فرصة : قطع غيار هوندا اصلي و أسعار جامدة و مضمونة

[dodo_mk]

عموما يا حاج مجدى انت اللى رديت عليا فى التليفون مش حد تانى
و فى كل الاحوال الموضوع ميستاهلش اعتذار
انت تاجر و انا اشتريت منك حاجه و خلاص
مفيش اللى يستاهل الاعتذار يعنى
بس معلش انا مش هاقدر اكلمك و لا اجيلك
لانى مش هاخد منك حاجه و لا حق حاجه
انا مش اللى فرق معايا الفلوس يا حاج مجدى
انا اللى فرق معايا المعاملة و الاسلوب
و السلام عليكم و رحمة الله و بركاتة

[SAMEH_FOUAD]

ياحج مجدى انت مزعل ناس كتير منك لية كدة احنا عارفين انك راجل ليك سمعة طيبة والناس كلها بتحترمك وبيشكروا فى قطع غيارك وانها ارخص من اسعار التوكيل ,حاول بقدر الامكان ماتزعلش حد منك لان بردة زى لما الواحد بيختار المكان اللى بيشترى منة قطع غيار عربيتة بيبقى بردة اهم حاجة عندة الراحة النفسية وانة يكون مرتاح للشخص اللى بيتعامل معاة مش مجرد واحد بشترى منة حاجة وخلاص فياريت تشوف الموضوع دة وتنبة بردة على الناس اللى شغالة معاك ازاى يتعاملوا مع الزبون لان دية سمعة المحل وياريت تتقبل كلامى وانا عموما جربت واشتريت منك الحمد لله المعاملة كانت كويسة جدا فعشان كدة انا مستغرب

[mrwan]

عزيزى انا لم اتعمد على مدى تاريخى ايذاء احد او التكلم معه باسلوب غير لائق وسبق واشتكى اخى محمد الشامى على الموقع من سوء تعامل العمال بشونة بورسعيد ورغم ان لهم عندى تسع سنوات الا اننى استبدلهم جميعا احتراما لرائيه وايمانا من حرصه على المصلحه وانا بطبعى احترم الصغير قبل الكبير ويجمعنى بكل عملائى الاحترام المتبادل واقبل كل النقد فلست منزه عن الاخطاء اما بالنسبه للاخ دودو لايوجد شيء يكرهنى على الاعتذار لك او الكذب عليك وسواء تعاملت معى او لم تتعامل فلك كل الاحترام والارزاق بيد الله سبحانه وتعالى وانما اردت ان ارضيك حتى لاتكون مبتأس من لا لتشترى من ثانيه لك من كل الاحترام واقول لاخى سمسم اننى لااستطيع ان ازعل احد منى وانت تعاملت معى هل شعرت ولو مره بعدم حرصى او تعاليا عليك انما انا احبانا اقوم بتركيب قطعة الغيار للعميل دون مقابل وان كونت يااخى قد اغتبت احد فانا من هنا اعتذر له وارجو ان تعلم اننى اواجه احيانا استفزاز من بعض الاشخاص واتغاضى عنه ايمانا من ان الزبون صاحب حق واخيرا لكم منى كل الاحترام

[mrwan]

اخى العزيز/خالد انا اقوم بارجاع قطع الغيار المستعمله من عندى اما وقد احضرتها من محل اخر فلن يرضى بارجاعها بعد فتره وخصوصا انها لم تركب امامه وقد يظن اننى اتعمد اظهار بضاعته غير جيده لمصلحه ما من هنا لم ارد ان اضع نفسى فى هذا الموقف واشكر لك توضيحك انهم من مكان اخر وليكن اتفاقك على ارجاع القطعه او استبدالها فى حالة عدم كفائتها مبدأ مريح للجميع وخصوصا ان البضاعه مستعمله وقد لاتبدو حالتهم الا بعد التركيب اشكر اهتمامك للرد واتمنى ان تلفت انتباهى لاى شيء قد تراه ولا اراه والسلام عليكم ورحمة الله وبركاته

[goga1963]

[B]السلام عليكم اخوانى انا اسمى اسامة من الفيوم ومعايا بيجو 504 م 77 ونفسى اركب هوند 93 si بها فتحة سقف ومرايات كهرباء بس جميع الميكانيكية مخوفنى من الهوندا وبيقولولى ان قطع غيارها غالية بس هل هى معمرة واية اللى غالى فيها
واية اللى بيتغير كل شوية بها انا كلمت الحاج مجدى علشان اسالة عن سيارة للبيع بس تكون اتوتوماتيك
ارجو افادتى من جميع راكبى الهوندا وذا كان اى شخص يعرف سيارة حالتها ممتازة ياريت بس اهم شى الحالة
وشكرااااااااااااااااااااااااااااااااااااااااااااا
الرجاء الرد يااخوانى[/B]

[SAMEH_FOUAD]

عزيزى انا لم اتعمد على مدى تاريخى ايذاء احد او التكلم معه باسلوب غير لائق وسبق واشتكى اخى محمد الشامى على الموقع من سوء تعامل العمال بشونة بورسعيد ورغم ان لهم عندى تسع سنوات الا اننى استبدلهم جميعا احتراما لرائيه وايمانا من حرصه على المصلحه وانا بطبعى احترم الصغير قبل الكبير ويجمعنى بكل عملائى الاحترام المتبادل واقبل كل النقد فلست منزه عن الاخطاء اما بالنسبه للاخ دودو لايوجد شيء يكرهنى على الاعتذار لك او الكذب عليك وسواء تعاملت معى او لم تتعامل فلك كل الاحترام والارزاق بيد الله سبحانه وتعالى وانما اردت ان ارضيك حتى لاتكون مبتأس من لا لتشترى من ثانيه لك من كل الاحترام واقول لاخى سمسم اننى لااستطيع ان ازعل احد منى وانت تعاملت معى هل شعرت ولو مره بعدم حرصى او تعاليا عليك انما انا احبانا اقوم بتركيب قطعة الغيار للعميل دون مقابل وان كونت يااخى قد اغتبت احد فانا من هنا اعتذر له وارجو ان تعلم اننى اواجه احيانا استفزاز من بعض الاشخاص واتغاضى عنه ايمانا من ان الزبون صاحب حق واخيرا لكم منى كل الاحترام

ياحج مجدى انا عارف والله ان حضرتك معاملتك كويسة جدا وانا بتكلم على معاملتى انا وعلى فكرة انا جيبت منك حاجات قريب جديدة وانا اللى مختارها وطالبها بالاسم الكلمة اللى انت قولتهالى كل مرة ركبها ولو معجبتكش هاتها اغيرهالك فانا بردة مستغرب من اللى حصل للاخ محمود الحطيب .لانة اخ عزيز عليا واعرفة وكذلك الاخ خالد بردة فانا اكيد لما اسمع كدة اكيد هضايق ومش بس عشان قطع الغيار لأ لسؤ الاسلوب واكيد بردة هما مش هيكدبوا فياريت حضرتك تتابع الموضوع دة وانا بردة على فكرة قابلت شخصين عندك فى المحل او تلاتة تقريبا الصراحة قمة فى الادب والاحترام وحسن التعامل

[mrwan]

يا سمسم والله لم يحدث وانا لو مش حريص مش هاتابع اللوم وهاكبر دماغى بس لازم تعرف انه صعب جدا الناس تتفق على حاجه واحده وانت عارف ان فيه ناس كتير زعلانين لانى فتجت فى القاهره واعتبروها منافسه لهم وهذا ايضا غير صحيح فانا لى اكثر من عشرون عاما بالهوندا وانت تعالى وتاكد بنفسك ان حاجة محمود موجوده واسأله لما جه يحاسب على 2كوبلن داخلى استيراد مع الفتيس هل انا حاسبته وبعدين احنا بنتكلم فى فتيس مستعمل عمره 15 سنه ورغم عن ذلك هل الفتيس تالف لا طبعا اما اويل سيل تالف لايعيب الفتيس والقواعد لا تاتى مع الفتيس ايضا لكنه احتاجها نظرا لان الفتيس احدث من الذى عنده وعليه احتاج قواعد والا كان ركب قواعده القديمه رغم كل ذلك فانا يعز عليا زعل محمود وقدمت له اعتذار ولم يقبله الرجل فماذا انا فاعل وانا مازلت اتابعه والله ليس طمعا فى شغل وانت تعرف ذلك ولكن لارضائه وانا من خلالك ارجو ان ترى الطريقه المناسبه لارضائه ومعك كل الصلاحيات نيابه عنى

[M_Nabil]

عداك العيب يا حاج مجدى في الكلام ده والأستاذ محمود برضه معذور في اللى حصل أكيد اى حد مكانة لن يقبل هذه المعاملة والأسلوب وطريقة الكلام وهتعز عليه نفسه وان حدثة دون قصد لعدم معرفته بشخصك والله اللى يعلم بأحوال الناس وربنا يقدم اللى فيه الخير للجميع.
كان ليه سؤال عن سعر الشبكة الأمامية لسيفيك 97 وأيضاً الكبوت عشان يمكن أغيرهم لو منفعش يتصلحو وشكراً

[mshamy]

كان ليه سؤال عن سعر الشبكة الأمامية لسيفيك 97 وأيضاً الكبوت عشان يمكن أغيرهم لو منفعش يتصلحو وشكراً

إيه اللي حصل يا متر؟ خير إن شاء الله؟
تخييشة من بتوع القاهرة برضه؟

[dodo_mk]

السلام عليكم
يا حاج مجدى انا قلت لحضرتك مفيش اى شىء يدعو للأعتذار
و حصل خير و كفاية حرصك الشديد على ارضاء عملائك
و مفيش حاجه
الموضوع منتهى
انا مش محتاج حاجه علشان ترضينى
انا زى ما قلت لحضرتك انا اللى كان مزعلنى الاسلوب و قدام حرصك ده لارضائى انا مقدرش ابقى زعلان
و عموما حصل خير
و شكرا

[mrwan]

حصل خير والحمد لله بخصوص الكبوت الاستيراد 96 400 والشبكه 100 وهذه القطع ببورسعيد ويمكنك معاينتها على الطبيعه واختيار اللون المطلوب وشكرا على الاهتمام

[M_Nabil]

إيه اللي حصل يا متر؟ خير إن شاء الله؟
تخييشة من بتوع القاهرة برضه؟

لأ دى بوسة كدة على خفيف والعربية راكنة والحمد لله، نزلت الصبح لقيتها مخبوطة وحته من الشبكة أتكسرت والكبوت جزء منه أطبق بس على خفيف في الغالب يترد عند السمكرى بس لسه مرحتش أشوف هاتتعمل كويس وهتتكلف كام أصل أنا موعود أتخبط وأنا راكن :))

حصل خير والحمد لله بخصوص الكبوت الاستيراد 96 400 والشبكه 100 وهذه القطع ببورسعيد ويمكنك معاينتها على الطبيعه واختيار اللون المطلوب وشكرا على الاهتمام

شكراً لرد يا حاج مجدى

[mshamy]

لأ دى بوسة كدة على خفيف والعربية راكنة والحمد لله، نزلت الصبح لقيتها مخبوطة وحته من الشبكة أتكسرت والكبوت جزء منه أطبق بس على خفيف في الغالب يترد عند السمكرى بس لسه مرحتش أشوف هاتتعمل كويس وهتتكلف كام أصل أنا موعود أتخبط وأنا راكن :))

أخويا ايضا من سكان القاهرة
حصل معاه نفس الفيلم بكل مشاهدة

حتى انا شاكك ان اللي خبطكوا انتوا الأثنين نفس الشخص

[goga1963]

[B]السلام عليكم اخوانى انا اسمى اسامة من الفيوم ومعايا بيجو 504 م 77 ونفسى اركب هوند 93 si بها فتحة سقف ومرايات كهرباء بس جميع الميكانيكية مخوفنى من الهوندا وبيقولولى ان قطع غيارها غالية بس هل هى معمرة واية اللى غالى فيها
واية اللى بيتغير كل شوية بها انا كلمت الحاج مجدى علشان اسالة عن سيارة للبيع بس تكون اتوتوماتيك
ارجو افادتى من جميع راكبى الهوندا وذا كان اى شخص يعرف سيارة حالتها ممتازة ياريت بس اهم شى الحالة
وشكرااااااااااااااااااااااااااااااااااااااااااااا
الرجاء الرد يااخوانى[/B]

[a7m8n]

هوندا سيتى

حج مجدى مفيش اخبار عن جنوط هوندا سيتى الجديده او اى كماليات انا لسه مستنى على فكره