عيوب الهوندا سيفك 2015

[خالد دياب]

بسم الله الرحمن الرحيم

بعد التحيه :

زي ما في العنوان كنت بسال ايه هي عيوب هوندا سيفك 2015 وهل لسه مشكله قطع الغيار مستمره كل ما اقول لحد هجيب سفك 2015 يقولي بلاش واهرب والكلام ده انا مدايق ان تقفيلها تركي بصراحه يا ترى تنصحوني بايه وايه البديل علشان كده قلت اسال ايه العيوب وما البدائل وشكرا

[Mohamed Zahran]

بسم الله الرحمن الرحيم

بعد التحيه :

زي ما في العنوان كنت بسال ايه هي عيوب هوندا سيفك 2015 وهل لسه مشكله قطع الغيار مستمره كل ما اقول لحد هجيب سفك 2015 يقولي بلاش واهرب والكلام ده انا مدايق ان تقفيلها تركي بصراحه يا ترى تنصحوني بايه وايه البديل علشان كده قلت اسال ايه العيوب وما البدائل وشكرا

أنا كنت برده بفكر فيها بس بصراحه شكلها من ورا مش حلو خالص وبعدين العربيه تقريبا مش موجوده في الشارع, أنا قررت أجيب أوكتافيا رغم إنها طبعا في السحب لا تقارن بالسيفيك

[خالد دياب]

انا كمان فكرت في الاوكتافيا بس بيقولو في مشاكل في الفتيس خلي بالك 1400 فتيسها dsgو1600 ماتورها بيولد عزم 102 حصان بس يعني القرش 117 والتيوتا 122 والكوري في 125 بصراحه حاجه تكسف كمان متنساش ان برده الفتيس استيب ترونك برده فيه مشاكل ودي حاجه تقلق انا كان ليه جار هو ولاده جيبين اسكوده فوجات بالكل غير لهونداي مع اني رافض الماركه دي تماما محتار ياريت يكون في بدائل

[pioneerahmed]

مين قال او السيفيك فيها مشاكل او عيوب

دي اصلا معمولة بنفس شاسية و موتور و فتيس الجيل ال8 عشان تعالج عيوبها زي الارتفاع عن الارض و الفرامل و قاعدة الموتور من الاخر عربية من غير عيوب + موتور و فتيس موديلهم قديم من 2006 لسة محدش عرف يعمل زيهم لحد دلواتي لا في القوة و لا في الاتعمادية

كون ان شكلها مش حلو دي ازواق بس معتقدش ان الاوكتافيا شكلها احسن منها !!!

[خالد دياب]

استاذ pioneerahmed اقرا ردي مره تانيه انا بتكلم على عيوب الاوكتافيا الفتيس وضعف الماتور انما مشاكل السفك في انها مش موجوده على ارض الواقع محدش اشتراها اصلا السنه داللي فاتت ده غير شكلها وبالنسبه للشكل اكيد اوكتافيا احلى منها بكتييييييييييير

[swimmer25]

العربية دي مالهاش حل

[a7m8n]

هوندا سيفيك

اخى العزيز صاحب الموضوع
اخوك ايمن مططفى من ملاك السيفيك الشكل الجديد انا معايا العربيه وممكن اقوللك العيوب من وجهه نظرى خاصه انى لما كنت بشترى كنت حاطط فى المقارنه عربيات كتير زى الفلوانس والكرولا الجديده والسيتروين c4 وفورد فوكس واوبل استرا
العيوب من وجهه نظرى هى الاتى:
1- الشكل مش حلو بصراحه معاك ان الشكل ازواق انما معلش يعنى انا شايف ان الاوبل استرا والفلوانس والعربيات التانيه اللى كنت بقارن السيفيك بيها شكلها احلى عموما ده موضوع اصله مسلم بيه وعموما السيفيك الجيل العاشر شكلها محبط وده رأى ناس كتير بره مصر كمان
2- انا عربيتى هاى لاين وبالرغم من كده شايف انها تفتقر الى بعض الاوبشنس اللى بقت دلوقتى عاديه جدا وموجوده فى العربيات المنافسه اللى كنت بقارنها بيها زى الزينون الانوار الليد سنسور بارك حساسات مطر طى المرايات كمان حاجه مضيقانى اوى ان فرش الصالون قماش مش جلد وكمان لون واحد فى كل الالوان وهو اللون البيج انا معاك ان فيها كاميرا خافيه وفتحه سقف بس بالنسبالى انا الحاجات اللى قولتها بالنسبالى اهم
3-السعر المبالغ فيه 214 الف كتير اوى بس اهو حنعمل ايه احنا المصريين الغلابه ضحيه البلد اللى زى الزفت
4- انا شايف وده وجهه نظر ان صاج الهوندا ومعظم العربيات اليابانى ضعيف نسبيا مقارنه بالعربيات الاوروبى انا عملت المقارنه دى مابين السيفيك والاوبل استرا اللى كنت تقريبا حشتريها


بس ياسيدى هى دى العيوب الل انا شايفها من وجهه نظرى بالنسبه بأه للعربيات التانيه اللى حضرتك اتكلمت عليها انت براحتك شوف ولف بس نصيحه بلاش الاسكودا العربيه ظهرت فيها مشاكل فى المساعدين اللى ورا وناس برده كان عندها مشاكل ظهرت فى الموتور ممكن حضرتك تدخل المنتدى وتشوف وجهه نظرى ابعد عن مجموعه فولكس واشترى دماغك بلاش سيات ولا سكودا ولا فولكس

لو حضرتك محتاج تعرف حاجات اكتر عن السيفيك او مميزاتها قولى وانا حرد عليك

[خالد دياب]

استاذ ايمن كفيت ووفيت ربنا يبارك فيك تسلم ايدك كنت منتظر رد مفصل زي ردك من زمان ونصيحتك تحترم خالص التقدير

[pioneerahmed]

بص يا ريس
انت عايز تشتري عربية محترمة مفيهاش مشاكل تبهدلك و لا عايز شوية اوبشنز يزغللو العين من غير جودة و لا اعتمادية!!

لو عايز الاتنين يبقي انت هتتكلم في فئة سعرية مختلفة تماما

لو عايز رايي و بتتكلم في اعتمادية و اوبشنز و اعادة بيع كمان يبقي فكر في الكورولا او الفلوانس
سيبك من الاوكتافيا و الاسترا
الهوندا لو انت عايز موتور جبار و ثبات اعلى

[windofchange]

مشكلة مجموعة فولكس الفتيس ال dsg ....

[خالد دياب]

استاذ pioneerahmed نصيحه محترمه بارك الله فيك

[tarek mousa]

انا معايا سيفيك 2014 علي فكرة سحبها وتجميعها وحش بالمقارنة للاوكتافيا بالذات في الاول والثانى بس على السرعات العالية مش بطال

[tarek mousa]

هوندا سىفيك 2015

انا معايا سيفيك 2014 علي فكرة سحبها وتجميعها وحش بالمقارنة للاوكتافيا بالذات في الاول والثانى بس على السرعات العالية مش بطال

[swimmer25]

انا معايا سيفيك 2014 علي فكرة سحبها وتجميعها وحش بالمقارنة للاوكتافيا بالذات في الاول والثانى بس على السرعات العالية مش بطال

سيفيك 2014 سحبها وتجميعها أقل من أوكتافيا..أنهي أوكتافيا الأول؟ ال 1400 تيربو ولا 1600

[SeaShark]

سيفيك ٢٠١٥ معايا بقالها شهرين

بإختصار شديد

العربية مفيهاش عيب واحد يذكر

سحب كويس و ثبات الهوندا المعروف و توكيل محترم و العربية عاجبني شكلها جدا من وجهة نظري (أذواق) و الركوبة و التابلوه جميل جدا

انا شخصيا فضلت السيفيك عن المازدا ٣ بما فيها من كماليات مهولة و فضلتها ايضا عن الكورولا التقليدية جدا و فضلتها ايضا عن السوبارو

هوندا ليها (شخصية مميزة) عن أي عربية تانية