محتاج نصيحتكم

[aboezz44]

انا شفت موضوعك والله يابوعز ومقدرش انتا بالزات مكتبش رد لان انتا فعلا من الناس المحترمة جدا جدا...
المهم بصراحة انا مش فاهم يعنى ايه بتعوم منك العربية لما بيبقى فى 2 عيال ورا معلش حاول تفهمنى اكتر لان انا عندى العربية بركب فيها 2 تقال او 2 خفاف او حتة وانا لوحدى العربية ثابتة ومش بعوم خالص فيرات حضرتك تفهمنى اكتر عن موضوع التعويم دا...
اما عن مشكلتك الثانية بتاعت صوت الهوا فخلى باللك لو انت غيرت الازاز اللى قدام ممكن ميكونش راكب كويس ودا هيعمللك صوت هوا جامد اوى انما صوت الهوا اللى بتسمعه من الازاز اللى جنبك العادى فدا بتهيالى اسلوب العزل بتاع العربية اصدى ان دا طبيعى فى الصنى مش مشكلة فى عربيتك.
وعايز نصيحتى اوعا تلعب فى العربية برا التوكيل فى العفشة مثلا ولا حاجة وبعدين انتا ايه اللى دراك ممكن يكون عايز يعمل عليك شغل ولا حاجة خليك احسن مع التوكيل حتى عشان عربيتك لسة جديدة فبلاش تدخل نفسك فى توهان...
وربنا يباركللك فيها يارب وابقى طمنى برضو كدا عملت ايه

ربنا يخليك يارب دا العربيه كلها يحصلها اى حاجه بس كفايه انى اسمع الكلمتين الحلوين دول من حضرتك
ربنا يبارك فيك وما اتحرمش من زوقك

[aboezz44]

ازيك يا ابو حميد
بص يا معلم بالنسبة لموضوع ان العربية عالية من ناحية عن التانية, انا من 3 شهور كانت العربية بتحدف شمال المهم روحت عند واحد جامد بتاع زوايا (درش) بس مش هو اللي كان في الورشة حطينا العربية على جهاز الزوايا لقينا مفيش حاجة لكن لاحظنا ان العربية فعلا عالية 17مم من ناحية عن التانية قاللي يبقى هو ده السبب ان العربية بتحدف فلازم ترفع السوست في الناحية دي بجلب لغاية ما يكونوا زي بعض , طبعا انا سمعت الكلام ده اتجننت عربية بقاها 7 شهور و يتلعب فيها قولت بس اطلع على السبع يشوفوا فيه ايه لكن اول ما قولت على موضوع ان ناحية اعلى من التانية لقيت كل اللي شغالين في المركز بيقولولي ان ده طبيعي في كل الصني و هم مش عارفين ليه التصميم عملوه كده و قالولي حتطلع على جهاز الزوايا و ظبطوه و الحمدلله دلوقتي زي الفل.
اما بالنسبة للصوت فده عيب في الصني اللي هو العزل اتمنى اكون افدت.

ربنا يبارك فيك يا هانى يا حبيبى
ان شاء الله واعمل بنصيحتك وارو ح للسبع تانى واوصف ليهم المشكله دى ويارب يحلوها لى
وان شاء الله اطمنكم
بس ارجع تانى واكرر
انا لما اى حد بيركب فى العربيه من ورا العربيه بتعووم وبتحدف شمال وبحس انى بعانى علشان احافظ على مسار العربيه وماتنحرفش منى من على الطريق والله اخر مشوار انا كنت فيه بالعربيه وكان راكب ورا اخويا وطفلين يعنى وزنهم لا يتعدى 120كجم والعربيه كانت عايمه يعنى التاره فى وادى وحاسس ان العربيه من تحت فى وادى تانى وكان فيها حدفه شمال والله انا بعد ما وصلت لقيت دراعى واجعنى جدا وبصراحه كنت معكنن جدا ازاى تشترى عربيه زيرو يابانى بمبلغ وقدره وتلاقيها زى اى عربيه مستعمله تركىفكرتنى بالشاهين الى كانت معايا قبل كده
والله المستعان

[compuland]

ممكن حضرتك تقولى انهى ناحيه بالضبط اللى كانت عاليه
ناحية السائق ولا الناحيه التانية؟؟؟

انا بشتغل فى بى ام دبلو
كل العربيات ال بى ام دبلو فعلا بتبقى اعلى من ناحيه السائق عشان اتزان العربيه
لان السائق هو الوحيد اللى بيبقى راكب على طول

حضرتك ده مش عيب ولاكن ده عشان اتزان العربيه زى ما قولتلك
الموضوع كله توزيع الوزن على الاربع عجلات

[aboezz44]

ممكن حضرتك تقولى انهى ناحيه بالضبط اللى كانت عاليه
ناحية السائق ولا الناحيه التانية؟؟؟

انا بشتغل فى بى ام دبلو
كل العربيات ال بى ام دبلو فعلا بتبقى اعلى من ناحيه السائق عشان اتزان العربيه
لان السائق هو الوحيد اللى بيبقى راكب على طول

حضرتك ده مش عيب ولاكن ده عشان اتزان العربيه زى ما قولتلك
الموضوع كله توزيع الوزن على الاربع عجلات

بسم الله
اولا انا شاكر لأهتمام حضرتك
ثانيا للأسف ان التقرير بتاع مركز ضبط الزوايا الى انا روحته كان كالأتى :ان العربيه واطيه من ناحية الشمال (الى ناحية السواق) بمقدار 20مم ودا الى مخلى العرييه بتعوووم بالطريقة المزعجه دى
اتمنى ان المعلومه دى تفيد حضرتك
وللمره المليون شاكر اهتمام حضرتك
وجزاك الله خيرا