سنترا 2017 هاى لاين

[mummy_47]

ياااااه 200 الف
طيب ايه العربيات اللى فى نفس الرينج دا؟
الاسعار بترتفع بسرعه جدا والواحد محتاج يتابع الاسعار يوميا زى البورصه

ال200 تجيب ايه تانى؟؟؟؟؟

متجبش حاجة ....لان مفيش حد بيبيع بالسعر الرسمي ..حتى التوكيل ...لو لقيت حد بيبيع بالسعر الرسمي ابقى قولنا عليه

[salam100100]

هرجع واقول يارب ملاك السينترا يرجعوا من اجازتهم ويشاركونا بالعربيه : مميزات وعيوب
بحياديه عشان لحد دلوقتى معندناش معلومات اكيده من ملاكها- كلها معلومات متناقله مش من فم ملاكها

هل تسمعونى؟؟؟؟؟؟؟؟؟؟

[yassal]

على فكرة العربية تمنها وصل فى بعض المعارض 240 ألف استلام فورى بدون اضافات السبع !!!

[salam100100]

انا فعلا حزين
قرب 4000 مشاهده للموضوع لكن للاسف موصلوش لمعلومه اكيده من ملاك السينترا

[magedms2001]

انا معايا السنترا من 3 شهور و دا انطباعي عنها مع العلم اني كنت راكب قبلها كروز و نيسان صني n 16 :
مميزات : وسع رهيب علو عن الارض خامات ممتازه استهلاك بنزين جيد جدا و كماليات معقوله كل دا بسعر مناسب
عيوب : تيل فرامل وحش بيهبب بعض عيوب تقفيل بسيطه لا تذكر عفشه ناشفه ثبات بعد 120 بيقل كتير كاوتش سئ سحب بطئ توكيل متوسط بعض الكماليات المهمه ناقصه زي السينسور و وحده الرفع الاوتولوك و الانذار بس كله بيركب و طبعا عدم وجود مرايات ضم او مثبت سرعه

الملخص: عربيه ممتازه علي قد فلوسها و كماليتها مع ان سعرها الان اصبح مبالغ فيه شويه بس دا حال كل العربيا ت في مصر

[blue_crystal]

أنا معايا سنترا 2017 عاملة 1300 كم حتى الاّن
العربية ممتازة ... نعومة و وسع و ثبات
الصالون نضيف و المواد المستخدمة قيمة مش بلاستيك
اداءها حلو بس مش جراية قوى ... العادى يعنى مش بطة ولا جراية ... فيها سبورت جير بس مش بحب استعمله
المشكلة الوحيدة التيل بيهبب فعلا و كمان احيانا بيطلع صوت صفارة متقطعة فى بداية حركة العربية ... اتنضف فى صيانة ال1000 و الصوت اتحسن كتير و تحت التجربة
فى رأيى ينقصها حساسات ركن خلفى بس مودرن و اوتو ايجيبت بيركبوا

[أحمد ابراهيم م]

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

[salam100100]

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

ممكن من فضلك توضيح اكتر للعيوب (لو بالتفصيل لو امكن)
وعشان نستوعب العيوب دى ممكن توضحلنا حضرتك بتقارنها بايه (يعنى مثلا بعربيتك السابقه)
وايه المشاكل اللى حضرتك واجهتها مع التوكيل

مشاركتك هتساعد ناس كتير تحدد وتحلل العربيه فى اخد قرار الشراء

[Colin Chapman]

miam0502788391

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

miam0502788391

[tasaka]

miam0502788391

thank God , you are back

i was very worried about you , and i was about to post asking if you are OK

welcome back Colin

[mohamedkandel]

السنترا عربيه رائعه احسن عربيه في رنج سعر ال 250 هي والفلوانس عيوبها انها بطيئة من صفر الي 60كم لكن بعد كده بتسحب حلو قوي وكراسيها ناشفة شويه لكن مميزات وسع وفخامه وشياكه ونعومة واداء وخامات جيدة وسعر مناسب للعربية في ظل هبل الاسعار الحاليه

[yassal]

أنا شايف انها فعلا أجسن الموجودين حاليا فى فئة سعرها حتى بعد ما زادت لأن كل العربيات زادت بمعدل يمكن أكتر من السنترا كمان

[سيف سامح]

السنترا 2017 مش فيها ولا سينسور للركنه ولا usp ولا GPS ولا شاشه dvd

[salam100100]

السلام عليكم
ناوى ان شاء الله أشترى سنترا 2017 هاى لاين اللى نازلة بشاشات dvd وباركنج سنسور وكاميرا خلفية من السبع
العربية ماشاء الله شايفها كويسة بس طبعا مجربتهاش فى السواقة والثبات
ايه عيوب العربية دى وايه مميزاتها من وجهة نظر اللى جربها وساقها قبل كده - السؤال المهم جدا : قطع غيارها موجودة فى التوكيل وبرة ولا لأ؟ انا قريت كام بوست قبل كه بيشتكوا من عدم توافر قطع الغيار حتى فى التوكيل - برجاء الافادة بسرعة للأهمية

فات اكثر من سنه على المشاركه
ايه اخبار قرار الشراء؟

[Shady Mahmoud]

السلام عليكم . لو سمحتم أنا كنت ناوي أشتري سنترا 2018 الهاي لاين . بس قريت هنا كلام بصراحة سد نفسي عنها . هل العيوب اللي بتتكلموا عنها دي لسة موجودة في موديل 2018؟ ولا دي في الموديلات السابقة فقط؟ وهل قطع الغيار فعلاً فيها مشاكل حتى في التوكيل؟ وموضوع الفرامل دة مهم جداً لأن عندي أولاد والأمان في العربية مهم طبعاً

ولو مش حلوة إيه ممكن يتجاب في ظل الأسعار اللي في السوق دي بحدود 300000 جنيه؟

شكراً مقدمأ وبرجاء الإفادة