إعـــــــلان

Collapse

.

,
See more
See less

سؤال بخصوص الميكانيكية يا رجالة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    سؤال بخصوص الميكانيكية يا رجالة

    السلام عليكم يا رجالة الهوندا ..انا كنت بتعامل مع ورشة المهندس رشيد اللي في امبابة بس بصراحة شغلة معجبنيش و بما انه عندة قطع غيار فلو العربية احتاجت قطع غيار و صنايعي شغال بيحسبهلك غالي جدا برغم ان المهندس رشيد دة راجل في قمة الذوق بس الشغل بصراحة مش عجبني.... بسألت علي ميكانيكي تاني اروحلة و يكون فاهم ف في ناس قلتلي علي و احد اسمه عصام في الحرفيين و واحد تاني اسمه جاسم برضة ف الحرفيين ومحمود في المعادي
    فأنا كنت عايز اعرف مين فيهم الاحسن و يكون سعرة كويس و مش بيبالغ في المصنعية ولو في حد تاني احسن منهم ياريت تقولولي بس مع مراعاة سعرالمصنعية ..اتمني الرد و الف شكر يا رجالة
    الكلمات الدلالية (Tags): الميكانيكية, بخصوص, رجالة, سؤال, يا
  • #2
    عصام غاااااالى جداااااااااا و مبالغ فيه
    اما جاسم على كلام الناس بيقولوا انه محترم جداااااا
    اسأل عليه و نشوف الدنيا و قولنا الاخبار ايه
    ^_^
    ahmed eihab[FONT="Impact"][I][B][/B][/I][/FONT]
    Honda The Power Of Dream
    ^_^

    Comment

    • #3
      انشاء الله هحاول اسأل كدة علية بس نشوف الناس هتقول اية؟؟ شكرا استاذ أحمد و علي اهتمامك و
      ياريت يا جماعة اللي عندة معلومات برضة يفيدنا

      Comment

      • #4
        المشاركة الأصلية كتبت بواسطة ahmedeihab مشاهدة المشاركة
        عصام غاااااالى جداااااااااا و مبالغ فيه
        اما جاسم على كلام الناس بيقولوا انه محترم جداااااا
        اسأل عليه و نشوف الدنيا و قولنا الاخبار ايه
        ^_^
        عصام مش غالى ولا حاجة
        بالعكس اسعاره فى الحنين

        وياريت اللى يقول حاجة يتأكد قبل ما يقولها
        عشان منرميش حد بالباطل حراااااااااااااام
        [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
        [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

        hamdymsr سابقا

        Comment

        • #5
          المشاركة الأصلية كتبت بواسطة hamdymsr مشاهدة المشاركة
          عصام مش غالى ولا حاجة
          بالعكس اسعاره فى الحنين

          وياريت اللى يقول حاجة يتأكد قبل ما يقولها
          عشان منرميش حد بالباطل حراااااااااااااام
          حمدى باشا انا مجبتش حاجه من دماغى ده كلام اشخاص كتير هنا اتعاملوا معاه
          مبحبش حاجه من دماغى و متقلقش عار فالحرام من الحلال يا باشا
          ^_^
          ahmed eihab[FONT="Impact"][I][B][/B][/I][/FONT]
          Honda The Power Of Dream
          ^_^

          Comment

          • #6
            المشاركة الأصلية كتبت بواسطة ahmedeihab مشاهدة المشاركة
            حمدى باشا انا مجبتش حاجه من دماغى ده كلام اشخاص كتير هنا اتعاملوا معاه
            مبحبش حاجه من دماغى و متقلقش عار فالحرام من الحلال يا باشا
            ^_^
            انا مقولتش انك متعرفش الحلال من الحرام
            ومش معنى ان حد قال كلمة بيبقى كلامة مصدق
            كتير جدا بنسمع كلام وبيطلع فى الآخر غلط

            عموما انا بتكلم عن تجربتى الشخصية مع عصام الميكانيى
            [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
            [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

            hamdymsr سابقا

            Comment

            • #7
              ايه يا رجالة هو الشيطان دخل بينكوا و لا اية ؟؟ عادي يعني كل واحد لية وجهة نظر و بيقولها و كل الاراء تحترم و في الاخر احنا عايزين مصلحة الكل مش اكتر صلوا علي النبي و الف شكر لك يا استاذ أحمد و يا أستاذ حمدي

              Comment

              • #8
                المشاركة الأصلية كتبت بواسطة hamdymsr مشاهدة المشاركة
                انا مقولتش انك متعرفش الحلال من الحرام
                ومش معنى ان حد قال كلمة بيبقى كلامة مصدق
                كتير جدا بنسمع كلام وبيطلع فى الآخر غلط

                عموما انا بتكلم عن تجربتى الشخصية مع عصام الميكانيى
                طب ده مش واحد بس اللى قال كده ده اكتر من 3 او 4 اشخاص اتعاملوا معاه و قالوا نفس الكلام
                الله اعلم انت ادرى و انت اللى اتعاملت معاه
                ^_^

                المشاركة الأصلية كتبت بواسطة shekoooabs مشاهدة المشاركة
                ايه يا رجالة هو الشيطان دخل بينكوا و لا اية ؟؟ عادي يعني كل واحد لية وجهة نظر و بيقولها و كل الاراء تحترم و في الاخر احنا عايزين مصلحة الكل مش اكتر صلوا علي النبي و الف شكر لك يا استاذ أحمد و يا أستاذ حمدي
                لاء يا كبير مفيش حاجه على فكره
                احنا هنا كلنا اخوات و مفيش شيطان ولا حاجه
                حصل خير
                ^_^
                ahmed eihab[FONT="Impact"][I][B][/B][/I][/FONT]
                Honda The Power Of Dream
                ^_^

                Comment

                • #9
                  يا ريت يا جماعة اللى ما اتعاملشى مع حد بشكل مباشر بتجارب شخصية ... ميقولشى ده حلو ولا وحش وبلاش المبالغة الزيادة فى الكلام وخصوصاً لو مفيش تعامل قبل كدة .
                  ـ ـ ـ
                  بالنسبة للسؤال عن الميكانيكية اللى ذكرتهم ... فا احنا غلبنا بصراحة وموصلناش لحد يرضى جميع الاطراف .
                  عصام مش غااااالى جداااااا زى ما بيتقال بس هو صغير فى السن ومجتهد وامين ولاكن تنقصه بعض الخبرات اللى بيكتسبها حالياً .
                  جاسم محترم ومنظم ونظيف فى شغله وغالى عن عصام فى مصنعيته بس ميزة الاتنين بيشتغلو بأديهم .
                  محمود بتاع المعادى بصراحة رحتله مع ناس قبل كدة بس انا ما اتعامتش معاه بس نظرتى ليه انه فاهم بس مبيشتغلشى دايماً بأيده ومصنعيته غالية .

                  وفيه منير بس منصحكشى لانه مبيشغلشى بأيده وممكن تروحله على شغلانة أول اليوم واليوم يخلص عنده ومتخلصشى شغلانتك عنده + انك لازم تروحله تانى لنفس المشكلة .

                  وفيه                   رفعت السودانى خبرة جامدة جداً بس مبيشتغلشى فى عربيات ملعوب فيها او قديمة ومصنعيته نار .

                  وفيه عدلى ومسعد وسمير بس متعاملتش معاهم قبل كدة .

                  ابقى بص على الموضوع ده فيه خبرات بعض الناس فى التعامل مع الصنايعية .
                  نايل موتورز - NileMotors.net
                  http://www.nilemotors.net/Nile/211432-a.html
                  [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
                  [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
                  [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
                  [/CENTER]

                  Comment

                  • #10
                    [QUOTE=No Comment;3874276538][SIZE=4][COLOR=Gray]يا ريت يا جماعة اللى ما اتعاملشى مع حد بشكل مباشر بتجارب شخصية ... ميقولشى ده حلو ولا وحش وبلاش المبالغة الزيادة فى الكلام وخصوصاً لو مفيش تعامل قبل كدة .
                    [QUOTE]


                    هو ده اللى انا بقولوا
                    [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
                    [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

                    hamdymsr سابقا

                    Comment

                    • #11
                      ايه المشكله عندك يا مان مع ذكر السنه والموديل والعيب

                      Comment

                      • #12
                        انا عندي اتعامل مع عصام بعيبه في قلة الخبرة زي مالبعض بقول ولواني شايفها مش قليلة ولا حاجة هي بس محتاجة شوية وقت لانه زي ما انتم عارفين شاب صغير و عنده الاساسيات كلها سليمة و الحجات التانية دي بقى اسمها الاقتراب من الكمال و الكمال لله وحده زي ما انتم عارفين و من ناحية المصنعية انا بقالي 3 سنين مع عصام اقسم بالله في ال 3 سنين دول بما فيهم من فك مواتير و تركيب و تغيير و عفشة ما اخد مني قد اللي اخدو مني مسعد و عدلي في تغير فتيس اس اي من اتو لمانيوال (اخد مني 3000 جنيه) و الفتيس المانيوال الاس اي ب 600 و شوية بدالات و عصاية فتيس و ماستر قول 600 كمان يعني 1200 , و اخد الفتيس الاوتو و بدالاته و عصايته يعني اخد مصنعية 1800 جنيه في فك و تركيب فتيس
                        الشهادة لله مش غالى خالص بالعكس لو زبونه حيعملك شغل مجاملة
                        دا رأي و حضرتك ممكن ترتاح لحد تاني برضه , المهم الراحة النفسية

                        Comment

                        • #13
                          الف شكر لكل الرجالة اللي بصراحة افادوني في موضوع دة لانه كان مضيقني خاصا زي ما انتوا عرفين ان المكانيكي ممكن يلمس العربية ويجيبها الارض و ممكن واحد تاني يظبطهالك زي مقال الكتاب و تكون مبسوط منه و مرتاح له نفسيا عموما انشاء الله هجرب اروح لعصام بس ياريت تقولولي هو فيين بظبط في الحرفيين ؟ ورقم تلفونه لو حد عرفه

                          Comment

                          • #14
                            المشاركة الأصلية كتبت بواسطة pop_king3 مشاهدة المشاركة
                            ايه المشكله عندك يا مان مع ذكر السنه والموديل والعيب
                            لا يا باشا دا كان فيها حوار كدة وخلصته عند الراجل اللي كنت بروحله بس زي ماقلت الصنايعية اللي عنده مش اد كدة و مش مريح في التعامل

                            Comment

                            • #15
                              والله ياجماعه عن تجربه شخصيه انا اتعاملت مع تلات اربع ميكانيكية هوندا و غير هوندا...عمري ما حبيت صنايعي ولا ارتاحتله ولا فكرت في يوم من الايام اني ارفع التليفون او اعدي اسلم عليه كأنه واحد صاحبي....
                              بس نخص بالذكر عصام عشان واضح ان فيه ناس كتييير اوي مش قابلاه...
                              عصام شاطر و امين و مش غالي خااااااالص و الاهم من كل ده انه مش كلب فلوس زي ناس كتيييييييييير اوي مرتاحين و ليهم اسم كمان....
                              انا بسيبله عربيتي و اللي بيقوله بدفعه و لو مش معايا بيقبل اي فلوس و يبقيلك و ممكن يقولك كفايه كمان...
                              انا مسقط موتور من غير ما ابص عليه و عربيتي راحت لحسني الكهربائي ربنا يباركله هو كمان و العربيه خلصت في 3 ايام و ماحستش في لحظه اني بيضحك عليا في جنيه و استلمت عربيتي علي الشعره ومش عارف اطلع فيها اي عيب...
                              وانا عايز حد يقول اسم ميكانيكي كويس و شاطر و امين و مش غالي و يجتمع عليه 5 افراد و كلنا نروحله و نخلص ونرتاح و نريح نفسنا...
                              ملحوظه: عربيتي قطرتها يوم حد بليل من اكتوبر وديتها الحرفيين و الموتور متدمر استلمتها يوم الاربع بليل من غير ماحتي اقف علي ايده ولا ابص علي الموتور و هو بيتسقط.والحمد لله الموتور 82% .....

                              Comment

                              السابق 1 2 template التالي
                              Working...
                              X