استفسار عن هوندا سيتى 2015

[max13]

بص انا هقولك على فكره علشان برده متخرجش عن اليابانى وتاخد اداء زى اداء السيتى . بص على الشارك الفئة التالته والرابعة وخد قرارك . عربية قوية سحب وارتفاع عن الارض واعتماديه جدا زى الهوندا والكورولا وثبات ممتاز

[kfarouk]

ممكن بردوا تشوف السيتي بيزك بس 2013 هي لسه موجوده في الفطيم ب 145000 و هي معايا و جميلة ما شاء الله ما فيهاش حاجة

[3amr]

اخى العزيز صاحب الموضوع انا كان معايا هوندا سيتى الشكل اللى قبل الشكل الجديد على طول والعربيه قعدت معايا 5 سنوات وبعتها من حوالى شهرين عشان عملت upgrade وجيب هوندا سيفيك ان شايف ان مميزات العربيه الاتى
1-تسارع ممتاز واداء عالى مع تشغيل التكييف والتحميل
2-اعتماديه بشكل يعتمد عليه عربيه معدومه المشاكل
3-استهلاك بنزين ممتاز
4-امان مرضى للان العربيه مزوده ب 2 ايرباج و abs و ebd و ba فى جميع الفئات
9- توكيل محترم الى حد كبير وصيانات اسعارها معقوله جدا جدا وقطع غيار متوفره واسعارها برده معقوله واصلا انت مش محتاج قطع غيار للان العربيه اعتماديه جدا لك ان تتخيل انى الحاجه الوحيده اللى غيرتها فى العربيه كانت تيل فرامل امامى بعد 60 الف كيلو وسعره كان 400 جنيه
انا بصيت على الشكل الجديد بتاع العربيه الشكل هايل مفيش كلام كمان هى اوسع من الشكل بتاعى من ورا وكمان الخامات من جوه بقت احسن انما وبالرغم من كل ده العربيه سعرها مبالغ فيه جدا جدا جدا 180 الف فى الهاى لاين كتير اوى اوى انا طبعا مش بتكلم على الباس لاين للانه يفتقر الى كماليات كتير اصبحت دلوقتى مهمه زى الشاشه ال دى فى دى وفتحات تكييف خلفيه وفوانيس شبوره و ال paddle shift بتاع الفتيس والحاجات دى مش كلها حينفع تركبه على الباس لاين لو جيبتها
بص وعلى الرغم من انى هونداوى قديم انما انت لو مش معاك فلوس الهاى لاين يبقى كبر دماغك من السيتى على الرغم من المميزات اللى انا وضحتها لحضرتك للان فيه حاجات فى السوق النهارده ممكن تفكر فيها وحتبقى احسن من السيتى الباس لاين زى الفلوانس وال شيفروليه كروز كلهم عربيات محترمه والناس مبسوطه منها وفيها عوامل امان زى السيتى ويمكن احسن كماااان
انا عارف انن ممكن حبايبى الهونداويه يزعلو من كلامى ده انما حررام برده ياجماعه الاسعار بتاعه توكيل هوندا مصر دى كتير اوى مينفعش اوح اجيب هوندا سيتى 160 الف و 180 الف وانا ادامى فلوانس وكروز استرا
انزل ياباشا اتفرج على العربيات دى كده وان تحت امرك فى اى سؤال

شكرا لردكم المحايد و ده كان نفس تفكيرى بس من حبى للهوندا مستعد ادفع فيها مليون جنيه لو معايا

[3amr]

بص انا هقولك على فكره علشان برده متخرجش عن اليابانى وتاخد اداء زى اداء السيتى . بص على الشارك الفئة التالته والرابعة وخد قرارك . عربية قوية سحب وارتفاع عن الارض واعتماديه جدا زى الهوندا والكورولا وثبات ممتاز

انا فعلا حاليا بقارن ما بين الشارك الفئة الثالثة و الكروز بس برجح الشارك حتى الان و شكرا لاهتمامك

[3amr]

ممكن بردوا تشوف السيتي بيزك بس 2013 هي لسه موجوده في الفطيم ب 145000 و هي معايا و جميلة ما شاء الله ما فيهاش حاجة

انا فى مقدورى اجيب البيز2015 بس كما قال الاستاذ a7m8n مفيش داعى للبيز حيث ينقصه الكماليات و فى نفس الفئة السعرية يوجد عربيات افضل ككماليات و شكرا لهتمامكم

[mhmdabdo]

هو الشكل الجديد نغس الماتور القديم ؟