استفسار بسيط وارجو الافادة

[M_Nabil]

انا شايف ان سواء ليه او ليا الموضوع مش صعب و سهلنا علي بعض اوي و لو هو ناوي انا معاه ان شاء الله

يا سنهوري لسه سأل عليك من نص ساعه مع كنت بكلمه محمد عمر....والله انت وحشني و قولتو جاين ريد بوول لا جيتو و لا حاجه

طيب اهم حاجه كود الفتيس عندو ايه ؟؟؟ s20
و الفتيس بتاعي يركب عندو تمام ؟؟
و علي فكره انا عندي فتيس تاني برده اتو غير الي راكب في العربيه بتاع 1500 العادي مش 3 شجره شجره واحد هل ده يبقي افضل ليه ؟

كود الفتيس اللى عنده S40/A000 مع 4.058 Final Drive بتاع فئات LX/DX/HX

والفتيس اللى معاك يركب عنده تمام كل فتايس مواتير الـ D-series تركب على بعض

[Eng_x]

كود الفتيس اللى عنده S40/A000 مع 4.058 Final Drive بتاع فئات LX/DX/HX

والفتيس اللى معاك يركب عنده تمام كل فتايس مواتير الـ D-series تركب على بعض

الفتيس اللي عندي s40 5 speed و العربية DX

[Eng_x]

انا شايف ان سواء ليه او ليا الموضوع مش صعب و سهلنا علي بعض اوي و لو هو ناوي انا معاه ان شاء الله

يا سنهوري لسه سأل عليك من نص ساعه مع كنت بكلمه محمد عمر....والله انت وحشني و قولتو جاين ريد بوول لا جيتو و لا حاجه

طيب اهم حاجه كود الفتيس عندو ايه ؟؟؟ s20
و الفتيس بتاعي يركب عندو تمام ؟؟
و علي فكره انا عندي فتيس تاني برده اتو غير الي راكب في العربيه بتاع 1500 العادي مش 3 شجره شجره واحد هل ده يبقي افضل ليه ؟

ايه موضوع 3 الشجرة ده

[HotRide]

ايه موضوع 3 الشجرة ده

الفتيس ده انواع كله بيركب علي بعضه بس في اختلاف حجم تروس...الفتيس 3 شجره فيه تحكم في ترس الاول بتاع الفتيس..يعني العصايه العاديه d4 d3 2...لكن عصايه الفتيس ده d4 d3 2 1...كل فكره ان حجم تروس اكبر الاولاني يرمي معاك لحد 70 و تاني 110 و تالت لحد 170 و رابع غير محدود انت و طريق و عامه انا جبت بيه 230

و عندي فتيس برده جديد بس شجره وحد ده حجم تروس اصغر يديك عزم و طلعه و تجميع اسرع بس ميديش سرعه قصوي بس تجميعه افضل...بس الفتيس ده مينفعش يركب عندي عشان موتور عندي قوي الفتيس مش هيظبط معايا

انت المكنه عندك كام حصان ؟؟؟


و عايز اقولك ملحوظه: سعر فتيسك 800 جنيه
سعر فتيس الشجره وحده: 1400
سعر الفتيس 3 شجره: 2600

بس انا مش هخد فرق لو الموضوع ده تم بس بوضحلك اني بعمل كده مش عشان حاجه و لا عايز اكسب او اطلع مصلحه كل الحكايه اني بعمل كده عشان استخدامي رياضي جدا و بجهز العربيه لسباقات الايجبت تشلانش و 1 الي في العصايه كويس اوي و تحكم كأنو منوال بس انا عايز كويس اوي اوي اوي عشان ثانيه تفرق معايا :)
اهم حاجه انت عندك النيه ؟؟

[HotRide]

D16Y7
Found in:
1996–2000 Honda Civic DX/VP/LX/CX
1999–2000 Honda Civic Special Edition – SE/EX(Canada)
1996–1997 Honda del Sol S
1996–1997 Honda Civic Coupe LSI
Displacement : 1,593 cc (97.2 cu in)
Bore and Stroke : 75 × 90 mm (3.0 × 3.5 in)
Compression : 9.4:1
Power : 106 hp (79.0 kW, 107 ps) @ 6200 rpm
Torque : 103 ft·lbf (140 N.m) @ 4600 rpm
Redline : 6800 rpm
Rev-limiter: 7200 rpm
Valvetrain : SOHC (4 valves per cylinder)
Fuel Control : OBD2 MPFI
Head Code : P2A-2
Piston Code : P2E
ECU Code : P2E

بكده هيكون الفتيس الشجره واحد افضل انت عربيتك 106 حصان..الفتيس 3 شجره هيضعفها

[tarekzein]

الموضوع ده فى الجون

كميه معلومات قيمه جدا

بس كأنى ولا فهمت حاجه :)

[sanhory]

d16y7



بكده هيكون الفتيس الشجره واحد افضل انت عربيتك 106 حصان..الفتيس 3 شجره هيضعفها

ماششششى يا عم ممدوح نعديها المره دي

بس في نقطة لو قصدق عالفتيس الاوتو بتاع المكنة الكربيراتير يبقى لا مش حيبقى كويس و حيموت العربية بتاعته

انت اللي راكب عندك دلوقتي هو اللي يظبط معاه صح

[HotRide]

ماششششى يا عم ممدوح نعديها المره دي

بس في نقطة لو قصدق عالفتيس الاوتو بتاع المكنة الكربيراتير يبقى لا مش حيبقى كويس و حيموت العربية بتاعته

انت اللي راكب عندك دلوقتي هو اللي يظبط معاه صح

حبيبي يا سنهوري

هو كان راكب علي كربتير بس مش بتاع الكاربتير و فيه سيلنيود بتاع كنترول
وعلي اي حال فيه ده و في ده الانسب ليه يخدو
بس هو فين صاحب الموضوع

[M_Nabil]

بس هو فين صاحب الموضوع

بيسئل في منتدى اجنبى وجاى :)

[Eng_x]

بيسئل في منتدى اجنبى وجاى :)

عرفت منين؟؟؟؟؟!!!!

[Eng_x]

الفتيس ده انواع كله بيركب علي بعضه بس في اختلاف حجم تروس...الفتيس 3 شجره فيه تحكم في ترس الاول بتاع الفتيس..يعني العصايه العاديه d4 d3 2...لكن عصايه الفتيس ده d4 d3 2 1...كل فكره ان حجم تروس اكبر الاولاني يرمي معاك لحد 70 و تاني 110 و تالت لحد 170 و رابع غير محدود انت و طريق و عامه انا جبت بيه 230

و عندي فتيس برده جديد بس شجره وحد ده حجم تروس اصغر يديك عزم و طلعه و تجميع اسرع بس ميديش سرعه قصوي بس تجميعه افضل...بس الفتيس ده مينفعش يركب عندي عشان موتور عندي قوي الفتيس مش هيظبط معايا

انت المكنه عندك كام حصان ؟؟؟


و عايز اقولك ملحوظه: سعر فتيسك 800 جنيه
سعر فتيس الشجره وحده: 1400
سعر الفتيس 3 شجره: 2600

بس انا مش هخد فرق لو الموضوع ده تم بس بوضحلك اني بعمل كده مش عشان حاجه و لا عايز اكسب او اطلع مصلحه كل الحكايه اني بعمل كده عشان استخدامي رياضي جدا و بجهز العربيه لسباقات الايجبت تشلانش و 1 الي في العصايه كويس اوي و تحكم كأنو منوال بس انا عايز كويس اوي اوي اوي عشان ثانيه تفرق معايا :)
اهم حاجه انت عندك النيه ؟؟

بالنسبة للاسعار انا معنديش فكرة لاني مسألتش بس لو في فرق انشاء الله مفيش مشاكل خالص واسف لو كنت اتأخرت على الرد عليك والنية موجودة انشاء الله بس بصراحة مش قالقني حاجة غير موضوع الكنترول و ظبطت الايديال و كان عندي سؤال هوا انا لازم اغير الراديتير علشان تبريد الفيس ولا لا؟؟

[M_Nabil]

عرفت منين؟؟؟؟؟!!!!:u_thin1[1]:

أسرار المهنة وبعدين احنا مسيطرين في عالم الهوندا ورجالتنا في كل مكان :)

المهم أنت أستقرت على قرار ولا لسه متردد

[M_Nabil]

بالنسبة للاسعار انا معنديش فكرة لاني مسألتش بس لو في فرق ان شاء الله مفيش مشاكل خالص واسف لو كنت اتأخرت على الرد عليك والنية موجودة ان شاء الله بس بصراحة مش قالقني حاجة غير موضوع الكنترول و ظبطت الايديال و كان عندي سؤال هوا انا لازم اغير الراديتير علشان تبريد الفيس ولا لا؟؟

الكنترول زى ماكتبلكم سنهورى باشا الروشته في المشاركة القوية بتاعته

و الريداتير ممكن تبدلوا مع بعض برضه عشان الفتيس الاوتو محتاج تبريد فعلاً

[sanhory]

حبيبي يا سنهوري

هو كان راكب علي كربتير بس مش بتاع الكاربتير و فيه سيلنيود بتاع كنترول
وعلي اي حال فيه ده و في ده الانسب ليه يخدو
بس هو فين صاحب الموضوع

لا يبقى انت كده صح فعلا الشجره الواحدة في الحالة دي احسنله و حيبقى حامي و تجميعه سريع

بالنسبة للاسعار انا معنديش فكرة لاني مسألتش بس لو في فرق ان شاء الله مفيش مشاكل خالص واسف لو كنت اتأخرت على الرد عليك والنية موجودة ان شاء الله بس بصراحة مش قالقني حاجة غير موضوع الكنترول و ظبطت الايديال و كان عندي سؤال هوا انا لازم اغير الراديتير علشان تبريد الفيس ولا لا؟؟

اكيد حتبدلوا الردياتيرات
احنا ممكن نعمل حاجة ظريفة عشان تطمن
لو عايز اقبلك في يوم و نجرب نركب الكنترول اللي معايا و تشوف العربية حتعمل ايه انا معاك و لو على حكاية الايدل دي متقلقش منها خالص كل ما هناك بنغير ترتيب السلك بتاعه في الفيشة اللي بتركب في الكنترول عشان الايدل المانيوال بيقرا بطريقة والاتوا بطريقة لكن هيا هيا كل حاجة ولا بيحصل قطع ولا لحامات ولا اي حاجة و ممكن اعملهالك و احنا وقفين عشان تتطمن قبل ما تحل فتيس او تعمل اي حاجة

الكنترول زى ماكتبلكم سنهورى باشا الروشته في المشاركة القوية بتاعته

و الريداتير ممكن تبدلوا مع بعض برضه عشان الفتيس الاوتو محتاج تبريد فعلاً

نبيل باشا عايزين نشوفك بقى

[Eng_x]

أسرار المهنة وبعدين احنا مسيطرين في عالم الهوندا ورجالتنا في كل مكان :)

المهم أنت أستقرت على قرار ولا لسه متردد

بصراحة متردد مش من موضوع البدل من موضوع التعديل للاوتوماتك نفسة وبالذات اني راكب العربية بقالي اهو تالت سنين فواخد على اداء معين منها فخايف الكلام ده يختلف واكيد هيختلف لاني اتفرجت على فيديو لعربية ممدوح بالمكنة ال D15b اللي مفروض انها كمان hp 130 مجمع ال km\h 100 في 14 ثانية كتييير اوي انا عندي المكنة hp 106 وبجمع المية في 10 ثاواني ولا انتا رايك ايه