كل مايخص مواتير الهوندا بمميزاتها واسعارها

[sawdaq]

طيب بالنسبة ان انا كنت سمعت ان في محركات اقوى من كده بكتير (انا كان عندي 137 حصان) فايه الموجود اللي ممكن يركب عندي و يكون 1600 سي سي (SiR لو ينفع) وايه نظام قوتهم بالحصان والاسعار؟ علشان سمعت ان الاسعار علقت في السما

[SAMEH_FOUAD]

انت لو عايز تركب b16a , تكلفتة هتدخل فى 16 الف جنية , لان تمن المحرك لوحدة ب 13 الف جنية

[zavatag]

بالنسبه لل b16a4 يطلع كام حصان

[amirz]

زى الفل

[limitless]

انا اولا مش عارف الموضوع لسه شغال ولا لآ بس انا هسال وامرى لله وانا وحظى

اولا : كنت عاوز اسال حضرتك انا عندى ماتور 1800 cc gsr vtech وللاسف انا جلخت البلوك لانه قفع منى وبتاع وغيرت جوانات والحوار اللى حضرتك اكيد عارفه ده المهم المكنه بقت تمام وماشى بيها بس خلاص روحت اقيس كبس الموتور من اسبوع لاقيته رايح فداهيه يعنى مش نافع تانى وانا بصراحه المكنه ديه عاجبانى وبالمناسبه انا عربيتى 92 si وفتيس اوتوماتيك فا كنت عاوز اعرف لو غيرت بلوك بس ياترى انا بكده هاحيى الموتور تانى ولا برده مش هاينفع يعنى من غير ادوات التغذيه يعنى ولا اجيب مكنه واريح دماغى وفى النهايه بالنسبه للموضوع ده ياريت تعرفنى سعره هايكون كام واقدر اجيبه منين سواء شورت بلوك او بلوك او موتور كامل او موتور فاضى من غير فتيس يعنى او عفشه اسعارهم ايه ومنين اذا تكرمت

ثانيا : انا الفتيس زى ماقولت قبل كده اوتوماتيك اللى هو الفتيس الكبير وبرده حصلت فيه مشاكل وفكيته وصلحته وغيرت فى شوية حاجات كده بس المشكله لغاية دلوقتى بعد التصليح حتى العربيه بتترعش على الاول يعنى مابتعرفش تأمرك بيها مثلا ولو وقفت فاشاره ولا حاجه لازم تكون رجلك دايسه على الفرامل شويه لغاية لما تسمع صوت الغيار الاول وده بياخد وقت من ثانيه ل 3 ثوانى والنقله بتيجى بيخلى العربيه تبرجل كده وتترعش وبعد كده بتمشى عادى مع العلم ان باقى الغيارات كلها تمام
اسف للاطاله ولكن هيا ديه كل مشاكلى فى العربيه وارجو الافاده والرد وشكرا

[a7mad3atef]

لو سمحت عايز اعرف تكلفة تسقيط الb16b فى هوندا سيفيك 92

[SAMEH_FOUAD]

ال b16b قليل جدا, ولو لقيتة المكنة كاملة بالقواعد + البراكت والعفشة الامامية هتعمل 16-17 الف جنية وفية ناس بتبيعها ب 15 الف

وتكلفة تسقيطها بدون سعر المكنة = 1700 جنية ( مصنعية كهربائى + ميكانيكى )

[sniperegypt]

انا ماتورى

انا ماتوري الكود بتاعة d15b5 vtec دة مواصفاتة اية لو سمحت

[SAMEH_FOUAD]

القوة الحصانية : 105 حصان

العزم : 13.8 كجم

ال vtec : مزود ب vtec -e بمعنى ( vtec economy ) ودة مخصص لتوفير استهلاك الوقود ليس للاداء العالى

انتاج هذا المحرك : من 1992-1995

[sniperegypt]

طيب ما معني ذلك

القوة الحصانية : 105 حصان

العزم : 13.8 كجم

ال vtec : مزود ب vtec -e بمعنى ( vtec economy ) ودة مخصص لتوفير استهلاك الوقود ليس للاداء العالى

انتاج هذا المحرك : من 1992-1995

طيب ما معنى ذلك استاذ سامح
D15B VTEC

• Found in:
  • 1990 Honda CRX Si(PRDM)
  • 1992–1995 Honda Civic Vti (Japanese Market)
  • 1992–1998 Honda CRX DelSol (Japanese Market)
    • Bore and Stroke :75,0×84,5;mm
    • Displacement : 1,493 cc (91.1 cu in)
    • Rod Length : 137 mm
    • Rod/Stroke : 1.63
    • Compression : 9.3:1
    • Power : 130 PS (96 kW; 128 hp) at 6,800 rpm[7]
    • Torque: 14.1 kg·m (138 N·m) at 5,200 rpm[7]
    • VTEC switch over : 4,800 rpm
    • Redline : 7,200 rpm
    • Rev-limiter : 7,200 rpm
    • Valvetrain : SOHC VTEC (4 valves per cylinder)
    • Fuel Control : OBD-1
    • Head Code : P08
    • ECU Code: P08 (small case ECU)***
    
    
  
  

و
D15B5

• VTEC-E
• Found in:
  • 1992–1995 Honda Civic VTi (UK)
    • Displacement : 1,493 cc (91.1 cu in)
    • Bore and Stroke : 75 mm × 84.5 mm (2.95 in × 3.33 in)
    • Valvetrain : SOHC VTEC (four valves per cylinder)
    • Rod Length : 137 mm
    • Head Code : P08
    • ECU Code : P08-030
    • Piston Code : P08-010
    • Piston Rod Code : PM6-000
    • Fuel Control : OBD-1 PGM-FI
    
    
  
  

[SAMEH_FOUAD]

اول ماتور مالكش دعوة بية عشان دة ( d15b)

وانت بتسأل على d15b5

اللى انت جايب مواصفاتة تحت , بس انا كملتلك علية المعلومات بتاعة القوة الحصانية + العزم , وفهمتك معنى كلمة vtec-e

عشان دة مش موجود فى الموقع

[cruelcliff]

محتاج اخد رأيكم

انا قدامي موتور d16y5 موديل 1999 استيراد نازل على عربية VTI فأيه رأيكم فيه؟
بعلم انا معايا عربية SI و عليها مكنتها d16a9 بس صوتها بقى عالي قوي و خايف ترزع مني
فحابب أغيرها


ولكم جزيل الشكر..

[SAMEH_FOUAD]

انا قدامي موتور d16y5 موديل 1999 استيراد نازل على عربية VTI فأيه رأيكم فيه؟
بعلم انا معايا عربية SI و عليها مكنتها d16a9 بس صوتها بقى عالي قوي و خايف ترزع مني
فحابب أغيرها


ولكم جزيل الشكر..

ماتور كويس بس مش اقتصادى مش للاداء القوى كبقية المحركات التى فى فئتة

يعنى قوتة مش بتتعدى ال 115 حصان وكمان مزود ب vtec-e يعنى اقتصادى بردة

اية علاقة الصوت العالى بالترزيع ؟؟؟

لو خايف ان مكنة ترزع , بيبقى فية بوادر وهية صوت تكتكة يزداد مع ازدياد عدد لفات المحرك

غير كدة ياريت تقول المشكلة واحنا نحلها ان شاء الله

[drcobra]

موضوع مميز
فعلا مواتير الهوندا عايزة اكتر من موضوع

[romyophoto]

جزاكم الله خيرا علي هذا المجهود