Tweet
السلام عليكم ورحمه الله وبركاته والصلاه والسلام على حبيبنا رسول الله
اولا كان امبارح اول ظهور لقنبله هوندا الجديده فى السعوديه
الجميله الرشيقه هوندا سيفيك ذات 180 حصان و 1500 سيىسى تيربو يعنى متفوقه على سيارات كتير
طبعا اول ماشوفتها وانا مروح تنحت وركنت العربيه وقولت لازم اجربها واعمل تقرير عنها بالتفصيل واقولكم على الى قدرت اعرفه عنها طبعا
المهم نبدا بالفئات الى هنا وهى عباره عن فئتين هنا فئه 2000 سى سى 156 حصان وفئه rs الى هى 1500 سى سى تيربو 180 حصان وده
طبعا التابلوه فخم فخم تحس انك فى طياره وخصوصا لما تقول بسم الله وتدوس على ستارت البدايه بتاعه فاتحه العدادات تخليط فاتح بقك على الاخر وصورتهلكم فيديو طبعا عشان تزبهلوا معايا
نبدا بالمواصفات الى شدتنى زى مثلا الكاميرا الجانبيه ايوه كاميرا فى المرايه الجانبيه وحضرتك اول ماتدى اشاره يمين تروح شاشه الكاست بسم الله جيبالك كل الطريق على يمينك عشان تجبلك النقطه العمياء مش زى العربيات التانيه بتدى انذار بس على شاشه المرايه لا هوندا اختلفت وخلت ده يظهرلك على شاشه الكاسيت
طيب ايه تانى ياعم
عندك الكاميرا الخلفيه مش زى اى كاميرا ابسلوتلى ده سيادتك ليها 3 اوضاع بمعنى وضع وانت بترجع ورا ولفيت الدركسيون يمين او شمال الكايرا بتلف معاك اه وربنا بتلف فعلا والوضع التانى تجبلك اسفل العربيه فعلا يعنىلو حاجه مستخبيه كدا ولا كدا هتشوفها يعنى هتشوفها والوضع التالت هو امتداد الرؤيه
بعد كده طبعا مش هتكلم على الكاسيت يعنى ماله الكاسيت على راى عسل اسود المهم الكاسيت بقى النافيجيشن بتاعه ثرى دى وطبعا كله تاتش والسيلسز الى هناك بيقولى انه متطور بالاشتراك مع أبل وطبعا 6 سماعات مع صب ووفر من صنع الفاخر بووز
نيجى بقى للتابلوه قدامك الى زى ماقلت بدايته بس تسحر القلوب
وفيه عشرات التانبيهات وطبعا بتشوف جواه العدادات الاشياء الى بتبقى شغاله فى الكاسيت
ده غير الفرامل اليد بالكهرباء يادوب دوسه عليها وتفكها وكمان عاملين درجين فوق بعض تحت التكييف عشان تدخل فى الولاعه او يو اس بى والسلك يبقى مدترى ويطلعلك من فوق تحته فى التليفون او اى جهاز تانى
طبعا الاناره الخارجيه مش هتكلم عليها لانها تحس انها ليكزس مع الليدات غير لون الابيض الساطع منها وغغير شكل الخلفيه واضاءه الليدات بتاعتها
طبعا انا طلعت بيها مش عايز اتكلم على الدركسيون الذكى الى بيحس بيك فى مرونته وسهولته والعربيه واقفه وبعدين بتحس انك مش سامع صوت الماتور جوه العربيه ووطبعا البدايه القويه الى بتحسها او ماتودس على دواسه البنزين
وبعدين بصراحه حبيت اجرب الكيك داون تحس بتحول الوحش وشغل التربو الى بيخليها
عصفوره طايره فى ثوانى
كمان نسيت اقولكم المفتاح فيه تشغيل عن بعد مع فتح الباب والشنطه مجرد ماتقرب من العربيه
والمفتاح فى جيبك وطبعا ده فى عربيات كتير دلوقتى
طبعا سعر 1500 تيربو هنا 99000 ريال يعنى نحسبها تقريبا بالمصرى لو نزلت بالماتور ده والاوبشن ده هتبقى بكام
نقول 99000 فى 2.5 يعنى 247 طيب جمارك قول 90 الف يعنى 337 بدون مكسب التجار يعنى ممكن تبقى 400 فاكثر بمكسب التجار الجشعين الى عندنا
فاعتقد انهم ممكن ينزلوها بالماتور القديم ويشيلو شويه اوبشن عشان تنزل سعرها مثلا ا 300 ويبيعوا لانها بالسعر ده بقت مع فئات تانيه خالص وحكمت على نفهسها بالفشل معاهم زى مثلا بيجو 508 التيربو الى 162 حصان
اسيبكم بقى مع الصور والاسعار المصدمه بالنسبه لى
Comment