كما وعدتكم...تقييم شامل عن هوندا سيتي 2008...1.3اوتوماتيك

[Anti_virus_abdo]

القوه: 90 حصان

و ده كلام اكيد و لا زي الياريس ؟؟
معلش اصلي انا اتعقد بعد ما اتصدمت في الياريس

[mohammed tanta]

شكرا علي موضوعك الاكثر من رائع والف مبرووك بس ليل استفسار متعرفش 1500 بكام وتوكيلها فين في الاسكندريه وهل هيا كمان تيلاندي

[dr.mahmoud]

السلام عليكم جميعا
في البدايه احب اشكركم على الموضوع الرائع عن الهوندا سيتي بس ان كان عندي استفسار صغير على الجير بتاعها لانها معروض منها اوتوماتيك على 110 و منها مانيوال على 104 فهل موضوع تغيير السرعات من الدركسيون موجود في النوعين و لا في اوتوماتيك بس لا ني بصراحه مش فاهم الموضوع ده خالص و بالنسبه بردو لسعر 2008 كام على 1500 س س مانيوال و اوتوماتيك
و لكم جزيل الشكر
على فكرة انا كنت محتار جدا بين النترا و اللانسر بس بعد كلامكم ده الواحد ممكن يعيد نظر في الموضوع و اذا اي حد من حضراتكم ليه رأي في الموضوع ده يفيدني فيه رجوكم لاني محتار جداجدا جدا
و لكم جزيل الشكر

[mohaismail]

حضرتك معروض عليك هوندا سيتى 2008 و1500سى سى ازاى ؟
اللى اعرفه ان مفيش 1500 خلاص واللى موجود 1300 مانيوال واوتوماتيك

[AlmAhAtmA]

ال 1500 سي سي تايلاندي و سعرها كان 110 الف
لكن ما اظنش ان فيه منها دلوقتي كل المعروض 1300 سي سي

بالنسبه للستيرماتيك و اللي هوه خاصيه تبديل وضع الجير من الاوتوماتيك للمانيوال موجود في ال 1500 سي سي بس ال 1300 سي سي اوتوماتيك عادي

العربيه دي الصراحه من اكتر الحاجات المحترمه اللي شفتها في حياتي

[dr.mahmoud]

السلام عليكم جميعا
اولا انا مش معروض عليا 2008 و 1500 س س انا كنت بسأل عليها لاني نفسي في 1500 مش 1300 ف دا سبب سؤالي عليها بس واضح من رد حضراتكم انها مش موجوده خلاص يعني مش هتنزل تاني ولا ايه بالظبط يا ريت لو تفهموني النقطه دي
و لكم جزيل الشكر
ثانيا بالنسبه للاخ المهاتما ان متشكر جدا لاهتمام حضرتك و ردك على الخاص اللي اقل ما يقال عنه انه من انسان محترم جدا جدا جدا و لك مني جزيل الشكر

[lovelorn]

ya gama3a ana ma3aya lancer 2007 bs rabena yekfekom shar elli 7asalaha ( da5al feha mashroo3 w hya markona ) , el mohem sa7bi ma3ah city 1500 cc A/T w 3agabetni awy , bs bsara7a lama ro7t ashof model 2008 la2eto 1300 cc bs w mafesh ABS wla 7ata momken te3ali el korsy wla jenooot .. bsara7a 5adt karar eni la yomken afakar eni ageeeb el 3arabya dee mahma 7asaaal w da 3eeeb awy 3la sherkeeet honda enaha tenzel b 3arabeyatha lel mostawa daaa

[mohaismail]

لآ خلاص اللى موجود دالوقتى 1300 سى سى مانيوال واوتوماتيك واعتقد انها غليت سمعت ان المانيوال بقى ب 87000 بس مش متأكد

[Noha.M]

u know i never get bored with that topic cuz actually its very useful
u r doing a great job here

thanks ;) ;)

[Omarmax]

السيتى 1500 فين ولا خلاص

خسارة ان مفيش من العربية السيتى 1500cc لانها بالمواصفات دى والسعر كانت ممتازة......هل هناك دفعة جديدة من الـ 1500 ولا خلاص كده..................يعنى حاجة غريبة يبيعو عربية من نوع معين لفترة وبعدين يوقفوها.....مع ان الموقع بتاع هوندا عارض النوع الـ 1500.....ولعلمكم دى هى مشكلة توكيل الهوندا فى مصر .....لو كان التوكيل بيتبع اسلوب تسويق جيد كان زمان الهوندا فى مصر حالها احسن كتير......حد عنه اخبار اضافية؟

[yshawky]

يا جماعة انا كنت نازل اشتري ياريس بس دلوقتي اللي مكتوب هنا عن العربية خلاني اعيد التفكير.
اولا عايز اعرف ايه نظام الثبات علي سرعات اعلي من 140
ثانيا ايه نظام سعرها عند البيع و هل ليها سوق ولا مش مطلوبة في السوق؟
ثالثا بالنسبة للكماليات في الاوتوماتيك 2008 ماينفعش اركب جنوط في التوكيل؟

[أبو عبدالله]

هو ايه اللي مكتوب على العربيه

بص انا عاوز افهمك حاجه واحده ان العربيات اللي في الفئة دي تقريبا غالبا بتبقى ثباتها مش اد كده على السرعات العالية لأن العربيه بيبقى وزنها خفيف
فده شئ طبيعي
وبعدين الموضوع مش للدرجه اللي انت متخيلها يعني الموضوع أخف من كده مش لدرجه انك تغير رايك في العربيه
العربيه مميزه وحلوه جدا

العربيه طبعا لها سوق وواضح من مبيعاتها وانتشارها كفايه انها من فتره بسيطه الناس كانت بتدور عليها مش لاقياها في السوق كله

[ahmedsamir1979]

السلام عليكم

جزاك الله خيرا علي هذا التقييم الرائع ولكن ...
ليه اسم هوندا سيتي مش مذكور خالص في موقع هوندا ؟!!!!!
هي العربيه دي مصنوعة للدول الناميه بس ولا ايه؟؟؟؟؟؟؟؟
ارجو الافاده وشكرا ...

[hanyathlon]

طيب سؤال .. ال 1300 اتوماتيك تفرق حاجة عن المانوال و لا فرق الفيتيس بس
و لا فرق عدادات كمان ...
وهل الموديل دة المانوال و الاوتوماتك لما تيجى تفتح باب العربية الطابلو بينور لوحدة
و لا لازم تدور العربية
اقصد يعنى ان العدادات كدة كدة بتنور لوحديها حتى لو الصبح ...
و لا دة مش موجود غير فى السيفك و ال 1500
اقصد دة موجود بردوو فى ال1300 الاوتوماتك و المانوال
واية الفرق بظبط بين الاوتوماتك و المانوال

[ADM]

أشكرك على المجهود

سيدى الفاضل لك جزيل الشكر - لكن عندى سؤال لو سمحت هى صحيح صناعة هندى ؟ و كمان وزن العربية كام و الثابات على السرعات اخبارة اية ؟
شكرا مقدما