مواضيعى بتتسرق يارجالة

[SAMEH_FOUAD]

اذيكوا ياهونداوية عاملين اية

بجد انا متضايق جدا الصراحة

دخلت على اكتر من موقع ومنتدى سيارات بدون ذكر اسماء

لقيت مواضيعى اللى انا عاملها عشان تبقى مرجع لكل هونداوى داخل نايل موتوزر واى زائر اخر انة يستفيد منها متاخدة copy , paste بالنص حتى اسم الموضوع متاخد زى ماهو

فى منتديات تانية , يعنى دة ينفع كدة هو اة كاتب منقول , بس لية احنا نتعب ونشقى فى المواضيع , والاقى اعضاء فى منتديات تانية واخدينها بكل بساطة وناقلينها عندهم وقال اية مثبتين الموضوع ههههههههههههه مش عارف اقول الصراحة انا دمى محروق الصراحة

كان يكفى انة يدخل يقرى الموضوع ويستفاد منة واى حد عايز يفهم الدنيا كان يدلهم على نايل موتورز هيلاقوا فية كل اللى هما بيحلموا بية

بس بجد على قد مانا زعلان ان مجهودنا بيروح لمنتديات تانية , ويتعمل عليها comments ,
على قد مانا فرحان ان فعلا كل مابشوف اي منتدى تانى بحس انة فقير اوى علميا مقارنة باعضاء منتدى نايل موتورز

كل اللى اقدر اقولة انى واقسم بالله لو كنت لقيت المواضيع دية مش مكتوب عليها منقول لكنت دخلت فيهم كلهم شمال وقفلتلهم ام المنتديات بتاعتهم دية

[A.Adel]

ممكن تعتبرها زكاة علم :)

ممكن ناس تانية تستفيد إيه المشكلة ؟؟ وكله بثوابه برده
ممكن فيه ناس متعرفش nm
أو المنتدى بتاعه يوقفه لو حط لينك ل nm

أنا بصراحة شايف إن دي حاجة تبسطك مش تزعلك ,إنت كده هتفيد ناس أكتر

[SAMEH_FOUAD]

انا دمى اتحرق دلوقتى لقيت مواضيع من مواضيعى واحد واخدها copy paste ومزودلها شوية صور

وفى الاخر يقول ان هو تعب اوى فى الموضوع ويارب يعجبكوا

دخلت اديتة اللى فية النصيب ومستنى ردة وبعد كدة هشوف الادارة بتاعة ام المنتدى دة وهنشوف اخرها اية لانى مش هسيبهم لائما يتعدل بمنقول لائما ....................

[lanos2004]

يا نهار اسود

[SAMEH_FOUAD]

ممكن تعتبرها زكاة علم :)

ممكن ناس تانية تستفيد إيه المشكلة ؟؟ وكله بثوابه برده
ممكن فيه ناس متعرفش nm
أو المنتدى بتاعه يوقفه لو حط لينك ل nm

أنا بصراحة شايف إن دي حاجة تبسطك مش تزعلك ,إنت كده هتفيد ناس أكتر

لو على منقول ماشى مافيش مشكلة

لكن انا لقيت واحد واخد الموضوع وناسخة وكاتب انة من مجهودة الشخصى لانة ياحرام تعب فى انة يحط كام صورة على الموضوع

[A.Adel]

هو موضوع هوندا سيفيك الجيل السادس صح ؟؟
بصراحة عيب قوي حد ينقل حاجة من غير مايقول إنه نقلها
لو مش هيقدر يستأذن ,على الأقل يكتب إنه ناقلها

هادي نفسك بس كده :) , كفاية إنه جوه نفسه حاسس إنه صغير

[Heshoo Shosha]

سجل في المنتدى وخش قوله انك سرقت موضوعي واديله اللينك ووريله التاريخ

[SAMEH_FOUAD]

هو موضوع هوندا سيفيك الجيل السادس صح ؟؟
بصراحة عيب قوي حد ينقل حاجة من غير مايقول إنه نقلها
لو مش هيقدر يستأذن ,على الأقل يكتب إنه ناقلها

هادي نفسك بس كده :) , كفاية إنه جوه نفسه حاسس إنه صغير

هو حاسس انة صغير انا هخلية اصغر قدام الناس

ايوة هو الموضوع ولو دورت تانى هتلاقى موضعات كتيييييير منقولة وعلى اكثر من منتدى بس كاتبين فيها منقول

سجل في المنتدى وخش قوله انك سرقت موضوعي واديله اللينك ووريله التاريخ

وانا لسة هستنى عملت كدة ياباشا واديتلة اللى فيه النصيب

[Samah AbdAllah]

مش مواضيعم لوحدك يا سامح
هتلاقى مواضيع احمد مصطفى كلها هناك برضه
وغييركم كتير من الاعضاء للاسف

[SAMEH_FOUAD]

مش مواضيعم لوحدك يا سامح
هتلاقى مواضيع احمد مصطفى كلها هناك برضه
وغييركم كتير من الاعضاء للاسف

طيب ودة ينفع يعنى لما الاقى مواضيعى موجودة فى منتديات تانية ومنسوبة لشخص اخر , بدون الاعتراف باقتباسها

الناس دية لو تعرف احنا بنعمل المواضيع ازاى , وبنتعب فيها قد اية , هيعرفوا احنا لية مضايقين بالطريقة دية

دة غير كمان بناء منتدى على فكر ومعلومات منتدى اخر , ودية مصيبة تانية لوحديها

[S O P H O S]

بصراحة شئ يحرق الدم
سرقة المجهود بدون حتي كلمة منقول من كذا
ونسب المجهود ده للنفس ..

[abo-berry]

انا حاكيت فى الحوار ده قبل كده , بس معرفش ليه الاداره مخدتش موقف .
وده لينك الموضوع اللى كنت عامله

http://www.nilemotors.net/Nile/299855-a.html

[hany63]

ما هو ما فيش حقوق ملكيه فكريه على مواضيع المنتديات عشان دي معلومات عامه
و اصلا الدنيا مفتوحه على البحري و المعلومات متاحه للجميع الفرق في الدماغ اللي بتفلتر و عموما اي موضوع معمول بناء على تراكم خبرات من مواضيع تانيه
ممكن الاخراج و التنسيق لما بيتاخد تتضايق بس هتعمل ايه؟
طالما كتبت حاجه في اي منتدى لازم تعرف ان الموضوع خرج من ايدك

[sanhory]

انا شفت الموضوع دا فعلا و اتحرق دمي فعلا و كنت حجري علي سمسم و اقوله الكلام ده من شهر و نص تقريبا بس لما لقت منقول قولت قشطه بس كنت فاكر اقول لسامح بس انشغلت

الحل دلوقتي هو طلب من ادارة المنتدى انها تلغي ال selection و ال right click من صفحات المنتدى و اهو اللي عايز يشارك بيعمل اقتباس و خلاص

و محدش يقولي متنفعش عشان شوفتها في كذا ويب سايت

[alaa74]

هيثم باشا إزيك وكل عام وانت بخير

مؤيدك تماما ومعاك إنك تتضايق من سرقه مواضيعك او إنها تنسب لغيرك .

لكن هون عليك نفسك دة فى حد ذاته نجاح ليك وفشل وعجز للأخرين .

لأن اللى عمل كدة غير قادر على عمل موضوع مفيد للغير أو حتى مفيد لنفسه

والنوع دة هتلاقيه دايما بيدور على السهل وبيحب الشو اللى بدون تعب .

وخلى بالك النموذج دة للأسف موجود فى مجتمعنا بكثرة فى العلاقات الإجتماعيه

فى محيط العائلات ومحيط العمل ..... الخ )

فما بالك بمكان لا محدود ( عالم الإنترنت ) وبدون قيود ولا رقيب وكله إفتراضى

يعنى الشخص دة هيسرق تعبك وينسبه لنفسه ومش هتعرفه .

نموذج مريض .

هو دة الفرق ما بين الفشل والنجاح

والتعب والبلطجه

والمجهود والكسل

الفرق ما بين الشغل والإستهبال .............

هون عليك ..
تقبل تحياتى