تم بيع السيفيك

[hany63]

السلام عليكم عليكم ورحمة الله وبركاته
ربنا يباركلك يا أستاذ هاني في البيع ويبارك للى اشتري العربية، انا الحقيقة بقالى فترة بدور على سيفك 2009-2010 سواء ال اكس او في تى اي والحقيقة الاسعار متباينة فممكن اعرف تقريبا رينج الاسعار كام ؟
وشكرا

والله انا نفسي محتار جدا يعني لما عملت موضوع في القسم عشان اتمن العربيه فيه اللي قال ١٤٥ و فيه اللي قال فوق ال ١٦٠ الف
بس اللي اقدر افيدك فيه انك لو لقيت العربيه دي حاله نضيفه امسك فيها بايدك و سنانك حتى لو جيت على نفسك شويه

[hemtey]

الف مبروك للبيع وتنور القسم فى اى وقت وربنا يباركلك فى العربية الجديدة ويكفيك شرها

[kemz]

والله انا نفسي محتار جدا يعني لما عملت موضوع في القسم عشان اتمن العربيه فيه اللي قال ١٤٥ و فيه اللي قال فوق ال ١٦٠ الف
بس اللي اقدر افيدك فيه انك لو لقيت العربيه دي حاله نضيفه امسك فيها بايدك و سنانك حتى لو جيت على نفسك شويه

السلام عليكم
وشكرا يا إستاذ هاني على ردك، انا فعلا كنت بفكر في كدة ان لو العربية كويسة والواحد دفع فيها زيادة شوية أهو تستاهل احسن الواحد ما يجيب عربية ويكون فيها عيوب
وشكراً على رك الكريم

[Hamdy Masria]

بيع العربية دى بالذات خسارة ليك هانى بية ومكسب للمشترى ...
عموما مبروك للطرفين

[محمد أنور]

خسارة والله العربية دي
يلا الف مبروك البيعة و ربنا يرزقك احسن منها ان شاء الله

[minicooper20]

الف مبروك افتكر انى كنت حاجز كده انا مستاء ههههههه الله يباركلك

[hany63]

الف مبروك افتكر انى كنت حاجز كده انا مستاء ههههههه الله يباركلك

طب ما انت اللي بقالك مده ما بتدخلش بقالك شهور على المنتدى
و لما كنت بفكر ابيع طوب الارض كلمني عايز يشتري و اول ما قررت بقيت ابعت ليهم واحد ورا التاني محدش عبرني
و كنت عامل اعلان برضه في المنتدى كله كلام كتير فعل مفيش
و اللي خدها مش هيكون اعز منك
يللا تتعوض و ممكن احجز لك ال ٥٠٨ من دلوقت بس الموضوع لازم يكون فيه عربون ٥٠ جنيه ولا حاجه

[minicooper20]

طب ما انت اللي بقالك مده ما بتدخلش بقالك شهور على المنتدى
و لما كنت بفكر ابيع طوب الارض كلمني عايز يشتري و اول ما قررت بقيت ابعت ليهم واحد ورا التاني محدش عبرني
و كنت عامل اعلان برضه في المنتدى كله كلام كتير فعل مفيش
و اللي خدها مش هيكون اعز منك
يللا تتعوض و ممكن احجز لك ال ٥٠٨ من دلوقت بس الموضوع لازم يكون فيه عربون ٥٠ جنيه ولا حاجه

حبيبى يا عم هانى
انا ًالله كنت بره مصر فتره الفاتت و عقبال عيالك اجوزت فا كنت مسحول
الف مبروك للشترى و تتعوض يا باشا
بس تاكد انك لو كنت بعتلى على البرايفت انك بتبيع كن زمنها بتاعتى :)
الله يباركلك با باشا و كن كفيا ناخدها من وشك