الحمد لله استلمت السيفيك بس مفيش نمر في المرور الا بالرشوة آه يا بلد!!!!!!

[abf-nassar]

مع احترامي للجميع واقتناعي التام بان الرشوة حرام
ولكن معني السير بالسيارة بدون لوحات هو ارتكاب جريمة وسحب رخصة قيادة
ومن حق الضابط ايضا سحب السيارة للقسم وتدفع غرامة 1500 جنيه
بعد كل ذلك لم اجد حل بعد يوم عذاب في المرور الا ان ادفع
وبالفعل 500 جنيه رشوة خلصت جميع الاجراءات في نصف ساعة فقط

[Hondawy_2008]

باركولي يا جماعه الحمد لله استلمت الرخصه و النمر انهارده وركبتهم بس كان لازم أدفع للأمين ال 50 جنيه عارفين ليه؟؟؟ هقولكم

رحت لقيته مجهز النمر و كاتبهم علي الصاج بقلم فلومستر أسود تخيلوا!!!!!!
أول ملاغيته واديتله الخمسينايه قالي يا باشا ميرضينيش تاخد النمر دي وتطلع تغسل العربيه في بنزينة تتمسح ولقيته طلع نمر محفوره على ألمونيا اللي هيا أصلا بتاعتي و حقي جيه من المرور ودافع تمنها 30 جنيه رسوم وقالي اتفضل يا باشا ههههههههههه متستغربوش هيه دي مصر يا شباب !!!!!!!!

المهم كان مفروض عليا ألاغي الموظفه برده علشان تمشيلي الورق واستلم الرخصة بس الحمد لله اني خلصت القصة دي وارتحت وعن تجربة احب اقولكم :

"اذا لم ترشي مصلحتك لن تمشي " أنا دفعت كله حوالي 150 جنيه رشاوي علشان أخلص الرخصه من مهندس فحص لأمين (لوحده 100: 50 في ايده +50 بتاعه الصاج اللي خده مني وهيبيعه لحد تاني طبعا) لموظفة الورق وطبعا لو حصل كل الكلام اللي فوق مع حد فيكوا ميستغربش لانه هيكون "أكيد أكيد في مصر"

[dynamic_alpha]

الف مبروك على النمر الجديدة
بس انا عايز اسألك بما اني عندي عربية و عايز ارخصها .... ايه أفضل حاجة تتعمل ؟
و بعدين انا لسة مش فاهم يعني ايه صاجتين و يتكتب عليهم النمر ؟؟ مش مفروض بتستلمهم من المرور ؟ و لا مفيش نمر جديدة خالص ؟

و شكرا

[Hondawy_2008]

الف مبروك على النمر الجديدة
بس انا عايز اسألك بما اني عندي عربية و عايز ارخصها .... ايه أفضل حاجة تتعمل ؟
و بعدين انا لسة مش فاهم يعني ايه صاجتين و يتكتب عليهم النمر ؟؟ مش مفروض بتستلمهم من المرور ؟ و لا مفيش نمر جديدة خالص ؟

و شكرا

بص يا باشا في المرور بتاعك اسأل على الأمين اللي بيسلم النمر و اتكلم معاه وقوله عايز نمر وليك الحلاوة وكده يعني هيشرحلك تعمل ايه بالظبط والأمور هتمشي إن شاء الله رغم اني مش راضي عن الأسلوب ده بس لو معملتش كده يبقى انسى انك تركب نمر!!!!!!!!!!!