محتاج نصيحتكم

[aboezz44]

بسم الله
شوفوا يا اخواتى يا حبايبى
انا معايا صنى 2009الشكل القديم وبصراحه فى مشكلتين معكننين عليا
1- العربيه بتعووووووووووم لما بيركب فيها 2عيال مش 2 كبار فى الكرسى الورانى بتلاقى الدريكسيون فى وادى والعربيه فى وادى تانى
2- صوت هواء مزعج فى السياره داخل من الزجاج بتاعها على الرغم من انه محكم الأغلاق
المشكلتين دول معايا حتى بعد ما عملت صيانة ال 1000و5000و10000
فى يونايتد جروووب الى فى الدراسه صيانة ال5000
وال1000و10000فى السبع زهراء المعادى
انا روحت كشفت على العربيه فى مركز صيانه كبير فى المنصوره عندنا لضبط الزوايا وكانت المفاجأة ان العربيه واطيه من الشمال 20مم بعد الكشف عنها بجهاز الكمبيوترالى ماشفتش زيه فى اى مركز صيانه لنيسان
ونصحنى انى اروح لبتاع عفشه علشان ارفع العربيه بجلبتين من فوق المساعدين الشمال الخلفى بس بصراحه انا خايف العب فى العربيه على الرغم من ثقتى فى المركز دا لأن اخويا كان جايب لانسر سوبر اكشن وكانت بتعووم برده وغلب معاهم فى التوكيل والمركز دا الى حل المشكله بفضل الله
ولما تروح عندهم تلاقى عربيات لانسر زيرو ومرسيدس وبى ام لأنهم ناس فى منتهى الأحترافيه
بس برده انا محتار بصراحه اعمل ايه وانا خلاص غلبت مع التوكيل
ياريت تنصحونى وتشوروا على اخوكم
اسف للأطاله ومتشكر مسبقا على الردود

[amrehab]

انا شفت موضوعك والله يابوعز ومقدرش انتا بالزات مكتبش رد لان انتا فعلا من الناس المحترمة جدا جدا...
المهم بصراحة انا مش فاهم يعنى ايه بتعوم منك العربية لما بيبقى فى 2 عيال ورا معلش حاول تفهمنى اكتر لان انا عندى العربية بركب فيها 2 تقال او 2 خفاف او حتة وانا لوحدى العربية ثابتة ومش بعوم خالص فيرات حضرتك تفهمنى اكتر عن موضوع التعويم دا...
اما عن مشكلتك الثانية بتاعت صوت الهوا فخلى باللك لو انت غيرت الازاز اللى قدام ممكن ميكونش راكب كويس ودا هيعمللك صوت هوا جامد اوى انما صوت الهوا اللى بتسمعه من الازاز اللى جنبك العادى فدا بتهيالى اسلوب العزل بتاع العربية اصدى ان دا طبيعى فى الصنى مش مشكلة فى عربيتك.
وعايز نصيحتى اوعا تلعب فى العربية برا التوكيل فى العفشة مثلا ولا حاجة وبعدين انتا ايه اللى دراك ممكن يكون عايز يعمل عليك شغل ولا حاجة خليك احسن مع التوكيل حتى عشان عربيتك لسة جديدة فبلاش تدخل نفسك فى توهان...
وربنا يباركللك فيها يارب وابقى طمنى برضو كدا عملت ايه

[hany79]

ازيك يا ابو حميد
بص يا معلم بالنسبة لموضوع ان العربية عالية من ناحية عن التانية, انا من 3 شهور كانت العربية بتحدف شمال المهم روحت عند واحد جامد بتاع زوايا (درش) بس مش هو اللي كان في الورشة حطينا العربية على جهاز الزوايا لقينا مفيش حاجة لكن لاحظنا ان العربية فعلا عالية 17مم من ناحية عن التانية قاللي يبقى هو ده السبب ان العربية بتحدف فلازم ترفع السوست في الناحية دي بجلب لغاية ما يكونوا زي بعض , طبعا انا سمعت الكلام ده اتجننت عربية بقاها 7 شهور و يتلعب فيها قولت بس اطلع على السبع يشوفوا فيه ايه لكن اول ما قولت على موضوع ان ناحية اعلى من التانية لقيت كل اللي شغالين في المركز بيقولولي ان ده طبيعي في كل الصني و هم مش عارفين ليه التصميم عملوه كده و قالولي حتطلع على جهاز الزوايا و ظبطوه و الحمدلله دلوقتي زي الفل.
اما بالنسبة للصوت فده عيب في الصني اللي هو العزل اتمنى اكون افدت.

[khaleel]

يا اخي احمد
موضوع صوت الهوا ده كان مجنني لدرجة اني في مره قفلت مرايات الجنب ومشيت بالعربيه وكانت المفاجاه ان الصوصت زاد عن الاول
اعتقد ان ده عيب في عزل العربيه بس مش عندك انت بس ده عند الناس كلها
(زي تزييق الكراسي)(الدبه في المساعدالخلفي اليمين)الخ الخ الخ
بس هاقولك علي حاجه
انا ركبت الالنترا والله لا تسمع صوت موتور ولا هوا (كنا ماشيين 200كم/س)
كأن العربيه وافقه مش ماشيه
وبعد ما قرأت موضوع عن زميل هنا في المنتدي ان العربيه ظهر فيها بقع بيضاء علي الدهان في الكبوت والسقف والشنطه بدأت اقلق حتي من غسيل العربيه

وشبعت تريقه من اعضاء المنتدي لما كتبت موضوع عن ان الصني مرشوشه هنا في مصر

واللي يقول ياميلة بختي واللي واللي000000000000000

المهم انا لاحظت ان لون الكبوت عندي افتح من لون العربيه حاجه بسيطه لدرجة ان كذا واحد بتاع دوكو يقوللي انت رشيت الكبوت
الظاهر انهم ركبولي الكبوت اللي اتخلغ من العربيه بتاعة زميلنا اللي بتكلم عنه فوق

والله انا بدأت اشك في ان العربيات دي ممكن تكون بتتجمع تحت السلم في6 اكتوبر بس سلم كبير شويه

وكمان المشاكل الله بتظهر عندي وابلغ بيها التوكيل مش بتتحل مع ان الناس عماله تشكر في التوكيلات والخدمات وبتدفع مصنعيات بالميات

لو حد كان يشجعني ان ممكن الصق ورقه علي العربيه مكتوب عليها (أوعي تشتري الصني) عشان ربنا مايحاسبناش وندبس الناس فيها بعد ما دفعوا كل اللي معاهم فيها اللي قسط واللي كيش

[د.محمد]

اهلا و أدى عيب جديد

[د.محمد]

انت رحت لمركز أبو حجر

[amrsabet]

استاذ خليل حضرتك ممكن تروح لمركز السبع وتقابل المهندس / محمد عمر technical support فى المركز وخليه يطلع يجرب معاك العربية فى العين السخنة وهوا لما يسمع الصوت هيقولك ده جاى منين ولو المشكلة متحلتش كلم خدمة العملاء فى المصنع وقولهم مشكلتك وهما هايخلوا حد من مهندسى الجودة فى المصنع يكلمك احكيله المشكلة وفى النهاية العربية لو اى مشكلة فشل مركز الصيانة فى حلها بتروح المصنع تتظبط وترجع جديدة ولا تزعل نفسك وغالبا صوت الهوا اللى عندك بسبب جوانات الباب الامامى عايزة تتغير ودى حاجة بسيطة لانك حتى اى حاجة بتتغير مش هتدفع حاجة فيها اهم حاجة يكون عندك صبر لان كده كده مشكلتك حتتحل ببساطه لان توكيل نيسان توكيل محترم ولايماطل مع العملاء بعكس كثير من التوكيلات الاخرى فى مصر زى منصور شيفورلية ولا حتى غبور بيه
بس فى النهاية حضرتك لو كان عندك مشكلة فى العربية فده مش نتيجة انها متقفلة فى مصر ولكن ربنا سبحانه وتعالى مقدرلك ده يعنى فى ناس شارية عربيات نيسان كتير معندهاش ولامشكلة ومبسوطة من التوكيل ومن العربية وفى ناس شارية عربيات مستوردة من الخارج ودفعا مبالغ طائلة وعندها مشاكل ومش عارفة تحلها وحضرتك ممكن تلف فى المنتدى كده وتقرا حتلاقى ناس كتيير بتشتكى من عربياتها رغم انها عربيات غالية وكمان مستوردة وارجوا ان يكون كلامى مقبول بالنسبة ليك

[amrsabet]

انا اسف نسيت اكتب كلمة طريق قبل العين السخنة

[hany79]

استاذ خليل حضرتك ممكن تروح لمركز السبع وتقابل المهندس / محمد عمر technical support فى المركز وخليه يطلع يجرب معاك العربية فى العين السخنة وهوا لما يسمع الصوت هيقولك ده جاى منين ولو المشكلة متحلتش كلم خدمة العملاء فى المصنع وقولهم مشكلتك وهما هايخلوا حد من مهندسى الجودة فى المصنع يكلمك احكيله المشكلة وفى النهاية العربية لو اى مشكلة فشل مركز الصيانة فى حلها بتروح المصنع تتظبط وترجع جديدة ولا تزعل نفسك وغالبا صوت الهوا اللى عندك بسبب جوانات الباب الامامى عايزة تتغير ودى حاجة بسيطة لانك حتى اى حاجة بتتغير مش هتدفع حاجة فيها اهم حاجة يكون عندك صبر لان كده كده مشكلتك حتتحل ببساطه لان توكيل نيسان توكيل محترم ولايماطل مع العملاء بعكس كثير من التوكيلات الاخرى فى مصر زى منصور شيفورلية ولا حتى غبور بيه
بس فى النهاية حضرتك لو كان عندك مشكلة فى العربية فده مش نتيجة انها متقفلة فى مصر ولكن ربنا سبحانه وتعالى مقدرلك ده يعنى فى ناس شارية عربيات نيسان كتير معندهاش ولامشكلة ومبسوطة من التوكيل ومن العربية وفى ناس شارية عربيات مستوردة من الخارج ودفعا مبالغ طائلة وعندها مشاكل ومش عارفة تحلها وحضرتك ممكن تلف فى المنتدى كده وتقرا حتلاقى ناس كتيير بتشتكى من عربياتها رغم انها عربيات غالية وكمان مستوردة وارجوا ان يكون كلامى مقبول بالنسبة ليك

[khaleel]

شكرا يا استاذ عمر ثابت
بس انا شايف ان كل اللي بيعمله التوكيل انه بيربط علي العفشه ويغير زيت وفلتر وبعد كده تدفع فاتوره 500 600 جنيه
ويقولك المهندس لو في حاجه تعالي تاني او في الصيانه اللي بعدها
انا اقرب توكيل ليا مودرن موتورز وانا من السويس يعني المشوار رايح جاي 300كم

[amrehab]

بصراحة انا استفزتنى اوى موضوع ان العربية بتتجمع تحت سلم فى 6 اكتوبر بصراحة انا معنديش رد ليك غير ان كفاية انتشار العربية فى مصر بقى عامل ازاى ودا اكبر دليل على نجاح العربية دى بجد وتانى حاجة ان كان الالنترا ماتسمعش فيها اى صوت هوا فدا نظام عزل العربية كل عربية ليها نظام عزل معين وكل عربية ليها ميزة وعيب.وشكرا

[د.محمد]

شكرا يا استاذ عمر ثابت
بس انا شايف ان كل اللي بيعمله التوكيل انه بيربط علي العفشه ويغير زيت وفلتر وبعد كده تدفع فاتوره 500 600 جنيه
ويقولك المهندس لو في حاجه تعالي تاني او في الصيانه اللي بعدها
انا اقرب توكيل ليا مودرن موتورز وانا من السويس يعني المشوار رايح جاي 300كم

بس ده مبلغ مبالغ فيه شويه

[PoweRPassioN]

استاذ خليل حضرتك ممكن تروح لمركز السبع وتقابل المهندس / محمد عمر technical support فى المركز وخليه يطلع يجرب معاك العربية فى العين السخنة وهوا لما يسمع الصوت هيقولك ده جاى منين ولو المشكلة متحلتش كلم خدمة العملاء فى المصنع وقولهم مشكلتك وهما هايخلوا حد من مهندسى الجودة فى المصنع يكلمك احكيله المشكلة وفى النهاية العربية لو اى مشكلة فشل مركز الصيانة فى حلها بتروح المصنع تتظبط وترجع جديدة ولا تزعل نفسك وغالبا صوت الهوا اللى عندك بسبب جوانات الباب الامامى عايزة تتغير ودى حاجة بسيطة لانك حتى اى حاجة بتتغير مش هتدفع حاجة فيها اهم حاجة يكون عندك صبر لان كده كده مشكلتك حتتحل ببساطه لان توكيل نيسان توكيل محترم ولايماطل مع العملاء بعكس كثير من التوكيلات الاخرى فى مصر زى منصور شيفورلية ولا حتى غبور بيه
بس فى النهاية حضرتك لو كان عندك مشكلة فى العربية فده مش نتيجة انها متقفلة فى مصر ولكن ربنا سبحانه وتعالى مقدرلك ده يعنى فى ناس شارية عربيات نيسان كتير معندهاش ولامشكلة ومبسوطة من التوكيل ومن العربية وفى ناس شارية عربيات مستوردة من الخارج ودفعا مبالغ طائلة وعندها مشاكل ومش عارفة تحلها وحضرتك ممكن تلف فى المنتدى كده وتقرا حتلاقى ناس كتيير بتشتكى من عربياتها رغم انها عربيات غالية وكمان مستوردة وارجوا ان يكون كلامى مقبول بالنسبة ليك

+111111111111111111111

[amrsabet]

اخى العزيز ا/خليل انا نصحت حضرتك انك تروح مركز السبع لسبب واحد ان مصنع نيسان فى مصر بيقدمله الدعم الكامل يعنى لو فشلوا فى حل مشكلة مهندس الضمان فى المركز بيكلم المصنع والعربية بتروح المصنع تتظبط فى مهندس فى المصنع اسمة م/ محمد حفنى ده مهندس اخدمه مابعدالبيع فى المصنع وفى مهندس اسمة /رامى جوده ده مهندس توكيد الجوده فى المصنع انا عايز اقولك ان لو عربيتك فى اصوات شخاليل فهما قادرين تماما على حل اى مشكلة لانهم باستمرار بيخدوا تدريب فى اليابان على اصلاح الاعطال الخاصة بسيارات نيسان جرب وروح مركز السبع وقول لمهندس /محمد عمر انك عندك مشكلة وان عمرو ثابت نصحك تروح السبع وشوف هيعمل معاك اية
وعمتا انا عايز اقول للسادة الاعضاء ان العربية النيسان بتتجمع فى المصنع فى 6 اكتوبر من عير ولاجهاز روبوت للتجميع حتى اللحام ولكن المشكلة ان العربية بتتطلع من المصنع بعد ماتتجرب على الرامب بتاع الاختبار مابيكنش فيها ولاصوت بعد كده بتظهر المشاكل انا شخصيا جربت 5 عربيات بشكل عشوائى من وسط 50 عربية ومكنش فيهم اى مشاكل

[badabeedoo]

من قال لا اعلم فقد افتى