شد الهوندا وأصوله

[Ralliart]

موضوع جامد والهوندا عربيه تجيبها بقلبك والموديل بتاع التسعينات ميختلفش عليه اتنين
بس لو فكرت اقتصادياً في موضوع زي الاستاذ handoussa العربيه كلفته قرب ال100 الف اعتقد ان كده الموضوع خسران لان ال100 الف تعمل ايفو 5 كريستاله بتعديلاتها 300 حصان 2000 سي سي تيربو دفع رباعي

هو الموضوع في الاول وفي الآخر حب للعربيه وتعديلها بس حبيت افيد الناس علشان لو حد داخل على مشروع تعديل كبير ممكن يستفيد بالفلوس بطريقه احسن

[arabmarket]

جماعه انا بجد مبسوط ان الموضوع عجبكم ويارب يكون فيه افاده انتم كده هتخلونى ابدأ اشد عربيتى انا عربيتى شكلها مش متظبط من بره مع ان والله قد تكون اندر عربيه سيفيك فى مصر كلها ومتستغربوش حقيقى ده والله انا بزعل قوى لما حد ببصلها بصه وحشه وفى نفسه يقول العربيه دى متبهدله مع ان والله فبريكه فبريكه واداء عالى قوى بس ان شاء الله هبتدى اشدها بعد رمضان

بس بعد اذنكم انا والرجاله الى عاوزه تشد عاوزين ننظم الموضوع عشان بجد نستفيد يعنى الناس الى فاهمه تقولنا اولويات الشد ايه وايه الاهم فالمهم وايه افضل شكل وياسلام لو فيه صور يبقى فل

الى سبقونا فى الشد يكتبولنا ايه بالظبط اصول الموضوع

[arabmarket]

احنا لو هنتكلم على بلدنا هنا وقطع الغيار المتاحة يبقى احسن حاجة تتسقط B16A الجيل الثانى 170 حصان

الماتور دة حاجتة موجودة ومش غالية واداءة بسم الله ماشاء الله علية وحش بجد مش هقول غير كدة

وعندك B16B ودة بيخرج 185 حصان وبردة ماتور بار بس قطع غيارة نادرة

وفية بقى الوحش الكاسر B18B 200 حصان بس من ماتور 1800 سى سى مش 1600 ودة اصلا غالى جدا وقطع غيارة تكاد تكون معدومة ولو لقيت عند حد حاجة هتبقى غالية اوى وبعدين لازم يركب بتعديلات فى القواعد

ولو انتوا عايزين بقى تعديلات جامدة على المواتير ان شاء الله هحضرلكوا مواضيع عن احسن تعديلات الهوندا بس على فكرة انت ماتور SiR B16A يغنيك عن اى حاجة وكفاية اوى كاستهلاك وقود وكسرعة قصوى وفى فى ظروف زى البلد دية

ابو سمسم هوه ماتور الsi كوده ايه وبعدين هو بيخرج كام حصان عند كام rpm لانى قريت مره 125 حصان ومره 130 ومره 137 حصان الصح ايه وبعدين نجب الكود بتاعه مينين على الموتور ؟

وبعدين هو العربيه ممكن تجيب و توصل الى الرد زون ؟ انا مره جبت 180 وموصلتش للرد زون !!

[arabmarket]

يا رجالة الهوندا انا الايام دى بشد السيفيك من a:z وان شاء الله هكتب التافصيل كلها وكل اللى بيجرا فيها خطوة خطوة مع الاسعار والاكسسوار والصور ان شاء الله بس افضى شوية عشان انا من الشغل للبيت افطر انزل اتابع ارجع مهدود انام يدوب اعد شويا على المنتدى الجامد بتاعنا شوية عشان دة ادمانى

لااااااا انت لازم لازم بعد اذنك تفدنا لانك دلوقتى شغال فى الشد يعنى ايدك فى النار ومعلوماتك طازه يا هوندا مان حاول تكتب الحاجات المهمه وبعد اذنك وانت شغال كده عاوزك تسألى عن سعر الرفرفين واكصدام امامى عامل كام بس الاصلى طبعا

ومتنساش الصور يا مان

[arabmarket]

لا يا معلم متقولش كدة هيا كل الحكاية شويت وقت ولفة فى النتدى وقسم هوندا بالذات من اولة لاخرة كل يوم ساعتين وتبقى اصلى
ولما تعرف قيمة العربية دى مش هتنزل منها نهائى
انا جبت الاوكتافيا وبعتها وجبت سيراتو وبعتها بعد 2000 كيلو ومعايا تيوتا بس لسة معايا لاكن الاساسية السيفيك ال 93 مع ان العربيات 2008 و السيراتو 2010 بس والله العظيم السيفيك الموديل دة رهيب وركوبة خيالى وفضائى

معنديش شك ابدا ان الهوندا 93 مودل لا يعلى عليه ولكن ليطمئن قلبى هل فعلا من تجربتك فى الاوكتافيا والسيراتو فعلا الهوندا تغلبهم رغم فارق السن ؟؟ يعنى انا اعرف ان الاوكتافا عربيه ممتازه بس هل فعلا هى مش افضل من السيفيك ؟ هل ده معقول

وطبعا السيراتو اكيد الهوندا اجدع ولو حد فيكم شاف السيفيك 2007 هتلاقو ان السيراتو بتحاول تقلد الشكل لان الهوندا السيفيك 2007 نفس الشكل نفس الفاونيس المسحوبه دى وحتى نفس شكل الجنط حقيقى السيفك سابقه عصرها

بعد اذنك قلنا الفروق من وجهه نظرك ايه وليه السيفيك 93 احسن وبعدين هو موديل le ده ايه انا اول مره اسمع عنه ده زى ex ?

[A_Mohamed]

ابو سمسم هوه ماتور الsi كوده ايه وبعدين هو بيخرج كام حصان عند كام rpm لانى قريت مره 125 حصان ومره 130 ومره 137 حصان الصح ايه وبعدين نجب الكود بتاعه مينين على الموتور ؟

وبعدين هو العربيه ممكن تجيب و توصل الى الرد زون ؟ انا مره جبت 180 وموصلتش للرد زون !!

لو يسمحلي الاستاذ سمسم ارد علي السؤال ده

مواتير ال si
الجيل الثالث 92-95
وديه نزلها كذا موتور ستوك
كود الاول : D16Z6
السعه التريه : 1.6L
القدره بالحصان : 125 hp
وده vtec كامه واحده ومش متوفر منه في مصر والله اعلم
موتور الثاني :
كوده :D16A9
السعه التريه : 1.6L
القدره بالحصان 130
وده مش vtec
موتور ثالث :
كوده : D16Z9 انا مش متاكد والله اعلم
وده 1.6 cc
127 hp

وبعد كده في الموتور الجبار sir وده بيتسقط
كوده : B16A
1.6L
170hp
وبتهيالي ده احسن موتور تسقطه لانه 1.6cc ضريبه اقل
وهيطلع من معظم العربيات لحد 2.4cc وانت مش هتحتاج موتور اكبر من 170hp الا بقي لو دخل سبق
يارب اكون افديت
وده لينك لشويه مواتير وتتسقط للهوندا ان شاء الله بس مش كلها
Honda B engine - Wikipedia, the free encyclopedia

[SAMEH_FOUAD]

ابو سمسم هوه ماتور الsi كوده ايه وبعدين هو بيخرج كام حصان عند كام rpm لانى قريت مره 125 حصان ومره 130 ومره 137 حصان الصح ايه وبعدين نجب الكود بتاعه مينين على الموتور ؟

وبعدين هو العربيه ممكن تجيب و توصل الى الرد زون ؟ انا مره جبت 180 وموصلتش للرد زون !!

ماتور الSI فية منة انواع بيبتدى من

D16A1/3/6/7/8/9 اللى موجود عندنا هنا والاشهر الماتور ال2 كامة 130 حصان عند 6800 لفة ودة الصح ودة كودة D16A9 وعندك الكود هتلاقية موجود فى المكان دة


وفية D16Y/1/4/5/7/8/9 والفئة دية بتتراوح من 110 الى 131 حصان

وفية D16Z 5/6/9 والفئة دية من 107 الى 126 حصان

لو عربيتك اتوماتيك اخرها بداية الريد زون واصلا الSI بتوصل لسرعة قصوى 215 فعلى وبتجيب من صفر الى 100 فى 8.5 ثانية

[SAMEH_FOUAD]

معنديش شك ابدا ان الهوندا 93 مودل لا يعلى عليه ولكن ليطمئن قلبى هل فعلا من تجربتك فى الاوكتافيا والسيراتو فعلا الهوندا تغلبهم رغم فارق السن ؟؟ يعنى انا اعرف ان الاوكتافا عربيه ممتازه بس هل فعلا هى مش افضل من السيفيك ؟ هل ده معقول

وطبعا السيراتو اكيد الهوندا اجدع ولو حد فيكم شاف السيفيك 2007 هتلاقو ان السيراتو بتحاول تقلد الشكل لان الهوندا السيفيك 2007 نفس الشكل نفس الفاونيس المسحوبه دى وحتى نفس شكل الجنط حقيقى السيفك سابقه عصرها

بعد اذنك قلنا الفروق من وجهه نظرك ايه وليه السيفيك 93 احسن وبعدين هو موديل le ده ايه انا اول مره اسمع عنه ده زى ex ?

انت لو قارنت السيفيك الموديل دة باى عربية جديدة لحد فئة ال90 الف هتكسب بجدارة كثبات وتحمل وشكل رياضى وماتور واعتمادية

لكن لو عليت بالسعر هيكسبوا تكنولوجيا لكن من ناحية الثبات والشد والسرعة السيفيك هتطحنهم

الel بتبقى اقل اوبشن فى السيفيك بس اتوماتيك

[harizy]

باشا مبروك على التعديل فعلاً هايل وحاجة مبهرة بالفعل.

بس اسمح لى أسأل سيادتك عن العمر اللى ضيعته والفلوس اللى صرفتها هل عادت عليك فعلاً بفائدة أم أن ضيعت عمرك فلوسك فى المنظرة فقط، طب الفلوس ممكن ترجع وتتعوض بس العمر تفتكر أنه هيرجع ثانى ....... جاوب انت.

وددت أن أذكرك ــ واحنا منعرفش بعض ــ بحديث الرسول عليه السلام لن تزول قدما عبداً حتى يُسأل " عن شبابه فيما أفناه وعن عمره فيما ضيعه، وعن ماله من أين اكتسبه وفيما أنفقه"

شفت يعنى السؤال عن العمر مرتين يعنى حاجة مش بسيطة ومش هينة.

أنا قصدت التذكرة فحسب ومبروك مرة ثانية على شد العربية وربنا يبارك لك فيها ويقيك شرها ويرعاك.

[koko2sue]

باشا مبروك على التعديل فعلاً هايل وحاجة مبهرة بالفعل.

بس اسمح لى أسأل سيادتك عن العمر اللى ضيعته والفلوس اللى صرفتها هل عادت عليك فعلاً بفائدة أم أن ضيعت عمرك فلوسك فى المنظرة فقط، طب الفلوس ممكن ترجع وتتعوض بس العمر تفتكر أنه هيرجع ثانى ....... جاوب انت.

وددت أن أذكرك ــ واحنا منعرفش بعض ــ بحديث الرسول عليه السلام لن تزول قدما عبداً حتى يُسأل " عن شبابه فيما أفناه وعن عمره فيما ضيعه، وعن ماله من أين اكتسبه وفيما أنفقه"

شفت يعنى السؤال عن العمر مرتين يعنى حاجة مش بسيطة ومش هينة.

أنا قصدت التذكرة فحسب ومبروك مرة ثانية على شد العربية وربنا يبارك لك فيها ويقيك شرها ويرعاك.

[overline]
العمر اللي ضاع و الفلوس اللي ضاعت في واقع الأمر ما ضاعتش.... أفنى الرجل جزء من وقته وماله وهو بلا شك كان يمتلك هذا الوقت والمال... أفناهم الرجل في سلعه مهمه لينا و كسب تجربه و خبره جديده بيفيدنا بيها مبخلش علينا بيها... يعني بنظره بسيطه كده راجل أفادنا بخبرة تعب ليها و أنا من الناس اللي فادهم عشان بعد ما كنت بفكر أبيع السيفيك و أجيب حاجه زيرو رجعت في كلامي مش عشان هعمل زيه بالظبط لكن عشان هاخد من تجربته اللي يناسبني بدل ما أرمي فلوسي في الأرض ظنا مني إن عربيتي ماتت و مش هتقوم... وبنظره بسيطه تانيه هتلاقيه أفنى ماله ووقته اللي هو يقينا يمتلكه في إعمار مش في هدم ولا فساد في الأرض... رجل ينفق على دابته فلينفق ماشاء مادام يستطيع ... وفائدة عمت الكثير من أول الواد بلية اللي شال على كتافه قطع الغيار لغاية الأعضاء المحترمين اللي أكيد إستفادوا زي ما أنا إستفدت
[/overline]

[minicooper20]

طب هو انا جديد فى الليله دى انا قدامى sir اوريجنال و كنت كلمت سامح باشا الله يكرمو ياعنى ساعدنى و قلى اعمل ايه و نصاحنى
دولوقتى انا فى حيره
قدامى و احده si ب 44 الف و تحفه حاله ممتازه
وsir ب 65 الف و برضو تحفه
العربيتين بيشتركو فى بادى كيت كامل
جنوط 17 فابريكه جوا و اجزاء من باره
و من الاخر مصروف عليهم
واضح ان الفرق بنهم 20 الف جنيه
هل فرق الاداء يستاهل الفرق ده دول 20 الف جنيه
انا شايف ان 40 حصان هو الفرق بين الماتورين
انا محتار عايز رايكو
ملحوظه الاستاذ سامح ده راجل زاى العسل و خدوم لاقصى درجه حبيت اقولو متشكر يا باشا ادونى رايكو بالتفصيل الممل
ساعدونى لانى فعلن محتاج المساعده

[M_Nabil]

الواحد بسقط ايه من الاخر ؟
وشكرا ليك يا استاذ نبيل :)
والموضوع جميل جدا وقصه متميزه :b4_611:

المشكلة ان الواحد بيكون محكوم بالمواتير المتوافرة انما لو ليك سكة تجيبوا من برة أو تطلبة من مستورد دى قصة ثانية أو لو وقعت على حاجه بالصدفة يعنى من فترة كان في نص عربية سيفيك أمامي Type R بس عقبال ما أنا عرفت بيه كان طار طبعاً واللى أنا شفتهم في بورسعيد بخلاف مواتير الـ SiR كان ماتور تايب أر B16B بس كان محجوز ومتباع ماتور انتجرا GSR B18C و ماتور برليود/ اكورد H22A ...

في رأى أفضل ماتور تسقطه في سيفيك من حيث القوة والعزم والوزن وسهولة عملية التسقيط نفسها هو ماتور انتجرا تايب أر B18C حوالى 197 حصان و عزم 180 نيوتن/متر بعد ده ممكن تسقط انتجرا GSR بيكون 178 حصان وعزم 174 نيوتن/متر يجى على طول بعديه أو في نفس المرتبة ماتور السيفيك تايب أر B16B ده 185 حصان وعزم 160 نيوتن/متر دول المواتير القوية والسهلة في تسقيطها بخلاف الـ B16A

في مواتير ثانية أقوى طبعاً في رينج 200 حصان وأنت طالع بس محتاجة شغل تعديلات كثير ومصاريف كثير زى K20A تايب أر سيفيك و انتجرا موديلات فوق 2001 كان معروض عليا واحد من دول هيجى من اليابان بس حسبتها كدة لقيت ان التعديلات هتتكلف أكثر من ثمن المكنه ومش مضمونة فصرفت نظر عنه، في كمان H22A/F20B برليود واكورد تايب S وعندك كمان خلطة ماتور بيطلق عليه اسم فرنكنشتين H2B/F2B بلوكه ماتور H أو F على head ماتور B وأخيراً مواتير J32A زى اللى كانت في الفيديو وأيضاً ماتور F20C بتاع هوندا S2000 بس ده لازم تقلب العربية دفع خلفي.

دى أهم المواتير اللى تتسقط في سيفيك من 92 لحد 2000 وياريت اللى عنده مجموعة مواتير ثانية يضيفها
تحياتى.

[M_Nabil]

طب هو انا جديد فى الليله دى انا قدامى sir اوريجنال و كنت كلمت سامح باشا الله يكرمو ياعنى ساعدنى و قلى اعمل ايه و نصاحنى
دولوقتى انا فى حيره
قدامى و احده si ب 44 الف و تحفه حاله ممتازه
وsir ب 65 الف و برضو تحفه
العربيتين بيشتركو فى بادى كيت كامل
جنوط 17 فابريكه جوا و اجزاء من باره
و من الاخر مصروف عليهم
واضح ان الفرق بنهم 20 الف جنيه
هل فرق الاداء يستاهل الفرق ده دول 20 الف جنيه
انا شايف ان 40 حصان هو الفرق بين الماتورين
انا محتار عايز رايكو
ملحوظه الاستاذ سامح ده راجل زاى العسل و خدوم لاقصى درجه حبيت اقولو متشكر يا باشا ادونى رايكو بالتفصيل الممل
ساعدونى لانى فعلن محتاج المساعده

الموضوع مش فرق 40 حصان فقط في اختلافات أخرى ودى أوتوماتيك والثانية مانيوال بس سؤال هما الاثنين الجيل الخامس 92-95؟ ولا الـ SiR موديل 96؟

[minicooper20]

الموضوع مش فرق 40 حصان فقط في اختلافات أخرى ودى أوتوماتيك والثانية مانيوال بس سؤال هما الاثنين الجيل الخامس 92-95؟ ولا الـ sir موديل 96؟

هى جيا ل خامس يا باشا

[M_Nabil]

هى جيا ل خامس يا باشا

'طيب أنت أتأكدت أنها SiR اصلية ازى؟ والعربية دى لونها كحلى؟