Acceleration Lag (مشكلة فى السيفيك الجديدة)

[CosmicOne]

السلام عليكم يا رجالة

كنت عاوز أسأل اصحاب السيفيك الجديدة
لو جربت تبقى واقف ثابت (0كم) و تعمل كيك داون فجأة
حد بيحس ان العربية مخنوأة طحن على الغيار الاول لحد ما تعدى ال 3000ر بم؟؟

انا كنت بجرب امبارح الطلعة دية مع قريبى و واحد صاحبى و قريبى معاة الانترا و كان اسرع منى بفارق ثانية كاملة من 0 -100كم علشان المشكلة دية و هما الاثنين لاحظوها اوى

انا عاملت بحث على الانترنت و لاقيت المشكلة دية ملية امريكا و كندا و دية بسبب ال Drive by wire throttle

و عرفت ان فية New Reflash for the ECU لتحسين المشكلة دية بس طبعا اللة اعلم فى مصر نظامها اية؟؟

[شاهين - بنز]

عشان الموتور V-tec مصمم لتوفير البنزين على ال آر بي إم واطي وإعطاء تسارع عند آبي إم عالي
والله أعلم

[samo_1983]

و تقولوا طيارة ....... (:

[م/محمد صلاح]

كوزميك باشا انت المشكله دى حصلت معاك علشان انت كنت جايب الفتيس على ال D ودوست بنزين مره واحده
حاول تجيبها على 1 ودوس بنزين هاتلاقى العربيه نترتك لورا وده لان العربيه على الوضع D مابتكونش مهيأه لقياده رياضيه فابلتالى هاتكون الطلعه بطيئه


الاستاذ سامو مع احترامى الكبير لحضرتك الراجل بيناقش مشكله وفاتحلها توبيك مخصوص وبيدورلها على حل عند ملاك العربيه دى اللى اعتقد حضرتك مش منهم فامفيش اى مجال للتريقه

وان كان ياسيدى مش عاجبك الطياره سميها انت اى اسم ان شالله حتى البطه احنا مايفرقش معانا الكلام ده لاننا شاريين العربيه دى وعارفين امكانياتها مش علشان قالو عليها طياره اشتريناها
يعنى سواء كانت اسمها الطياره ولا حتى البطه ام رجل مكسوره كنا اشتريناها

[omar_megane]

السلام عليكم ورحمة الله وبركاته
اولا انا المشكلة دى محستش بيها علشان مبشدش كتير على العربية بس على العموم انا لقيت link كويس بيشرح الموضوع ده وهوة باختصار زى ما الاستاذ "شاهين بنز" قال وده اللينك

http://www.asashop.org/autoinc/jan2005/techtips.htm

اما بالنسبة للالنترا فأنا مش مصدق انو ممكن بسبق وحتى لو سبق فى البداية المفرض تحصلوا بعد كده وعلى مااعتقد الارقام فى صالح السيفيك
واخيرا ياأخ samo انا مش عارف ليه حضرتك متضايق من السيفيك واصحابها بس على العموم هيا طيارة فى اعين اصحابها وعلى ماأعتقد لو كانت الميتسوبيشى موجودة فى المنافسة دى كان زمانها فى الاخر لأنها اسوأ ارقام تسارع واحصنة

[م/محمد صلاح]

الله ينور ياعمر باشا
الواضح ان الاستاذ سامو مكرس وقته انه يسوا سمعة الهوندا سيفيك مع ان ماحدش فينا راح منتدى ميتسوبيشى يشتم فى اللانسر بتاعته مع اننا كلنا عارفين اللى فيها

الاولى يا استاذ سامو انك توضح مزايا ومميزات سيارتك مش عيوب الاخرين لو انت فعلا ناوى تفيد وتستفيد........!!!!!!

[tito171]

ya wad ya mimo yaly mzabtnaaa

ana tab3an lesa mastlmtsh bas edy2t 2owy lama cosmic 2al en el 3arbya btb2aa ma7'now2aa

ow ma3rftesh arowd

bas shaklk keda ya mimo darst el 3arbya kowees

ow 3ala el 3mowm mafesh mowshkela en 7ad y2owl el 3arbya mesh tayara

asl akeed hya mesh a7san 3arbya fee el 3alaam

bas el mohem yb2aa el kalam wak3y

3ashan n3raf el mowmyzat ow el 3yowb

[جندى مجند]

المشكلة دى كنت ملاحظها أول ما جبت عربيتى برضو (السيتى الـ 1500 برضو موتور VTEC و Throttle by wire) بس بعد كدة الظاهرة دى اختفت من نفسها و مش لاقيلها تفسير بس هى فعلاً بسبب الـ Throttle by wire يعنى هى مش خنقة بالضبط لكن تأخير فى الاستجابة مقداره جزء من الثانية.

[samo_1983]

أنا اسف اذا ازعجت أي حدا من الشباب , بس حبيت اعمل جو و أحرك المنتدى

على كل حال انتظرو مني موضوع عن قصتي مع معشوقتي ((---السيفيك---))

و اسف على كل حال

[CosmicOne]

يا رجالة انا عارف ال i-vtec الى فى السيفيك بتاعتنا
بس جاربو كدة الطلعة المفاجأة من الثبات على ال D or D3 وانتو هتفهموا

انا مكنتش مصدق اوى بس بجد طلعت الانترا الاوتوماتيك على الاول اقوى بكتير و دة مخليها اسرع لحد ال 100 بس مجربناش اكتر من كدة

وبعدين المفروض لو عملت كيك داون او (WOT : Wide Open Throuttle) الفى تك الاقتصادى يقفل و ال 16Valve يشتغلو للاداء

و بعدين انا شوفت على المنتديات الأمريكى و الكندى ان فى ECU reflash للمشكلة دية

MiMo
انا بصراحة اسا مجربتش اطلع على 1 بس انا خايف ملحقش انقل وادخل فى الاحمر

عارفين السبب كمان ان الفرق بينى و بين الالنترا كان ثانيا واحدة لأن الغيار الثانى فى السيفيك كان اقوى بكتير يعنى لو كانت الالنترا زيى كان الموضوع بقى اكتر من ثانية

احنا كنا ثلاثة فى العربية و السيفيك عملت 13ثانيا من 0 - 100
الالنترا بردوا ثلاثا فى العربية عملت 12 ثانيا

نفس الطريق و الاشخاص و جربنا كزا مرة , كنا بننزل من عربية و نركب التانية و نصور العداد فيديو

[samo_1983]

أخ CosmicOne عشان تحط 1 و تمشي لا تخاف ما بظن أنه تدخل على الخط الأحمر

عندي باللانسر في وحدة حماية تمنعك تدخا على الأحمر يعني توصل 6500 و ما يزيد و على الأغلب

السيفيك نفس الشي بس اتأكد بنفسك و ازا دخلت مرة على الأحمر فما في مشكلة المحرك ما بيحصلو أي شي و صدق السواقة على ال OverRide شي تاني , و أنا بفضله طلعت على أفانتي 1.6 122 حصان باللانسر ex 1.5 فكيف اذا سقت نفس الطريقة بالسيفيك !!!!!

[م/محمد صلاح]

طيب ممكن نشوف الفيديو؟
وعلى فكره الارقام المعلنه للسيفيك 12.2 ثانيه
فى نقطه انت ماخدتش بالك منها وهى ان عداد السيفيك بيجيب السرعه ديجيتال ودى بتبقى دقيقه جدا لكن عداد الالنترا عكس كده فمن الممكن تكون قبل الميه او بعد الميه اللى اقصده انها مش دقيقه زى السيفيك

كمان سؤال عايز اساله .... انت اقصى سرعه جبتها بالعربيه كانت كام ؟؟؟
ماتنساش ان العربيه لازم تفتحلها الموتور وتشدها شويه وتعودها على الاسلوب الرياضى فى السواقه وده مش كلام مصطبه والله ده كلام خبرا فى السيارات

بمعنى تانى انك لو جيبت عربيتين من نفس النوع والموديل وحالة الموتور واحده صاحبها بيسوق سواقه هاديه والتانيه صاحبها مفتحلها الموتور زى ماقلنا اكيد السحب هايختلف والتسارع هايبقى فى صالح التانيه المتفتحه

دى وجهة نظر ممكن تكون صح او غلط
وبالنسبه للاستاذ سامو احنا مازعلناش منغير سبب انت بتهاجم السيفيك مش هزار لا ده فى اكتر من مكان فى المنتدى هنا وكمان اكتر من موضوع...ولك كل احترامى

[omar_megane]

السلام عليكم ورحمة الله وبركاته
اولا انا مقدرش ازود عن اللى قاله الاستاذ mimo لأنه فعلا جاب من الاخر
انا رأيى ان السبب فعلا هوة قراءة العداد لأن اول مقريت الموضوع افتكرته drag يعنى سباق عادى مش حساب تسارع
اولا قراءة عداد الهوندا بحس فيها تأخير ولو جزء من الثانية وده شىء طبيعى جدا لأنها بتعطى range اكتر من الرقم نفسه يعنى مثلا لما تقرأ 54 تعرف ان العربية على 60 لو عامل كيك داون جامد فى العربيات اللى عدادها عادى او على سرعة 50 لو بتفرمل فى العربيات اللى عدادها عادى فالموضوع مش دقيق اوى ونفس الوضع فى الالنترا اللى ممكن يكون عدادها استعجل.
على العموم ده مش حل لموضوعنا اللى هوة الحتة اللى بتبقى مخنوقة فيها فأنا على ماأعتقد حضرتك فعلا زى ماالاستاذ mimo تجيب 1 وتستنى لما الrpm يبتدى يعلى ومتخافش لأن فى rev limiter وثانيا ان 1 ده يمتد لغاية حوالى 60 km\h وبمجرد متنقل ل2 او d3 او d حتكون اتخطيط مرحلة الكلبشة دى.
انا مجربتش الموضوع ده انما حسيت بفرق بسيط فى الاداء لما جربت موضوع النقلات بس ده كان على سبيل التجربة و التسلية لا اكثر
وبرده زى ماقال الاستاذ mimo ان كتر الحرق والشد بيفتح فى الpistons وبيساعد على التسارع انما فى نفس الوقت وللأسف بيقصف عمر الموتور
واخيرا على ماأعتقد ان ارقام التسارع بتاعت الهوندا 10.3 للمانويل فصعب تكون فوق 12 للاوتو وخاصة ان استجابته عالية فأنا ارجح كلام الاستاذ cosmic-one انها 11.3 ثانية فقط والله اعلم

[PRO-DRIVE]

الجير بوكس الاوتوماتك بيتعود علي طريقه سواقتك

غالبا بيبقي فاهمك حتعمل ايه :) عشان كدا في ناس لما بيحبوا يغيروا السواق

يفكوا الكبل بتاع الجير بوكس و يخلوه لوحده ليله :) بعدين تاني ويوم الصبح يطلع علي طريق سريع ربع ساعه و دوووس في العربيه

العربيه بعدها حتبقي نشيطه


المفروض في السباق الاول انت تعرف الـfuel Cut امتي ؟؟

و بعد كدا بتحدد قوه دوستك علي اساس انك تاخد الفتره فوق 3000 لغايه الfuel Cut

[CosmicOne]

ان شاء اللة هبأ اجرب موضوع ال الغيار 1 دة

MiMo
انا اقصى سرعة جبتها كانت 185KM

بس فية اى حد جرب الى انا قولتو دة والا لا؟

للأسف مش هقدر اجيب الفيديو لان دة كان بكميرات موبيلات اصحابى و زمانهوم مسحوة خلاص