السيارة اللى قدرت تتحدى الSiR فى الملفات

[SAMEH_FOUAD]

طبعا العنوان واضح لانى كنت بجرى مع عربيات كتير جدا وعرفت مستوى كل عربية فيهم من الثبات عامل ازاى وكمان السرعة

حصل بقى حكاية امبارح خليتنى اعرف فعلا ان العربية دية تحفة بجد

نحكى القصة

كالعادة رايح الشغل بتاعى صباحا كانت الساعة الثامنة والربع وبدخل نفق الازهر اللى بيبقى خالى تماما من العربيات ومافيهوش غير عربية واحدة بس او اتنين بالكتير وكالعادة بمشى بسرعتى الطبيعية والاقى عربية جاية بسرعة من ورايا وانا عندى المرايا بتاعة الصالون فيها زووم فبتخلينى اشوف الناس اقرب من الواقع فعرفت انها التحفة الجديدة

باسات 2011 الشكل الجديد , قولت بس شكلة شايف نفسة وهظبطة على الطريق روحت فاتح ووصلت لسرعة 140 كم وهو بدأ يقرب منى شوية , ووصلنا عند اخر ملف فى اتجاة مدينة نصر وطبعا كان لازم اهدى عشان السرعة بس قولت انا هاخد الملف دة على 100 كم وفعلا خدة على 100 واذا فوجئت انة كمان مهداش جامد واصبح الفرق بينى وبينة اقل من متر ونص ويمكن كمان الثبات بتاعها احسن من الهوندا بس الحمد لله ماخليتهوش يعدينى ( الملف انا باخدة انا وهو فى الحارة بتاعتنا محدش فينا طلع برة حارتة سم واحد)

العربية دية ثباتها عالى قوى واحسن من البى ام الفئة الثالثة والمرسيدس ال CCLASS

وبعد ماخرجنا من الملف دة شدينا تانى مع بعض بس هو كان اختفى من المرايا بتاعتى لانى كنت وصلت الى 170 واعتقد انى اكتشفت ان العربية دية سحبها تقيل جدا وخصوصا كمان انة كان مشغل التكييف

بس بجد انا حبيت اوريكوا الفرق دة لان فعلا العربية الوحيدة اللى قدرت تتحدى الهوندا فى الملفات الحادة حتى السيفيك الجديدة ماقدرتش تصمد امام ال SiR فى المنحنيات مع انها كانت VTI

بجد العربية دية لازم تتركب بمحرك 2000 سى سى وبعد كدة انت معاك كل حاجة فى العربية

[Eng.Geo]

العربية ده ثباتها خرافي
قاعدة عجل كبيرة وتوزيع وزن وتعليق ممتاز
وألماني ;)

[Yones]

طبعا العنوان واضح لانى كنت بجرى مع عربيات كتير جدا وعرفت مستوى كل عربية فيهم من الثبات عامل ازاى وكمان السرعة

حصل بقى حكاية امبارح خليتنى اعرف فعلا ان العربية دية تحفة بجد

نحكى القصة

كالعادة رايح الشغل بتاعى صباحا كانت الساعة الثامنة والربع وبدخل نفق الازهر اللى بيبقى خالى تماما من العربيات ومافيهوش غير عربية واحدة بس او اتنين بالكتير وكالعادة بمشى بسرعتى الطبيعية والاقى عربية جاية بسرعة من ورايا وانا عندى المرايا بتاعة الصالون فيها زووم فبتخلينى اشوف الناس اقرب من الواقع فعرفت انها التحفة الجديدة

باسات 2011 الشكل الجديد , قولت بس شكلة شايف نفسة وهظبطة على الطريق روحت فاتح ووصلت لسرعة 140 كم وهو بدأ يقرب منى شوية , ووصلنا عند اخر ملف فى اتجاة مدينة نصر وطبعا كان لازم اهدى عشان السرعة بس قولت انا هاخد الملف دة على 100 كم وفعلا خدة على 100 واذا فوجئت انة كمان مهداش جامد واصبح الفرق بينى وبينة اقل من متر ونص ويمكن كمان الثبات بتاعها احسن من الهوندا بس الحمد لله ماخليتهوش يعدينى ( الملف انا باخدة انا وهو فى الحارة بتاعتنا محدش فينا طلع برة حارتة سم واحد)

العربية دية ثباتها عالى قوى واحسن من البى ام الفئة الثالثة والمرسيدس ال cclass

وبعد ماخرجنا من الملف دة شدينا تانى مع بعض بس هو كان اختفى من المرايا بتاعتى لانى كنت وصلت الى 170 واعتقد انى اكتشفت ان العربية دية سحبها تقيل جدا وخصوصا كمان انة كان مشغل التكييف

بس بجد انا حبيت اوريكوا الفرق دة لان فعلا العربية الوحيدة اللى قدرت تتحدى الهوندا فى الملفات الحادة حتى السيفيك الجديدة ماقدرتش تصمد امام ال sir فى المنحنيات مع انها كانت vti

بجد العربية دية لازم تتركب بمحرك 2000 سى سى وبعد كدة انت معاك كل حاجة فى العربية

الباسات عربية جميلة جدا وانا بحترمها بصراحة قوى بس اعتقد ان موضوع تقل السحب ده بسبب وزن العربية الكبير بالمقارنة بسعة المحرك ال 1600 عن ال2000 سى سى زى مابتقول ياسمسم معاك حق
بس تجربة جامدة قوى

[OmaR_FekrY]

انا كنت ركبت الباسات 2008 قبل كده كتير مع واحد صاحبى .. العربيه بياخد بيها غرزه (ضيقه جدا على فكره ) 160 من حاره ل حاره و بسم الله ماشاء الله العربيه مبتتهزش سم فعلا زياده عن حركه الدركسيون

و اللى ثباتها برضو حاجه وهم المرسيدس ال g class ... تحفه

[OmaR_FekrY]

الباسات عربية جميلة جدا وانا بحترمها بصراحة قوى بس اعتقد ان موضوع تقل السحب ده بسبب وزن العربية الكبير بالمقارنة بسعة المحرك ال 1600 عن ال2000 سى سى زى مابتقول ياسمسم معاك حق
بس تجربة جامدة قوى

انا متهيألى ان الالمانى بصفه عامه تقيل فى سحبه علشان وزن العربيه لحد ال 3 و بعد كده مابتشوفوش

[mando_07]

معلش لو كنت هخرج من الموضوع بس ازاي السيفيك ثباتها أعلى من ال-c180 وال 3 series !؟

[OmaR_FekrY]

معلش لو كنت هخرج من الموضوع بس ازاي السيفيك ثباتها أعلى من ال-c180 وال 3 series !؟

علشان دى هوندا يا باشا

[newcar2011]

صحبى اتقلب فى ترعه كان راكب سيفك وبياخد ملف جنب ترعه العربيه كانت عطشانه تقريبا نطت فى الترعه وربنا ستر انه طلع حى

[dramir1]

ربنا يباركلك في عربيتك بس بلاش السرعات الجامده دي

[sanhory]

سمسم باشا صباحك فل
عادة الماني يعني ثبات بس انا شايف بصراحة ان في عربيات كتير ثباتها حلو و يمكن احسن من الهوندا عندك مثلا الامبريزا 2008 مفيش عربية حتتكلم معاها في الثبات

[SAMEH_FOUAD]

صحبى اتقلب فى ترعه كان راكب سيفك وبياخد ملف جنب ترعه العربيه كانت عطشانه تقريبا نطت فى الترعه وربنا ستر انه طلع حى

دة نصيب ياباشا وعلى فكرة عربيات كتير بى ام دبليو اتقلبت وعايز اقولك انا فية واحد اعرفة اتقلب بمرسيدس 2011 e280 وفين فى ميدان وسرعتة كانت لاتتعدى ال70 كم بس كان بياخد اليوتيرن بقوة معرفش يلم العربية اتقلب بيها

السيارة مهما كانت درجة تمساكها فاكيد لازم يكون فية حاجة اسمها ردة فعل عكسية

[SAMEH_FOUAD]

سمسم باشا صباحك فل
عادة الماني يعني ثبات بس انا شايف بصراحة ان في عربيات كتير ثباتها حلو و يمكن احسن من الهوندا عندك مثلا الامبريزا 2008 مفيش عربية حتتكلم معاها في الثبات

سنهورى باشا حبيبى اخبارك اية

ياباشا هو انا رجعت الناس كلها رجعت معايا ولا اية ؟؟؟؟؟؟؟

بالنسبة للسوبارو فدة اللى انا بستغربلة الصراحة الناس بتقول الدفع الرباعى مافيش احسن منة فى الثبات , وانا والله مبهدل امبريزا 2006 فى النفق ومعرفش حتى ياخد الملفات بنفس الدرجة اللى باخدها بيها وعلى فكرة سواق لاننا لما طلعنا من النفق ماشاء الله قلبة جامد وبياخد غرز مقفولة والعربية واضح انها سليمة جدا مافيهاش عيب

وبعدين مانت راكب SiR ياباشا وعارف كلامى

عموما انا قولت تجربة وماقولتش ان الباسات اقل من الهوندا لأ بالعكس انا حسيت جدا ان لو كان ماتورها شديد كان ممكن يعدينى , وطبعا بفضل ترسانة التجهيزات والانظمة الخاصة بالثبات خصوصا انها كانت اعلى فئة والكاوتش العريض , والوزن الاتقل كل دة فى صالحة وكمان العربية لسة جديدة بس انى اعمل كدة معاة دة نصر للهوندا وقبل كدة انا قولتلكوا فى تقرير ان الهوندا سيفيك ال SIR واخدة فى ال SKID PAD 93 يعنى رقم عالى جدا مقارنة بأى عربية

[mando_07]

علشان دى هوندا يا باشا

ماشي يا باشا والتانية ألماني برضه مع احترامي أنا مصدقش أن عربية ياباني تبقى أثبت من الالماني أنا جبت بعربة واحد صاحبي 240 على المحور و العربية (c-class) كانت لازقة في الارض مهما تغرز بيها معتقدش الهوندا كدة يعني وأنا معايا مازدا 3 و واحد صحبي معاه سيفك 2005 في فرق ثبات جامد لصالح المازدا وفراملها على قدها (بتكلم على هوندا موديل 2008 )

، الهوندا عربية محترمة وكل حاجة بس مش طبيعي أقارنها بفئة أعلى منها وأقول أنها أحسن

[graffittiii]

، الهوندا عربية محترمة وكل حاجة بس مش طبيعي أقارنها بفئة أعلى منها وأقول أنها أحسن

هي أحسن ف السحب بس ...

[SAMEH_FOUAD]

ماشي يا باشا والتانية ألماني برضه مع احترامي أنا مصدقش أن عربية ياباني تبقى أثبت من الالماني أنا جبت بعربة واحد صاحبي 240 على المحور و العربية (c-class) كانت لازقة في الارض مهما تغرز بيها معتقدش الهوندا كدة يعني وأنا معايا مازدا 3 و واحد صحبي معاه سيفك 2005 في فرق ثبات جامد لصالح المازدا وفراملها على قدها (بتكلم على هوندا موديل 2008 )

، الهوندا عربية محترمة وكل حاجة بس مش طبيعي أقارنها بفئة أعلى منها وأقول أنها أحسن

على فكرة ابعد هوندا بداية من موديل 2001-2005 لان الهوندا منزلة العربيتين دول بتعليق ناعم فطبعا الثبات ضعيف وكمان محرك مش قوى , وطبعا مش من العدل انك تقارنها بموديل المازدا لكن المازدا لو دخلت مع السيفيك الجيل الخامس والسادس والثامن هتبقى المقارنة لصالح السيفيك ولو ركبت السيفيك موديل الجيل الخامس هتلاقى اثبت من اى جيل هوندا تانى حتى 2012 ودة بسبب التعليق الرياضى والعفشة المعمولة بضمير وفعلا مصروف عليها جامد .
تخيل بقى ال SiR هتبقى عاملة ازاى بكاوتشها الاصلى R15 195-55 بجد مقاس تحفة وعلى فكرة مع الجنوط ال16 جريها مع بورش

طيب انت عارف انى مرة اتحديت بورش على اخر نزلة من المقطم اكيد الناس كلها عارفة النزلة دية عاملة ازاى والحمد لله كنت ماشى جنبة واهية اسمها بورش

ياباشا الموضوع مش اسم المانى ويابانى الموضوع ومافية محتاج اية

1- توزيع وزن ممتاز

2- نظام تعليق قاسى , وعفشة مستقلة متعددة الوصلات

3- GROUND CLEARNCE منخفض

4- ايرودينامك عالى

5- جنوط وكاوتش محترمين

وكل دة موجود فى الهوندا وعلى فكرة انا ماقولتش ان الهوندا كسبت الباسات بس يكفى انها معدتش