إعـــــــلان

Collapse

.

,
See more
See less

شد الهوندا وأصوله

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #31
    المشاركة الأصلية كتبت بواسطة M_Nabil مشاهدة المشاركة
    'طيب أنت أتأكدت أنها SiR اصلية ازى؟ والعربية دى لونها كحلى؟
    ياباشا انا مش ابيض اوى كده فيها 2 ايرباج و abs و و المكنه sir و لا لونها فضى
    كولو بالحنيه بيفك مع تجيات جمعيه حنينها قبل متحلبها

    Comment

    • #32
      المشاركة الأصلية كتبت بواسطة minicooper20 مشاهدة المشاركة
      ياباشا انا مش ابيض اوى كده فيها 2 ايرباج و abs و و المكنه sir و لا لونها فضى
      مع إحترامي لكلام حضرتك
      الطريقة الصحيحة للتأكد هي كود الشاسية eg9
      لأن العربية ممكن يتركب لها تابلوه وطارة بإيرباج و ممكن يتركب نظام الفرامل abs
      [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
      [/CENTER]

      Comment

      • #33
        المشاركة الأصلية كتبت بواسطة minicooper20 مشاهدة المشاركة
        ياباشا انا مش ابيض اوى كده فيها 2 ايرباج و abs و و المكنه sir و لا لونها فضى
        أعتقد انها ايرباج واحدة فقط و في موديلات تلقى فيها ايرباج ومافيهاش ABS و العكس بس أنت نسيت أهم حاجه وهيا كود الشاسية لو مش مكتوب في أولة EG9 يبقى دى مش أصلية بالاضافة ان الصالون بتاعها بيكون مختلف والماتور الاصلي كودة B16A2 وده 160 حصان وعزم 150 نيوتن/متر

        عموماً السعر بتاعها كثير السعر ده يجيب SiR موديل 96-98
        [CENTER][B]HONDA THE POWER OF DREAMS[/B][/CENTER]

        Comment

        • #34
          المشاركة الأصلية كتبت بواسطة mshamy مشاهدة المشاركة
          مع إحترامي لكلام حضرتك
          الطريقة الصحيحة للتأكد هي كود الشاسية eg9
          لأن العربية ممكن يتركب لها تابلوه وطارة بإيرباج و ممكن يتركب نظام الفرامل abs
          كلام سليم يا باشا شوفت واحدة معروضه للبيع من عندكم في بورسعيد فيها ABS لكن مافيهاش ايرباج وفيها صالون SiR فعلاً وماتور B16A2 وفي حته حديدة كدة اللى بتكون متبرشمة جنب كود الشاسية ومعمولة برضه EG9تشوفها تقول دى أكيد SiR أصلية بس لما بصيت على كود الشاسية لقيته EG8 فا عرفت انها متحولة لـ SiR
          [CENTER][B]HONDA THE POWER OF DREAMS[/B][/CENTER]

          Comment

          • #35
            المشاركة الأصلية كتبت بواسطة m_nabil مشاهدة المشاركة
            كلام سليم يا باشا شوفت واحدة معروضه للبيع من عندكم في بورسعيد فيها abs لكن مافيهاش ايرباج وفيها صالون sir فعلاً وماتور b16a2 وفي حته حديدة كدة اللى بتكون متبرشمة جنب كود الشاسية ومعمولة برضه eg9تشوفها تقول دى أكيد sir أصلية بس لما بصيت على كود الشاسية لقيته eg8 فا عرفت انها متحولة لـ sir
            دي كان لونها كحلي و ملاكي دمياط؟
            [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
            [/CENTER]

            Comment

            • #36
              المشاركة الأصلية كتبت بواسطة mshamy مشاهدة المشاركة
              دي كان لونها كحلي و ملاكي دمياط؟
              تمام يا فندم أكيد كدة أنت عرفت بتاعه مين :)
              [CENTER][B]HONDA THE POWER OF DREAMS[/B][/CENTER]

              Comment

              • #37
                المشاركة الأصلية كتبت بواسطة M_Nabil مشاهدة المشاركة
                تمام يا فندم أكيد كدة أنت عرفت بتاعه مين :)
                لا والله يا محمد بك ..انا فعلا ماعرفش صاحبها
                كل الحكاية اني كنت شفتها مرة من سنة ونص وانا باظبط الزوايا وكانت فاتحة الكبود
                ولاحظت الشداد الأصلي فوق المكنة و الصالون الأصلي و الطنابير السكاكين و العدادات وحاجات ال SiR زي الكتاب مابيقول ..بس لم تتح لي فرصة قرآءة رقم الشاسية لان صاحبها خدها و مشي على طول ...بس تحس انه شاب روش شوية.....وكنت باشوفها ساعات بتركن عند عبده كفته
                [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                [/CENTER]

                Comment

                • #38
                  المشاركة الأصلية كتبت بواسطة mshamy مشاهدة المشاركة
                  لا والله يا محمد بك ..انا فعلا ماعرفش صاحبها
                  كل الحكاية اني كنت شفتها مرة من سنة ونص وانا باظبط الزوايا وكانت فاتحة الكبود
                  ولاحظت الشداد الأصلي فوق المكنة و الصالون الأصلي و الطنابير السكاكين و العدادات وحاجات ال SiR زي الكتاب مابيقول ..بس لم تتح لي فرصة قرآءة رقم الشاسية لان صاحبها خدها و مشي على طول ...بس تحس انه شاب روش شوية.....وكنت باشوفها ساعات بتركن عند عبده كفته
                  اه اوكى يا كبير على العموم هو صاحبها اسمة هشام الرييس صاحب محلات إكسسوارات عندكم وهو صديق الحاج مجدى الدسوقى وانا شوفت العربية هنا في القاهرة قبل رمضان وكان مطلوب فيها 60 ألف أول الكلام وشفها معايا زميلنا هنا محمد ماهر kalmah هو كان بيدور على واحدة بس صرف نظر عنها لما أتأكدنا أنها غير أصلية، لكن هيا في الحقيقة فعلاً معمولة زى الكتاب مابيقول

                  وبلاش الأسماء اللى فيها أكل دى عشان هتجوعنا واحنا صائمين ههههه

                  صباحك فل يا باشا
                  [CENTER][B]HONDA THE POWER OF DREAMS[/B][/CENTER]

                  Comment

                  • #39
                    المشاركة الأصلية كتبت بواسطة M_Nabil مشاهدة المشاركة
                    المشكلة ان الواحد بيكون محكوم بالمواتير المتوافرة انما لو ليك سكة تجيبوا من برة أو تطلبة من مستورد دى قصة ثانية أو لو وقعت على حاجه بالصدفة يعنى من فترة كان في نص عربية سيفيك أمامي Type R بس عقبال ما أنا عرفت بيه كان طار طبعاً واللى أنا شفتهم في بورسعيد بخلاف مواتير الـ SiR كان ماتور تايب أر B16B بس كان محجوز ومتباع ماتور انتجرا GSR B18C و ماتور برليود/ اكورد H22A ...

                    في رأى أفضل ماتور تسقطه في سيفيك من حيث القوة والعزم والوزن وسهولة عملية التسقيط نفسها هو ماتور انتجرا تايب أر B18C حوالى 197 حصان و عزم 180 نيوتن/متر بعد ده ممكن تسقط انتجرا GSR بيكون 178 حصان وعزم 174 نيوتن/متر يجى على طول بعديه أو في نفس المرتبة ماتور السيفيك تايب أر B16B ده 185 حصان وعزم 160 نيوتن/متر دول المواتير القوية والسهلة في تسقيطها بخلاف الـ B16A

                    في مواتير ثانية أقوى طبعاً في رينج 200 حصان وأنت طالع بس محتاجة شغل تعديلات كثير ومصاريف كثير زى K20A تايب أر سيفيك و انتجرا موديلات فوق 2001 كان معروض عليا واحد من دول هيجى من اليابان بس حسبتها كدة لقيت ان التعديلات هتتكلف أكثر من ثمن المكنه ومش مضمونة فصرفت نظر عنه، في كمان H22A/F20B برليود واكورد تايب S وعندك كمان خلطة ماتور بيطلق عليه اسم فرنكنشتين H2B/F2B بلوكه ماتور H أو F على head ماتور B وأخيراً مواتير J32A زى اللى كانت في الفيديو وأيضاً ماتور F20C بتاع هوندا S2000 بس ده لازم تقلب العربية دفع خلفي.

                    دى أهم المواتير اللى تتسقط في سيفيك من 92 لحد 2000 وياريت اللى عنده مجموعة مواتير ثانية يضيفها
                    تحياتى.

                    بجد شكرا ليك جدا علي المعلومات ديه يا استاذ نبيل
                    وياسلام لو يتعمل موضوع عن المواتير الشائع تسقيطها في الجيل الخامس في موضوع لوحده ويثبت
                    وموضوع باسعار قطع غيار الجيل الخامس وتوافرها واماكن تواجدها لوحده ويثبت بجد ديه هتبقي خدمه عظيمه
                    وجازكم الله خير جميعا
                    [CENTER][SIZE="4"]قال تعالي :[/SIZE][/CENTER]

                    [SIZE="5"][CENTER][COLOR="Navy"]" وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين "[/COLOR][/CENTER][/SIZE]

                    Comment

                    • #40
                      +111111111111

                      اى حاجه من طرف نبيل ماشاء الله موثقه ومعتمده من هوندا

                      واستاذ محمد شامى كل سنه وحضرتك طيب بس يا استاذ محمد حضرتك بعد الهوندا ركبت باسات ايه رايك فيها يعنى اليابانى ولا الالمانى ؟

                      عاوزين رأيك وشهاده حق
                      [CENTER][FONT=Book Antiqua][SIZE=5][COLOR=Navy]Axis Freight Management[/COLOR][/SIZE][/FONT]
                      [SIZE=3]Full Freight Solutions [/SIZE][/CENTER]

                      Comment

                      • #41
                        المشاركة الأصلية كتبت بواسطة minicooper20 مشاهدة المشاركة
                        طب هو انا جديد فى الليله دى انا قدامى sir اوريجنال و كنت كلمت سامح باشا الله يكرمو ياعنى ساعدنى و قلى اعمل ايه و نصاحنى
                        دولوقتى انا فى حيره
                        قدامى و احده si ب 44 الف و تحفه حاله ممتازه
                        وsir ب 65 الف و برضو تحفه
                        العربيتين بيشتركو فى بادى كيت كامل
                        جنوط 17 فابريكه جوا و اجزاء من باره
                        و من الاخر مصروف عليهم
                        واضح ان الفرق بنهم 20 الف جنيه
                        هل فرق الاداء يستاهل الفرق ده دول 20 الف جنيه
                        انا شايف ان 40 حصان هو الفرق بين الماتورين
                        انا محتار عايز رايكو
                        ملحوظه الاستاذ سامح ده راجل زاى العسل و خدوم لاقصى درجه حبيت اقولو متشكر يا باشا ادونى رايكو بالتفصيل الممل
                        ساعدونى لانى فعلن محتاج المساعده
                        ياباشا ربنا يخليك دة كلة من ذوقك وان شاء الله ربنا يوفقك للخير واى خدمة انا موجود
                        [CENTER][SIZE=6]SEMSEM KANE سابقا[/SIZE][/CENTER]

                        [img2]http://nileup.com/up/uploads/nilemotors_13635570671.jpg[/img2]

                        Comment

                        • #42
                          المشاركة الأصلية كتبت بواسطة arabmarket مشاهدة المشاركة
                          +111111111111

                          اى حاجه من طرف نبيل ماشاء الله موثقه ومعتمده من هوندا

                          واستاذ محمد شامى كل سنه وحضرتك طيب بس يا استاذ محمد حضرتك بعد الهوندا ركبت باسات ايه رايك فيها يعنى اليابانى ولا الالمانى ؟

                          عاوزين رأيك وشهاده حق
                          وحضرتك طيب و بألف خير..
                          وبعدين ليه الأسئلة المحرجة دي؟؟

                          أولا: أحب أقول اني عمري ما دماغي كانت تروح ان اركب الباسات و طبعا حضرتك عارف اني كنت داخل مشروع تسقيط مكنة أكورد SiR من اليابان على عربية أكورد 98 خليجي..لحد ما القدر لعب لعبته ولاقيت نفسي باركب الباسات..

                          ثانيا :بعد ركوبي الباسات تقدر تقول الشيء اللي بيميز الألماني هو عوامل الأمان و جودة الخامات و جودة العزل و الحاجة اللي كنت قلقان منها اللي هي موضوع الأداء باعتبار ان اداء السيفيك رياضي و الباسات ال 1.6 ليست كذلك انتهى مع نزول الباسات الجديدة ال 1.4 تيربو بالفتيس ال DSG ...بس عايز اقولك ان أسعار قطع غيارها خرافية اذا كان بنقول على اسعار قطع السيفيك غالية..و الحاجة الثانية هي شرط استخدام بنزين 95
                          يعني اللي يجيب الباسات لازم يكون عنده القدرة على تحمل مصاريفها المتعبة بعكس السيفيك

                          ثالثا: إن شاء الله السنة الجاية ناوي أجيب سيفيك للمدام...بس شكلها هي اللي حتاخد الباسات و انا أرجع اركب سيفيك تاني....

                          الهوندا إدمان
                          [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                          [/CENTER]

                          Comment

                          • #43
                            المشاركة الأصلية كتبت بواسطة harizy مشاهدة المشاركة
                            باشا مبروك على التعديل فعلاً هايل وحاجة مبهرة بالفعل.

                            بس اسمح لى أسأل سيادتك عن العمر اللى ضيعته والفلوس اللى صرفتها هل عادت عليك فعلاً بفائدة أم أن ضيعت عمرك فلوسك فى المنظرة فقط، طب الفلوس ممكن ترجع وتتعوض بس العمر تفتكر أنه هيرجع ثانى ....... جاوب انت.
                            المشاركة الأصلية كتبت بواسطة harizy مشاهدة المشاركة


                            وددت أن أذكرك ــ واحنا منعرفش بعض ــ بحديث الرسول عليه السلام لن تزول قدما عبداً حتى يُسأل " عن شبابه فيما أفناه وعن عمره فيما ضيعه، وعن ماله من أين اكتسبه وفيما أنفقه"

                            شفت يعنى السؤال عن العمر مرتين يعنى حاجة مش بسيطة ومش هينة.

                            أنا قصدت التذكرة فحسب ومبروك مرة ثانية على شد العربية وربنا يبارك لك فيها ويقيك شرها ويرعاك.



                            بص يا باشا انا كنت متاكد بنسبة 100% ان فى حد هيسالنى و هيقولى الكلام ده و علشان كده انا هرد عليك تلقائى و مش هقولك كلمتين حافظهم

                            انا اولا عندى 21 سنة و كنت عايش معظم حياتى برة و اتربيت على حاجة حلوة اوى انى اهم حاجة عندى الوقت ثم الوقت وانت لو تعرفنى هتعرف انى ممكن اديك ميعا الساعة 7.36 بالضبط و استناك دقيقة و لو مجتش هسيبك و امشى وبجد بعملها فى ناس كتير و غير كده لو حصل ظرف بتصل و بدى ميعاد تانى او بحدد انى هوصل فى قد ايه المهم علشان ده مش موضوعنا

                            انا متخرج من تجارة انجليزى دفعة 2009 و اثناء فترة الدراسة انا كان عندى شركتى و انا فى تانية كلية بتاعت internet services - webhosting ودى كنا عاملينها انا واتنين اصحابى شركاء يعنى و كان والدى معارضنى ايامها اوى علشان الدراسة و فى نفس الوقت قالى انا عايزك تعيش مرحلتك العمرية اللى فى سنك ده بيسافر و يتفسح و ياخد كورسات و نا مش عاوز منك اكتر من كده و مع ذلك كملت و الحمد لله لحد دلوقتى الشركة موجودة

                            و بمجرد ما اتخرجت فى شهر 7 كنت فى شهر 8 شغال فى موبينيل و قعدت حوالى اسبوعين قبل ما اسيبهم و اشتغل فى وزارة الاتصالات فى ITI ولسه مخلص عقدى فى نص شهر 7 و حاليا بضبط اوراقى و حاجتى لأنى بفتح مشروع جديد خاص

                            فاظن انا بانجازاتى اعادل اى حد عنده 26-27 سنة بدليل انى اترفضت فى كذا شركة لأنى Over Qualified يعنى بالبلدى ان مؤهلاتى بالنسبة لسنى كتير و هطلب فلوس كتير و ده اللى بيحصل لأنى ب negotiate اى حاجة قبل ما انفذ
                            و كذلك كنت فى انترفيو فى البنك و بص على الى فى و بصلى قالى انت احمد صح قلتله اه قالى 21 سنة و هو مستغرب قلتله اه قالى مش شايف ان السى فى كبير بالنسبة لواحد فى سنك قلتله لأ لأنى كل ده حققته فعلا قالى بس هسالك فى كل حاجة قلتله اتفضل و الانترفيو كله English والحمد لله كان ادائى مرضى فى قرارت نفسى لدرجة ان الراجل احترمنى جدا و قام سلم عليا و انا ماشى

                            اما بقى بالنسبة لشدة العربية انا كنت كل يوم بروح شغلى و هى كل يوم كانت بتتشد كل واحد فينا فى حياته و دنيته بس قبل ما بروح بروح ابص عليها و ادى ملاحظاتى و خلاص ويوم اجازتى ساعات كنت بقضيه جنبها
                            يعنى مكنتش موقف حياتى عليها وكنت عادى مقضيها مواصلات و ساعات كنت باخد عربية بابايا او مامتى عادى يعنى

                            بالنسبة بقى لحتت الفلوس فدى طبعا مش هجادل و هحللها و اقول انها راحت فى مكانها السليم لأ بالعكس ان فى حاجات ندمت انى صرفت عليها و فى حاجات بزرت فيها جامد يعنى انا جبت 3 اكصدامات و مركبتش غير واحد و عندى 3 مواتير فى الجارج بتوع هوندا و عندى بلااااااااوى انا فى ناس بيجوا ياخدوا منى قطع غيار
                            بس انا اللى مهون عليا ده انى مصرفتش فى حاجة حرام هى ممكن غلط بس مش حرام م اغضبتش بيها ربنا لأنى بجد بجد انا بخاف من ربنا قوى و بعمل حساب فى معاملاتى كلها لأنى مغضبش ربنا ولا بابايا ومامتى

                            ولو عندك اى حاجة تحب تتناقش فيها انا ممكن اناقشك و بالعقل و البراهين

                            Comment

                            • #44
                              +11111111111111

                              Comment

                              • #45
                                المشاركة الأصلية كتبت بواسطة arabmarket مشاهدة المشاركة
                                لااااااا انت لازم لازم بعد اذنك تفدنا لانك دلوقتى شغال فى الشد يعنى ايدك فى النار ومعلوماتك طازه يا هوندا مان حاول تكتب الحاجات المهمه وبعد اذنك وانت شغال كده عاوزك تسألى عن سعر الرفرفين واكصدام امامى عامل كام بس الاصلى طبعا

                                ومتنساش الصور يا مان
                                اسعار الصاج كلة
                                كبوت بفرشة كامل مكمل : 500 جنية فى تجار بيقولو450 جنية بس هتلقية مزود الخمسين او مية فى حجات تانية لو بتشترى حجات كتيرة ودة منطبق على بقيت الاسعار اللى جاية
                                رفارف : يمين وشمال عاملين 600 جنية التجار بيقولو ديما نفس الكلام فى الرفارف ان اليمين ناقص شوية والبعض بيقول العكس ونا مكنتش مقتنع دة السعر عمتا بس انا جبتهوم ب 500 جنية بالعافية
                                اكصدامات: نفس الشئ فى الرفارف ورا اغلى من قدام والعكس ودة كلامهم سعر من واحد معروف هنا كان بيتكلم فى 850 جنية ومفيش فصال بس انا جبتهم ب 700 جنية ناقص منهم الدلايات الللى فى الاكصدام ورا
                                طقم الباب كامل حالة نضيفة جدا حدا زى بتوع الاخ سمسم فى صورة العربية اللى حطها فى موضوع هوندا si للبيع ب 1800 جنية وموضوع البابان دة يا خونا كان صعب قوى معايا ... انا نزلت اول مرة الحرفيين بعمل لفة ... حاجة غريبة قوى من التجار بتحصل انا واحد بدور على طقم باب كامل جميل يديك سعر من 1800 ل 1900 جنية بس يقولك من غير مريات طب ازاى نفسى افهم ... انا عارف انو فاكك المرايات عشان يعمل مصلحة فيهم بعد كدة بس ميصحش انك لما تدخل على تاجر بتشترى شروة ويجى يديك اسعار ويشيل حاجة مهمة منالحاجة اللى هتشتريها زى المريات وكلهم على هذا الحال الطقم من غير مريات مع ان اول الكلام بقول طقم كامل ويقولو موجود تمام كدة .... زهقت من اللف وقولت اروح وانزل يوم تانى المهم اعدت شوية هنا كنت بدور على نمرة الحج مجدى جبتها وكلمتة وخدت اسعار ونزلت اتفرج لقيت طقم الباب اللى اشتريتة بعد محملت لقيت الفبرة السودة اللى فى القايم باب ورا وقدام يمين اول كلبسة مكسورة زعلت قوى عشان انا اصلا بغير البابن عندى عشان حجات زى كدة عندى بالطبع ممكن اشتريهم وركبهم من غير مجيب طقم بابا بس انا عايز حاجة على ابوها فقولت للشاب اللى كان واقف طب فى كذا وكذا قالى يوم الاتنين تيجى تلاقيهم طيب يا معلم انا هشيل 100 جنية من الفلوس لحد يوم الاتنين تجيبهم هديك ال 100 جند قالى لا كلم الحج كلمت الحج مجدى وزعل منى من غير سبب ليه عشان انا كنت هشترى بقيت الحاجة من عندة امين بس للاسف ملقتش لا اكصدمات ولاا رفارف الكبوت عندة نضيف جدا جدا بس مفهوش غير نقرة وتحتها عضم فمكنش ينفع اخدة والشاب قالى الحاجة هتيجى يوم الاتنين ... الحج مجدى زعل عشان انا خدت الطقم بالسعر دة من غير بقيت الحاجة وافتكر انى عملت ناصح وقالى لا مدام كدة خد الطقم على عيبهم مردتش وبعد محملت نزلتهم تانى ولفيت الحرفيين تانى للتجار اللى فى الاول لقيت الحاجة عندهم ملهاش اى عازة والشغل كلة ناقص وهيجمع لسة من هنا وهنا والغريب بقا ان موضوع المريات دة اتلغى يعنى هيديك الباب بالمريات ونفس التجار مش استغربت انا لسة من يومين كنتو بتقولو من غير مما ادانى احساس انهم بيشاورو بعض فى الموضوع ما علينا طبعا الحاجة معجبتنيش روحت رايح تانى للحج مجدى وخدت الطقم اللى عندة لانهم كانو انضف حاجة بأمانة وكلمتة لما روحت البيت علشان بقيت الحاجة وفهمتة سؤ التفاهم وقلتلة انا لقيت الكبوت فى كذا و كذا والشاب اللى شغال معاك قالى مفيش اكصدمات ولا كبوت ولسة هيجو يوم الاتنين مش ذنبى انا وعمتا انا هستنى ليوم الاتنين تكون جبت الحاجة هو من نفسة قالى متربطش نفسك يعنى لو لقيت اشترى قلتلة انا عايز اتعامل معاك قالى معنديش مشاكل وقفلنا على كدة ... طبعا السمكرى اتصل بيا عايز بقيت الحاجة عشان يظبط كلة مع بعضة روحت نزلت واشتريت بقيت الحاجة من برة ودة شئ زعلنى فى حاجة صغيرة بس مش مشكلة انى اديت كلمة للحج مجدى انى هتعامل معاة بس فى نفس الوقت هوا قالى انا اخر الاسعار عندى كدة طبعا انا لما اوفر 100 او 200 جنية انا اولا بيهم ونا اصلا محتاج حجات كتيييييييير للعربية وهيا لسة بتقول يا هادى ما علينا الحمد الله على كل شئ
                                لسة السمكرى شغال فى العربية عندى وهيطول فيها عشان انا بجبها على الصاج وبعملها من اول وجديد
                                البقية جاية ان شاء الله

                                Comment

                                السابق 1 2 3 4 5 template التالي
                                Working...
                                X