الكاوتشات الدانلوب للسيفيك الجديدة

[islamnabil]

اولا يا ابوعبد الرحمن ربنا يعوض عليك و طبعا لازم تحتسب عند الله
ثانيا اللى اعرفه ان انتاج الدانلوب الياباني كله بيروح للمصانع الياباني (هوندا و تويوتا و سوزوكي)
فطبعا احسن حل ليك زي مانت عامل شغل الاستبن و هات بريدجستون مثلا خليه استبن
وماتضايقش نفسك الحمد لله انها جت على قد كده

[أبو عبدالرحمن]

جزاك الله خير يا أستاذ إسلام،،، وكلامك مظبوط فعلا ،،، حتى التوكيل ماعندوش الكاوتشات دي !!!! ولا توكيل دانلوب ولا أي حد بتاع كاوتش !!!!! ولا حول ولا قوة إلا بالله !!!!! وشكلي فعلا هاجيب بريدجستون أحطها استبن بحيث إن شاء الله لما أغير العجل تبقى نفس النقشة والنوع ،، جزاكم الله خيرا جميعا ....

[Karim_Monir]

بالظبط كدة هات بريدجستون خليها استبن وانت الحمد لله لسه يا دوب ماشي 500 فا مش فرق كبير في النقشات وعمقها
ولما تجيب بريدجستون هات من مراكز بيردجيستون نفسها زي اللي في بنزينة كالتكس عباس العقاد
لانهم افضل كتير حتى لو اغلى حاجة بسيطة

[Kamal-1]

بص يا استاذنا انا بعد لما سالت كتير واخيرا صاحبي دلني على محل في المعادي وعنده كاوتشات ياباني وقاللي هتلاقي عنده الدانلوب وممكن يجيبلك اللي انت عاوزه
المحل اسمه " أولاد شاهين " في ميدان مش فاكر اسمه كده في المعادي تقريبا اسمه " الفونتانا " او حاجة شبه مده وان شاء الله انا هنزل يوم السبت ادور لحضرتك برضه

[م/محمد صلاح]

اسف على التاخير فى الرد اخى ابو عبد الرحمن
الناس وفو اللى كنت عايز اقوله بصراحه بس اللى ممكن ازوده
1) انا حصل معايا نفس الموقف ده برضه
2) لفيت مصر كلها انا واخونا فى المنتدى عمرو فراج الله يجازيه خير
3) مالقيتش الدانلوب اليابانى الا عند واحد اسمه علامكو عند كةبرى الجامعه كانت ب 580 الفرده واللى خلانى ماشتريهاش انه مش عايز يبيع فرده واحده مابيبيعهومش الا فردتين او اربعه
4) انا جبت البريدجستون وخليتها هى الاستبن

اتمنى اكون افدتك وجزى الله الاخوه خير عننا جميعا

[أبو عبدالرحمن]

بالظبط كدة هات بريدجستون خليها استبن وانت الحمد لله لسه يا دوب ماشي 500 فا مش فرق كبير في النقشات وعمقها
ولما تجيب بريدجستون هات من مراكز بيردجيستون نفسها زي اللي في بنزينة كالتكس عباس العقاد
لانهم افضل كتير حتى لو اغلى حاجة بسيطة

جزاك الله خير يا كريم باشا ،،أنا فعلا نويت على التورانزا GR80 ،،من ساعة ما سمعت كلامكو عليها بس خايف من حاجة إني أجيبها ولما آجي أغير الكاوتش لو ربنا أحيانا مالاقيهاش لأنها قليلة ومش موجودة على طول ،،،ومعلش يا كريم باشا لو فيه مركز لبريدجستون قريب من المهندسين ؟؟؟

KemoOo ,, و Mimo ،،،،الحقيقة مش عارف أقولكو ايه ،،،جزاكم الله خيرا و سعيد لكوني بينكم