هوندا سيفيك 2016/2017 تظهر للمره الأولى (صور)

[Hosam_Optrawy]

[JapRuleZ]

الله .... شكلها جميل
قالبه على مازدا 3\6
و لكن يقال انها انتقلت بحجمها اللا حجم اكبر من الحالى تقريبا زى ال 5 series
و ده فى حد ذاته مشكله ان صدق
مع الموتور ال VTEC TURBO و فتيس جديد و شكل بره و جوه و فوانيس LED العربيه دى حتزل 300 الف مستريح

[hesham fawzy h]

شكلها من الخلف تحفة

[devil_storm]

جميله و في انتظار الكشف عن interior & technical spec خاصتا الماتور اللي حتنزل بيه مصر، اتمني تنزل بالماتور التربو مع ضمان هوندا ال ٥ سنبن الناس حتركب عربيه ممتازه بماتور تربو و هي مطمنه

[JapRuleZ]

اتمني تنزل بالماتور التربو مع ضمان هوندا ال ٥ سنبن الناس حتركب عربيه ممتازه بماتور تربو و هي مطمنه

تمام
بس مع تطبيق اتفاقيه الجات مثلا بشكل كامل مع اوروبا و بقاء السيارات الاسيوية بالجمارك و ارتفاع مستوى السيفيك ك ركوبه و كمان انحفاض الجنيه

تركب 316 دفع خلفى
ولا سيفيك امامى حتى و ان كان موتور السيفيك حيكون اقوى
حيكون اختيار صعب

[Hosam_Optrawy]

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

[FryCry]

ماشاء الله شكلها حاجة روعة

[JapRuleZ]

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

البيجو 508 مش مقارنه بعيده بالعكس اضعف بكتير ....

و موتور الهوندا هيعدى اى المانى او اوروبى او امريكانى فى فئته و الفئه الاعلى منه ..... و ده العادى بتاع هوندا و معظم الاوروبى بيغطى على ضعف مواتيره امام الهوندا بالتربو ..... اديها نازله بالتربو صدقنى و خدها منى كلمه ... مفيش حاجه هتقف قدامها

التصميم الخارجى مش محاتجين نتكلم عليه
الداخلى ... الله اعلم
الفتيس خلاص CVT
العقشه لسه مش واضح بس احب اقولك ان ال type R نازله بال magnetic suspension
يوم 16 سبتمبر كله حيبان


ساعتها ممكن اختار البيجو لو بحب الكماليلات فقط لا غير لأنها عربية صينى و كمالتها كتير
انما اى حاجه تانيه تخلينى اجيب هوندا طبعا

معاليك متخيل ان ال 1.5 ال earthdreams العادى بيطلع 130 ps و البى ام 316 التربو 136
الVTEC TURBO حيفرق 50 حصان عن ال 318 bmw


ال 316 بردو حتكون دفع خلقى و ده حديك اساس تانى فى القياده بالذات لو الفئة السعرية بينها و بين الهوندا اقل من 20-30 الف هتحط الهوندا فى وضع صعب لأن كفه الموتور هتكون ازيد من ال bm حاجه بسيطه و الباقى حيكون ف كفه الbmw


السيفيك دلوقتى mid sized sedan مش compact

[devil_storm]

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

لا يا حسام مختلف معاك، لو نزلت بسعر اكتر من٢٥٠ الف كمان حتبيع و حتكسر الدنيا بشرط الخامات الداخليه تبقي عاليه مش بلاستيك ذي الجيل الحالي ... بعد خروج الجيتا و الاوكتافيا من السوق بسبب العفشه التورشن بيم و عدم اعتماديتهم و كتر مشاكلهم شريحه الناس اللي عايزه تركب عربيه نظيفه بسعر ٢٥٠ - ٢٧٠ الف مش لاقيه عربيه باعتماديه و خامات كويسه حاليا ،... شريح الناس دي محتاجه ايه اكتر من عربيه ياباني علها كلمه هوندا بماتور تربو يعني اداء و تسارع ممتاز باعتماديه هوندا العاليه و عفشه هوندا الممتازه واوبشن كويسه تحسسك بالرفاهيه و شكل شيك و خامات داخليه كويسه و كل ده معاه ضمان ٥ سنين او ١٢٠ الف كم ضمان ممتاز بسمعه هوندا، تشتري عربيه بالمواصفات دي و لا تشتري انسجنيا او باسات بمشاكلهم و قله اعتماديتهم اللي بيجيبو ماتور و فتيس و كمان ببنزين ٩٥

الهوندا كده كده سعرها عالي فلو نزلت بالخامات السيئه اللي نزل بيه الجيل الحالي علشان سعرها يقل ١٠ او ٢٠ الف جنيه مش حتبيع و مش حتعجب شريح الناس دي و حتفشل ذي ما حصل مع الجيل الحالي لان كده كده سعر الهوندا غالي فمحدش حيدفع ٢٤٠ الف في خامات بلاستيك رديئه لكن حتلاقي ناس تدفع ٢٥٠-٢٧٠ الف في خامات ممتازه و اوبشن عاليه و دي شريح الناس اللي كانت بتجيب الجيتا و الاوكتافيا و الاوبل و حاليا محتاره و مش عارفه تجيب ايه

الموديل الحالي فشل علشان شكله و خاماته الرديئه قبل سعره و الهوندا بالذات ليها ناس بتقدرها و حتدفع لما تلاقيها بخامات ممتازه

[FryCry]

كلام رائع وموزون عايز بس اضيف ان اللى بيحط رجله فى الهوندا حساباته كلها بتتغير عن مفهوم متعة القياده و الله انا معايا السيفيك احسااااس تانى غير التويوتا و الكلام الفاضى ده فعلا اوتومبيل فيه كل حاجة

[Hosam_Optrawy]

البيجو 508 مش مقارنه بعيده بالعكس اضعف بكتير ....

و موتور الهوندا هيعدى اى المانى او اوروبى او امريكانى فى فئته و الفئه الاعلى منه ..... و ده العادى بتاع هوندا و معظم الاوروبى بيغطى على ضعف مواتيره امام الهوندا بالتربو ..... اديها نازله بالتربو صدقنى و خدها منى كلمه ... مفيش حاجه هتقف قدامها

التصميم الخارجى مش محاتجين نتكلم عليه
الداخلى ... الله اعلم
الفتيس خلاص CVT
العقشه لسه مش واضح بس احب اقولك ان ال type R نازله بال magnetic suspension
يوم 16 سبتمبر كله حيبان


ساعتها ممكن اختار البيجو لو بحب الكماليلات فقط لا غير لأنها عربية صينى و كمالتها كتير
انما اى حاجه تانيه تخلينى اجيب هوندا طبعا

معاليك متخيل ان ال 1.5 ال earthdreams العادى بيطلع 130 ps و البى ام 316 التربو 136
الVTEC TURBO حيفرق 50 حصان عن ال 318 bmw


ال 316 بردو حتكون دفع خلقى و ده حديك اساس تانى فى القياده بالذات لو الفئة السعرية بينها و بين الهوندا اقل من 20-30 الف هتحط الهوندا فى وضع صعب لأن كفه الموتور هتكون ازيد من ال bm حاجه بسيطه و الباقى حيكون ف كفه الbmw


السيفيك دلوقتى mid sized sedan مش compact

انا مقدر تحمسك وحبك للسيفيك وحقك طبعا ورأيك ووجهة نظرك تحترم

بس ازاى شايف ان ال 508 أضعف بكتير من السيفيك ؟؟!!! دى حاجه مفيهاش وجهات نظر ، ال 508 أعلى طبعا في كل شيء في رأى 99 % من الناس ، مش حاجه نختلف عليها 50 % 50 %

لا وكمان عربيه صيني بكماليات :)

انا مش هاقول غير إسأل أستاذ هانى hany63 وهو مالك لل 508 وبالصدفه كان راكب قبلها علطول سيفيك VTi 2010 وكان شايف انها أفضل عربيه فى فئتها وماكنش عايز يغيرها ، شوف هايقولك ايه عن مقارنة العربيتين وانا راضى برأيه

وبعدين الموتور مش كل حاجه ، العربيه بتبقى باكدج على بعضها ، بتتكون من عوامل كتير وأهمها عامل السعر

وال CVT دا حاجه مش في صالحها لان أدائه غر رياضى

وبالنسبه للحجم والفئه ازاى بقت Midsize ؟ امال الأكورد تبقى إيه

السيفيك عشان تبقى Midsize لازم تزيد مش أقل من 10 سم في ال wheelbase و 20-30 سم في الطول والعرض ، ودا مستحيل يحصل لأن كدا هاتبقى أد الأكورد

ال 508 مش فئة السيفيك فئه أعلى ، وطبعا ال 316 بره الموضوع فياريت نطلعها من المقارنه

أخيرا ربنا يوفق كل محبى وعشاق هوندا ويلاقوا السيفيك الجديده في مصر بالمواصفات والسعر اللى يعجبهم

[Hosam_Optrawy]

لا يا حسام مختلف معاك، لو نزلت بسعر اكتر من٢٥٠ الف كمان حتبيع و حتكسر الدنيا بشرط الخامات الداخليه تبقي عاليه مش بلاستيك ذي الجيل الحالي ... بعد خروج الجيتا و الاوكتافيا من السوق بسبب العفشه التورشن بيم و عدم اعتماديتهم و كتر مشاكلهم شريحه الناس اللي عايزه تركب عربيه نظيفه بسعر ٢٥٠ - ٢٧٠ الف مش لاقيه عربيه باعتماديه و خامات كويسه حاليا ،... شريح الناس دي محتاجه ايه اكتر من عربيه ياباني علها كلمه هوندا بماتور تربو يعني اداء و تسارع ممتاز باعتماديه هوندا العاليه و عفشه هوندا الممتازه واوبشن كويسه تحسسك بالرفاهيه و شكل شيك و خامات داخليه كويسه و كل ده معاه ضمان ٥ سنين او ١٢٠ الف كم ضمان ممتاز بسمعه هوندا، تشتري عربيه بالمواصفات دي و لا تشتري انسجنيا او باسات بمشاكلهم و قله اعتماديتهم اللي بيجيبو ماتور و فتيس و كمان ببنزين ٩٥

الهوندا كده كده سعرها عالي فلو نزلت بالخامات السيئه اللي نزل بيه الجيل الحالي علشان سعرها يقل ١٠ او ٢٠ الف جنيه مش حتبيع و مش حتعجب شريح الناس دي و حتفشل ذي ما حصل مع الجيل الحالي لان كده كده سعر الهوندا غالي فمحدش حيدفع ٢٤٠ الف في خامات بلاستيك رديئه لكن حتلاقي ناس تدفع ٢٥٠-٢٧٠ الف في خامات ممتازه و اوبشن عاليه و دي شريح الناس اللي كانت بتجيب الجيتا و الاوكتافيا و الاوبل و حاليا محتاره و مش عارفه تجيب ايه

الموديل الحالي فشل علشان شكله و خاماته الرديئه قبل سعره و الهوندا بالذات ليها ناس بتقدرها و حتدفع لما تلاقيها بخامات ممتازه

تبيع وتكسر الدنيا كمان ، ماشى ياعم Devil رأيك يحترم برضه :) والأيام مش بعيده

على فكره الجيتا Multi-Link من يوم مانزلت لحد دلوقتى عمرها ماكانت Torsion ، ال Torsion كانت بتنزل أمريكا والخليج ومن سنتين إتلغى وبقى كله Multi

اما بالنسبه للعربيه النضيفه في فئة 250 إلى 300 الف بدون مشاكل فهى موجوده بالفعل وهى ال 508 والشارع والإنتشار خير دليل بالإضافه لأراء ملاكها واللى جربوها ، هي دى أفضل عربيه لحد ماتوصل لل C180 و 318i

معاك ان معظم العربيات التانيه انسيجنيا وباسات واوكتافيا وجيتا قليلة الإعتماديه وفيها مشاكل وانا فعلا ماشتريش اى واحده فيهم

لكن برضه عمرى مادفع 250-270 في جيتا واوكتافيا ولا اى عربيه فى الفئه دى بالحجم دا حتى لو حطولى خامات بينتلى :) ، الفئه دى من العربيات ليها ليميت في السعر ماينفعش تعديه وصعب جدا حد يدفع فيها الأرقام دى الا لو كان غاويها اوى

والعربيات اللى الشعب المصرى غاويها وبيعشقها معروفه ، يعنى كمثال التويوتا الكورولا مهما كان شكلها وكماليتها وسعرها الناس هاتشتريها برضه ، لكن ماعتقدش ان السيفيك من العربيات دى

حبيبى يا ديفل وعقبال ما نباركلك عالسيفيك الجديده :)

[devil_storm]

طيب يا حسام حبسطهالك بمثال، افترض انا واحد من الناس اللي عايزه تركب عربيه انضف و اشيك من الكوري في حدود سعر ٢٤٠-٢٨٠ الف ترشحلي ايه و دي المواصفات اللي بدور عليها:
١- عربيه شبابيه و تكون performace car يعني من ٠-١٠٠ في ٩ ثواني بالكتير
٢- عفشه ممتازه يعني تكون soft في المطبات و في نفس high stability و لازم تكون multi link
٣- شكل و تصميم شبابي شيك both interior & exterior و تكون فيها فوانيس ليدات و زينون امال شبابيه اذاي!
٤- عايز انتريور خاماته تكون هاي كواليتي مش بلاستيك ... اكيد مش حدفع كل المبلغ ده في خامات بلاستيك رديئه
٥- عايز اوبشن تمتعني بالعربيه يعني شاشه تاتش و سنسور بارك و ليدات و زينون و بصمه و فتحه سقف و .... انا مش حدفع كل ده و الاقي واحد زميلي راكب كوري يكلمني علي الاوبشن اللي عنده و يحصرني علي الفلوس بتاعتي
٦- عربيه تكون اعتماديتها عاليه و نادره الاعطال و اسمها كبير في الاعتماديه يعني ضمان ٥ سنين علي الاقل انا مش حدفع المبلغ ده في عربيه تبهدلني و افضل مقضيها خناقات و رايح جاي علي التوكيل
٧- بنزينها يكون ٩٢ و ماتورها يكون اقل من ١٦٠٠ علشان انا عايز ادلع نفسي من غير ما بيتي يتخرب
٨- عايز سعر اعاده بيع كويس

ترشحلي ايه يا زعيم؟
الباسات بتجيب فتيس و بنزين ٩٥ و اعتماديه في الارض و سعر اعاده بيع ضعيف
الاوكتافيا سعرها نار و تورشن بيم و كمان تسارع في الضياع يرضيك ابقي دافع كل ده و تجي فيرنا تعلم عليا!
الانسجنيا بتجيب ماتور و مش اعتماديه و برده بنزين٩٥
البيجو ٥٠٨ ضخمه اوي و مش شبابي و حتي شكل عدادها و الانتريور عواجيزي و كمان مش اعتماديه لان معروف في العالم كله ان الفرنساوي اقل العربيات اعتماديه و سعر اعاده بيعها مش كويس - علشان اثبتلك روح عندك في قطر توكيلها في c ring حتلاقي موديلات ٢٠١٢ و ٢٠١٣ لسه بيبعها و عامل خصم ٢٠ الف ريال عليها و منزلش حتي موديل ٢٠١٥ لانه مش عارف يبيع ... انا اشتري عربيه كده ليه و توكيلها في مصر بيستهبل و مزود سعرها اكتر من الانسجنيا

صحيح لما كنت عندك في زيازه في قطر سوقت c200 2015 amg و سوقت bmw 320i 2015 و سوقت bmw520i 2015 و نزلت منهم ركبت السيفك ٢٠١٥ و مع ذلك حسيت اني راكب عربيه نظيفه جدا و لما نزلت منها و ركبت الكرولا حسيت بفرق كبير لصالح السيفك و انا عن نفسي مستعد ادفع ٢٧٠ الف و اكتر كمان في الهوندا فورا و بدون تردد لو نزلت تربو بكل المواصفات اللي انا كتبها فوق اما لو التوكيل وفر و نزلها بسعر ٢٣٠ الف بخامات زباله يبقي خليهاله

لو حابب تجربهم ايجارهم عندك في اليوم
٤٥٠ ريال c200 amg 2015
٦٠٠ ريال bmw 520i 2015
٣٥٠ ريال bmw 320i 2015
حتلاقيهم في برستيج في المطار الجديد و حتسيب عربيتك في long term park بسعر ٤٥ ريال في اليوم لو عايز تليفوناتهم قولي و طبعا عندك test drive لمده نص ساعه لو حابب في توكيل bm في برج الفردان في الدفنه

[JapRuleZ]

انا مقدر تحمسك وحبك للسيفيك وحقك طبعا ورأيك ووجهة نظرك تحترم

بس ازاى شايف ان ال 508 أضعف بكتير من السيفيك ؟؟!!! دى حاجه مفيهاش وجهات نظر ، ال 508 أعلى طبعا في كل شيء في رأى 99 % من الناس ، مش حاجه نختلف عليها 50 % 50 %

لا وكمان عربيه صيني بكماليات :)

انا مش هاقول غير إسأل أستاذ هانى hany63 وهو مالك لل 508 وبالصدفه كان راكب قبلها علطول سيفيك VTi 2010 وكان شايف انها أفضل عربيه فى فئتها وماكنش عايز يغيرها ، شوف هايقولك ايه عن مقارنة العربيتين وانا راضى برأيه

وبعدين الموتور مش كل حاجه ، العربيه بتبقى باكدج على بعضها ، بتتكون من عوامل كتير وأهمها عامل السعر

وال CVT دا حاجه مش في صالحها لان أدائه غر رياضى

وبالنسبه للحجم والفئه ازاى بقت Midsize ؟ امال الأكورد تبقى إيه

السيفيك عشان تبقى Midsize لازم تزيد مش أقل من 10 سم في ال wheelbase و 20-30 سم في الطول والعرض ، ودا مستحيل يحصل لأن كدا هاتبقى أد الأكورد

ال 508 مش فئة السيفيك فئه أعلى ، وطبعا ال 316 بره الموضوع فياريت نطلعها من المقارنه

أخيرا ربنا يوفق كل محبى وعشاق هوندا ويلاقوا السيفيك الجديده في مصر بالمواصفات والسعر اللى يعجبهم

الكلام على ال 2016
يا سعادة الباشا العربية لسا منزلتش يوم 16 سبتمبر
بس موتورها حيعدى ال 508 بمراحل
الاشاعات بتقول 180 حصان و 0-100 فى 7 ثوانى

استاذ هانى بيه انا اتشرفت بيه فى قسم الهوندا و اضطر ينزل من هوندا لبيجو ( ايوه ينزل - انا قعدت فى امريكا 10 سنين و الفرنساوى هناك خارج المنافسه ) لأن هوندا مقدمتش اى جديد فى ال 6 سنين اللى فاتو

العربية شبه مؤكد انها قاعدة عجلات اكبر ( الاكورد كمان كبرت )
ال cvt فيه منه انواع كتير و نازل فى ال subaru sti wrx و دى عربية rally و ادائها رياضى جدا جدا

بالنسبه للقديم مؤقتا لحد منشوف الخديد - الدواخل و التابلون انا مش هتكلم بس قولى رأيك بصراحة و انا بتكلم على القديم مش الجديد هيا ازواق بس فيه البيجو مفيش تجديد خالص

ا

[devil_storm]

الاشاعات بتقول 180 حصان و 0-100 فى 7 ثوانى

ده الماتور 2000cc turbo و استحاله يجلنا، الكلام علي الماتور 1500cc turbo و ده اللي ممكن يجلنا و مش معروف عنه اي حاجه لسه بس متوقع من 0-100 في range 9sec