مفيش حد معاه سيفيك 92 ؟ او 93 , 94

[Elvis1935]

بس عموما يا جماعه بعيد عن المنطقه الحره و الملاكى انا حبيبت اشارك بصوره العربيه و اعرف رايكم فى نظافتها

[saaayed]

السلام عليكم
أنا عندي هوندا سيفيك 93 كاملة مانيول موتور 1500cc
لونها كحلي بها فرش جلد ورش خارج فقط
دواخل فابريكة بها رخصة سنتين
التكبف على الشحن
السيارة خليجي
أنا عايز فيها 48000 جنية مصري
السيارة بالأسكندرية نمر جديدة
بها أنذار spy بشاشة
من عندة نية للشراء برجاء المراسلة على
ahmed.elsayed@eg.sika.com

لكم منا جزيل الشكر
السيدأحمد

[SAMEH_FOUAD]

هى اية الفرق بين الخليجى والى فى مصر sir

اصلا مافيش SIR بتنزل مصر كلة استيراد الخارج

وبجد ياجماعة انتوا بتتكلموا على عربية افضل من عربيات جديدة زيرو
ومايهمكوش حكاية فرق الموديل انت عندك اى عربية زيرو دلوقتى بتقعدلها سنتين بدون مشاكل حقيفة وبعد كدة توقع منها اى حاجة وانا عن نفسى كان قدامى لانسر والنترا وسيارات تانية بنفس الفئة السعرية او اغلى بكام الف وبعد التجربة ورغم فارق الموديل اخترتها والغريبة انى بردة سوقت
انا سوقت السيفيك 2001و2005 وسيتى 2007 وفضلت الsir مع فارق بسيط فى السعر مابينها وبين 2001 ونفس السعر للسيتى يمكن كمان السيتى كانت ارخص منها
وفية حاجة بقى مهمة جدا جدا اوبشن العربية نفسها
يعنى فيها :تكيف -باور-سنتر-ازاز كهرباء للاربع ابواب بضغطة زرار واحدة بالنسبة للباب السائق مع قفل مركزى للتحكم فى الزجاج من بقية الركاب-فتحة سقف كهرباء-abs-ebd-2 air bag اختيارى وبعض الموديلات تجهيز اساسى
كاسيت سى دى -التحكم فى مستوى اضاءة نور التابلوة -وبعض الموديلات فيها التحكم فى مستوى ضبط ارتفاع الفوانيس الامامية -نور استوب علوى -جنوط 15 بوصة -عتب رياضى-امكانية طى المقاعد الخلفية لتكبير حجم الشنطة-تابلوة شيك مبطن بجلد كامل -ابواب من الجلد-عجلة قيادة ثلاثية الاذرع من الجلد مع علامة هوندا من الكروم -مرايات كهرباء وفى بعض الموديلات بتنزل ضم -ساعة رقمية led -عجلة قيادة يمكن ضبط ارتفاعها -كراسى يمكن ظبطها فى اربع اتجاهات-طفاية امامية مع نور-وطفاية خلفية -مسند امامى للسائق -ومسند خلفى -حامل اكواب-اماكن تخزين عديدة -درج التابلوة يوجد فية تلاجة مع تشغيل التكيف لابقاء المشروبات بدرجة حرارة باردة
شوفوا كل دة اوبشن وممكن اجيبلكوا تانى لو فاكر وصدقونى كل دة شغال وبكفائة كاملة ,ياجماعة سيارات هوندا سابقة جيلها ب10 سنين وخصوصا الموديل دة
اهم حاجة اللى بيجيب يختار عربية صح ومايتعبش ,واللى بيقول تعبت والله الهوندا فعلا عربية اى حاجة بتتعمل فيها ركبها وانساها انا ماردتيتش ادخل فى تفاصيل العفشة والمماتور عشان دول موال تانى لوحدة

[hamada911]

السلام عليكم و رحمة الله و بركاته

اخي العزيز هذه اول مشاركه لي في المنتدي و عندي سؤال ارجوا سرعة الرد عليه و افادتي جزاك الله عني خيرا .

انا عايز اشتري سياره اليومين دول و معروض امامي سيارتين و محتار كتير بينهم .
الاولي بيجو 206 موديل 2001 موتور 1200 سي سي و هي زجاج كهرباء و تكييف و باور و سنتر و لونها احمر ميتالك و حالتها ممتازه .

و السياره التانيه هوندا سيفيك 1994 ex فو اوبشن و اتوماتيك و لونها اسود و فابريكه بره و جوه و صاحبها بيقول انها عامله 61000 كيلو و انها كانت مرفوعه لفتره طويله و الدهان الخارجي بتاع الفابريكه .

مع العلم ان البيجو معروضه ب 35000 جنيه و الهوندا ب 40000 جنيه ارجوا النصيحه .

و شكرا

[khaled_rafea]

انا حرد على حضرتك بخصوص الهوند, السعر بتاعها كده كويس جدا, و حالتها لو زى مبتقول تبقى ممتازة جدا, اكشف كويس عليها واتأكد ان مفيش لعب فى الشاسيه والدواخل, مشكله الموديل ده ان تكييفه ضعيف, برده جرب التكييف فى الحر وشوف كفائته قبل ما تشترى, وتوكل على الله, العربيه دى بجد محترمه اوى

[hamada911]

شكرا علي سرعة الرد
و ارجوا منك ان تقول لي فين اكشف عليها بالظبط . و ماذا تقصد بأن الموديل ده تكييفه ضعيف ؟؟؟؟؟

و شكرا ..,,

[khaled_rafea]

تحت امرك, تكشف عليها فى كذا مكان, ممكن بنزينة موبيل اللى فى عباس, ممكن سمكرى و ميكانيكى حبايبك و تكون واثق فيهم 100 100, وممكن التوكيل مع انه مكلف جدا, بس متهملش فى موضوع الكشف لأن سعرها يقلق كده لو حالتها بالشكل ده, بالنسبه للتكييف فهو مش زى العربيات الحديثه(زى الفرنا مثلا تلاجة) يمكن ميعجبكش تسقيعه يعنى, جربه الاول برده

[hamada911]

شكرا يا مان علي المعلومات الجامده دي

بس انت لسه ما قلتش اخد الهوندا لو طلعت بنفس المواصفات و الحاله و لا اخد البيجو لو انت مكاني و بأمانه هتاخد ايه ؟؟؟؟

[khaled_rafea]

انا اساسا معايا هوندا أختها بس موديل 93, و بعدين انت بتقارن بين حاجتين ملهمش علاقه ببعض, عربيه صغيره مانوال وعربيه كبيره عائليه اوتوماتيك, انا مليش فى البيجو , بس موديلها عالى و عربيه حلوه طبعا, الهوندا تقيله, و راسيه شوية, اعتقد ان ال206 مرنه اكتر , تنفع اكتر للغرز و الجرى ده لو مانوال, وفى الاخر دى حاجه ترجع لمزاجك و زوقك الشخصى

[SAMEH_FOUAD]

قطع غيار البيجو 206 غالية جدا واغلب حاجاتها مش موجودة وسعرها بيقع كل فترة ودة سوق الفرنساوى عندنا فى مصر
السيفيك كويسة بس دورلك على واحدة si 1600 سى سى فول اوبشن هتلاقى نفسك راكب عربية تانية خالص ثبات وفرامل وتحكم وشكل والاهم من دة كلة ماتور 1600 سى سى 2 كامة 125 حصان بيجيب 200 كيلو مستريح وبيوصل لحد 215 دة غير بقى اهم حاجة قطع الغيار المعمرة جدا واللى بتركبها بس عيبها انها واطية يعنى لو بتسافر فى محفظات فيها شوارع مكسرة مانصحكش بيها وخلى بالك قطع غيارها بردة غالية وبتنساها بعكس البيجو

[ahmed_khalil]

قطع غيار البيجو 206 غالية جدا واغلب حاجاتها مش موجودة وسعرها بيقع كل فترة ودة سوق الفرنساوى عندنا فى مصر
السيفيك كويسة بس دورلك على واحدة si 1600 سى سى فول اوبشن هتلاقى نفسك راكب عربية تانية خالص ثبات وفرامل وتحكم وشكل والاهم من دة كلة ماتور 1600 سى سى 2 كامة 125 حصان بيجيب 200 كيلو مستريح وبيوصل لحد 215 دة غير بقى اهم حاجة قطع الغيار المعمرة جدا واللى بتركبها بس عيبها انها واطية يعنى لو بتسافر فى محفظات فيها شوارع مكسرة مانصحكش بيها وخلى بالك قطع غيارها بردة غالية وبتنساها بعكس البيجو

كلامك كله صح و جميل يا سمسم باشا ما عدا اخر كلمتين دول
انا انصحه بالسيفيك لاكتر من سبب اول حاجه ان ال 206 صغيره كداا من جوا و ماكملتش 1200 CC فا مش هاتسعفه لو كان متجوز او عايز يسافر و الكلام ده لكنها عربيه عمليه كدا جوا البلد
صيانتها هيا هيا السيفيك مش اى حد يلعب فى العربيه
قطع الغيار موجوده مش نادره ولا متوفره
تكييف عادى مايل للضعيف
توكل على الله و هات سيفيك بس خليك فى ال 1600 احلى بكتيير

[SAMEH_FOUAD]

كلامك كله صح و جميل يا سمسم باشا ما عدا اخر كلمتين دول
انا انصحه بالسيفيك لاكتر من سبب اول حاجه ان ال 206 صغيره كداا من جوا و ماكملتش 1200 cc فا مش هاتسعفه لو كان متجوز او عايز يسافر و الكلام ده لكنها عربيه عمليه كدا جوا البلد
صيانتها هيا هيا السيفيك مش اى حد يلعب فى العربيه
قطع الغيار موجوده مش نادره ولا متوفره
تكييف عادى مايل للضعيف
توكل على الله و هات سيفيك بس خليك فى ال 1600 احلى بكتيير

اصلى المشكلة اننا مجربين عربيتين 307 موديل 2007 واحدة ماكملتش 600 كيلو وغيرت بوابة
وبعديها بالف كيلو تم تغير بلف الاتوماتيك وقالوا فى التوكيل ان البلف دة بيبوظ كل فترة والعملية دية اتكلفت 3500 جنية قطع غيار بس دة غير حاجاتها الغالية جدا
نيجى بقى لل206 الميكانيكى بتاعى بيصلحها طالع عين صاحبها فى قطع الغيار دة غير سعرها اللى شاريها بية وفجأة لاقها بسعر تانى خالص فأنا بقولك الفرنساوى من بعد موديلات 2000 اتقلب حالة وبقى غير معمر نهائى ودة عن تجربة لما سيارة 307 يتغيرلها كبالن مرتين فى سنة ونصف والاتنين من التوكيل دة يبقى اية
وبردة الهوندا حاجتها غالية بس معمرة جدا جدا ويعتمد عليها فعلا

وانا مش بعيب فى البيجو ولا حاجة بالعكس انا بحب البيجو جدا قبل موديلات 2000 بعد كدة خلاص

سعدت وتشرفت بمعرفتك ياباشا واهلا بيك فى قسم هوندا

[ahmed_khalil]

اصلى المشكلة اننا مجربين عربيتين 307 موديل 2007 واحدة ماكملتش 600 كيلو وغيرت بوابة
وبعديها بالف كيلو تم تغير بلف الاتوماتيك وقالوا فى التوكيل ان البلف دة بيبوظ كل فترة والعملية دية اتكلفت 3500 جنية قطع غيار بس دة غير حاجاتها الغالية جدا
نيجى بقى لل206 الميكانيكى بتاعى بيصلحها طالع عين صاحبها فى قطع الغيار دة غير سعرها اللى شاريها بية وفجأة لاقها بسعر تانى خالص فأنا بقولك الفرنساوى من بعد موديلات 2000 اتقلب حالة وبقى غير معمر نهائى ودة عن تجربة لما سيارة 307 يتغيرلها كبالن مرتين فى سنة ونصف والاتنين من التوكيل دة يبقى اية
وبردة الهوندا حاجتها غالية بس معمرة جدا جدا ويعتمد عليها فعلا

وانا مش بعيب فى البيجو ولا حاجة بالعكس انا بحب البيجو جدا قبل موديلات 2000 بعد كدة خلاص

سعدت وتشرفت بمعرفتك ياباشا واهلا بيك فى قسم هوندا

ربنا يكرمك
مفيش ادامك vti 97 ؟؟؟؟

[SAMEH_FOUAD]

ربنا يكرمك
مفيش ادامك vti 97 ؟؟؟؟:oc_sun1[1]:

لو حاجة وقعت قدامى هقول لحضرتك

[ahmed_khalil]

لو حاجة وقعت قدامى هقول لحضرتك

لا يا باشا انا بهزر بس
تشرفت بمعرفتك