠٠٠ كيلو و اتقلب على سرعة ٨٠ بسبب العيب الشهير
بس فيه أصحاب تانيين معاهم بدون مشاكل
الخلاصة ابعد عن الشر و غنيله

[yassal]

بصراحة كل توكيل فى مصر ليه مشاكله بس طبعا باختلاف نوعية المشاكل - المهم فعلا محتاجين أصحاب السنترا يقولوا تجاربهم مع قطع الغيار فى التوكيل وأداء العربية معاهم

[Colin Chapman]

شكل 2017 سنترا

السلام عليكم
ناوى ان شاء الله أشترى سنترا 2017 هاى لاين اللى نازلة بشاشات dvd وباركنج سنسور وكاميرا خلفية من السبع
العربية ماشاء الله شايفها كويسة بس طبعا مجربتهاش فى السواقة والثبات
ايه عيوب العربية دى وايه مميزاتها من وجهة نظر اللى جربها وساقها قبل كده - السؤال المهم جدا : قطع غيارها موجودة فى التوكيل وبرة ولا لأ؟ انا قريت كام بوست قبل كه بيشتكوا من عدم توافر قطع الغيار حتى فى التوكيل - برجاء الافادة بسرعة للأهمية

شكل 2017 سنترا

[Omar_4ever]

اول ما نزلت كانت تايلاندي زي التيدا، وعلى فكرة هي نفس موتور وشاسيه وعفشة وصالون التيدا مع الفرق ان السنترا سيدان والتيدا هاتشباك وكانت ممتازة

اما دلوقتي بقت تقفيل مصري فالله اعلم

[yassal]

على فكرة التقفيل المصرى مش سيئ - أنا شوفتها عالطبيعة ودخلت جوه العربية وعجبنى خاماتها جدا - بس طبعا معرفتش أجربها عالطريق عاملة ايه؟ بالمناسبة سعرها الرسمى للى حاجز من شهر 7 بقى 199500 جنيه !!!

[salam100100]

ياااااه 200 الف
طيب ايه العربيات اللى فى نفس الرينج دا؟
الاسعار بترتفع بسرعه جدا والواحد محتاج يتابع الاسعار يوميا زى البورصه

ال200 تجيب ايه تانى؟؟؟؟؟