الناس عماله تفتى و خلاص ......

[mohandelboshy]

الله ينور عليك الفتايين كتروا اوي اوي في البلد
وعشان كده انا لما بحب اسال علي حاجة بخصوص الهوندا بسال هنا اينعم ساعات ناس من الاقسام التنية بتجيب لك احباط وتقولك ابعد عن الهوندا لانها كذا وكذا وهتدوخ علي قطع الغيار بس الواحد ميعرفش لانها حلم من صغري وان شاء الله ربنا يوفقني واجيب حته سيفك نضيفة
بس الناس بتحب تألف كتير

[ahmedeihab]

بالنسبة لقطع غيار الهوندا .. فأنا ليه موقفين معاها .. مش ليه شخصيا بس حصلوا قدامي.

واحد زميلنا معاه هوندا سيتي 2009 .. ماجد و هو معروف هنا في المنتدى .. ازاز الباب الخلفي بتاع عربيتة اتكسر .. راح يغيره .. بسأله غيرته بكام؟ .. قال لي قول انت كده .. قلت له أنا كنت عاو اغيره في السوزوكي عشان كان مصنفر لقيته ب 60 جنية .. قلت بلاش .. قال لي انا غيرت ازاز الباب ب 980 جنية !!

معلش يعني ليه ازاز باب يبقى بألف جنية ولا حراري ولا حاجه .. و يا ريت محدش يتكلم عن الجودة .. عشان مهما كانت الجودة لا يمكن توصل للسعر ده.

الموقف التاني بيحصل مع ناس كتير و حصل مع اتنين من أصدقائي معاهم هوندا سيفيك 2010 و حصل عندهم المشكلة الشائعة بتاعة قاعدة الموتور اللي بتتغير ب 1100 جنية تقريبا .. أنا غيرت قواعد موتور في سوزوكي سويفت و كيا سيفيا و أوبل كورسا سيدان و أوبل فيكترا b2 .. و عمر قاعدة الموتور ما عدت 350 جنية في الفيكترا الجي ام الأصلية و في قواعد تانية ب 200 و 250 .. قاعدة الموتور عبارة عن حديد و جواة كاوتش .. تبقى ب 1100 جنية ليه؟ !!

للأسف قطع غيار الهوندا فعلا غالية .. العربية فعلا محترمة و حاجتها جودتها عالية بس فعلا أسعار قطع الغيار مبالغ فيها جدا.

سعر الازاز اتنصب عليه فيه

اما سعر القعده بنعترف انه غالى بس مينفعش عربيه تبقى فى الضمان و اروح اشترى من بره و اركبها بره

المفروض اصلا عيب قعده الموتور ده يبقى على الشركه مش على المستهلك و كلمناهم فى الحته دى بس تقول ايه بقا الناس اللى معاها مشاكل عملت عربياتها و دفعت مش هتقدر تعمل حاجه اكتر من كده

و القعده لما بتتغير خلاص مش بتبوظ تانى

^_^

[ahmedeihab]

الله ينور عليك الفتايين كتروا اوي اوي في البلد
وعشان كده انا لما بحب اسال علي حاجة بخصوص الهوندا بسال هنا اينعم ساعات ناس من الاقسام التنية بتجيب لك احباط وتقولك ابعد عن الهوندا لانها كذا وكذا وهتدوخ علي قطع الغيار بس الواحد ميعرفش لانها حلم من صغري وان شاء الله ربنا يوفقني واجيب حته سيفك نضيفة
بس الناس بتحب تألف كتير

يا باشا اشترى عربيه سيفيك من موديل 92 لحد 2099 لو مجبنالكش قطعه غيار انت محتاجها و بسعر حلو انا كتبت فى الموضوع تعمل ايه

روح ولع فى العربيه قصاد الشركه و انا هديلك حقها 3 مرات

^_^

[kar!m]

سعر الازاز اتنصب عليه فيه

اما سعر القعده بنعترف انه غالى بس مينفعش عربيه تبقى فى الضمان و اروح اشترى من بره و اركبها بره

المفروض اصلا عيب قعده الموتور ده يبقى على الشركه مش على المستهلك و كلمناهم فى الحته دى بس تقول ايه بقا الناس اللى معاها مشاكل عملت عربياتها و دفعت مش هتقدر تعمل حاجه اكتر من كده

و القعده لما بتتغير خلاص مش بتبوظ تانى

^_^

الازاز جابه من التوكيل .. المشكلة مش مشكلة الازاز بس .. الهوندا بصفة عامة قطع غيارها كلها أسعارها مبالغ فيها جدا مقارنة بالعربيات الياباني المحترمة زي ميتسوبيشي و تويوتا .. و مينفعش أقارن بأسعار عربية سيفيك موديل 93 يعني بقالها 20 سنة .. و كمان قطع غيار استيراد يعني مستعملة.

[ahmedeihab]

الازاز جابه من التوكيل .. المشكلة مش مشكلة الازاز بس .. الهوندا بصفة عامة قطع غيارها كلها أسعارها مبالغ فيها جدا مقارنة بالعربيات الياباني المحترمة زي ميتسوبيشي و تويوتا .. و مينفعش أقارن بأسعار عربية سيفيك موديل 93 يعني بقالها 20 سنة .. و كمان قطع غيار استيراد يعني مستعملة.

فى منها جديد يا باشا لو عايز بس فى تيوانى و صينى و اصلى كل واحد على قد فلوسه

^_^

[ahmedshetewy]

x سلام عليكم
x طبعا انا مش هتكلم فى حته قطع الغيار موجودة ولا لأ عشان انا عارف سكتها منين
x انا ركب سيفك بقالى 4 سنين
x المشكله دلوقتى اخبار الاسعار ايه
xانا محتاج 2مساعد خلفى وممكن مقصين ورا وقدام وربنا يستر على الفتيس
xفكنت عايز اعرف سعرهم حاليا كام وشكراx

[kar!m]

فى منها جديد يا باشا لو عايز بس فى تيوانى و صينى و اصلى كل واحد على قد فلوسه

^_^

و انا أجيب عربية ياباني و بعد كام سنه يبقى كل قطع الغيار اللي فيها تايواني وصيني عشان مش قادر أجيب قطع الغيار الأصلية ليه؟

بدل ما أجيب عربية لو اتخبطت أجيب لها فوانيس بالاف الجنيهات و ازاز باب بألف جنية ده غير الصيانة الدورية اللي أسعارها برضه مبالغ فيها جدا .. أجيب عربية ياباني أسعار قطع غيارها الأصلية معقولة و لما أعوز أجيب قطعة غيار أجيبها الأصلية و أحافظ على عربيتي و حياتي و أسرتي ووقتي و مجهودي.

[kar!m]

بدل ما أجيب عربية لو اتخبطت أجيب لها فوانيس بالاف الجنيهات و ازاز باب بألف جنية و اكصدام ب 2500 جنية

ده غير الصيانة الدورية اللي أسعارها برضه مبالغ فيها جدا مثلا تيل الفرامل يقارب الألف جنية و سير المجموعة ب 600 جنية .. معلش يعني ليه سير مهما كانت جودته يبقى ب 600 جنية .. أو قاعدة موتور ب 1200 جنية؟

على فكرة أنا عارف كويس قوي فرق الركوبة بين العربيات .. و أنا بتكلم بحكم اني كنت راكب أوبل فيكترا و لازلت مقتنع ان الهوندا أسعار قطع غيارها مبالغ فيها.

[ahmedeihab]

بدل ما أجيب عربية لو اتخبطت أجيب لها فوانيس بالاف الجنيهات و ازاز باب بألف جنية و اكصدام ب 2500 جنية

ده غير الصيانة الدورية اللي أسعارها برضه مبالغ فيها جدا مثلا تيل الفرامل يقارب الألف جنية و سير المجموعة ب 600 جنية .. معلش يعني ليه سير مهما كانت جودته يبقى ب 600 جنية .. أو قاعدة موتور ب 1200 جنية؟

على فكرة أنا عارف كويس قوي فرق الركوبة بين العربيات .. و أنا بتكلم بحكم اني كنت راكب أوبل فيكترا و لازلت مقتنع ان الهوندا أسعار قطع غيارها مبالغ فيها.

لو حضرتك هتتكلم فى اسعار قطع الغيار اليابانى مقارنه بالكورى مثلا

ما انتوا كل حاجتكوا على قدها يعنى الاكصدام اصلا الاصلى عره لما هروح اشتريه اصلى جديد حتى لو ارخص هيبقى عره بردو لان هو مؤسس بخامات على قدها

اكصدامات اليابانى خصوصاً الهوندا بتشيل 40% من الحادثه عايز ايه تانى

اكيد هدفع فيه رقم

لكن تعالى على الاكسنت ال RB مثلا ولا النترا 2012 اول ما يريح على اللى قدامه الاكصدام بيطرقع مره مع مره بيتكسر روح بقا اسأل على اسعار الاكصدام كام فى التوكيل هتسمع رقم مش هيعجبك

لكن تعالى مثلا على الموديلات الكورى القديم سواء اكسنت ولا اكسيل الاكصدام ب 250 جنيه علشان تحله من على نص ولو هتشتريه جديد ب 190 جنيه تقريباً مش متذكر اوى

و هات اكصدام هوندا اخلعه من على عربيه هتدفع من 500 ل 700 جنيه لو عليه فوجات و على حسب حاله الاكصدام

دخل الهوندا فى سور و دخل الكورى كله فى نفس السور ( ترييحه )

الكورى هيتكسر من الترييحه

الهوندا هياخد و يدى مع السور لانه مصمم بخامات اسمها Rubber لو حضرتك سمعت عنها دى بتكون ضد الكسر

خلاصه الكلام لا مجال مقارنه كورى مع يابانى

ايش جاب لجاب من الاخر

و بعدين كل برغوت على قد دمه اركب انا يابانى ليه طالما انا عارف انى مش هقدر اسد على قطع الغيار

اقول لحضرتك احصائيه صغيره

70% من اللى راكبين كورى كانوا لسه طالعين من فيات

25% الباقيين امهم جيبنهالهم من الاخر بيدوروا على رفاهيه

5% مستجدين

30% من اللى راكبين يابانى غيروا من قرف الكورى

70% من اللى راكبين لو رجعت لاصول العائله هتلاقيها العيله كانت بتركب حاجه من 2 يا يابانى يا امريكى

الاحصائيه دى انا بقولها لحضرتك من واقع تجربتى فى الحياه و معرفتى لاصحاب السيارات

و فى الاول و الاخر كل واحد و ليه زوقه و رأيه و عارف هو محتاج ايه فى العربيه لولا اختلاف الاذواق لبارت السلع

تحياتى

^_^

[ahmedeihab]

x سلام عليكم
x طبعا انا مش هتكلم فى حته قطع الغيار موجودة ولا لأ عشان انا عارف سكتها منين
x انا ركب سيفك بقالى 4 سنين
x المشكله دلوقتى اخبار الاسعار ايه
xانا محتاج 2مساعد خلفى وممكن مقصين ورا وقدام وربنا يستر على الفتيس
xفكنت عايز اعرف سعرهم حاليا كام وشكراx

الاسعار متفاوته طبعا

2 مساعد خلفى بالسوست ب 400 جنيه

2 مقص ورا بالجلب سليمه 150 جنيه

ولو المشكله عندك فى الجلب اشتريها جديده روح عند اى حد قريب منك قله عايز جلبه RBi سعر الوحده جديده من 85 ل 90 جنيه

المقصات اللى قدام سعرهم 300 جنيه بالمسامير الميزان و الجلب سليمه

لو المشكله بردو فى الجلب هتجيب الجلبه جديده ب 40 جنيه الصغيره و الكبيره ب 55 جنيه

الاسعار دى بتاعت قطع غيار تيوانى

تحياتى

^_^

[Mohamed Abd ElKhalek]

كل شويه واحد داخل يقول ان قطع غيار الهوندا غاليه و مش موجوده

طب حضرتك عرفت الكلام ده منين اكيد من واحد مفتى

المفتى ده اسأله كده قوله تعرف ايه عن الهوندا يقولك معرفش

طب ثباتها يقولك معرفش

طب ركبتها قبل كده لاء

طب مواتيرها يقولك معرفش

طب اضعف الايمان اذكر 3 انواع منها يقولك سيفيك

ده بأختصار يا حضرات الساده بنى ادم ميعرفش يعنى ايه هوندا اصلا ولا عمره ركبها و لا عمره شم ريحه صالونها ولا حتى اتصور جنبيها

ياريت اى حد يقولك الكلام ده كده قوله عرفت منين هيقولك اصل الناس بتقول تقوم رازعه قفا يوصله لحد عندى و لما يجيلى انا هفهمه

قطع غيار الهوندا موجوده يا جماعه كتير جدا جدا جدا موديلات من 93 ل 2000 اللى هتكلم فيه

مواتير بالعبيط

عفشه بالكيلو

صاج موجود بالهبل عدا الباب ممكن تدوخ شويه علشان تجيب نفس اللون بتاعك و يكون شمال بس الالوان التانيه موجوده يمين 4 باب كامل ب 1300 جنيه

ايه تانى صالون ده و مزاجك بقا

خلاصه الكلام لو انت مقبل على الشراء اشترى و لو موفرنلكش قطع الغيار اللى انت محتاجها بأقل سعر ممكن تتخيله فى حياتك ولع فى العربيه قصاد الشركه و انا ادفعلك 3 اضعاف سعرها

ناوى ان شاء الله على حاجه كده بس هقولهالكوا فى الوقت المناسب

يلا اقعدوا بالعافيه

سلام عليكما

^_^

من فضلك انا لسه شاري هوندا سيفيك 93 هاتشباك وكنت عايز اجيب دوشمتين خلفي sir كاملين بالمساعدين والسوست وتكون فراملها سكاكين تعمل كام ومنين؟

[kar!m]

لو حضرتك هتتكلم فى اسعار قطع الغيار اليابانى مقارنه بالكورى مثلا

ما انتوا كل حاجتكوا على قدها يعنى الاكصدام اصلا الاصلى عره لما هروح اشتريه اصلى جديد حتى لو ارخص هيبقى عره بردو لان هو مؤسس بخامات على قدها

اكصدامات اليابانى خصوصاً الهوندا بتشيل 40% من الحادثه عايز ايه تانى

اكيد هدفع فيه رقم

لكن تعالى على الاكسنت ال rb مثلا ولا النترا 2012 اول ما يريح على اللى قدامه الاكصدام بيطرقع مره مع مره بيتكسر روح بقا اسأل على اسعار الاكصدام كام فى التوكيل هتسمع رقم مش هيعجبك

لكن تعالى مثلا على الموديلات الكورى القديم سواء اكسنت ولا اكسيل الاكصدام ب 250 جنيه علشان تحله من على نص ولو هتشتريه جديد ب 190 جنيه تقريباً مش متذكر اوى

و هات اكصدام هوندا اخلعه من على عربيه هتدفع من 500 ل 700 جنيه لو عليه فوجات و على حسب حاله الاكصدام

دخل الهوندا فى سور و دخل الكورى كله فى نفس السور ( ترييحه )

الكورى هيتكسر من الترييحه

الهوندا هياخد و يدى مع السور لانه مصمم بخامات اسمها rubber لو حضرتك سمعت عنها دى بتكون ضد الكسر

خلاصه الكلام لا مجال مقارنه كورى مع يابانى

ايش جاب لجاب من الاخر

و بعدين كل برغوت على قد دمه اركب انا يابانى ليه طالما انا عارف انى مش هقدر اسد على قطع الغيار

اقول لحضرتك احصائيه صغيره

70% من اللى راكبين كورى كانوا لسه طالعين من فيات

25% الباقيين امهم جيبنهالهم من الاخر بيدوروا على رفاهيه

5% مستجدين

30% من اللى راكبين يابانى غيروا من قرف الكورى

70% من اللى راكبين لو رجعت لاصول العائله هتلاقيها العيله كانت بتركب حاجه من 2 يا يابانى يا امريكى

الاحصائيه دى انا بقولها لحضرتك من واقع تجربتى فى الحياه و معرفتى لاصحاب السيارات

و فى الاول و الاخر كل واحد و ليه زوقه و رأيه و عارف هو محتاج ايه فى العربيه لولا اختلاف الاذواق لبارت السلع

تحياتى

^_^

مانا قلت لك أنا بقارن بالفيكترا .. مش بالكوري اللي أنا راكبها دلوقتي :-)

[ahmedeihab]

من فضلك انا لسه شاري هوندا سيفيك 93 هاتشباك وكنت عايز اجيب دوشمتين خلفي sir كاملين بالمساعدين والسوست وتكون فراملها سكاكين تعمل كام ومنين؟

الدوشمتين كامله 500 جنيه

ال 2 مساعدين خلفى 400 جنيه

عند محمود الظاظ بورسعيد ممكن يبعتهوملك مصر و تتفق انت مع العربيه تقريباً ممكن ياخد منك 70 جنيه

^_^

[ahmedeihab]

مانا قلت لك أنا بقارن بالفيكترا .. مش بالكوري اللي أنا راكبها دلوقتي :-)

و هى الفيكترا قطع غيارها عند البقال و رخيصه !!!

^_^

[Mohamed Abd ElKhalek]

الدوشمتين كامله 500 جنيه

ال 2 مساعدين خلفى 400 جنيه

عند محمود الظاظ بورسعيد ممكن يبعتهوملك مصر و تتفق انت مع العربيه تقريباً ممكن ياخد منك 70 جنيه

^_^

تسلم يا كبير علي الرد والاهتمام بس مفيش حد من القاهره هنا عشان اعرف اقلب في الحاجه واشوفها قبل ما اشتريها؟ وياريت رقم التليفون ومعلش لو بتقل عليك :)