عربيتى هيجيلها فلتر هواء كادو بسبب ال (sir) ^ــ^

[koshary]

النهارده اول يوم اروح الجامعه بالعربيه وطبعا لانى معييش تصريح دخول اخدو منى الرخص ونسيتها على الباب وما اخدتهاش وانا خارج المهم داخل بدور على المدرج علشان اركن عنده لقيت صوت عربيه جاى من ورايا من غير ما ابص عرفت انها sir لانو كان حارق وصوت فى تك باين اوى وداخل الجامعه اول مره وعاوز يعمل شو ومن حسن حظى ان الشاب ده من المنصوره وطلع معايا فى القسم طبعا طار من جمبى وبعد ماوصلت لقيتو ركن ودخل المحاضره ههههههه وانا لسه واصل المهم انا ماخدتش بالى من شكلو خرجت من المحاضره بدرى وفضلت قاعد شوية لقيتو خرج اتعرفت عليه واخدت رقمو وبقينا اصحاب اثناء ما احنا بنتعرف لقينا واحد صاحبنا تانى معاه لانسر شارك ومفيم وديفل وساوند سيستم واستيكرات ومروق العربيه المهم قعدنا نتكلم عن المواتير شوية وشدينا مع بعض فى كذا نقطه ومن ضمن النقط اللى بتكلم فيها مع صاحب الشارك قولتلو عربيتك دى عالطريق متجيش حاجه جنب الامورة اللى ساند ايدى على مرايتها دى قالى دا انا معلم عليها مليون مره وكفايا انها موديل تسعينات انا بصراااااااحه حسدت صاحب السيفيك انو سمع الكلمه ومردش غير بكلمه واحده وانا مصدقتش ان الحوار جيه بسرعه المهم قالو ( الاوتستوراد مابينا ) المهم انا قولت لصاحب الشارك لو طلعت منك ( السيفيك ) هتجيبلى فلتر هوا رياضى قالى تمام وبصراحه كان مغرور فى عربيته جدا المهم خرجنا وبدأو الشد من 70 ومكانتش مفاجأه بالنسبالى انا وراهم وسمعت صوت الفى تك والسيفيك فرقت ب 3 عربيات وبعدين ادى انتظار وصاحب الشارك اتجنن وقالو انا ملحقتش ادوس بنزين وكان فيه عربيه نقل والمهم اتحجج وانا وراهم اصلا وشايف اللى حصل المهم كرروها وبردو السيفيك طلعت ومبروووووووك عليا الفلتر هههههههههه ...

الدروس المستفادة طبعا ماتجريش مع عربيه متعرفش جوة الكبوت بتاعها ايه وخصوصا الهوندا .......

[tarekomar66]

ازيك يا محمد
ياراجل النهارده اول يوم تروح فيه الجامعه برضه ؟؟
طبيعى اللى بتقوله مش دى برضه الهوندا ومبروك عليك الفلتر يا معلم

[koshary]

ازيك يا محمد
ياراجل النهارده اول يوم تروح فيه الجامعه برضه ؟؟
طبيعى اللى بتقوله مش دى برضه الهوندا ومبروك عليك الفلتر يا معلم

انا اقصد اول يوم اروح بالعربيه ...

اساسا صاحب الشارك مكانش يعرف اى حاجه عن مواتير السيفيك وكان فاكرها ex ههههههههههه انما على مين انا عرفتها من صوتها

[hany63]

عقبال ما تاخد الجنسيه يا كشري

[SAMEH_FOUAD]

جاى بشارك ويجرى , العربية دية انا جريت معاها مرة كدة صدفة فرقت عنة بكتييييييييييييييييييييير

ومبروك الفلتر ياباشا , بس كنت تراهن على حاجة عدلة فلتر k&n , طقم جنوط اسبور bbs , o.z طقم كاوتش بريدجستون

[abo-berry]

مبروك يا كشرى الفلتر
المره اللى جايه عايزين طقم جنط :d:d:d

[lanos2004]

هنيالك يا عم الفلتر
قال شارك قال

[hassanin_lada]

أستغفر الله العظيم يارب .. رهان ياجماعه !!

بس مبروك عليك الفلتر ياعم وابقي راهن المره اللي جايه علي حاجه غاليه :d او حتي علي عربيته

[Ahmed_Adham]

هيه ايه مواصفات ال honda civic sir ؟ ودى بتيجي كده ستوك ولا متعدله؟ وايه فايده تغيير فلتر الهوا وممكن يفرق في أى عربيه ولا عربيات معينه؟

[abo-berry]

هيه ايه مواصفات ال honda civic sir ؟ ودى بتيجي كده ستوك ولا متعدله؟ وايه فايده تغيير فلتر الهوا وممكن يفرق في أى عربيه ولا عربيات معينه؟

موصفات ال SiR بتنزل كامله بفتحة سقف وفى منها المانوال ومنها الاوتو , بينزل فيها محرك بكود b16a سعته 1600 cc بقوة 175 HP او 174 او 160 او 158 HP على حسب الرقم اللى بيبقى بعد الكود .
طبعا العربيه دى بينزل منها استوك عادى جدا بس عددها قليل اوى فى مصر ومعظم اللى موجود بيكون متسقط ,بيكون si او ex ومتعدل SiR .
بالنسبه بقى لفلتر الهوا الاسبور , ده بيزود نسبة الهوا اللى داخله للماتور فا بالتالى بيزود قوة الماتور بس لازم فى المقابل انك تكبر شكمانك , ليه بقى تكبره ؟؟؟ اعتبر ياسيدى ان الماتور ده انسان بيتنفس , الشهيق بتاعه من الفلتر والزفير من الشكمان فا لازم تكون نسبه الهوا اللى داخله زى اللى خارجه , وطبعا تنفع لكل العربيات مش الهوندا بس .
يارب اكون قدرت اوصلك المعلومه

[SAMEH_FOUAD]

موصفات ال SiR بتنزل كامله بفتحة سقف وفى منها المانوال ومنها الاوتو , بينزل فيها محرك بكود b16a سعته 1600 cc بقوة 175 HP او 174 او 160 او 158 HP على حسب الرقم اللى بيبقى بعد الكود .
طبعا العربيه دى بينزل منها استوك عادى جدا بس عددها قليل اوى فى مصر ومعظم اللى موجود بيكون متسقط ,بيكون si او ex ومتعدل SiR .
بالنسبه بقى لفلتر الهوا الاسبور , ده بيزود نسبة الهوا اللى داخله للماتور فا بالتالى بيزود قوة الماتور بس لازم فى المقابل انك تكبر شكمانك , ليه بقى تكبره ؟؟؟ اعتبر ياسيدى ان الماتور ده انسان بيتنفس , الشهيق بتاعه من الفلتر والزفير من الشكمان فا لازم تكون نسبه الهوا اللى داخله زى اللى خارجه , وطبعا تنفع لكل العربيات مش الهوندا بس .
يارب اكون قدرت اوصلك المعلومه

اية الجمال دة

دكتور سيارات ياباشا

بس ماينفعش تقول نسبة الهواء اللى داخلة زى نسبة الهواء اللى خارجة لان دية حاجة ودية حاجة

يعنى كمية الهواء اللى بتتسحب مطلوبة عشان تتم عملية الحريق وتكون مناسبة مع الكمية اللى بيحددها الكنترول من البنزين

فبعد حدوث الحريق يتم خروج العادم , فالعادم دة لازم يكون خارج مستريح وطبعا بيفرق من محرك لمحرك على حسب ( نسبة انضغاط المحرك والكمية التى يستوعبها البستم من خليط هواء وبنزين - السعة اللترية كل مالمحرك كبر لازم الشكمان يكون اكبر - عدد السلندرات يعنى ال exhaust system بتاع ال 4 cylinder غير ال v6 و v8

[koshary]

أستغفر الله العظيم يارب .. رهان ياجماعه !!

بس مبروك عليك الفلتر ياعم وابقي راهن المره اللي جايه علي حاجه غاليه :d او حتي علي عربيته

مش رهان بمعنى الكلمه بس انا قولتلو تجيبلى فتلتر كادو بقا لو السيفيك طلعت وهو قالى اوك وانا اصلا معرفش هو هيجيبو ولا لا لان الموضوع كان بدحك ولو جابو يبقى مصلحه ههههههههههه

[koshary]

هنيالك يا عم الفلتر
قال شارك قال

بردو ماقولتليش هتجيب ال sir امتى هههههههههههه

[abo-berry]

اية الجمال دة

دكتور سيارات ياباشا

بس ماينفعش تقول نسبة الهواء اللى داخلة زى نسبة الهواء اللى خارجة لان دية حاجة ودية حاجة

يعنى كمية الهواء اللى بتتسحب مطلوبة عشان تتم عملية الحريق وتكون مناسبة مع الكمية اللى بيحددها الكنترول من البنزين

فبعد حدوث الحريق يتم خروج العادم , فالعادم دة لازم يكون خارج مستريح وطبعا بيفرق من محرك لمحرك على حسب ( نسبة انضغاط المحرك والكمية التى يستوعبها البستم من خليط هواء وبنزين - السعة اللترية كل مالمحرك كبر لازم الشكمان يكون اكبر - عدد السلندرات يعنى ال exhaust system بتاع ال 4 cylinder غير ال v6 و v8

حبيبى يا موحه :d:d
معلش بقى التعبير خانى فى الحته الاخيره

[ahmedeihab]

[color="rgb(0, 191, 255)"]

كشرى باشا مبروك الفلتر اولا

ثانيا قوله فى واحد معاه عربيه هوندا موديل 83 شايف نفسه عايز يشد مع لانسر شارك على كيت تربو كامل بلصيانه

و كلمنى انا موجود يا برنس :d:d

بس متقولوش العربيه فيها ايه

^_^

[/color]

موصفات ال sir بتنزل كامله بفتحة سقف وفى منها المانوال ومنها الاوتو , بينزل فيها محرك بكود b16a سعته 1600 cc بقوة 175 hp او 174 او 160 او 158 hp على حسب الرقم اللى بيبقى بعد الكود .
طبعا العربيه دى بينزل منها استوك عادى جدا بس عددها قليل اوى فى مصر ومعظم اللى موجود بيكون متسقط ,بيكون si او ex ومتعدل sir .
بالنسبه بقى لفلتر الهوا الاسبور , ده بيزود نسبة الهوا اللى داخله للماتور فا بالتالى بيزود قوة الماتور بس لازم فى المقابل انك تكبر شكمانك , ليه بقى تكبره ؟؟؟ اعتبر ياسيدى ان الماتور ده انسان بيتنفس , الشهيق بتاعه من الفلتر والزفير من الشكمان فا لازم تكون نسبه الهوا اللى داخله زى اللى خارجه , وطبعا تنفع لكل العربيات مش الهوندا بس .
يارب اكون قدرت اوصلك المعلومه

[color="rgb(0, 191, 255)"]

بغض النظرعن بعض الملاباسات بس احنا من بكره نعينك مساعد منسق :d:d
^_^

[/color]

اية الجمال دة

دكتور سيارات ياباشا

بس ماينفعش تقول نسبة الهواء اللى داخلة زى نسبة الهواء اللى خارجة لان دية حاجة ودية حاجة

يعنى كمية الهواء اللى بتتسحب مطلوبة عشان تتم عملية الحريق وتكون مناسبة مع الكمية اللى بيحددها الكنترول من البنزين

فبعد حدوث الحريق يتم خروج العادم , فالعادم دة لازم يكون خارج مستريح وطبعا بيفرق من محرك لمحرك على حسب ( نسبة انضغاط المحرك والكمية التى يستوعبها البستم من خليط هواء وبنزين - السعة اللترية كل مالمحرك كبر لازم الشكمان يكون اكبر - عدد السلندرات يعنى ال exhaust system بتاع ال 4 cylinder غير ال v6 و v8

ما انا قلت بغض النظر يا عم سامح

و ايه رأيك فى فكره مساعد منسق اهو بردو يحيي مننا و علينا و بيجرى على كوم لحم :d:d

^_^