الكاوتشات الدانلوب للسيفيك الجديدة

[أبو عبدالرحمن]

السلام عليكم ورحمة الله وبركاته،،،،
كيف أنتم جميعا،،،،، عايز أسأل على حاجة : منين أجيب الكاوتش الدانلوب اللي في السيفيك الجديدة ؟؟؟؟؟
أحكيلكوا الحكاية من الأول ،،،، الحمد لله العربية جديدة لسة ماكملتش 500 كيلو بس للأسف واحد ربنا ينتقم منه ،،، جابلي الكاوتش على الأرض ،،وبسكينة في جنب الكاوتش يعني لا تصلح بالمرة إنها تتصلح ،،،،وحسبنا الله ونعم الوكيل
المهم عايز أجيب فردة جديدة وعايز أعرف أجيبها منين وتمنها كام وجزاكم الله خير.

[Karim_Monir]

انا مش عارف تجيبها منين
بس عاي اقول لا حول ولا قوة الا بالله
ايه الغل ده
قدر الله وما شاء فعل وان شاء الله في ميزان حسناتك

[أبو عبدالرحمن]

جزاك الله خير يا كريم باشا ،،،،،وفعلا حسبي الله ونعم الوكيل ،،،كل ده بسبب إني ركنت جنب مطعم سياحي (كباريه) لأني ملقتش مكان تاني والمفترض إن ده في أرقى شوارع المهندسين ،،، فالأستاذ بلطجي الكباريه ماعجبوش الموضوع ده وقام بالواجب عشان ماهوبش هناك تاني ،،، ولا حول ولا قوة إلا بالله

[askoda]

boss ya basha 3'aleban msh hatla2y eldunlop eljapan dah

bas ana sa2alt 3and wa7ed bta3 kawtch fi madinet nasr 3ala elkawtch eldunlop 2ally eno 3ando Dunlop France w2ali dah kwayes zay eljapan

asl elli fi elsirion bardo japan


bas ana ma3rafsh momkn yekoon 3ando elma2as wala la2a

law 3ayez ana mmomkn as2alk 3ando 3ala elma2as bta3ak :)

bas 2oly ok

[أبو عبدالرحمن]

جزاك الله خير ،،يا ريت لو حضرتك تقدر تسألي وياريت أعرف السعر ،،لو ده سهل بالنسبة لحضرتك

[askoda]

tayeb momkn te2oly elma2as bezabt wyareet law 3andak leeh sorra 3ashan at2aked mn elna2sha bta3to hya hya wala la2:)

[أبو عبدالرحمن]

هي المقاسات 195/65 R15 بس الصورة هاتاخد وقت شوية بس عموما هي مكتوب عليها سبورت 300 ،،،، وشكرا جزيلا

[askoda]

Okay

ana ha7awel as2alk 3aliha wana mrwa7

wa2olk bokra isA

[CosmicOne]

باشا

حاول تجيب بريدجستون Turanza GR-80 اظن انهم ان شاء الله افضل من الدانلوب و اهدى فى الصوت و احسن فى الراحة

[askoda]

بريدجستون Turanza GR-80

di b 510 L.E 3ala EGYTYRES.com yeego yerakbohalak ta7t beetak wyrasosoaha kamaaan

[أبو عبدالرحمن]

بس الحقيقة أنا عايز فردة واحدة بس اللي هي الإستبن وعشان كده عايزها تكون زي باقي الفرد،،،وكمان الكاوتش كله لسه جديد ،،عشان كده بدور على نفس النوع

[Kamal-1]

بص انا هسال لك واحد صاحبي النهاردة عن الكاوتش ده بس غالبا مش هتلاقي ياباني

انا ان شاء الله هرد لك خبر النهاردة او بكرة بالكتير

ياباشا وبعدين انت عربيتك لسه عاملة 500 كيلو ؟؟؟ ده انا مستلم بعدك وعامل 2100 كيلو
عموما ربنا يعوض عليك ويجازي اللي عمل لك الكاوتش

[أبو عبدالرحمن]

KEMoOo باشا ،،ربنا يبارك فيك شكرا لاهتمامك ،،،الحقيقة أنا كنت مسافر عشان كده العربية عاملة 500 كيلو ،،ومبروك عليك عربيتك ربنا يحفظهالك ويباركلك فيها ،،،وأحييك على اللون :)

[Ahmed Anwer]

يا جماعة الراجل مش عايز يشتري اربع فرد

عايز يشتري فردة واحدة بدلا من اللي اتقطعت

فعشان كده بيسأل علي نفس النوع و النقشة

عشان ميحصلشي اختلال بالعربية مينفعشي يشتري بريدجستون

غالبا هتلف عليها يا أ / ابو عبد الرحمن في محلات الكاوتش

و لو مالقيتهاش بالضبط نزل الاستبن مع اخواته و اشتري اي نوع خليها استبن

و ربنا يعوض عليك و يجعله في ميزان حسناتك

[أبو عبدالرحمن]

جبت المفيد يا أحمد باشا ،،ربنا يبارك فيك أنا فعلا نزلت الاستبن وماشي بيها وكده الأربع فرد زي بعض بس طبعا عايز أجيب الخامسة اللي هي هاتبقى الإستبن زيهم ،،وماخبيش عليك كنت فاكر الموضوع أسهل من كده بكتيير يعني كنت فاكر هاسأل والناس هاتدلني على كذا مكان بس الحمد لله على كل حال،،عموما هادور وربنا يسهل