هوندا سيفيك 2016/2017 تظهر للمره الأولى (صور)

[svneleven]

البيجو 508 مش مقارنه بعيده بالعكس اضعف بكتير ....

و موتور الهوندا هيعدى اى المانى او اوروبى او امريكانى فى فئته و الفئه الاعلى منه ..... و ده العادى بتاع هوندا و معظم الاوروبى بيغطى على ضعف مواتيره امام الهوندا بالتربو ..... اديها نازله بالتربو صدقنى و خدها منى كلمه ... مفيش حاجه هتقف قدامها

التصميم الخارجى مش محاتجين نتكلم عليه
الداخلى ... الله اعلم
الفتيس خلاص cvt
العقشه لسه مش واضح بس احب اقولك ان ال type r نازله بال magnetic suspension
يوم 16 سبتمبر كله حيبان


ساعتها ممكن اختار البيجو لو بحب الكماليلات فقط لا غير لأنها عربية صينى و كمالتها كتير
انما اى حاجه تانيه تخلينى اجيب هوندا طبعا

معاليك متخيل ان ال 1.5 ال earthdreams العادى بيطلع 130 ps و البى ام 316 التربو 136
الvtec turbo حيفرق 50 حصان عن ال 318 bmw


ال 316 بردو حتكون دفع خلقى و ده حديك اساس تانى فى القياده بالذات لو الفئة السعرية بينها و بين الهوندا اقل من 20-30 الف هتحط الهوندا فى وضع صعب لأن كفه الموتور هتكون ازيد من ال bm حاجه بسيطه و الباقى حيكون ف كفه الbmw


السيفيك دلوقتى mid sized sedan مش compact

أتا عاوز اعلق علي كلمة حضرتك أن الالماني بيغطي علي ضعف مواتيره بأن أقوي موتور 2000 سي سي في العالم من مرسيدس (ألماني) مش من هوندا. الالماني ليه فكر في كل حاجة و سياسة تسويقية غير ال هوندا اللي انا شايفها عربية رياضية و جميلة و ممتعة للي مش معاه فلوس يركب بي ام و مرسيدس و الدليل أن معظم اللي بيبيع ال هوندا بيركب بي ام أو مرسيدس بعدها.

[monamize4]

تمام
بس مع تطبيق اتفاقيه الجات مثلا بشكل كامل مع اوروبا و بقاء السيارات الاسيوية بالجمارك و ارتفاع مستوى السيفيك ك ركوبه و كمان انحفاض الجنيه

تركب 316 دفع خلفى
ولا سيفيك امامى حتى و ان كان موتور السيفيك حيكون اقوى
حيكون اختيار صعب

تركب 316 طبعا حتى لو مفهاش غير مرايات و تكييف

عمر السيفيك ما تتقارن بالفئة التالته

[Hosam_Optrawy]

طيب يا حسام حبسطهالك بمثال، افترض انا واحد من الناس اللي عايزه تركب عربيه انضف و اشيك من الكوري في حدود سعر ٢٤٠-٢٨٠ الف ترشحلي ايه و دي المواصفات اللي بدور عليها:
١- عربيه شبابيه و تكون performace car يعني من ٠-١٠٠ في ٩ ثواني بالكتير
٢- عفشه ممتازه يعني تكون soft في المطبات و في نفس high stability و لازم تكون multi link
٣- شكل و تصميم شبابي شيك both interior & exterior و تكون فيها فوانيس ليدات و زينون امال شبابيه اذاي!
٤- عايز انتريور خاماته تكون هاي كواليتي مش بلاستيك ... اكيد مش حدفع كل المبلغ ده في خامات بلاستيك رديئه
٥- عايز اوبشن تمتعني بالعربيه يعني شاشه تاتش و سنسور بارك و ليدات و زينون و بصمه و فتحه سقف و .... انا مش حدفع كل ده و الاقي واحد زميلي راكب كوري يكلمني علي الاوبشن اللي عنده و يحصرني علي الفلوس بتاعتي
٦- عربيه تكون اعتماديتها عاليه و نادره الاعطال و اسمها كبير في الاعتماديه يعني ضمان ٥ سنين علي الاقل انا مش حدفع المبلغ ده في عربيه تبهدلني و افضل مقضيها خناقات و رايح جاي علي التوكيل
٧- بنزينها يكون ٩٢ و ماتورها يكون اقل من ١٦٠٠ علشان انا عايز ادلع نفسي من غير ما بيتي يتخرب
٨- عايز سعر اعاده بيع كويس

ترشحلي ايه يا زعيم؟
الباسات بتجيب فتيس و بنزين ٩٥ و اعتماديه في الارض و سعر اعاده بيع ضعيف
الاوكتافيا سعرها نار و تورشن بيم و كمان تسارع في الضياع يرضيك ابقي دافع كل ده و تجي فيرنا تعلم عليا!
الانسجنيا بتجيب ماتور و مش اعتماديه و برده بنزين٩٥
البيجو ٥٠٨ ضخمه اوي و مش شبابي و حتي شكل عدادها و الانتريور عواجيزي و كمان مش اعتماديه لان معروف في العالم كله ان الفرنساوي اقل العربيات اعتماديه و سعر اعاده بيعها مش كويس - علشان اثبتلك روح عندك في قطر توكيلها في c ring حتلاقي موديلات ٢٠١٢ و ٢٠١٣ لسه بيبعها و عامل خصم ٢٠ الف ريال عليها و منزلش حتي موديل ٢٠١٥ لانه مش عارف يبيع ... انا اشتري عربيه كده ليه و توكيلها في مصر بيستهبل و مزود سعرها اكتر من الانسجنيا

صحيح لما كنت عندك في زيازه في قطر سوقت c200 2015 amg و سوقت bmw 320i 2015 و سوقت bmw520i 2015 و نزلت منهم ركبت السيفك ٢٠١٥ و مع ذلك حسيت اني راكب عربيه نظيفه جدا و لما نزلت منها و ركبت الكرولا حسيت بفرق كبير لصالح السيفك و انا عن نفسي مستعد ادفع ٢٧٠ الف و اكتر كمان في الهوندا فورا و بدون تردد لو نزلت تربو بكل المواصفات اللي انا كتبها فوق اما لو التوكيل وفر و نزلها بسعر ٢٣٠ الف بخامات زباله يبقي خليهاله

لو حابب تجربهم ايجارهم عندك في اليوم
٤٥٠ ريال c200 amg 2015
٦٠٠ ريال bmw 520i 2015
٣٥٠ ريال bmw 320i 2015
حتلاقيهم في برستيج في المطار الجديد و حتسيب عربيتك في long term park بسعر ٤٥ ريال في اليوم لو عايز تليفوناتهم قولي و طبعا عندك test drive لمده نص ساعه لو حابب في توكيل bm في برج الفردان في الدفنه

انت بتعجزنى يعنى :)

خلينا الأول نتفق ان مفيش عربيه كامله وفيها كل العوامل اللى انت طالبها حتى لو باكتر من 300 الف ، لازم على الأقل عامل ينقص ، زى إعادة البيع مثلا ، أو البنزين ، بس لازم حاجه تنقص

عموما ال 508 هي أقرب عربيه للمواصفات اللى انت طالبها ، بس لو شايفها ضخمه ومش شبابيه ، في عندك ال 308 ب 240 الف جنيه ، ودا البروشور بتاعها

http://www.peugeot-eg.com/media/deliacms/media/8/896-219761.pdf

وفى كذا عربيه تانيه شبابيه فى الفئه السعريه دى زى ال A3 هاتش باك والمينى كوبر والمرسيدس B والبى ام 116 والالفا والدودج ، وفى الأرخص من كدا شويه وأرخص من ال 308 كمان ، زى الأسترا GTC والستروين DS4 ، بس كل واحده فى دول هاتلاقى فيهم حاجه او حاجتين ناقصه من اللى انت طالبهم

اللى فيها معظم اللى انت طالبه ماعدا إعادة البيع هي ال 308 ، وماعتقدش اى عربيه من اللى انا كتبتهم هايبقى ليها إعادة بيع كويسه ، ولا حتى السيفيك الجديده لما تنزل

اللى عايز يتمتع بركوبه ويتدلع بأوبشنز وموتور قوى وإعتماديه وقلة أعطال وتقفيل وخامات عاليه وشكل حلو وشبابى وكمان هايوفر البنزين 95 ، مايدورش كمان على إعادة بيع أو صيانه وقطع غيار ، بلاش إفترا :)

بالنسبه لسوق البيجو في قطر فالفرنساوى كله ملوش سوق في الخليج عموما ونادرا ماحد يشتريه ، وانا معاك ان الفرنساوى إعتماديته أقل من الياباني ، بس اللى خلانى أرشح البيجو انها داخله على 4 سنين في شوارع مصر واعتقد دى فتره كافيه للحكم على كفائتها ، غير ان موديلات بيجو دلوقتى غير زمان يعنى الموتور بتاعها بالتعاون مع بى ام والفتيس ياباني ...

بالنسبه للبى ام ربنا يوعدنا ويوعدك :) كان عندى ال E90 330i وعارف ركوبتها مابالك بال F30

[Hosam_Optrawy]

الكلام على ال 2016
يا سعادة الباشا العربية لسا منزلتش يوم 16 سبتمبر
بس موتورها حيعدى ال 508 بمراحل
الاشاعات بتقول 180 حصان و 0-100 فى 7 ثوانى

استاذ هانى بيه انا اتشرفت بيه فى قسم الهوندا و اضطر ينزل من هوندا لبيجو ( ايوه ينزل - انا قعدت فى امريكا 10 سنين و الفرنساوى هناك خارج المنافسه ) لأن هوندا مقدمتش اى جديد فى ال 6 سنين اللى فاتو

العربية شبه مؤكد انها قاعدة عجلات اكبر ( الاكورد كمان كبرت )
ال cvt فيه منه انواع كتير و نازل فى ال subaru sti wrx و دى عربية rally و ادائها رياضى جدا جدا

بالنسبه للقديم مؤقتا لحد منشوف الخديد - الدواخل و التابلون انا مش هتكلم بس قولى رأيك بصراحة و انا بتكلم على القديم مش الجديد هيا ازواق بس فيه البيجو مفيش تجديد خالص

ا

نزل لبيجو ؟ هو قال كدا ؟!!

عموما كل مواضيع وردود أستاذ هانى بتقول العكس

ودى مشاركه ليه من حوالى شهرين وكان بيتكلم عن ال 316 كمان مش السيفيك

انا عملت تست درايف لل 316 الجديده و ال 508 و كانت النتيجه اني جبت 508 رغم ان البي ام كانت حلم عمري

دي نتيجة المقارنه بأختصار بصرف النظر عن اختلاف الفئات
البي ام تحس ان جزء من تمنها محطوط في البراند يعني تمنها اكتر من قيمتها ال 508 عكس كده بصراحه تستاهل اكتر من تمنها بكتير فالعامل ده تحديدا هيفرق كتير و خصوصا ان ال 508 فئه اعلى

ال 508 ممتعه في سواقتها اكتر في الوضع الطبيعي ال d و بالمناسبه من 0-100 كم في 8.6 طبقا لفيديو نزلناه في الجروب ببنزين 92 و من غير قرص على الموتور كانت بتنقل قبل ال 5000 لفه

بالتوفيق

معروف ان الفرنساوى ملوش وجود ولا أمريكا ولا الخليج ولا الصين كمان ، بس انا مابتكلمش عن 301 ولا 405 الايرانى ، ال 508 دى عربيه محترمه جدا وعدم وجودها في السوق الأمريكي او الخليج او الصين مش معناه انها عربيه تعبانه

بالنسبه لقاعدة العجلات هاتكبر أد ايه ، في السيفيك القديمه كان قاعدة العجلات 2700 ، وفى الحاليه صغروها ب 2670 ، ممكن في الجيل الجديد اللى هاينزل ترجع ل 2700 تانى ، يعنى زيها زى الالنترا والسيراتو

عموما مش هانسبق الاحداث كلها يومين ونعرف

والشكل السيفيك طبعا معروف ان ال interior بتاعها من احلى الاشكال وشبابى جدا

[JapRuleZ]

بصوا يا جماعه من غير زعل ولا تحيز و بالدليل القاطع
اليابانى احسن من الالمانى
بس احنا اتربينا على البى ام و المرسيدس فى دمنا
عشان كده محدش بيجيب الكامرى و الاكورد هنا فى مصر ... اللى بيجيبوها الجانب عشان بيفهمو

لو عاوز اعتماديه = يابانى ( الدليل تويوتا )
لو عاوز ثبات و متعه قيادة = يبانى ..... ازاى يا جدع ..... الدليل ان احسن عربيات فى ال drifting تبقى nissan , معروفه و اسأل اى حد .... , و اللى مخلى رامى سرى رغم ان سواق جامد مش عارف يعدى انه مقتنع بال فئه التالته زى معظم اللى هنا
لو عاوز tuning يبقى honda و ال nissan grt العربية الوحيده فى العالم اللى طلعت 2000 حصان مستريح
على المستوى المحلى الكلام مختلف طبعا و الكفه لل bmw
بس الهوندويه بيفطرو بال 316 - 318 الصبح .... ,و لما ال vtec turbo ينزل نكمل كلام ان شاء الله

[devil_storm]

[SIZE=4][COLOR=navy]
وفى كذا عربيه تانيه شبابيه فى الفئه السعريه دى زى ال A3 هاتش باك والمينى كوبر والمرسيدس B والبى ام 116 والالفا والدودج ، وفى الأرخص من كدا شويه وأرخص من ال 308 كمان ، زى الأسترا GTC والستروين DS4 ، بس كل واحده فى دول هاتلاقى فيهم حاجه او حاجتين ناقصه من اللى انت طالبهم

اللى فيها معظم اللى انت طالبه ماعدا إعادة البيع هي ال 308 ، وماعتقدش اى عربيه من اللى انا كتبتهم هايبقى ليها إعادة بيع كويسه ، ولا حتى السيفيك الجديده لما تنزل

خلينا نتفق ان اهم حاجه في العربيه اعتماديتها و بعدين نبص للاداء و للرفاهيه و الاوبشن و ....العربيات دي مش بس قليله الاعتماديه و بتجيب مواتير و فتيس و ضمان ضعيف و سعر بيع واقع، دول كمان ملهمش قطع غيار يعني تعطل اركن كام شهر و نجبلك قطعه الغيار بالطلب و شوف بقي سعرها كام! دي لو التوكيل عرف يصلحها من اساسه... يا راجل دي المرايا لو اتكسرت ممكن تاخد شهر علي ما التوكيل يجبهالك!! دي عربيات تجيب الهم مش تحسسك بالرفاهيه

لو السيفك نزلت تربو مع خامات كويسه حتشوف حتعمل ايه، حتاخد اعتماديه عاليه و ضمان ممتاز مع اداء و تسارع بالتربو و تصميم و جوده خامات و توافر قطع الغيار و سعر اعاده بيع و اسم هوندا... يعني حتركب عربيه تمتعك و تديك اداء و انت مطمن من اعتماديتها و ضمانها ( ٥ سنين او ١٢٠ الف كم وده اعلي ضمان في مصر ) و ده اللي مش موجود في اي عربيه في الفئه السعريه دي

[JapRuleZ]

2016 Honda Civic Concept - Official Site



ده لينك HONDA USA
للمهتم بال event بتاع ال هوندا الجديده كليا
الساعه 3:15 فجر الخميس

[MoMo_77]

[youtube]http://www.youtube.com/watch?v=Dx-9CO9Ah4I[/youtube]

ما شاء الله
العربية تصميمها الخارجي و الداخلي جميل
و الموتور ال1.5 التيربو متوقع يزيد عن 160 حصان
عيبها في رأي ال grill الفضي المستطيلة كانت محتاجة تبقي مسحوبة شوية

ربنا يستر من السعر

[MoMo_77]

ما شاء اللة
العربية تصميمها الخارجي و الداخلي جمبل
في رأي عيبها الوحيد الgrill الفضي المستطيلة كانت المفروض تبقي مسحوبة شوية

و الموتور ال1.5 التيربو متوقع يوصل ل 174 حصان

ربنا يستر من السعر

[JapRuleZ]

العربية حلوة جدا
الشبكه شبه السيتى شوية
فيها android auto , apple car
العربية اعرض و اوطى بس compact فعلا
الموتور ده لسا مس رسمى بس هيبقى فيه اتنين versions لل سيفيك اولهم ال 175 حصان و ال honda civic si هتبقى 220
الtorque هيبقى عالى اوى و يتخقق عند rpm 2500
و بكده ال 320i ال f30 حيطحط عليها وش هيا و ال شيروكو و ال a3 و الكلام الفاضى ده :)

[devil_storm]

العربية حلوة جدا
الشبكه شبه السيتى شوية
فيها android auto , apple car
العربية اعرض و اوطى بس compact فعلا
الموتور ده لسا مس رسمى بس هيبقى فيه اتنين versions لل سيفيك اولهم ال 175 حصان و ال honda civic si هتبقى 220
الtorque هيبقى عالى اوى و يتخقق عند rpm 2500
و بكده ال 320i ال f30 حيطحط عليها وش هيا و ال شيروكو و ال a3 و الكلام الفاضى ده :)

العربيه جميله جدا في التصميم الخارجي، التصميم الداخلي مش عاجبني التاتش سكرين شكله رخم من غير زراير و حيبقي صعب في التعامل غير انه حيخلي الكنسول ضلمه من غير زراير، كمان زراير التكيف تصميمها سيء و بدون شاشه و بتهيالي مش ديوال، بس العدادات شكلها تحفه و مبهره جدا، العربيه ككل رائعه و لو نزلت بالماتور التربو حتبقي حكابه
بس 320i ايه اللي حيتحط عليها، انا جبت بيها من ٠-١٠٠ في ٧ ثواني، بعدين لسه في 528i و كمان 535i و دي بتجيب ٠-١٠٠ في ٥.٤ تانيه يبقي هوندا ايه اللي حتحط علي bm! يا برنس طلع ال bm بره الموضوع لانها خارج المنافسه تماما بخلاف انها luxury car

[devil_storm]

قصدي لسه فيه 328i and 335i

[Hosam_Optrawy]

العربيه جميله جدا في التصميم الخارجي، التصميم الداخلي مش عاجبني التاتش سكرين شكله رخم من غير زراير و حيبقي صعب في التعامل غير انه حيخلي الكنسول ضلمه من غير زراير، كمان زراير التكيف تصميمها سيء و بدون شاشه و بتهيالي مش ديوال، بس العدادات شكلها تحفه و مبهره جدا، العربيه ككل رائعه و لو نزلت بالماتور التربو حتبقي حكابه

النسخه الأسيويه ممكن تبقى مختلفه في الأوبشنز ، وممكن تغيير بسيط في الشكل

[wal]

هي طبعا الشاشة التاتش اكيد من خلالها هيبقي كل الاوبشنز وبديل عن الهيصة والزراير الكتير وتقريبا دا الاتجاه دلوقتي في الموديلات القادمة الرينو ميجان 2016 نفس الموضوع التابلوه عبارة عن شاشة بس فعلا كنت متوقع ان تابلوه السيفيك هيبقي اقوي من كدة بس الشكل الخارجي وهم ملوش حل

[JapRuleZ]

قصدي لسه فيه 328i and 335i

باشا .... ال honda طول عمرها بتعلم على الالمانى و يتسيب علامه كمان من ايام ال SIR لما كانت تنفس طبيعى مش تربو و كانت بتحط على ال c200 kompressor و الفئه التالته عادى جدا

انما ال 328 و ال 335 مش ح حكها مع ال 1.5 اكيد

انت لو بتكلم ك specs

ال مصدر من اخونا السيد المحترم ا\حسام :

ال 318i بموتور 3 سلندر 1500 سى سى 136 حصان 220 نيوتن

ال 316i كانت 4 سلندر 1600 سى سى 136 حصان 220 نيوتن ، نفس الهورس باور والعزم

ال 320i زى ماهى 4 سلندر 2000 سى سى 184 حصان بس العزم زاد من 270 نيوتن ل 290 نيوتن

ال 330i بموتور 4 سلندر 2000 سى سى 252 حصان 350 نيوتن

ال 328i كانت 4 سلندر 2000 سى سى 245 حصان 350 نيوتن ، يعنى الفرق 7 حصان زياده

ال 340i بموتور 6 سلندر جديد 3000 سى سى 326 حصان 450 نيوتن

ال 335i كانت 6 سلندر 3000 سى سى 306 حصان 400 نيوتن ، فرق 20 حصان و 50 نيوتن


انا بقا بقولك ال 1.5 turbo حتحقق 175 مع فرق الوزن حطلع من ال 320 مستريح
ال turbo ال 2000 بتطلع 320 يعنى كل سنه و انت طيب على اى فئه تالته
و الله زمان لما كان الللى سايق bm يشوف هوندا يفتح التكييف و يعمل نفسه مش واخد باله