مواضيعى بتتسرق يارجالة

[koshary]

اى مواضيع تتعمل دلوقتى لازم الصور تترفع من على مركز رفع نايل موتورز وادينا بنتعلم وحقك تدخل فيهم شمال ده تعبك ومجهودك حاجه تحزن والله بس ايه رايك فى التوقيع بتاعى ههههههههه

[Land_Cruiser]

انا شفت الموضوع دا فعلا و اتحرق دمي فعلا و كنت حجري علي سمسم و اقوله الكلام ده من شهر و نص تقريبا بس لما لقت منقول قولت قشطه بس كنت فاكر اقول لسامح بس انشغلت

الحل دلوقتي هو طلب من ادارة المنتدى انها تلغي ال selection و ال right click من صفحات المنتدى و اهو اللي عايز يشارك بيعمل اقتباس و خلاص

و محدش يقولي متنفعش عشان شوفتها في كذا ويب سايت

أنا قلت الكلام ده فى مشاركه قبل كده و الله لنفس السبب . مطلوب من مبرمجى المنتدى أنهم يقفلوا وظيفه ال copy و ال paste و كمان ال right click و ال select علشان حفظ الصور و بالنسبه للصور يتم الرفع عن طريق nileup كمان علشان يطلع عليها اللوجو بتاع نايل موتورز فى حاله لو كان حد مصور عربيته مثلا مش صوره من على الانترنت زى ما كان peaceman بيقترح بالنسبه للصور و بكده اللى هيشوف موضوع من موقع تانى و يحب يلطشه مش هيعرف يعمل ده بسهوله زى دلوقتى لانه هيضطر انه يكتبه على أيده من الأول و مش هيعرف ينسقه زى الموضوع الاصلى وده هيصعب موضوع الاقتباس بالشكل المزرى ده. فى حل كمان مكمل بس ده هيبقى صعب شويه لكن مهم و هو ان يبقى هناك فى المنتدى لجنه شبه بتاعه فض المنازعات لكنها بتشتغل مع المنتديات التانيه فمثلا اللى يلاقى موضوعه مسروق يبلغهم و هما يتعاملوا مع المنتدى التانى و يثبتوا له ان الموضوع مسروق من منتدانا و بالتالى أداره المنتدى التانى يا أما تقفل الموضوع او تجبر صاحبه انه يكتب ان الموضوع مقتبس و طبعا اللجنة دى مش هينفع أنها تقعد. تعدى على موضوع موضوع لانها كده مش هتخلص لذلك الأسهل ان اللى يكتشف ان موضوعه مسروق يبلغ و ده كمان هيبقى واقعى اكتر لان لو كل عضو دخل يتخانق فى منتدى تانى سرق موضوعه أكيد هيدخل فى خناقه مع الحرامى و ممكن حتى المنتدى التانى يروح قافله عضويته علشان يريح دماغه و كمان ممكن يعتبرها مشكله فرديه لكن لو لجنه من المنتدى و فيها تنسيق. الموضوع هيبقى مختلف

[eng_maged]

نظام السرقه حصل معايا قبل كده في الموضوع بتاع سيتي 2013

[Ahmed Nasr]

والله يا سمسم انا شوفت اكتر من موضوع ليك وبعض الزملاء بس اللى سكتنى انى لقيت حكايو منقول والاسم وكدا
لكن حكاية السرقة دى ما شوفتهاش

[ahmedeihab]

يابنى لينا الشرف ان حاجتنا تتسرق و تتعرض فى منتديات تانيه

طبعا الناس كلها عارفه ان نايل موتورز رقم 1

و عارفين ان المراجع الاصليه فيها

كفايه انك اول ما تعمل سيرش على حاجه فى جوجل يطلعلك موضوعك على نايل موتورز يابنى ده شرف ليك

و ربنا يجعله فى ميزان حسناتك

^_^

[ganash]

انت ممكن تحط اسمك على الصور او ترفعها على موقع الرفع بتاع نايل موتورز

[lord_of_egypt22]

ازيك يا سمسم
انت اتصرفت صح والتاريخ هي الفيصل

[SAMEH_FOUAD]

ياجماعة مشتكر جدا ليكوا

بس اللى مضايقنى اكتر انى كنت هعمل كام موضوع كدة مهمين هيفيدوا اعضاء كتير , بس من ساعة ماشوفت طريقة السرقة العلنى دية نفسى اتسدد عن اى حاجة , خصوصا بجد ان الموضوع اللى هيتعمل هيريح نااااااااااااااس كتير جدا فى حاجات كتير اوى من غير مايسألوا وهيبقى متجدد بالاسعار

[NineVision]

تقدر تطلب من الادارة سكربت منع كوبى وبست وده هيتم عمله للمنتدى كله بحيث محدش يسرق المواضيع
وفيه خصائص تانية الدعم الفنى يقدر يعملها وهيمنع السرقة تماما

[NineVision]

ياجماعة مشتكر جدا ليكوا

بس اللى مضايقنى اكتر انى كنت هعمل كام موضوع كدة مهمين هيفيدوا اعضاء كتير , بس من ساعة ماشوفت طريقة السرقة العلنى دية نفسى اتسدد عن اى حاجة , خصوصا بجد ان الموضوع اللى هيتعمل هيريح نااااااااااااااس كتير جدا فى حاجات كتير اوى من غير مايسألوا وهيبقى متجدد بالاسعار

متنساش ان فيه ناس كتير ملهاش زمب او ذمب هى بتتكب ازاى ؟؟؟
يالله ياجدع ورينا مواضيعك الشيقة عشان ناوى انقلها قبل اما تنزلها

[tutankhamoun]

ياباشا خش على قسم بروتون عندهم
مواضيعي هناك متأخده ... نسخ و لصق بدون أي تغيير بصورها بباب خنوجها و أنا عارف ده من زمان .
و مش كاتبين كمان منقول

دي ناس مريضة و معندهاش أحترام لتعب غيرها .
بس عادي كبر دماغك ... أدام المواضيع دي أنت أتبرعت و كتبتها على الأنترنت لازم تعرف أنها أصبحت مش ملكية لك و أصبحت ملكية عامة و متاحة للجميع و ممكن أي حدا بكل سهولة يعملها نسخ و لصق .

أنا مكبر دماغي خالص في الموضوع ده .
واحد من الناس اللي ناقلين المواصيع بتاعتي .... معانا هنا على المنتدى و حتى مش مكسوف و هو بينقل المواضيع .

[tutankhamoun]

متنساش ان فيه ناس كتير ملهاش زمب او ذمب هى بتتكب ازاى ؟؟؟
يالله ياجدع ورينا مواضيعك الشيقة عشان ناوى انقلها قبل اما تنزلها

أنا معاك تماما أنه لازم يستمر .... في عمل مواضيعه عادي جدا .

باشا تسمحلي

مفيش حاجة أسمها زمب أو ذمب

الكلمة الصحيحة هي ذنب

[Elawany13]

لو المنتدى اللى فى دماغى يبقى مش هينفع معاهم حق ولا باطل
مفيش هناك حاجه اسمها اشراف او إدارة أو قوانين منتدى تحترم من الكبير والصغير
للأسف مش منتدى ده عزبه بتاعة اللى عمله منه لله ...حسبى الله ونعم الوكيل فيه...
اللهم انتقم منه ومن امثاله

أنا شايف انك متزعلش من حاجه زى ديه
بالعكس ديه حاجه تفرحك
كبر دماغك واعتبرها صدقة عن العلم اللى عندك
وحاول تحفظ حقوقك بوضع اسمك على الصور

[hany63]

لو المنتدى اللى فى دماغى يبقى مش هينفع معاهم حق ولا باطل
مفيش هناك حاجه اسمها اشراف او إدارة أو قوانين منتدى تحترم من الكبير والصغير
للأسف مش منتدى ده عزبه بتاعة اللى عمله منه لله ...حسبى الله ونعم الوكيل فيه...
اللهم انتقم منه ومن امثاله

أنا شايف انك متزعلش من حاجه زى ديه
بالعكس ديه حاجه تفرحك
كبر دماغك واعتبرها صدقة عن العلم اللى عندك
وحاول تحفظ حقوقك بوضع اسمك على الصور

طب ما لو حط اسمه على الصور غلط عشان مش هو اللي مصورها

[ahmedeihab]

ياجماعة مشتكر جدا ليكوا

بس اللى مضايقنى اكتر انى كنت هعمل كام موضوع كدة مهمين هيفيدوا اعضاء كتير , بس من ساعة ماشوفت طريقة السرقة العلنى دية نفسى اتسدد عن اى حاجة , خصوصا بجد ان الموضوع اللى هيتعمل هيريح نااااااااااااااس كتير جدا فى حاجات كتير اوى من غير مايسألوا وهيبقى متجدد بالاسعار

انت بتعمل لنفسك

و كمان مع الصور ترفعها عن طريق المنتدى يا عم سامح

فا احنا كده على قد ما نقدر بنمنع السرقه

و بجد انت متميز فى مواضيعك و عندك معلومات مهمه جداااا لازززززززززززم الناس تستفيد بيها و انا معاهم طبعا

^_^