اكتر حاجة مضايقاك فى الهوندا ؟؟؟؟؟؟؟

[ahmedeihab]

السلام عليكم جميعا
عربيتى سيفيك 92 si ومغير الموتور zc
اولا اول ما ادور العربيه الموتور بيوصل حتى 2 ار بى ام لمده 20 ثانيه وبعد كده يرقص من 1 حتى 2 وانا بفضل واقف لغايه ما العربيه تسخن خالص ويوصل حتى 1 فهل دى مشكله ؟

ده ان الايدل عايز يتنضف


ثانيا وانا ماشى على 40 مثلا بحس ان العربيه اتخنقت ولما ادوس لها شويه لا تستجيب وكأنها طالعه مطلع عالى ولما ادوس كمان شويه تحس انها بتقطع كهربا لجزء من الثانيه ولما اشيل رجلى وارجع ادوس عادى تمشى كويس ولما بشغل التكييف تظهر المشكله دى اكتر

غير البوجيهات و نضف البوابه كل الكلام ده هيظبط


ثالثا التكييف وانا فى الظل بيبقى كويس ولما الشمس تيجى ع العربيه كأنى مشغل مروحه وبتاع التكييف نصحنى انى اشغل مروحه التبريد مع مروحه التكييف وبالفعل عملت كده بس برضه التبريد فى الشمس كأنها مروحه توشيبا " لما شحنت التكييف من اسبوعين نظفت التلاجه والمروحه الداخليه " ولما رجعت لبتاع التكييف قال الكباس ضعيف ؟؟؟

ده لو الكباس ضعيف مش هيكبس لا ظل ولا مش ظل
اللى انت رحتله ده بتاع شاى روح لوحد محترم و هو هيفيدك


رابعا هل فعلا مرايات الماروتى تركب على السيفيك 92 ؟

جديد لانج عليا الكلام ده بس


السؤال الاخير اخبار المقابله ايه لكل الهونداويه !!!!!

ولا نعرف عنها حاجه الدنيا لسه صحرااااااااا

[SAMEH_FOUAD]

ومواضيع اجيال الهوندا كلها تتجمع فى موضوع واحد علشان يتخفف التثبيت

لسة الادارة بتبحث هذا الموضوع

[SAMEH_FOUAD]

السلام عليكم جميعا
عربيتى سيفيك 92 si ومغير الموتور zc
اولا اول ما ادور العربيه الموتور بيوصل حتى 2 ار بى ام لمده 20 ثانيه وبعد كده يرقص من 1 حتى 2 وانا بفضل واقف لغايه ما العربيه تسخن خالص ويوصل حتى 1 فهل دى مشكله ؟

اولا كدة فية عندك مشكلة من اول تسخين السيارة لان غلط جدا ان العربية توصل ل2000 لفة وهية لسة باردة ودة معناة ان عندك فية مشكلة الثروتل بودى لازم يتفك كلة ويتنظف


ثانيا وانا ماشى على 40 مثلا بحس ان العربيه اتخنقت ولما ادوس لها شويه لا تستجيب وكأنها طالعه مطلع عالى ولما ادوس كمان شويه تحس انها بتقطع كهربا لجزء من الثانيه ولما اشيل رجلى وارجع ادوس عادى تمشى كويس ولما بشغل التكييف تظهر المشكله دى اكتر

مشكلتك دية بترجع لحاجات كتير اولها ضعف الكهرباء سواء من موبينة او الاسبراتير او السلوك

- شيك على طلمبة البنزين ممكن تكون ضعيفة

- لازم تعمل نظافة للفلاتر ( بنزين - هواء )

بس انا بميل اكتر الى انها مشكلة كهربائية بنسبة كبيرة اوى

ثالثا التكييف وانا فى الظل بيبقى كويس ولما الشمس تيجى ع العربيه كأنى مشغل مروحه وبتاع التكييف نصحنى انى اشغل مروحه التبريد مع مروحه التكييف وبالفعل عملت كده بس برضه التبريد فى الشمس كأنها مروحه توشيبا " لما شحنت التكييف من اسبوعين نظفت التلاجه والمروحه الداخليه " ولما رجعت لبتاع التكييف قال الكباس ضعيف ؟؟؟
رابعا هل فعلا مرايات الماروتى تركب على السيفيك 92 ؟
السؤال الاخير اخبار المقابله ايه لكل الهونداويه !!!!!

اولا معنى ان التكييف يشتغل بكفاءة قليلة فى الشمس دة معناة ان الكمبورسير ضعيف بلا شك

بس خلى بالك ماتغيرش الكباس مرتبط بالمكنة يعنى لو المكنة مظبوطة سلانسية يبقى التكييف هتلاقية تلاجة ومظبوط لكن المحرك عندك عايز تظبيط فانت هتعمل الحاجات دية الاول وبعد كدة تشوف الدنيا هتمشى ازاى

بس نصيحة منى اعمل الاتى باستمرار :

1- تنظيف شامل للبوابة( يعنى تتطلع الثروتل بودى برة ) + بلف الايدل + خراطيم الايدل

2- تنظيف فلتر الهواء وتغيرة لو لقيتة اسود

3- تغير فلتر البنزين

4- تنظيف التانك والرشاشات وفلتر طلمبة البنزين

5- حاول تمون من بنزينة نظيفة

6- اظبط الكهرباء وغير البوجيهات وزى ماقولتلك اختبر شرارة الاسبراتير

7- اظبط مسمار الفاكيوم

8- شد سلك الاكسراتير للاخر لان دية مشكلة كانت مواجهاك من زمااااااان ( فاكر )

9- عايزك تتأكد من توصيلات الفتيس من ناحية ال 2 solonide اللى موجودين فى الفتيس من فوق

اعمل دة وان شاء الله الدنيا هتظبط

[wael ahmed]

نفس القصه عندى فى موضوع التكييف :@
بس انا عندى صوت كركره كده من نحية الكباس غالبا الكلتش :)

تانى حاجه الفتيس الاتوماتيك محدش عايز يبدل معايا الفتيس يا جدعان نفسى اسوقها مانيوال

تالت حاجه بقى الجنونه هههههه العربيه مره الاقيها ناعمه جداااااا ومره بتشخلل بمعنى الكلمه نفسى اعرف ليه :d

وعلشان محدش يقولى تهيؤات والجو ده .. ده بشهادة 2 اصحابى معاهم هوندا

[ahmedeihab]

نفس القصه عندى فى موضوع التكييف :@
بس انا عندى صوت كركره كده من نحية الكباس غالبا الكلتش :)

تانى حاجه الفتيس الاتوماتيك محدش عايز يبدل معايا الفتيس يا جدعان نفسى اسوقها مانيوال

تالت حاجه بقى الجنونه هههههه العربيه مره الاقيها ناعمه جداااااا ومره بتشخلل بمعنى الكلمه نفسى اعرف ليه :d

وعلشان محدش يقولى تهيؤات والجو ده .. ده بشهادة 2 اصحابى معاهم هوندا

بلنسبه للشخلله
ده عادى يا لولو كلنا كده بيبقى فى عفاريت بتييجى و تمشى على طول :d:d
^_^

[SAMEH_FOUAD]

هههههههههه ازاى يعنى يوم هادية ويوم بتشخلل

انا اعرف ممكن تلاقيها سحبها قل شوية لكن بتخلل وبمعنى الكلمة جديدة دية يأوائل

[khaleddapino]

Rpm عالى فى التسخين
صوت تزيق فى فرش الابواب بطريقه غبيه

و اخيرااا مشكله القرن صوت كركره من العربيه نفسها ...صوت عامل كانك نقلت على نقله اعلى و انت على سرعه بطيئه ( اصحاب المنوال حيفهمو الصوت)

[tarekomar66]

ولا نعرف عنها حاجه الدنيا لسه صحرااااااااا

مشكور يا احمد باشا

[tarekomar66]

اولا معنى ان التكييف يشتغل بكفاءة قليلة فى الشمس دة معناة ان الكمبورسير ضعيف بلا شك

بس خلى بالك ماتغيرش الكباس مرتبط بالمكنة يعنى لو المكنة مظبوطة سلانسية يبقى التكييف هتلاقية تلاجة ومظبوط لكن المحرك عندك عايز تظبيط فانت هتعمل الحاجات دية الاول وبعد كدة تشوف الدنيا هتمشى ازاى

بس نصيحة منى اعمل الاتى باستمرار :

1- تنظيف شامل للبوابة( يعنى تتطلع الثروتل بودى برة ) + بلف الايدل + خراطيم الايدل

2- تنظيف فلتر الهواء وتغيرة لو لقيتة اسود

3- تغير فلتر البنزين

4- تنظيف التانك والرشاشات وفلتر طلمبة البنزين

5- حاول تمون من بنزينة نظيفة

6- اظبط الكهرباء وغير البوجيهات وزى ماقولتلك اختبر شرارة الاسبراتير

7- اظبط مسمار الفاكيوم

8- شد سلك الاكسراتير للاخر لان دية مشكلة كانت مواجهاك من زمااااااان ( فاكر )

9- عايزك تتأكد من توصيلات الفتيس من ناحية ال 2 solonide اللى موجودين فى الفتيس من فوق

اعمل دة وان شاء الله الدنيا هتظبط

تسلم ياسامح باشا , كده فيها زياره لعصام او جاسم ان شاء الله يوم الجمعه او السبت وسنوافيكم بالتقرير

[tarekomar66]

دا لينك موضوع المرايات الماروتى

http://www.nilemotors.net/Nile/289060-a.html

ومش عارف الكلام دا حد جربه ولا لا

[ahmedeihab]

دا لينك موضوع المرايات الماروتى

http://www.nilemotors.net/nile/289060-a.html

ومش عارف الكلام دا حد جربه ولا لا

يا باشا ده كلام و مش عارفين لحد دلوقتى مصيره ايه بس الناس عماله بتبحث فيه
^_^

[tarekomar66]

يا باشا ده كلام و مش عارفين لحد دلوقتى مصيره ايه بس الناس عماله بتبحث فيه
^_^

والله يا سيد احمد احنا فى انتظار نتيجه البحث واهو كله فايده للهونداويه للاستفاده من فرق الاسعار

[SAMEH_FOUAD]

مافيش مرايات زى مرايات السيفيك فى السوق ولا جديد ولا مستعمل

[wael ahmed]

هههههههههه ازاى يعنى يوم هادية ويوم بتشخلل

انا اعرف ممكن تلاقيها سحبها قل شوية لكن بتخلل وبمعنى الكلمة جديدة دية يأوائل

ههههه والله يا سمسم هوه ده اللى بيحصل ونفسى اعرف من ايه ؟؟

يعنى ساعات الاقى العربيه ناعمه جداا ومفيش اصوات تخبيط من العفشه وساعات بحس كأنى ماشى على الجنط بس :)))))

[SAMEH_FOUAD]

ههههه والله يا سمسم هوه ده اللى بيحصل ونفسى اعرف من ايه ؟؟

يعنى ساعات الاقى العربيه ناعمه جداا ومفيش اصوات تخبيط من العفشه وساعات بحس كأنى ماشى على الجنط بس :)))))

يبقى روح ربط عفشتك كويس , وعند واحد بتاع زوايا بمفتاح عزم

وخلى بالك بردة ان دة بيجى من ضعف المساعدين يعنى جرب كدة مرة تركن العربية يومين وتعالى اركب العربية هتلاقى العربية ناعمة وهادية