فرصة : قطع غيار هوندا اصلي و أسعار جامدة و مضمونة

[mrwan]

الاخ احمد الكارتيره موجوده اصلى 250 بدلا عن 297 وتشرفنا ياباشا

[akmalito]

السلام عليكم الاخ الكريم السائل عن علبة دركسيون 92 استيراد1200 جنيه كبالن يابانى450 تايوان260 وبالنسبه للمريات الضم هوندا 500 جنيه بالمفتاح ماسورة التكيف غيرمتوفره حاليا هى وفوانيس الشبوره اما بالنسبه لاسعار هوندا سيفك2002 ياريت تحدد القطع المطلوب اسعارها وساوافيك باسعارها فورا انشاء الله واشكركم جزيل الشكر (مجدى الدسوقى)

أ/مجدى شكرا للرد :) سعر الكبالن ده للجوز ولا ؟ و المرايات متوافره فى اى وقت اجى فيه ولا اقولك قبلها, و دة إستيراد ولا صينى جديد ؟

[dodo_mk]

يا جماعة انا العربية عندى كانت جابت فتيس و روحت للحاج مجدى لاول مرة بجد انا بشكر المنتدى انة ادانا فرصة اننا نتعامل مع ناس محترمة و كويسة فى التعامل زى الحاج مجدى
و بشكر الحاج مجدى على المقابلة الكويسة و على انة وفرلى الفتيس و الحاجه اللى محتاجاها العربية و الله ربنا يكرمة على حسن التعامل
محمود الخطيب
هوندا سيفيك si

[mrwan]

اشكركم جزيل الشكر والسعر شامل 2كوبلن والمرايات استيراد ويمكنك اخبارى بميعاد طلبهم حتى اوفرهم لك واى خدمه ياباشا

[Elvis1935]

كنت عايز اعرف سعر طقم تيل الفرامل يابانى هوندا سيفيك 94 ضرورى علشان نازل اشتريه ...
و لو مرايات عاده استيراد

[waled4u]

انا بمسي ع الحاج مجدى وعايز أسئله عن أسعار علبه الدريكسيون للهوندا 98 خليجى باور جديده وإستعمال خارج وسعر الطمبوره الأماميه ليها شامله البليه وشكرا ليك

[mrwan]

الله يمسيك بالخير ياباشا علبة الدركسيون باور استيراد كامله 1200 جنيه و1500 تايوان والطانبوره الاماميه المانى عدد2 260 والتايوان240 واليابانى380 جنيه اما البليه الواحده120جنيه والتايوان75 جنيه ولااحبذها لك كل الشكر وعلى استعداد للرد على كل تساالتكم

[Elvis1935]

طب حضرتك بترد على المشاركه الى بعدى و انا لا!!!

[tysoon]

بعد اذنك كبالن si 93
فلتر زيت
طقم باكتات
مارش
مساعدين امامى و خلفى
طنابير

[M_Abdallah]

ممكن اعرف سعر كشافات الشبورة للسيفيك 2009 البيضاوي الشكل
مش المستطيلة وبتحتاج دراع ولا مفتاح.

[moi_hi]

السلام عليكم و رحمة الله و بركاتة
استاذ مجدى الدسوقي انا اتصلت بكم اليوم بخصوص فيتس اكورد 1984 اتو ماتيك فارجو الاهتمام بالموضوع لاني من كثرة ما قرات عنك عاوز بصراحة التعامل معكم علشان قليل في هذا الزمن الناس الكوييسن !!!

[dodo_mk]

الاستاذ moi_hi
نصيحة من صديق
متشتريش من الاستاذ مجدى الدسوقى فتيس
و اسأل مجرب و متسألش طبيب
بس التجربة الشخصية بجد خير دليل
انا مش هاتكلم على انى اشتريت فتيس متشال منة كل حاجه
و لا ان فية 2 اولسيل عايزين يتغيروا
بس انا هاتكلم على اسلوب
يعنى لما اشترى فتيس و متكلمش فى فلوسة زى ما قال خد
و اروح للميكانيكى الاقى الفتيس متقلب من كل حاجه قواعد و كل حاجه فى الفتيس
ده حتى الحديده اللى بتسند سلك الكيك داون متشالة منة
و بعدين اكلم مجدى الدسوقى يقولى الحاجه هاجيبهالك منن بورسعيد بكرة بس بفلوس
و قولتلة ماشى ماعترضتش
كلمتة تانى يوم ده الصبح قاللى الحاجه اتبعتت من بورسعيد و هاتوصل على الساعه 4
كلمتة يوميها الساعه 4:30 و مكنش متخيل الاسلوب اللى كلمنى بية
و الله العظيم انا لو بشحت منة الحاجه دى ماكان هايعاملنى كده
بيرد عليا بزعيق و يقولى هى مش قصة و الحاجه مانا قولتلك اتبعتت من بورسعيد و ده مكنش فتيس ده و لو مكانش اصلا فى ماتور مبعوت اصلا من بورسعيد مكنتش الحاجه دى جاتلك
طيب يعنى انا المفروض انى اعرف انها وصلت ازاى
المهم انى قررت بجد من يوميها ان لو وقوف عربيتى متوقف على مجدى الدسوقى فانا مش عايزها
هابيعها خرده
اه بقى بعدها نزلت جيبت الحاجات اللى اصلا المفروض تيجى مع الفتيس
جبتها قطعه من كل حتة
يعنى قاعدة من مكان و القاعدة التانية من حتة تانية خالص و طلع عينى و جبتهم تقريبا بحوالى 800 او 900 جنية
و بعد ما ركبت الفتيس لقيت فية 2 اولسيل عايزين يتغيروا
و مع ذلك و لا كلمتة و لا قولتلة و لا عايز منة حاجة
انا مشكلتى مش فى ده كلة
انا مشكلتى كلها فى الاسلوب
و الله العظيم يا جماعة انا صعبت عليا نفسى من اسلوبة فى التليفون
و اخيرا ده رأى شخصى عن تجربة شخصية منى و من خالد
اللى هوه العضو khaled_rafea
بردو نفس الكلام فى حاجه العفشة اللى جابها منة
اسف انى طولت عليكم

[mrwan]

السلام عليكم على فكره انا فعلا بعت الحاجه حسب الميعاد وانا مانزلتش القاهره نظرا لاصابة احد اصدفائى بجلطه وخلال هذه الفتره قمت بتحويل التليفون على احد العاملين لدى وانا لم يسبق لى ان تحدثت مع احد بهذه الطريقه ولم اطلب منك اى مقابل لهذه الفطع لا اقول لك ذلك لابرر موقف ولكنها الحقيقه واعلم ان اخر شيئ اتكلم فيه الفلوس وارجوك العوده لخالد ليخبرك اننى لم اتوانى فى عمل كل مايرضيه رغم ان من قام باختيار العقشه المستعمله لديه الصنبعى ولبس انا واخيرا ياصديق ان كان هناك مااغضبك منى ويعلم الله انى غير مسئول عنه فانا على استعداد لارجاع الفتيس او عمل اى شيئ يرضيك فانت وللحق رجل محترم وانا لايرضينى باى حال زعلك والحق اقول لك ان اننى لم اقم بتقليب الفتيس فهو يباع بدون قواعد ومع ذلك فانا على استعداد لدفع كل مادفعته ارضاء لك ولاابغى من ذلك شكرى فلم يقل عنى اى احد ماقلته وانا اعتذر وفى انتظار زيارتك او اتصالك مجدى الدسوقى

[khaled_rafea]

السلام عليكم, معذرة يا اخى الحاج مجدى, لكنى لم يكن معى اى صنايعي يختار العافشة, لكن حضرتك ارسلت أحد العمال لديك ليحضرها من أحد المحلات من جيرانك,ثم إن المساعدين بالسوست لا يمكن الحكم عليهم دون التجربة, انا لا ألوم عليك عدم تبديل العافشة لأن ذلك لم يكن إتفاقنا عند الشراء, لكنى أحببت ان انبه باقى الاعضاء انه عند شراء اى شئ مستعمل اتخاذ الحرص الكافى لضمان عدم ضياع حق احد, وذلك اما بالاتفاق على التجربة و السماح بالتبديل او التأكد من كفائة الشئ قبل استلامة

[frontera09]

السلام عليكم و رحمة الله و بركاتة



سمعت انوا سقط متور سيفيك 95 1500 انجكشن أوتوماتيك في أكورد 82 بكل تعديلات القواعد و الفتيس و الضفيرة و حتى طرمبة البنزين بس مكلفة شوية

طيب هو عدل فى قواعد الموتور ولا ركب على القواعد القديمة والتكلفة كلها كام بالضبط
عشان عايز اسقط موتور جديد للاكورد موديل 80