كما وعدتكم...تقييم شامل عن هوندا سيتي 2008...1.3اوتوماتيك

[Sharky]

تقييم رائع و شكرا على تقييمك

.شكلها الخارجي جميل وانيق ولا يختلف عليه اتنين.

الملاحظة دى أنا مختلف معاك فيها لإن فيه ناس كتير مختلفة على جمال شكل العربية و دا للأسف كان من الأسباب الرئيسية لعدم إنتشار السيارة رغم مواصفاتها و جودتها المتميزة

[أبو عبد الله***]

أعتقد أيضا إن من أسباب عدم إنتشار السيارة إلي حد ما هو غلاء قطع الغيار و الصيانه - علي ما اسمع - و اللي عنده معلومات في موضوع قطع الغيار ياريت يفيدنا...
و ربنا يبارك لك في سيارتك و يحفظها لك .

[dreslam]

حرام عليكو والله بطلو اغراءات انا لسه مغير وجايب صاني ما بقاليش اسبوعين من التقييم اللي قريته عالهوندا سيتي وانا اصلا كنت حجيبها "ريقي جري":)
تقييم ممتاز وخمس نجوم

[ramyfaris]

اولا شكرا للجميع على الردود....وشكرا للتثبيت
وشكر خاص للمهاتما االى سبقني ورد عالناس....
بالنسبه للاخ mohaismail....
قصدي بضعف طبقه الدهان...اى امكانيه انها تتخدش بسهوله....بس طبعا مش لدرجه ان مسدس المياه يقشرها....كده تبقى عربيه زباله لكن طبعا هي مش كده.
اما الاوديو....فزي ما قالوا....معناه انه مش بيشغل سيديهات mp3

بالنسبه لعمنا المهاتما....
انا التابلوه عندى ارقامه برتقالي....انت عندك ارقامه لونها ابيض

بالنسبه ل OSKAR....
اكيد طبعا لو فيه ABS...هيكون افضل من العادي...بس هي الحكايه حكايه تعود....يعنى لما تتعود عالعادي هتعرف تأقلم نفسك على توقيت دوس الفرامل ومداها....ويديك الاكورد...انا جبت خلاص هوندا مع الفارق طبعا :lol: :lol:

بالنسبه لجندي مجند باشا.....
ده اتاري موضوع الشماسه مستفز كمان عندكم....حركه غبيه فعلا
العفشه...محتش فيها احساسك ده...حاسس انها ناعمه
الثبات على السرعات العاليه...لو قارناها بسيارات من نفس التصميم هتكون احسن....يعنى اكيد احسن من الياريس...لكن مش احسنى من العربيات اللى مبرطعه على الارض....لكن للامانه معمليش مشكله رغم انى بركب وحدي كتير
حكايه القايم الامامي.....الله ينور عليك...ده غتت اوي...انا افتكرته انهارده وانا راجع البيت....عارف ليه؟؟؟
عشان كنت هلبس فى عربيه شاهين ومش شايفها بسببه.....لكن انا متاكد انها هكايه تعود وحذر وبعدين كله هيبقى تمام
بالنسبه للخدوش....حضرتك هو عنده جده معجونين بيحطهم ويقعد يعدي على الخدش بمنديل كده وبترجع حلوه...بس بصراحه معرفش اسمه ايه...بس غالبا هم حبو يدلعونى عشان ده صيانه الالف..
اما لو كان تقشير فى الدهان....فعندهم بردو الالوان...بس اهم حاجه يلاقى نفس درجه اللون....وبيغطي التقشير وبتكون افضل

بالنسبه لابو عبد الله باشا...
انا مع حضرتك العمود موجود فى كل العربيات....بس في السيتى سمكه اكبر من اللازم وقارن وانت هتفهم كلامي

بالنسبه للاستاذ waelsalim
موديل 2008 سعره زاد الف جنيه.....لكن حضرتك 2007 مفهوش بردو لا جنوط ولا abs

بالنسبه للأستاذ وائل....
مدير المبيعات بيكلم حضرتك عن الاستهلاك الامثل....بس ده صعب اوي....لكن 14 او 15 كيلو فى اللتر دى زى الفل...ده اللى معاهم لانسر بيعملوا 10....شايف الفرق

بالنسبه للبشمهندس احمد...
انا لسه مركبتش انذار بس سالت فى التوكيل....قاللى حضرتك ركب عادي بس اهم حاجه ميأثرش على ضفيره الكهرباء.

اما عن شكل السياره....فهي اذواق....بس انا حاسس فعلا ان شكله بالذات من ورا....تحفه
اما عن قطع الغيار.....فكله عارف انه قطع غيار هوندا معمره......وتمنها فيها.....وان شاء الله منحتجش لقطع غيار ابدا باذن الله...وكفانا الله شر الطريق.....

[eng_amrazek]

الف شكر يا باشا على ردك
جزاك الله خيرا
اخبار الفرامل ايه معاك؟؟

[HISHAM80]

تسلم ايدك يا باشا من احلى مواضيع التقييم والف مبروك

[محمدايهاب]

هو التقييم جميل جدا بس مشكلة العربية دي حجتين 1 - التوكيل الغالي 2 - الشكل الخارجي الوحش
أما مميوتها فهي ذي ما حضرتك قلت المحرك و السعر و الoptions
ودي واحده من أربع بنفكر فيهم لأختي ( السيتي 1300- السيراتوهاتشباك - الجين تو - السيريون)
و احتمال ضعيف الإيبيزا

[wafer]

أعتقد ان اسعار قطع الغيار للسيراتو مش رخيصة و الجن 2 برضو السيريون معرفش بس السيتي مش عارف لية ناس كتير معترضا على شكلها

[wafer]

كنت عايز اسأل حضرتك عن الثبات التعيم بيبدا من سرعه كام او من امتا بتحس انها خفت من على الأرض
و يارت كمان حضرتك تقوللى وزن العربة اد إية ؟
و ياريت كمان بعض اسعار قطع الغيار !!انا كدة تقلت اوي معلش :)

[جندى مجند]

بالنسبة لقطع الغيار يا جماعة حتلاقوا قائمة بأسعار بعض قطع الغيار الشائعة فى الموضوع دة:

http://www.nilemotors.net/Forum/viewtopic.php?t=3413

و أسعار قطع الغيار قد تكون أغلى حاجة بسيطة من الياريس لكن يا جماعة قطع غيار هوندا الأصلى معمرة جداً و العربية معايا من أكتر من سنة و الحمد لله مش حاسس انها بتسحب أى مصاريف على الاطلاق و مصاريف الصيانة بتاعتها بسيطة جداً جداً

[AlmAhAtmA]

كنت عايز اسأل حضرتك عن الثبات التعيم بيبدا من سرعه كام او من امتا بتحس انها خفت من على الأرض
و يارت كمان حضرتك تقوللى وزن العربة اد إية ؟
و ياريت كمان بعض اسعار قطع الغيار !!انا كدة تقلت اوي معلش :)

بالنسبه لوزن السيتي 1500 سي سي 1065 كيلو :shock:
انا كل طريقي سفر و بمشي بمتوسط 120 عديها 120 كم
و ما حسيتش خالص ان فيه تعويم مع اني بكون راكب لوحدي
زي ما قال اخويا جندي مجند اسعار قطع الغيار عاديه و في ميزه انها معمره انا عربيتي اوتوماتيك و عامل 32000 و ما غيرتش تيل فرامل مثلا و ده طبعا بيفرق فيه عربيه بتاكل قطع غيار :roll:
و عايز الحق كفايه التوكيل المحترم و الموتور المحترم و الشكل اللي مش عارف ليه مش عاجب الناس

[wafer]

شكرا يا باشا على الرد(AlmAhAtmA) بس 1065 دي خفيخفة اوي صح امال ال1300 وزنها هيبقة كام 950 مثلا
و كنت بارضو عايز اعرف الأوتوماتك 1300 في زراير في الدركسيون ؟؟؟ و كنت سمعت ان الأوتوماتك بيتحول مانيوال؟

[شريف]

الف مبروك وربنا يباركلك فيها ان شاء الله

[usa]

طيب حضرتك قولت انها عالية وفي المطبات كويسة جدا طيب هل ده بيأثر على ثبات العربية
عاوز تقييم على ثبات العربية على الطريق وعلى السرعات العالية

[AlmAhAtmA]

الاوتوماتيك ال 1300 سي سي عادي مش ستيرماتيك زي ال 1500
و هوه ده المقصود بالتحول بين المانيوال و الاوتوماتيك

بالنسبه للثبات كان مشكله السيتي لكن في الموديل القديم
لكن بدايه من نزول الشكل الجديد في ال 1500 سي سي اختفت المشكله دي تماما
و انا مش بواجه اي مشاكل في الاتزان علي السرعات العاليه
و ال 1300 سي سي مبنيه علي نفس القاعده و ما فيهاش اي مشاكل