اشمعني السيفيك

[dr.amr]

السلام عليكم

انا طبعا يا جماعه مش بشكك في السيفيك خالص

بس بلف في المنتدي بقالي كام يوم وملاحظ ان العربيه في منها شكاوي ومش قليله

يعني مثلا في شكوي من نشوفية العفشه في السيفيك

الناس تقول علشان الثبات في حين ان السيراتو يقولوا ماعرفش عفشه زباله وكلام غريب

انا مش بهاجم السيفيك خالص وللعلم انا كان معايا سيراتو 2009 وبعتها بسبب عفشتها الناشفه وماكملتش بيها 10 الاف

وبعدين في مشكلة الرجرجه اللي بتظهر مع التكييف والعربيه واقفه

وكمان بيقال ان الثبات بعد 140 بيقل

والعربيه من جوه مش واسعه زي ماكنت متخيل قبل مااركبها والشنطه كذلك

انا مانكرش ان العربيه موتورها جميل جدا والتابلوه روعه والخامات رائعه والعربيه حلوه بس ليها مأخذ

وكمان سعرها مبالغ فيه

مش عارف هل انا مخطيء في حكمي ولا ايه ؟؟

ارجو من مالكي السياره او اللي جربوها يفيدونا

ايه العيوب والمميزات من وجهة نظرك

وايه الحاجه اللي بتاخدها من السيفيك مش هتلاقيها في حاجه تانيه بنفس سعرها مثلا

منتظر مناقشتكم

[Horsepower]

السلام عليكم

انا طبعا يا جماعه مش بشكك في السيفيك خالص

بس بلف في المنتدي بقالي كام يوم وملاحظ ان العربيه في منها شكاوي ومش قليله

يعني مثلا في شكوي من نشوفية العفشه في السيفيك
كل عربية بتتعمل لتحقيق مطلبات عملاء معينين...
يعني السيتي عربية معمولة لتحقيق أفضل و أسهل إستخدام داخل المدن ... سيارة عملية داخل المدينة.
السيفيك عربية أداء و جري ... سيارة إرضاء محبي الجرى.
الأكورد عربية لمحبي الفخامة ... سيارة تلبي إحتياجات رجال الأعمال (شباب - كبار السن)
hrv و بايلوت سيارات أداء الطرق الوعرة (الصخرية والرملية) ... سيارات محبي السفاري

بالنسبة للسيفيك لكي تحصل على الأداء الرياضي إللي العربية مصممة من أجله لازم تكون العفشة كدة
مثلا الجولف 6 فيها ثلاث مستويات لأداء السيارة (مريح للسفر - متوسط داخل المدن - رياضي للجري) بيتم تغيير قيمة مشوار إمتصاص الصدمات للنظام التعليق و تغيير حرية الحركات حسب الأداء المطلوب ... الوضع الرياضي هو نفس الوضع للسيفيك ... و أعتقد الوضع المتوسط هو نفس وضع السيتي.
جرب الفرق بين أداء السيفيك في الغرز وبين أداء الجيتا أو الأوكتفيا

الناس تقول علشان الثبات في حين ان السيراتو يقولوا ماعرفش عفشه زباله وكلام غريب

انا مش بهاجم السيفيك خالص وللعلم انا كان معايا سيراتو 2009 وبعتها بسبب عفشتها الناشفه وماكملتش بيها 10 الاف
ماهو ده العشم برضه

وبعدين في مشكلة الرجرجه اللي بتظهر مع التكييف والعربيه واقفه
أهو ده كلام "مالاقوش في الورد عيب ....." إللي يعرف عربية فيها تكييف مش هاقول أفضل من السيفيك لأ خاللينا نقول حتى زيه يجي يقولنا عربيتي تكييفها زي السيفيك و من غير ثانية الرعشة بتاعت بدأ عمل كباس التكييف

وكمان بيقال ان الثبات بعد 140 بيقل
أهي دي نكته بجد.

والعربيه من جوه مش واسعه زي ماكنت متخيل قبل مااركبها والشنطه كذلك
ودي إستكمال لنكتة الثبات الضعيف للسيفيك بعد ال140
هي السيفيك ممكن ماتكونش واسعة لو هانقارنها بميكروباص
عندي لحضرتك سؤال ولأي حد عنده إعتقاد إن السيفيك مش واسعة ... السؤال هو "أذكر إسم السيارة السيدان ذات نفس الحيز المخصص للركاب و الأمتعة أو الأكبر - إن وجد للسيفيك السيدان؟ .... والسؤال ده إجباري وعاليه نسبة نجاح عالية :))

انا مانكرش ان العربيه موتورها جميل جدا والتابلوه روعه والخامات رائعه والعربيه حلوه بس ليها مأخذ
الله يكرمك ... ده بس من ذوقك :))
أنا بهزر طبعا

وكمان سعرها مبالغ فيه
سعرها مبالغ فيه مقارنة بإيه؟؟؟ جيتا؟ واللا أوكتافيا؟
العربية واخدة أحسن قيمة مقابل جودة لعام 2010 ... شوف الموضوع ده

http://www.nilemotors.net/nile/155065-2010.html

مش عارف هل انا مخطيء في حكمي ولا ايه ؟؟
حضرتك إللي تقولنا دلوقتي

ارجو من مالكي السياره او اللي جربوها يفيدونا

ايه العيوب والمميزات من وجهة نظرك

وايه الحاجه اللي بتاخدها من السيفيك مش هتلاقيها في حاجه تانيه بنفس سعرها مثلا
كل إللي ذكرته فوق

منتظر مناقشتكم

أهلا دكتور أيمن,
إسمحلي أرد على إستفساراتك أسفلها بلون أزرق.

[dr.amr]

أهلا دكتور أيمن,
إسمحلي أرد على إستفساراتك أسفلها بلون أزرق.

اهلا بيك ياباشا

انا والله مش بذم في السيفيك انا بس بستفسر عن اللي كتبته

انا معجب بيها وبالبساطه والفخامه في وقت واحد ولكن عايز مجرد اتعرف بس

وهرد عليك في رد تاني بس اعذرني مشغول شويه

[Horsepower]

اهلا بيك ياباشا

انا والله مش بذم في السيفيك انا بس بستفسر عن اللي كتبته

انا معجب بيها وبالبساطه والفخامه في وقت واحد ولكن عايز مجرد اتعرف بس

وهرد عليك في رد تاني بس اعذرني مشغول شويه

أهلا بيك يا دكتور في أي وقت.

[dr.amr]

ربنا يخليك

بس انا متعرفتش باسمك

واضح ان فيه اتفاق ان العفشه ناشفه شويه هي ماوصلتش للسيراتو بس ناشفه

مشكلة الرجرجه مع التكييف اثيرت في الموضوع ده http://www.nilemotors.net/Nile/156035-civic-2008-a.html

اما موضوع الثبات ده انا نفسي فوجئت بيه لأن شخص ما ذو ثقه في المنتدي قال انه جرب ال vti وال lxi

وقال ان فرق ال vsa واضح في الثبات والمنحنيات وقال ان بعد ال140 بتبدأ تخف هحاول ادو واجيبلك الموضوع

الوسع الداخلي انا مجربه بنفسي هي مش ضيقه بس مش واسعه زي السيراتو مثلا لمل جيت اقعد ورا خليت الشخص اللي قدامي طلع قدام يعني قصدي انها اخدتنا بالعافيه انا طولي 187

وكمان شنطتها مش واسعه زي ماشكلها يعطيك انطباع بكده

واسم العربيه السيدان هو النيو سيراتو :))

سعرها من وجهة نظري ونظر ناس كتير مبالغ فيه وخصوصا ال vti

العربيه اعتقد نزلت ب 143 ووصلت 158 كتير قوي

انا عارف انها كويسه وممتازه وانا عن نفسي بصنفها راس براس مع الجيتا والاوكتافيا ماتفرقش عنهم

منتظر ردك

[SAMEH_FOUAD]

ياباشا السيفيك من اول ماعرفناها وهية سيارة ليها بعض المميزات اللتى تميزها عن اى سيارة ثانية

1: التصميم اللى بيسبق عصرة بعشر سنين
2:جميع الكماليات تلاقيها فى السيفيك
3: قلة انخفاضها عن الارض وزيادة عرضها بشكل ملحوظ
4 : عفشة تميل الى النشوفية بس لو انت ماشى هادى مش هتحس بأى حاجة
5 : مساحة مقصورة مناسبة لجميع الاعمار والاحجام
6 : والاهم من دة كلة قلة الاعطال التى تكاد ان تكون منعدمة عند استهلا السيارة لاول 8 سنين ومافيش بس غير الصيانات الدورية

بالنسبة لسيفيك فاللى بيقول انها بتقل بعد 140 يبقى ماركبش سيفيك ,يمكن ركب سيتى لكن سيفيك الثبات بيقل بعد 180 كم وكمان بتقدر تتحكم بالسيارة بس بتركز اكتر

بالنسبة للرحابة السيفيك مظبوطة ولا هية واسعة ولا ضيقة يعنى انا طولى 190 سم ومافيش اى مشكلة فيها من حيث الرحابة بس لو انا اللى سايق لام اخد الكرسى عليا قدام ماينفعش ارجعة ورا وخلى بالك قاعدة العجلات 2700 مم يعنى اطول قاعدة عجلات
بالنسبة للتكييف والرجة دية بتحصل بس لما الكباس بيشتغل ويفصل ودة طبيعى جدا لكن وانت ماشى مابتحسش بية نهائى

سعرها مبالغ فية فقط فى فئة الvti غير دة لأ
السيارة بتديك مميزات شكل واداء وتقفيل وخامات ,وثبات وكل حاجة وغير كدة اعتمادية من الدرجة الاولى

[Horsepower]

ربنا يخليك

بس انا متعرفتش باسمك
أحمد سامي

واضح ان فيه اتفاق ان العفشه ناشفه شويه هي ماوصلتش للسيراتو بس ناشفه

مشكلة الرجرجه مع التكييف اثيرت في الموضوع ده http://www.nilemotors.net/nile/156035-civic-2008-a.html
ده كان عضو بيسأل لأنه كان فاكر إن الموضوع ده في عربيته بس ولما عرف إن ده طبيعي في كل السيفيك إطمن
و عن تجربة ومقارنات على الطبيعة برضه مافيش عربية تكييفها أفضل من السيفيك ... لحد دلوقتي.

اما موضوع الثبات ده انا نفسي فوجئت بيه لأن شخص ما ذو ثقه في المنتدي قال انه جرب ال vti وال lxi

وقال ان فرق ال vsa واضح في الثبات والمنحنيات وقال ان بعد ال140 بتبدأ تخف هحاول ادو واجيبلك الموضوع
إنت بتقارن سيفيك بسيفيك؟ :))
أيوة طبعا ... أكيد ال vsa بيحسن أداء العربية في الملفات والمناورات
شوف الموضوع ده ... عمايل إيدايه

http://www.nilemotors.net/nile/127491-vsa.html

الوسع الداخلي انا مجربه بنفسي هي مش ضيقه بس مش واسعه زي السيراتو مثلا لمل جيت اقعد ورا خليت الشخص اللي قدامي طلع قدام يعني قصدي انها اخدتنا بالعافيه انا طولي 187
أنا طبعا قعدت في السيراتو و مش مصدق إن ممكن حد يقول إن السيراتو أوسع من السيفيك
ممكن حضرتك تكون لما جيت تركب السيفيك كان صاحبها مرجع الكرسي إللي جنبه لورا زيادة ... خصوصا لو صاحبك ده متزوج ... هتلاقي زوجته بتحب ترجع الكرسي لورا زيادة.

وكمان شنطتها مش واسعه زي ماشكلها يعطيك انطباع بكده

واسم العربيه السيدان هو النيو سيراتو :))
كدة إنت بتقتارن بين السيفيك والسيراتو في الوسع ... إسأل في المنتدى عند الكيا وهم يقولولك.
ولو سألت في توكيل كيا نفسه هايقولولك على إستحياء إن السيفيك أوسع ... أكيد.

سعرها من وجهة نظري ونظر ناس كتير مبالغ فيه وخصوصا ال vti
يا راجل! ... وبتقول خصوصا ال vti؟ هو فيه عربية فيها vsa بسعر السيفيك ال vti؟
السيفيك ال vti إللي فيها vsa كامل أرخص من الجيتا و الأوكتافيا إللي مافيهومش esp أصلا إللي هو زي ال vsa!

العربيه اعتقد نزلت ب 143 ووصلت 158 كتير قوي
كتير؟!! كتير بالمقارنة بإيه بس؟
يا باشا ماتقولش العربية دي غالية إلا لما تكون بتقارنها بعربية تانية على الأقل فيها نفس الإمكانات و الجودة ومعمرة و سعرها أقل.

انا عارف انها كويسه وممتازه وانا عن نفسي بصنفها راس براس مع الجيتا والاوكتافيا ماتفرقش عنهم
حضرتك بتقول " وانا عن نفسي بصنفها راس براس مع الجيتا والاوكتافيا ماتفرقش عنهم " و ترجع تقول غالية ... إزاي؟ إذا كانت الجيتا و الأوكتافيا بيبدأو من 170 ألف؟
شخصيا مقتنع إن السيفيك أفضل من الجيتا والأوكتافيا جودة و أداء.

منتظر ردك

سعيد بالتعرف عليك والكلام معاك يا عمرو باشا.

[dr.amr]

اهلا بيك يا استاذ احمد

سعيد بالحوار معاك :))

هل الرجه اللي مع التكييف ده علطول ولا بتظهر في وقت معين بس؟؟

انا فهمت من الكلام انها علطول ياريت توضح النقطه ده

اما الثبات انا مش بقارن سيفيك بسيفك انا بقول انها بتخف بعد 140 صح ولا غلط الكلام ده

اصل ال140 دي عاملالي عقده انا سوقت حاجات كتير جدا ومجرد ما اعدي 140 احس ان العربيه خفت جدا ومنها الالنترا والسيراتو واللانسر

لأ بقي :)) انا متأكد ان السيراتو اوسع

وكمان شنطة السيراتو اوسع وبالارقام كمان

انا بقول انها اغلي مقارنه بالكورولا مثلا والمازدا 3 الجديده

[Horsepower]

اهلا بيك يا استاذ احمد

سعيد بالحوار معاك :))
يا سيدي أنا أسعد.

هل الرجه اللي مع التكييف ده علطول ولا بتظهر في وقت معين بس؟؟

انا فهمت من الكلام انها علطول ياريت توضح النقطه ده
أيوه ... طول ما التكييف شغال بس ما بتبانش إلا لما العربية تكون واقفة تماما أول ما العربية بتتحرك الإحساس بيها بيختفي

اما الثبات انا مش بقارن سيفيك بسيفك انا بقول انها بتخف بعد 140 صح ولا غلط الكلام ده

اصل ال140 دي عاملالي عقده انا سوقت حاجات كتير جدا ومجرد ما اعدي 140 احس ان العربيه خفت جدا ومنها الالنترا والسيراتو واللانسر
أنا جيبت بعربيتي 216 كم/ساعة ... على الدائري.

لأ بقي :)) انا متأكد ان السيراتو اوسع

وكمان شنطة السيراتو اوسع وبالارقام كمان

انا بقول انها اغلي مقارنه بالكورولا مثلا والمازدا 3 الجديده
وهي كورولا واللا مازدا 3 زي السيفيك في الإمكانيات والجودة؟

[hondaman]

اهلا بيك يا استاذ احمد

سعيد بالحوار معاك :))

هل الرجه اللي مع التكييف ده علطول ولا بتظهر في وقت معين بس؟؟

انا فهمت من الكلام انها علطول ياريت توضح النقطه ده

اما الثبات انا مش بقارن سيفيك بسيفك انا بقول انها بتخف بعد 140 صح ولا غلط الكلام ده

اصل ال140 دي عاملالي عقده انا سوقت حاجات كتير جدا ومجرد ما اعدي 140 احس ان العربيه خفت جدا ومنها الالنترا والسيراتو واللانسر

لأ بقي :)) انا متأكد ان السيراتو اوسع

وكمان شنطة السيراتو اوسع وبالارقام كمان

انا بقول انها اغلي مقارنه بالكورولا مثلا والمازدا 3 الجديده

حضرتك مركبتش سيفيك عشان تقول 140 تبقى خفيفة
وحضرتك مينفعش تقارن الانترا بهوندا سيفيك وبلااش نقول سيراتو عشان بتوع السيراتو ميزعلوش بس بردو مفيش مجال للمقارنة

[dr.amr]

حضرتك مركبتش سيفيك عشان تقول 140 تبقى خفيفة
وحضرتك مينفعش تقارن الانترا بهوندا سيفيك وبلااش نقول سيراتو عشان بتوع السيراتو ميزعلوش بس بردو مفيش مجال للمقارنة

لا ركبت سيفيك

بس ماجبتش 140 لانها مش بتاعتي

انا مش بهاجم السيفيك يا جماعه والله انا بس بستفسر عنها من ملاكها

والله انا نفسي اجيبها بس اما اشوف عربيتي الاول اللانسر مدغدغه في التوكيل مش عارف هتتكلف كامو هعرف ابيعها كويس ولا لأ

انا معاك ان مفيش مقارنه بين السيفيك والسيراتو بس السيراتو اوسع شويه

[dr.amr]

انا معاك يا استاذ احمد ان الهوندا افضل

ولكن هل الفرق يوصل ان الفرق مابين الهاي لاين هنا وهنا 30 الف تقريبا

مع العلم انهم نفس الفئه ونفس بلد المنشأ

ومع العلم ان المازدا والتويوتا تقريبا نفس السعر

التوكيل مستغل اسم هوندا اللامع وخصوصا في السيفيك ومعلي السعر شويه

بس عربيه ممتازه وربنا يرزقني واجيبها

اهم حاجها عرفتها منك انها مابتخفش بعد 140

طيب امتي تقريبا تبتدي تحس انك بتركز اكتر في التحكم في العربيه يعني بعد سرعة كام تقريبا تحس انك لازم تركز معاها اكتر

انا اصلي بروح مرسي مطروح كتير وطول الطريق مش بقل عن160 علشان الواحد بيزهق من الطريق الطويل

وساعات جبت بالالنترا 210 بس ايه كانت مراجيح :)

[dr.amr]

ياباشا السيفيك من اول ماعرفناها وهية سيارة ليها بعض المميزات اللتى تميزها عن اى سيارة ثانية

1: التصميم اللى بيسبق عصرة بعشر سنين
2:جميع الكماليات تلاقيها فى السيفيك
3: قلة انخفاضها عن الارض وزيادة عرضها بشكل ملحوظ
4 : عفشة تميل الى النشوفية بس لو انت ماشى هادى مش هتحس بأى حاجة
5 : مساحة مقصورة مناسبة لجميع الاعمار والاحجام
6 : والاهم من دة كلة قلة الاعطال التى تكاد ان تكون منعدمة عند استهلا السيارة لاول 8 سنين ومافيش بس غير الصيانات الدورية

بالنسبة لسيفيك فاللى بيقول انها بتقل بعد 140 يبقى ماركبش سيفيك ,يمكن ركب سيتى لكن سيفيك الثبات بيقل بعد 180 كم وكمان بتقدر تتحكم بالسيارة بس بتركز اكتر

بالنسبة للرحابة السيفيك مظبوطة ولا هية واسعة ولا ضيقة يعنى انا طولى 190 سم ومافيش اى مشكلة فيها من حيث الرحابة بس لو انا اللى سايق لام اخد الكرسى عليا قدام ماينفعش ارجعة ورا وخلى بالك قاعدة العجلات 2700 مم يعنى اطول قاعدة عجلات
بالنسبة للتكييف والرجة دية بتحصل بس لما الكباس بيشتغل ويفصل ودة طبيعى جدا لكن وانت ماشى مابتحسش بية نهائى

سعرها مبالغ فية فقط فى فئة الvti غير دة لأ
السيارة بتديك مميزات شكل واداء وتقفيل وخامات ,وثبات وكل حاجة وغير كدة اعتمادية من الدرجة الاولى

شكرا للرد

اهم شيء االثبات

[Horsepower]

انا معاك يا استاذ احمد ان الهوندا افضل

ولكن هل الفرق يوصل ان الفرق مابين الهاي لاين هنا وهنا 30 الف تقريبا

مع العلم انهم نفس الفئه ونفس بلد المنشأ

ومع العلم ان المازدا والتويوتا تقريبا نفس السعر

التوكيل مستغل اسم هوندا اللامع وخصوصا في السيفيك ومعلي السعر شويه

بس عربيه ممتازه وربنا يرزقني واجيبها

اهم حاجها عرفتها منك انها مابتخفش بعد 140

طيب امتي تقريبا تبتدي تحس انك بتركز اكتر في التحكم في العربيه يعني بعد سرعة كام تقريبا تحس انك لازم تركز معاها اكتر

انا اصلي بروح مرسي مطروح كتير وطول الطريق مش بقل عن160 علشان الواحد بيزهق من الطريق الطويل

وساعات جبت بالالنترا 210 بس ايه كانت مراجيح :)

خللي بالك يا عمرو باشا إن الكورولا جنوب أفريقي (مش ياباني) ولو ياباني سعرها هايزيد بس برضه مش هايوصل للسيفيك ... في رأيي.
المازدا ياباني بس تكونولجيا المواتير عندهم متأخرة عن هوندا و تويوتا .... ده غير إن الهاي لاين في السيفيك فيه VSA كامل وده ليه ثمن.
والله يا دكتور لي صديق و زميل عمل معاه كورولا 2009 وحصل إنه فرمل بعد بقعة زيت العربية لفت منه وطلعت بالظهر فوق الرصيف ... الأضرار بس فردة كاوتش خلفية إنفجرت بسبب خبطة الرصيف والجنط سليم ... تسألني فين ال ABS وماشتغلش ليه أقولك ولا حد يعرف ... ده هو ده وقت عمل ال ABS الواحد بيدفع فلوس في أنظمة الأمان مش علشان يستعملها ... لا ... بس لما يكون محتاجها تشتغل مش كمان ماتشتغلش.
ممكن تكون حالة فردية ... ماشي ... بس ليه أحط نفسي فيها؟

شوف و و الله مش شكر في السيفيك ... أنا لو الزمن رجع بي تاني قبل الشراء هاجيب جولف 6 TSI هاي لاين ولو ما حصلش نصيب هاجيب سيفيك بس هاجيب ال VTi ... الباقي كله يجي بعد العربيتين دول.

[Moustafa_Kamel]

سلام عليكم
و الله انا مش هاقدر اقول اكتر من اللى قالوه الاخوه الاعضاء
بس اا هاقولك انى بعد دراسه مستفيضه لمده اكتر م 6 شهور بين السيفيك و الجيتا و الفانتزيا جبت السيفيك الحمد لله و اللى خلانى افضلها فى المقام الاول انها اوسع من الجيتا و جر امامى فمافيش الجزء البارز بين الكرسيين اللى فى الكنبه اللى ورا يعنى تاخد تلاته مستريحين ورا ثانيا جربت ال3 عربيات على الطريق و السيفيك كانت اثبتهم و الموتور فوق الممتاز بالنسبه انه 1.6 و مع ان الجيتا فيها كماليات اكتر من السيفيك ك الباركينج سينسور و البلو توث و دى فى اقل فئه فيها اللى ب 170 الف و مع ذلك فضلت انى ادفع 190 الف فى عربيه اقل فى الكماليات و لكن افضل فى حاجات تانيه اهم
و لوالموضوع بالتمن فالموبيل الصينى فيه كل حاجه و كمان تليفيزيون تفتكر ممكن تشتريه حتى لو بربع التمن(الغالى تمنه فيه)