إعـــــــلان

Collapse

.

,
See more
See less

اليوم اول مشواري مع تسقيط المكنه - تقارير يوميه

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    اليوم اول مشواري مع تسقيط المكنه - تقارير يوميه

    السلام عليكم يا اجدع شباب

    احب بجد اشكر جميع الاعضاء هنا و بالاخص سامح باشا معلم المنطقه

    انا توكلت علي الله و قررت اسقط مكنه و نهارده كان اول يوم و حبيت احكلكو كل حاجه بالتفصيل الممل جدا للافاده و كمان اعرف رأيكم و ملاحظتكو لو في حاجه



    تقرير اول يوم (يوم الاثنين - 4 ابريل 2011)

    العربيه عندي كانت خلاص بتاكل زيت جامد و كمان الوش عندي بقي ينزل منه ميه كأنو مفكوك !!...المهم المكنه عندي اتوماتيك 1500 كاربتير كود المكنه D15B3

    نزلت صبح...زودت ميه...زودن زيت و قولت يلا ان شاء الله هقدر اسوقها كده من الهرم للحرفين ديه هوندا و جدعه و هتوديني (طبعا بستهبل عارف) و كلمت سواق معرفه خليته ورايا عشان لو حصل حاجه من باب الاحتياط

    توكلت علي الله....دورت...تمام !
    فضلت مشيه معايا حلو اوي لحد ما طلعت الدائري و بعد كده سخونيه رفعت ركنت زودتها ميه وتظبط شويه و بعدها تسخن....المهم جت بعد كده الحراره رفعت علي الاخر و كل محط ميه تغرأني...افلت الكابوت و قولت سخنه سخنه يلا مش مشكله هيحصل ايه اكتر ؟؟! والله مشيت بيها من عند كارفور المعادي لحد نفق السلام و الحراره علي الاخر !! كتر خيرها اوي جت عند نفق السلام و سمعت صوت تخبيط و بطلت لوحدها...فتحت الكابوت شفت منظر عجيب جدا !!! غطا الزيت سااايح !! ايوي سايح كأنو شوكلاته سياحه كده و محدش يسألني ازاي

    قطرتها بقي الحته الصغيره ديه لحد مجدي الدسوقي كنت متفق معاه مسبقا علي المكنه و روحنا جبنها و بعد كده روحنا لميكانيكي اسمه سمير و اخوه اسمه احمد عندهم ورشه و كذا حد قالي انهم كويسين

    صحيح المكنه الي هتسقط ان شاء الله 1500 Vtec اتوماتيك و فتيس 3 شجره و كود المكنه D15B وارد اليابان و كفر المكنه اسوود مش رمادي

    المهم اتفقنا مع المكيانيكي انه هيسقط المكنه و يركب التانك و هياخد 500 جنيه و ده بعد فصال شديد جدا جدا ! سامح باشا رشحلي منير بس مشكله منير ان لازم ااقف علي اديه و ده صعب جدا جدا بجد انا مش فاضي و مشوار بعيد جدا ! انما ده بيقولو كويس و كمان في حد معرفه هو الي عارفه و هيتابعه هو....وقالي انها هتخلص ميكانيكا يوم الاربعاء ان شاء الله


    وبعدها روحت للكهربائي اسمه حسني بعده بشويه و كله قالي انه كويس و اتفق معايا علي 600 جنيه بعد فصال برده وده مقابل تظبيط و قلب دفيره من يمين لشمال و تركيب و قالي عايز يوم واحد كامل فقط و بعدها تكون جاهزه ان شاء الله

    بس ده الي حصل نهارده بكره بقي هنزل عشان مجبتش تانك لسه و لا عداد الي فيه ار بي ام و لمبه تشيك انجين

    مجدي عنده الاعدادات ب250....وتانك كامل بالطرمبه و كله ب700 جنيه و انا شايف انه سعر مبالغ فيه جدا ! و لما قولتلو كده قالي هشتري منك التانك القديم ب300 جنيه و تدفع فرق 400 جنيه.....ايه رأيكم اعمل ايه ؟
    [CENTER][img2]http://i49.tinypic.com/19twg7.jpg[/img2]

    [/CENTER]
    الكلمات الدلالية (Tags): المكنه, اليوم, اول, تسقيط, تقارير, مشوارى, يوميه
  • #2
    على فكرة يامحمد انا عارف سمير واحمد واعرفهم معرفة شخصية , شوف اللى انت ماتعرفوش ان سمير كان شغال عند منير واحمد كان شغال عن مسعد والاتنين سابوهم من حوالى سنة

    وعايز اقولك حاجة سمير دة اخرة يركبلك عفشة يظبطلك العربية لكن يسقط الماتور ماتغامرش نصيحتى ليك وبردة لازم تقف على ايديهم كويس جدا انت غلطان والله كنت كلمنى الاول كنت قولتلك تعمل اية
    [CENTER][SIZE=6]SEMSEM KANE سابقا[/SIZE][/CENTER]

    [img2]http://nileup.com/up/uploads/nilemotors_13635570671.jpg[/img2]

    Comment

    • #3
      المشاركة الأصلية كتبت بواسطة semsem kane مشاهدة المشاركة
      على فكرة يامحمد انا عارف سمير واحمد واعرفهم معرفة شخصية , شوف اللى انت ماتعرفوش ان سمير كان شغال عند منير واحمد كان شغال عن مسعد والاتنين سابوهم من حوالى سنة

      وعايز اقولك حاجة سمير دة اخرة يركبلك عفشة يظبطلك العربية لكن يسقط الماتور ماتغامرش نصيحتى ليك وبردة لازم تقف على ايديهم كويس جدا انت غلطان والله كنت كلمنى الاول كنت قولتلك تعمل اية
      يوووه بقي انت كده احبطني :( !
      ربنا يستر :( ! ده علي كده عصام كان ارحم !
      طيب شكلي هتر اروح من بكره علي اديهم حتي و لو ساعتين كده اخر نهار و ربنا يستر بقي :(
      و انا والله كسفت اكلمك عشان كل شويه اتصل بيك و عملتلك قلق جامد :( !

      طيب ما علينا ايه رأيك في نقطه بتاعت التانك ديه ؟
      [CENTER][img2]http://i49.tinypic.com/19twg7.jpg[/img2]

      [/CENTER]

      Comment

      • #4
        ربنا معاك يا ممدوح ... وعلى فكرة كنت بشترى حاجات من مجدى الدسوقى وناس عنده بتشكر فى سمير وواحد تانى اسمه عصام .
        ومنير يعنى برضوا مش 100 % .
        نفسى يا جماعة الاقى حد بجد يكون بيفهم علشان بحس ان معظم الناس بتفتكس وبيخربوا على قد ما بيصلحوا ... يا اما بيستسهلوا التغيير لحاجات لشكهم ان العيب فيها ويطلع العيب فى حاجات تانية .
        انشاء الله هعمل موضوع عن احسن الصنايعية فى الهوندا وكل واحد يقول مشاكله وتجاربه معاهم .
        [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
        [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
        [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
        [/CENTER]

        Comment

        • #5
          بالتوفيق يا دوحه

          ومعلش هيه لسعه واحده

          بس هاتفوق بأذن الله

          بس لازم تكون واقف على أيد أى صنايعى

          دى جينات ياعزيزى

          ومستنيينك ياعم نوكومينت
          :36_9_4:

          Comment

          • #6
            ان شاء الله هتسقط المكنة والدنيا هتبقى تمام و 100% بس انت مقولتش جبت المكنة الجديدة من عند مجدى الدسوقى بكام وياريت لو تعملنا تفنيطة كده بالأسعار عشان اللى بيفكر يعمل زيك يكون عارف رنج الأسعار اية ... ربنا معاك
            [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
            [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

            hamdymsr سابقا

            Comment

            • #7
              اه صحيح الاسعار
              المكنه كامله ب4500 جنيه و تانك بالطرمبه 700 و اشتري مني التانك القديم و دفعت فرق 400 جنيه
              وعدادت فيه ار بي ام و لمبه تشيك انجن ب250 جنبه


              تقرير اليوم الثاني (الثلاثاء 5 ابريل 2011)

              منزلتش الحرافين النهارده بس كان كله متابعه بالتليفون...كلمت الميكانيكي علي الظهر و قالي انه حل المكنه القديمه و هيبدأ يفوك التانك...وكلمت الكهربائي قالي انه حل الضفيره من امبارح و شغال بيظبط فيها وبيجهزها علي تركيب ان شاء الله
              و كلمت الصنيعيه تاني من شويه الميكانيكي افل التانك و بيجهز المكنه بس في نقطه خلاف حصلت انا عايز اخد رأيكم فيها

              مش المفروض ان الواحد لما يجيب مكنه تيجي بالقواعد ؟؟؟؟ اصل دلوقتي القواعد هي هي ما عدا اعدتين الفتيس واحده كانت راكبه في فتيس المكنه الايسيراد و تانيه مجتش فيه....بعدين مجدي بيقولي القاعده القديمه الي في مكنه القديمه تركب عادي و المكيانيكي قالي مستحيل تركب مش هي هي !! و بعد جدال مع مجدي قالي اوك اجبلك القاعده بس ب150 جنيه ؟؟؟؟؟؟ طب انا مالي بقي هو ذنبي ؟؟ و يقولي هو المكنه لو جت بقواعدها مش هفكوها و هدهالك لكن ديه مجتش لازم تشتريها

              فبكره انا نازل الحرفين ان شاء الله بس عايز اعرف رأيكم هل هو عندو حق و لا هو غلطان و اتمسك بحقي اني اخد القاعده و مدفعش زياده؟
              [CENTER][img2]http://i49.tinypic.com/19twg7.jpg[/img2]

              [/CENTER]

              Comment

              • #8
                محدش عبرني !
                مش مشكله

                تقرير اليوم الثالث (الاربعاء 6 ابريل 2011) :

                نزلت الحرفيين النهارده كبسه...كانت ساعه حوالي 4:30
                روحت لسمير لقيتوه مخلص العربيه مكيانيكا و الموتور ركب و تانك كمان بس كان نتقصلو شويه فينيش صغيرين و كلمني علي ساعه 8 وقالي خلي كهربائي يجي يستلم انا خلصت
                وكلمت الكهربائي قالي ان شاء الله تخلص بكره

                صورتلكم نهارده حبت صوور كده


                المكنه بعد ما سقطت الحمد لله


                كود المكنه


                المكنه القديمه


                اثار سيحان غطاء الزيت


                سؤالي بقي يا شباب.....يعني ايه E الي بعد Vtec ؟؟؟ و كمان تنصحوني احط زيت ايه بقي ؟؟
                [CENTER][img2]http://i49.tinypic.com/19twg7.jpg[/img2]

                [/CENTER]

                Comment

                • #9
                  السلام عليكم و رحمة الله و بركاته





                  ألف مبروك يا باشا و ربنا يباركلك فيها و يملهالك بركة و ان شاء الله تركبها و تستمتع و عداد السرعة يجيب معاك 260-280كم/س و معدل تسارع صفر - 100كم/س فى 3.6 ثانية.

                  حلو كده يا باشا .
                  [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
                  [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
                  [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
                  [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

                  Comment

                  • #10
                    انت هتعمل اية فى المكنة القديمة

                    Comment

                    • #11
                      المشاركة الأصلية كتبت بواسطة hotride مشاهدة المشاركة
                      محدش عبرني !
                      مش مشكله

                      تقرير اليوم الثالث (الاربعاء 6 ابريل 2011) :

                      نزلت الحرفيين النهارده كبسه...كانت ساعه حوالي 4:30
                      روحت لسمير لقيتوه مخلص العربيه مكيانيكا و الموتور ركب و تانك كمان بس كان نتقصلو شويه فينيش صغيرين و كلمني علي ساعه 8 وقالي خلي كهربائي يجي يستلم انا خلصت
                      وكلمت الكهربائي قالي ان شاء الله تخلص بكره

                      صورتلكم نهارده حبت صوور كده


                      المكنه بعد ما سقطت الحمد لله


                      كود المكنه


                      المكنه القديمه


                      اثار سيحان غطاء الزيت


                      سؤالي بقي يا شباب.....يعني ايه e الي بعد vtec ؟؟؟ و كمان تنصحوني احط زيت ايه بقي ؟؟


                      حرف >e> يدل علي أن التحكم في الصمامات بيتم ألكترونيا وده نوع أحدث في التكنولوجي عن الفيتك العادي
                      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                      Comment

                      • #12
                        و ألف مبروك علي الموتور الجديد وحاول تقفله كويس جدا وتشيك علي كل حاجه و تتأكد أن كل حاجه شغاله ومفيش توصيلات ملغيه أو الصنايعي يقولك دي ملهاش لازمه كعاده الصنايعيه المصريين
                        وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                        Comment

                        • #13
                          مبروك ياباشا ربنا يباركلك فيها ان شاء الله. شيك على كل حاجة كويس جدااااا
                          [img3]http://nileup.com/up/uploads/nilemotors_13674813821.jpg[/img3]

                          Comment

                          • #14
                            مبروك ياباشا

                            وبإذن الله تخلص على خير

                            :36_9_4:

                            Comment

                            • #15
                              المشاركة الأصلية كتبت بواسطة HotRide مشاهدة المشاركة
                              محدش عبرني !
                              مش مشكله

                              معلش يا ممدوح بصراحة مش عارفين ايه الصح فى موضوع قواعد الماتور اللى اخدته من مجدى الدسوقى .
                              كود المكنه


                              ده على فكرة كود ماتورى ... بس المكنة عندى مختلفة .

                              سؤالي بقي يا شباب.....يعني ايه E الي بعد Vtec ؟؟؟ و كمان تنصحوني احط زيت ايه بقي ؟؟

                              Vtec-E هو Sohc بس اكثر فاعلية على ار بى ام قليل وبيخلى الصمامات تظبط افضل نسب من خليظ البنزين والهواء بكميات صغيرة لتطليع افضل اداء دى معلوماتى عنه والله أعلم .
                              اما زيت الماتور ... انا غيرت زيت بعد مشوار بورسعيد بزيت شل الاصفر لان ناس كتير بتشكر فيه .
                              [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
                              [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
                              [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
                              [/CENTER]

                              Comment

                              السابق 1 2 3 4 template التالي
                              Working...
                              X