اليوم اول مشواري مع تسقيط المكنه - تقارير يوميه

[HotRide]

يا شباب اولا شكرا جزيلا لكم

ثانيا الكارثه بقي اني اكتشفت سر E !!!
معنها Economic و ديه نسخه من الموتور موفره جدا للبنزين و لكن القدره الحصانيه 90 حصان فقط !!!

كده يبقي انا شيلت موتور 101 حصان عشان اركب 90 حصان !
والمشكله الاكبر ان مجدي دسوقي معندوش موتور تاني و للاسف شكلي هدبس مع تجار !! بالاضافه ان ضفيره تم قلبها خلاص و كان ميعاد استلامي نهارده !!!! كلمت كهربائي امبارح قولتلو وقف شغل لغايه معرف هعمل ايه في كارثه ديه !!

انا نازل الحرفين دلوقتي.....دعواتكم معايا يا شباب

[hondaman]

مفيش حاجة اسمها معندوش مكنة تانية اومال تاجر ازاى بعدين نقل الضفيرة موضوع مش كبير قوى عشان كدة كدة اللى كان هيشتيريها هيعمل كدة انت خدها من قاصرها ورجعها كدة كدة انت لسة فى فترة التجربة ورجعها انهاردة قبل بكرة مدام فيها حورات وخلى مجدى يشوفلك واحدة غيرها من عند اى تاجر لو معندوش

[MohssenRashed]

ربنا معاك و ابقى طمنا عملت اية

[sanhory]

يا شباب اولا شكرا جزيلا لكم

ثانيا الكارثه بقي اني اكتشفت سر E !!!
معنها Economic و ديه نسخه من الموتور موفره جدا للبنزين و لكن القدره الحصانيه 90 حصان فقط !!!

كده يبقي انا شيلت موتور 101 حصان عشان اركب 90 حصان !
والمشكله الاكبر ان مجدي دسوقي معندوش موتور تاني و للاسف شكلي هدبس مع تجار !! بالاضافه ان ضفيره تم قلبها خلاص و كان ميعاد استلامي نهارده !!!! كلمت كهربائي امبارح قولتلو وقف شغل لغايه معرف هعمل ايه في كارثه ديه !!

انا نازل الحرفين دلوقتي.....دعواتكم معايا يا شباب

فعلا vtec-e يعني economy وده حيوفر مع بنزين بس مش حيبقى سحبه جبار بمعنى أصح حتلاقيه في نفس قوة موتور عربيتك القديم لإن القديم برده كان 90 حصان المشكلة فعلا إن d15b نفس الكود ده ممكن تلاقي منه 130 حصان بس مبيبقاش مكتوب عليه vtec-e بيبقى vtec بس , ابقى صور code الموتور وابعته هو والمكنة وكمان متنساش أهم بقى من ده كله كود الكونترول هو كمان تصوره و تبعتهلنا عشان نتأكد إن الكنترول ده بتاع المكنة دي , ولو حابب تكلمني وإنت عند أي حد بتشوف المكن ده رقمي 0105195890 , عادي حصلت نفس القصة دي مع واحد صاحبي وبرده كان مجدي دسوقي وشال المكنة وحت واحدة تانية 1.6 vtec بس خالي بالك برده متجبش 1.6 اللي كودها d16b1 أو d16b2 دول برده vtec-e .وربنا يكرمك بمكنة حلوة إن شاء الله

[sanhory]

لو قلبت الضفيرة كمان مفيش مشاكل خد الضفيرة اللي إنت قلبتها عدي حيركب عليها المكانه التانية عادي اللي إنت حتجيبها بدل ال vtec-e دي

[HotRide]

يا شباب شكرا جدا جدا علي الاهتمام و سنهوري باشا شكر جزيلا بس حصل خير الحمد لله


تقرير اليوم الرابع (الخميس 7 ابريل 2011)

نزلت الحرفين اول حاجه روحت للكهربائي اسئله ان ضفيره ديه هي هي بتاعت Vtec العاديه و لا لاء و قالي اه هي هي بس فرق كنترول ده كنترول كود بتاعو P07

المهم اعدت الف الاول علي تجار عشان اعرف اسعار المكنه موجوده ولا لاء و لقيتها موجوده و متوفره و نفس سعر

روحت لمجدي دسوقي لقيتو عمل حركه نقصه اوي !! لما عرف اني هرجع المكنه بعت حد من عنده اخد الضفيره من كهربائي !!!! انا بجد اتعصبت من الحركه ديه جدا !! بس مشيت بمثل لو ليك حاجه عند دوج قولو يا سيدي

روحتلو قالي مفيش vtec قوتها 90 حصان.....قالي طب خلاص انا فكيت الضفريه خلي الميكانكي يفوك المكنه و خد فلوسك ! ودرب بقي علي ضفيره !

قولتلو انا مش عايز ارجع حاجه انا عايز المكنه الي اتفقني عليها...المهم لففني علي مخزنين تبعو و ملقتش برده...روحتلو قالي بقولك ايه انا هجبلك المكنه و اريحك و عندو مخزن في صقر قريش و بعت عربيه نص نقل علي حسابه و قالي خد ضفيره ووديها للكهربائي ينجز وقت ما هي هي ضفيره

بالفعل وديتها للكهربائي و قولتلو كلمتين جامدين عشان الحركه الي عاملها و فهمتو اني مكنتش هحسبو علي ضفيره ابدا انا مدفعش فلوس نظير الهوي !!! وقالي ان شاء الله نهارده تخلص او بكره ظهر بكتير ان شاء الله

بس بقي كلام ده كان علي ساعه 4:30 و اعدت معاه شويه و بعدها لقين نص نقل وصلت عند الميكانكي و فعلا هي المكنه D15B vtec و لون اسود و كود الكنترول P08 وكلمت سامح واكدلي ان هي ديه ال130 حصان

بس المكانيكي طبعا طلب مصنعيه اضافيه و طبعا مقدرش اكلم عشان هو ملوش اي ذنب...وطلب 400 جنيه عشان كمان المكنه جايه منوال فلسه هيحل المكنه و يحل الفتيس من هنا و يفوك الفتيس من المكنه جديده و يركب الاتوماتيك...فهيتعب برده

بكره بقي هنزلهم ان شاء الله عشان مفروض بكره اليوم نهائي ان شاء الله

سؤال اليوم: ايه اقرب بنزينه للحرفين فيها قياس كبس؟؟ و هي عامه بكام الكشف ده؟ و المفروض يطلع في حدود كام؟

و اخيرا وليس اخرا اقدم شكر ليكم اوي اوي و شكر خاص لسامح بجد وقف جنبي و ساعدني جدا رغم انه كان مشغول جدا !

[sanhory]

العفو يا باشا , في بس نقطة المكنة دي لما بتيجي اتوماتيك بتيجي بفتيس فيه حساسات بيتحكم فيها الكنترول حسب سرعة العربية و دا بيدى سرعة اعلى ,بس انت بالنسبالك الفتيس القديم بتاعك مافيهوش الحساسات دى فحييبقى السحب اقل نوعا ما , وحتى لو الفتيس فيه الحساسات الكنترول بتاع الموتور المانيوال دا مش حيشغلها , الاتوماتك ليه كنترول و المانيوال ليه كنترول و زى ما قولتلك انت الفتيس بتاعك مافيهوش حساسات و مش حتفرق في حاجة بس السحب حيبقى اقل حاجة بسيطة من الاتوماتيك بتاع الموتور دا الي على ابوه و ال rpm حيبقى اعلي ب 500 لفة على النقلة الرابعة , انا بس عايز اعرفك كل حاجة حتحصل عشان تبقى على نور و خلي بالك متسبش نفسك لنصايح الصنايعية عشان اخرهم فك و تركيب مش بيقروا زي ماحنا هنا في المنتدى بنبقى قاريين و مش بنجيب كلام من عندنا , و ربنا يوفقك في اللي فيه الخير

[HotRide]

العفو يا باشا , في بس نقطة المكنة دي لما بتيجي اتوماتيك بتيجي بفتيس فيه حساسات بيتحكم فيها الكنترول حسب سرعة العربية و دا بيدى سرعة اعلى ,بس انت بالنسبالك الفتيس القديم بتاعك مافيهوش الحساسات دى فحييبقى السحب اقل نوعا ما , وحتى لو الفتيس فيه الحساسات الكنترول بتاع الموتور المانيوال دا مش حيشغلها , الاتوماتك ليه كنترول و المانيوال ليه كنترول و زى ما قولتلك انت الفتيس بتاعك مافيهوش حساسات و مش حتفرق في حاجة بس السحب حيبقى اقل حاجة بسيطة من الاتوماتيك بتاع الموتور دا الي على ابوه و ال rpm حيبقى اعلي ب 500 لفة على النقلة الرابعة , انا بس عايز اعرفك كل حاجة حتحصل عشان تبقى على نور و خلي بالك متسبش نفسك لنصايح الصنايعية عشان اخرهم فك و تركيب مش بيقروا زي ماحنا هنا في المنتدى بنبقى قاريين و مش بنجيب كلام من عندنا , و ربنا يوفقك في اللي فيه الخير

باشا انا قصدي الفتيس القديم الي هو بتاع الي ساقطه دلوقتي ال vtec-e
,الحمد لله تصدق بقي الكهربائي شرحلي نقطه ديه عشان انا لاحظت ان الفتيس الي كان راكب عندي في المكنه القديمه في فيشه مش متوصله بحاجه فقالي انه كان فتيس استيراد و متغير ببتاع الانجكشن

و الفتيس الي راكب حاليا بتاع vtec-e هركبه برده علي vtec عشان جت منوال...بس الفتيس في نفس الفيشه و الضفيره الي ركبت فيا مكان بيركب فيه الفيشه ديه ووصله و قالي كده الفتيس متوصل علي كنترول

[sanhory]

باشا انا قصدي الفتيس القديم الي هو بتاع الي ساقطه دلوقتي ال vtec-e
,الحمد لله تصدق بقي الكهربائي شرحلي نقطه ديه عشان انا لاحظت ان الفتيس الي كان راكب عندي في المكنه القديمه في فيشه مش متوصله بحاجه فقالي انه كان فتيس استيراد و متغير ببتاع الانجكشن

و الفتيس الي راكب حاليا بتاع vtec-e هركبه برده علي vtec عشان جت منوال...بس الفتيس في نفس الفيشه و الضفيره الي ركبت فيا مكان بيركب فيه الفيشه ديه ووصله و قالي كده الفتيس متوصل علي كنترول

بس الكنترول مش حيشغله عشان مانيوال

[HotRide]

بس الكنترول مش حيشغله عشان مانيوال

طب اعرف منين ان الكنترول بتاع اتوماتيك ولا منوال ؟


تقرير اليوم الخامس (الجمعه 8 ابريل 2011)

نزلت الحرفين علي ساعه 4 العصر....لقيت سمير بدأ يركب الموتور و علي ساعه 8 جت لحظه الحاسمه ! دور
ما شاء الله صوت قوي فضل مشغلها لحد ما سخنت و تأكد ان المروحه اشتغلت....بس سمعت صوت تكته ببص علي كومبروسير تاكيف لقته زي ميكون بيقشف ! كلمنا مجدي قالي نجبلك غيرو...المهم الوقت ده كان راكب كنترول بتاع P07 بتاع vtec - e

طلعت من الورشه عشان اوديها للكهربائي لقيت سحبها حلو بس مش المتوقع اوي...المهم روحت للكهربائي ظبت ضفيرتو و شال كنترول وركب بتاع vtec كود P08...لاحظت انها بدور متأخر شويه قام فك ده و جاب كنترول من عنده نفس كود دارت من تكه !! قالي يبقي كده كمان في مشكله في كنترول خلي مجدي يجبلك واحد....بس قفل الدنيا و ركب العداد الي فيه rpm و ظبط لمه تشيك انجين تمام و توكلت علي الله و بكره بقي نشوف حوار الكنترول و الكومبرسر

مشيت من عنده لقيت سحب احتلف تمام !!! حاجه تانيه سبحان الله الكنترول بتاع vtec-e كان ظالم الموتور....طلعت علي الدائري بقي بأسم الله ما شاء الله بجد الله اكبر سحابه جدا جدا انا اول مره اسوق عربيه اخاف منها كده بجد متصورتش انها كده..الكيك داون بتقتم الضهر بكون 80 القي 140 في اقل من 3 ثواني ! بجد انا خايف احسدها!! سبحان الله من كلبه لفهد

بس بقي جيت عند البيت بسلام الحمد لله لقيت تكتكه الكومبروسور راحت و بطلت و دورت كذا مرا دارت من تكه ! ايه بقي الهزار ده ؟ كده الكومبروسر اتظبط و الكنترول تمام

عامه كده كده بكره اروح اشوف دنيا فيها ايه... وانا ان شاء الله هعمل اختبار كبس و اروح لحد بتاع تكييف يكشف عليها يعرف حاله كومبروسر و اتأكد انه كله تمام اروح احاسب مجدي و اديلو بقيت فلوسو

ملحوظه : الواد الي عند مجدي جالي و قالي اعمل حسابك علي 100 جنيه نص تمن العربيه الي نقلت الموتور (تعبير يدل علي كبت و لما بيتعمل بنحس بارتياح الي حدا ما)

[No Comment]

مبارك يا ممدوح ... بس ياريت تبطل حرق وشد لان العربية فى حكم التليين .

[MASERATI]

السلام عليكم و رحمة الله و بركاته

ألف مبروك عليك العربية و الموتور الجديد و تدوبها فى عرق العافية و عقبال ماتجيب الhonda accord 3.6.

[arabmarket]

الف مبروك يا معلم ربنا يحميك وانا مقدر شعورك وفاهم احساسك س فعلا احلى تعبير سمعته عن انطلاق الهوندا انها كالفهد بجد احلى اكسبريشن لانها فعلا كده

ربنا يحميك ويكفيك شرها

[hondaman]

متدفعش يقيت الفلوس الا لما تخلص فترة الاختبار عشان يوم لما تروح تدفع تاخد ورف المكنة كمان ولازم تأكد على ورق المكنة معلش هيقولك هبعتة انا المرور والقصص دى لا انت خد الافراج وودية بنفسك مرور الدراسة وامشى فيها بنفسك
ومبروك المكنة وربنا يكفيك شرها وخد بالك انت لسة فى مرحلة زى التليين اختبار لكل حلجة ومتبتديش تشد بيها الا لما الميكانيكى يعتمد المكنة لان الموضع مخلصش كدة بردو لازم الميكانيكى يتابع المكنة زى مثلا مثلا يشيل البوجيهات يشوفها معرقة زيت مثلا تكون فيها صباب تشوف فيها تعريق زيت من مكان ما الحجات دى طبعا لازم تغسل المكنة عشان تعرف وانت بردو لما تركنها حط تحت الحوض ورقة كارتون عشان لو اى تسريب يبان على الورقة فى تفاصيل كتير يا صاحبى لازم تاخد بالك منها حتى ولو صغيرة

[ahmed_halim197]

مبروك يا باشا