عيوب الهوندا سيفك 2015

[JapRuleZ]

انا معايا سيفيك 2014 علي فكرة سحبها وتجميعها وحش بالمقارنة للاوكتافيا بالذات في الاول والثانى بس على السرعات العالية مش بطال

لو سكودا 1600 مينفعش
دى نزلت 1400 تربو عشان تدارى على الفضايح

افضل طريقه للسحب اثناء قيادة الهوندا انك تنقل صح لأن الفتيس غبى و لازم تتحكم فيه بطريقه معينه
كألأتى :

لحد 100 كم / ساعه تكون سايق على D3 و تجيب اخر الدواسه فجأة كأنك بتدوس على حشرة
ال powerband بتاع ال civic بين 4500 و 6300 RPM من الاخر تنقل بين 5500 و 6000 rpm
لأن ال VTEC فى السيفيك بيفتح عند 3500 متنقلش قبل كده ابدا

بعد ال 100km / ساعه ترجع من ال D3 لل D

عيوب السيارة
---------------
شكل خلفى غير مرضى للجميع و لكن يمكن تعديله
علو السيارة )16.5) خلى شكلها اغرب لأننا متعودين ان الهوندا واطية
الكماليات مش زى الصينى و الكورى
العفشة ثابتة و رياضية بس مش انعم من الكورولا

[banzai]

العربية عاجبني شكلها جدا من وجهة نظري (أذواق) و الركوبة و التابلوه جميل جدا

الحكايه دى اكتر شىء مزعلنى فى الجيل العاشر هيكنسلو ال double deck dash و ترجع داش بورد واحد

[Samir_Adel]

و ثبات الهوندا المعروف

لوسمحت ممكن تكلمني اكتر عن ثبات السيفيك.. عشان انا روحت التوكيل و بعد العيد هحجز الهاي لاين.. هي عفشتها مالتي لينك؟

[A7medelfe2y]

لو السحب مش هبقي هو رقم 1 في تحديد الاختيار
يبقي هات الاوكتافيا بس الموتور ال1600 والفتيس اقديم

[swimmer25]

الحكايه دى اكتر شىء مزعلنى فى الجيل العاشر هيكنسلو ال double deck dash و ترجع داش بورد واحد

لااااااااااااااااااااااااااااااااااااااااااااااااا اااااا

[swimmer25]

لو سكودا 1600 مينفعش
دى نزلت 1400 تربو عشان تدارى على الفضايح

افضل طريقه للسحب اثناء قيادة الهوندا انك تنقل صح لأن الفتيس غبى و لازم تتحكم فيه بطريقه معينه
كألأتى :

لحد 100 كم / ساعه تكون سايق على d3 و تجيب اخر الدواسه فجأة كأنك بتدوس على حشرة
ال powerband بتاع ال civic بين 4500 و 6300 rpm من الاخر تنقل بين 5500 و 6000 rpm
لأن ال vtec فى السيفيك بيفتح عند 3500 متنقلش قبل كده ابدا

بعد ال 100km / ساعه ترجع من ال d3 لل d

عيوب السيارة
---------------
شكل خلفى غير مرضى للجميع و لكن يمكن تعديله
علو السيارة )16.5) خلى شكلها اغرب لأننا متعودين ان الهوندا واطية
الكماليات مش زى الصينى و الكورى
العفشة ثابتة و رياضية بس مش انعم من الكورولا

الهوندا فعلا أقصى باور وعزم ليها على عدد لفات مرتفع
مش لازم تجيب d3 واللخبطة دي
دوستك على الدواسة على ال d تقدر تعمل بيها كل حاجة

[swimmer25]

لوسمحت ممكن تكلمني اكتر عن ثبات السيفيك.. عشان انا روحت التوكيل و بعد العيد هحجز الهاي لاين.. هي عفشتها مالتي لينك؟

السيفيك عفشتها double wishbone ودي عفشة منفصلة غير متصلة قريبة من المالتي لينك

وثباتها منافس جدا لحد ما تطلع لل BMW في الفئة السعرية

[Samir_Adel]

تمام.. الف شكر يا استاذ.

[SeaShark]

السيفيك عفشتها double wishbone ودي عفشة منفصلة غير متصلة قريبة من المالتي لينك

وثباتها منافس جدا لحد ما تطلع لل bmw في الفئة السعرية

السيفيك عفشتها الخلفية مالتي لينك و الكلام ده من كتالوج العربية و مواصفتها
العفشة المالتي لينك موجودة في عربيات كتير جدا من فئات سعرية مختلفة حتي النيسان صني الشكل القديم كانت مالتي لينك برضه علي ما اتذكر

[swimmer25]

السيفيك عفشتها الخلفية مالتي لينك و الكلام ده من كتالوج العربية و مواصفتها
العفشة المالتي لينك موجودة في عربيات كتير جدا من فئات سعرية مختلفة حتي النيسان صني الشكل القديم كانت مالتي لينك برضه علي ما اتذكر

هم بيستخدموا كلمة مالتي لينك كتعبير عام عن العفشة المستقلة في بعض الأوقات
لكن الإسم الصح لعفشة السيفيك Double wishbone
وده تقدر تفسره بانه double link
دي صورة من كتالوج السيفيك في الإمارات



معلومة تانية..النيسان الصني وحتى السنترا الجديدة عمرها ما كانت مالتي لينك ولا عفشة مستقلة أصلا ومش صحيح إن العفشة المالتي موجودة بكثرة لأنها غالية..مش موجودة غير في العربيات المتكلفة ونيسان مفهاش مالتي لينك غير بداية من نيسان ألتيما
العفشة المالتي بتبدأ بالبروتون وتعدي على السوبارو والفوكاس و السيفيك والمازدا 3 ولانسر وبيجو 508 وتختم بال بي إم والمرسيدس اللي كل فئاتهم مالتي لينك تقريبا

[ادهم محمد]

ياباشا انا معايا كورولا لكن الحق يقال ان الهوندا العربية الاولى فى اليابانى من حيث كل شى وموضوع تركى دة مصنع هوندا فى تركيا ودة تجميع للعربية ولو انت فاكر كورولا جنوب افريقى دة مشكلة فى الفتيس فى المنظومة نفسها لكن العربية المنيوال منها فى منتهى الجمال

[SeaShark]

هم بيستخدموا كلمة مالتي لينك كتعبير عام عن العفشة المستقلة في بعض الأوقات
لكن الإسم الصح لعفشة السيفيك Double wishbone
وده تقدر تفسره بانه double link
دي صورة من كتالوج السيفيك في الإمارات



معلومة تانية..النيسان الصني وحتى السنترا الجديدة عمرها ما كانت مالتي لينك ولا عفشة مستقلة أصلا ومش صحيح إن العفشة المالتي موجودة بكثرة لأنها غالية..مش موجودة غير في العربيات المتكلفة ونيسان مفهاش مالتي لينك غير بداية من نيسان ألتيما
العفشة المالتي بتبدأ بالبروتون وتعدي على السوبارو والفوكاس و السيفيك والمازدا 3 ولانسر وبيجو 508 وتختم بال بي إم والمرسيدس اللي كل فئاتهم مالتي لينك تقريبا

ده بروشور صني الشكل القديم - عفشة خلفية مالتي لينك

[swimmer25]

ده بروشور صني الشكل القديم - عفشة خلفية مالتي لينك

مكتوب مالتي لينك بيم
multi link beam suspension
اللي هو torsion beam
أو عمود إلتواء ودي عفشة متصلة مالهاش أي علاقة بالثبات
ونيسان صني قديم جديد مالهاش أي علاقة بالثبات نهائي..دي عربية مدينة أخرها توديك الشغل وترجعك البيت لأن حتى نظام التورشن بيم بتاعها نظام غبي ومفيش فيه أي إختراع
فيه أنظمة تورشن بيم تاني أعلى ثباتا من الصني بكتير زي الموجود في الكروز والأسترا والكورولا بس طبعا مش هيوصولا لثبات المالتي لينك والدبل ويشبون