لماذا انتصرت هوندا سيتي 2009 علي هؤلاء !!!

[حماده المصري]

والله انا شايف ان صاحب الموضوع مبالغ في السيتي جدا وجاي على كل العربيات التانيه

موتور 1.5 بيولد قوه اكبر من كل المواتير ال 1.6 طب ازاي..؟؟؟؟

ده الكورولا صارووخ والنترا وسيراتو صواااريييييييييخ فعلااا

اتفرج على تسارع السيتي الجديده في اليوتيوب هتعرف انه اقل منهم بكتيير

واساسا ظلم انك تقارن 1.5 ب 1.6 عشان اسم هوندا ده مستحييل

السيتي موتورها تقريبا 120 هورس لوحده انما على العربيه يقل ل 100 واقل كمان وده المعدل الطبيعي لمواتير 1.5 ف اخرك تقارنها بالتسارع مع ال 1.5 زي لانسر و سوبارو وحط معاهم كمااان المازدا 3 عشان تقيله وموتورها 1.6 صحيح بس مصنوع للجري

----------------

الثبااات دلوقتي ازاي اقارن فئه اقل ب فئه اعلى

دلوقتي فئه السيتي دي فئه صغيره للمدينه وباين من اسمها حتى وكل العربيات الي في فئتها كمقارنه هتبقى نيو اكسنت يارس نيو ريو سوزوكي سويفت مثلا كل الفئات الصغيره

في الحاله دي السيتي تطلع ثابته عنهم طبعا هوندا بدون منازع

وصحيح انا مجربتش السييتي الجديده بس هي عموما مش هتبقى افضل من المازدا او الكورولا في كل الاحوال ممكن تبقى قريبه ثباتها من النترا مثلا انما عمرها ما هتتفوق عليهم مستحيل

وبالنسبه للعفشه ف ركبت السيفيك الجديده عفشتها ناشفه جدا يتقال عليها حجر وبرضو هي ثابته جدا ف اكييد السيتي مش هتكون مختلفه عن كده اوي هتبقى عغشه ناشفه برضو بس ثبات اقل شويه
وكان في برضو موضوع عن السيتي هنا صاحبها قال انها بتتنطط في المطبات


وفي النهايه انا مش بكره هوندا تماما بس كل عربيه لازم تاخد حقها فعلا وحراام نقارن فئه عربيات صغيره ب فئه اعلى منها احنا كده بنظلم السيارتين وحتى لو حبينا نقارن نقارن في نقاط معينه مش مقارنه عامه

واتمنى نتحرى الدقه وكلامنا يكون عن تجربه عشان منديش معلومات غلط للناس

[eng.octooo]

السيتى حلوة جداااااااا بس لو تنزل بجنوط وشوية حاجات وفتحة سقف هاتبقى شبابية روعة

[abo samra]

Auto Jazz | تجارب قيادة | هوندا سيتي 2009
الموضوع منقول

[CryptonX]

ثاني سبب مخليها مش منتشري زي حتى اختها الاكبر السيفيك . الا وهي انها مش تقفيل ياباني .

الحقيقة ده سبب مش مقنع قوى لأن كل شركة من شركات السيارات دلوقتى مخصصة مصنع معين لكل طراز ومنه بتصدر العربية لكل اسواق العالم ومنها هوندا اللى مخصصة خط الانتاج فى مصنعها بتايلاند لطراز السيتى فقط

وكمان زى تويوتا مثلا كورولا فى جنوب افريقيا والافينسيس فى انجلترا والايكو فى فرنسا وهكذا

وده عشان توفر تكاليف الانتاج فى اكتر من مكان بالعالم وفى الاول والاخر انت بتركب عربية made in honda
والعملية كلها خط تجميع مش تصنيع يعنى مجرد تقفيل العربية وده ما يقللش من جودة العربية لأن فيه معايير جودة ومراقبة انتاج وكلام كبير علينا مش موضوعنا دلوقتى

حضرتك مفمهتش قصدي .. انا مش بقول ان ده انا عيب بقوله علي السيارة , انا بتكلم بطريقة تفكير المستهلك المصري ( معظم الاحوال ) .

[محمد عز]

انا جربت معظم (هؤلاء) المازدا - الكورولا ......

بس صدقا اركب (هؤلاء) واركب السيتى هتحس بفرق كبير

الخامات الداخليه من تابلوه وتقفيل وفخامه...... الحقيقة انت مبالغ جدا فى وصفك طب لو شفت خامات المازدا والكورولا هتقول عليهم ايه؟؟؟؟

السيتى كعربيه معمرة وموفرة لا غبار عليها زيها زى الياريس

[Youssef.Awad]

حضرتك مفمهتش قصدي .. انا مش بقول ان ده انا عيب بقوله علي السيارة , انا بتكلم بطريقة تفكير المستهلك المصري ( معظم الاحوال ) .

مع حضرتك فى اللى بتقوله
بس آن الاوان ان المستهلك المصرى يعرف المعلومات اللى بنتكلم فيها دى ونرتقى باختياراتنا وارائنا مش كلام بيتردد وخلاص لا اساس له من الصحة
والا نفضل طول عمرنا نركب ماركات بعينها فيات - مرسيدس - دايو - هيونداى و.....غيرها

[nab!l]

الهوندا سيتي عربية جميلة جدا ......... كعربية مُدن .........
و لو قارنت الهوندا سيتي بالسيفيك ............ مثلا ....... مش هاتقول أن السيتي هوندا إلا الموتور بس .

العربية تصميمها الخارجي مش ظريف ....... مش ثابتة زي ما عودتنا هوندا .............
و أنا شايف أن هوندا برضه مش بتكدب على الناس ...... و حتى سموها سيتي ......... يعني عربية مدن بالأساس و معمولة علشان توفير البنزين و الأداء المعقول القوي لمحرك صغير .

و لكن مايزال سعرها غالي جدا ..........

و لا وجه للمقارنة أصلا مع اللانسر مثلا البومة 1600 ...... أو السيراتو ......... أو المازدا 3 .

لأن فيه حاجات تانية زي الثبات اللي أقل في السيتي و أعلى في الفئات التانية اللي موجودة في السوق .



على فكرة تايلاند أصلا مش بلد صناعة عربيات و بالتالي مينفعش أقول أن تقفيل تايلاند أحسن من تقفيل كوريا
خصوصا أن كوريا عملاق صناعة عربيات ........ يعني مش بلد لسة طالعة النهادرة .

بس برضه أنا مقتنع تماما أن السيتي هاتكون تقفيل ممتاز علشان هي تبع هوندا مش علشان هي متقفلة في تايلاند .

و ربنا يبارك لك في العربية و هي فعلا سيارة ممتازة ...........

كلام زى الفل

[nab!l]

والله انا شايف ان صاحب الموضوع مبالغ في السيتي جدا وجاي على كل العربيات التانيه

موتور 1.5 بيولد قوه اكبر من كل المواتير ال 1.6 طب ازاي..؟؟؟؟

ده الكورولا صارووخ والنترا وسيراتو صواااريييييييييخ فعلااا

اتفرج على تسارع السيتي الجديده في اليوتيوب هتعرف انه اقل منهم بكتيير

واساسا ظلم انك تقارن 1.5 ب 1.6 عشان اسم هوندا ده مستحييل

السيتي موتورها تقريبا 120 هورس لوحده انما على العربيه يقل ل 100 واقل كمان وده المعدل الطبيعي لمواتير 1.5 ف اخرك تقارنها بالتسارع مع ال 1.5 زي لانسر و سوبارو وحط معاهم كمااان المازدا 3 عشان تقيله وموتورها 1.6 صحيح بس مصنوع للجري

----------------

الثبااات دلوقتي ازاي اقارن فئه اقل ب فئه اعلى

دلوقتي فئه السيتي دي فئه صغيره للمدينه وباين من اسمها حتى وكل العربيات الي في فئتها كمقارنه هتبقى نيو اكسنت يارس نيو ريو سوزوكي سويفت مثلا كل الفئات الصغيره

في الحاله دي السيتي تطلع ثابته عنهم طبعا هوندا بدون منازع

وصحيح انا مجربتش السييتي الجديده بس هي عموما مش هتبقى افضل من المازدا او الكورولا في كل الاحوال ممكن تبقى قريبه ثباتها من النترا مثلا انما عمرها ما هتتفوق عليهم مستحيل

وبالنسبه للعفشه ف ركبت السيفيك الجديده عفشتها ناشفه جدا يتقال عليها حجر وبرضو هي ثابته جدا ف اكييد السيتي مش هتكون مختلفه عن كده اوي هتبقى عغشه ناشفه برضو بس ثبات اقل شويه
وكان في برضو موضوع عن السيتي هنا صاحبها قال انها بتتنطط في المطبات


وفي النهايه انا مش بكره هوندا تماما بس كل عربيه لازم تاخد حقها فعلا وحراام نقارن فئه عربيات صغيره ب فئه اعلى منها احنا كده بنظلم السيارتين وحتى لو حبينا نقارن نقارن في نقاط معينه مش مقارنه عامه

واتمنى نتحرى الدقه وكلامنا يكون عن تجربه عشان منديش معلومات غلط للناس

مش عارف اقول ايه بعد كلامك

[nab!l]

صاحب السيتى مبالغ فيها بس كان قبل مايقول الكلام ده كان يقرا تقرير عنها هنا مش فاكر مين اللى كان عامله
انا لما لاقيته بيقول الموتور 1.5 احسن من العربيات التانيه اللى نازله 1.6 ضحكت ع الككلام ده طب ازااااااااااى افهم ؟
العربيه شكلها ملوش لزمه
موتور1.5(تقرير هنا صاحب العربيه معرفش يجيب اكتر من 160 بالتكييف طب التويوتا 1300 بتجيب 170 ودى 1500 اقول ايه مش عارف )
اعرف واحد معاه لادا لما حب يجيب عربيه حديثه جاب رمى فلوسه فى السيتى ولما عرفنا السبب قال عشان اسمها هوندا طب اقول ايه لده كمان)
صاحب العربيه هنا كان ناقص يقول انها احسن من السيفيك كمان وكلامه انها احسن من الكورولا والسيراتو ههههههههههههههههههههههههههه
انا لو هركب هوندا يبقى السيفيك
م الاخر سيارة فاشلة وبكره تتاكدو من كلامى

[spiderbaz]

صاحب السيتى مبالغ فيها بس كان قبل مايقول الكلام ده كان يقرا تقرير عنها هنا مش فاكر مين اللى كان عامله
انا لما لاقيته بيقول الموتور 1.5 احسن من العربيات التانيه اللى نازله 1.6 ضحكت ع الككلام ده طب ازااااااااااى افهم ؟
العربيه شكلها ملوش لزمه
موتور1.5(تقرير هنا صاحب العربيه معرفش يجيب اكتر من 160 بالتكييف طب التويوتا 1300 بتجيب 170 ودى 1500 اقول ايه مش عارف )
اعرف واحد معاه لادا لما حب يجيب عربيه حديثه جاب رمى فلوسه فى السيتى ولما عرفنا السبب قال عشان اسمها هوندا طب اقول ايه لده كمان)
صاحب العربيه هنا كان ناقص يقول انها احسن من السيفيك كمان وكلامه انها احسن من الكورولا والسيراتو ههههههههههههههههههههههههههه
انا لو هركب هوندا يبقى السيفيك
م الاخر سيارة فاشلة وبكره تتاكدو من كلامى

اولا في طريقة احسن للرد عن الموضوع عن طريقة حضرتك
و انا مقلتش لسيادتك اني بجبر حد بوجهة نظري
الموضوع في الاول و الاخر عربية جبتها و نقلت جهة نظر ربما اخطات او اصبت
لكن للاسف طريقة ردك جعلتني اندم علي عمل مواضيع اخري في هذا القسم

شكرا ليك

[Ahmed R08]

لماذا انتصرت هوندا سيتي 2009 علي هؤلاء !!!

انا اسف انا مش مقتنع بالعربيه دى خالص

[nab!l]

انا اسف انا مش مقتنع بالعربيه دى خالص

نفس الراى

[Ahmed.TV]

وبعدين يا جماعة الراجل نقل وجهة نظره باحترام ورد على كل الناس باحترام ياريت بعد اذنكم يكون الرد بصورة مشرفة وبلاش تحيزات قاتلة تشدنا لردود تزعلنا من بعض لان كل واحد منا بيعرف يرد وبكذا صورة , بس مفيش غير صورة واحدة بجتمع عليها وهى احترام الراى والراى الاخر ونتكلم بذوق مع بعض وبصورة تعاونية لاى حد جديد , والعملية مش مسالة حرب , والعربيات فى الشارع ونقدر نحكم بطريقة عملية اكتر ونشوف عربيات الهوندا سواء سيفيك او سيتى عاملة ازاى وماشية ازاى , فبلاش نجرح فى بعض بالردود
ما انا مش مقتنع تماما بالسيراتو ومش مقتنع بعربيات اخرى كتيرة , ودخلت وعبرت عن راى باحترام وبصورة الحمد لله مش خلت حد يزعل منى فى الرد
وبردوا الهوندا فى وجهة نظرى المتواضعة عربية ممتازة وان يعيبها فقططططط هو اسعار قطع الغيار الغالية بتاعت هوندا فقط لاغير وعربيات الهوندا كلها ماتورها محترم على مر السنين سواء السيفيك او السيتى اللى طالعة جديدة من 2005 او من 2004 تقريبا قليل اللى اشكتى منها وانا عن نفسى سوقت عربية سيتى ماتور 1300 كان جبار جدااااا واحسن من الانسر 1300 نفسه وسحبها وادائها ممتاز بالتكيف وبعدين خامات تقفيل تايلند فى العربية ممتازة واقدر اديها تقدير جيد جيدا وبعدين تقفيل العربية من الداخل وخاماتها افضل من عربيات فى نفس الفئة السعرية ومنها السيراتو , وغير كدا لم ماتور 1500 سى سى بيعطينى قوة قربة من قوة ماتور 1600 وبيوفر بنزينمعايا وتصارعه ممتاز يبقا حعوز ايه اكتر من كدا
وبعدين انا مش حكاية بشترى اسم هوندا وخلاص لان بصراحة هوندا عمرها ما عملت حاجة مش كويسة وحتى الجديد فى المواتير منها متطور وسابق اللى حواليه يعنى مش منزلين مواتير قديمة عندهم او وحشة ومش متطورة عشان نقول اصل احنا بنشترى سمعة بس
لا بنشترى اه سمعة فعلا على مر الزمن عملى قدام عنينا وبنشترى ماتور محترم جدااااااااا وقوى جدا وخامات ممتازة وتقفيل ممتاز وبشترى قطعغيار معمرة وقوية وتوكيل محترم مع انه غالى بس كل الناس عارفة كويسة توكيل هوندا فيه احسن الاجهزة ومهندسين عالين جداااااا فى الصيانات

بلاش عشان اننا متحيزين لعربية معينة ندخل وندبح فى العربية ولو حبينا ننقل وجهة نظر يبقا ننقلها بصورة محترمة شوية عشان مش نجرح فى بعض
ولا حول ولا قوة الا بالله

[nab!l]

اولا في طريقة احسن للرد عن الموضوع عن طريقة حضرتك
و انا مقلتش لسيادتك اني بجبر حد بوجهة نظري
الموضوع في الاول و الاخر عربية جبتها و نقلت جهة نظر ربما اخطات او اصبت
لكن للاسف طريقة ردك جعلتني اندم علي عمل مواضيع اخري في هذا القسم

شكرا ليك

عموما لو ردى زعلك انا اسف
بس اصل كلامك غريب جدا
وانت حكمت ان السيتى افضل من كورولا وسيراتو !
حكم مش وجهة نظر !
ارجع من الاول وشوف كلامك كان ازاى.
واتمنى انك تستمر موضوعاتك هنا وياريت متندمش عشانى انا واحد هنا من ضمن الاف واكيد فى ناس محتاجينك هنا تعمل مواضيع عن السيتى وترد على استفساراتنهم بحكم انك مالك
وبكرر اسفى واحنا فى الاخر اخوة فى منتدى واحد

[spiderbaz]

عموما لو ردى زعلك انا اسف
بس اصل كلامك غريب جدا
وانت حكمت ان السيتى افضل من كورولا وسيراتو !
حكم مش وجهة نظر !
ارجع من الاول وشوف كلامك كان ازاى.
واتمنى انك تستمر موضوعاتك هنا وياريت متندمش عشانى انا واحد هنا من ضمن الاف واكيد فى ناس محتاجينك هنا تعمل مواضيع عن السيتى وترد على استفساراتنهم بحكم انك مالك
وبكرر اسفى واحنا فى الاخر اخوة فى منتدى واحد

مفيش حاجة خلاص يا باشا كلنا اخوات هنا
بس فعلا انا مش حكمت ان السيتي احسن و لا حاجة بس انا و الله العظيم بقول تجربة لما زوج اختي اللي معاه النيو سيراتو ركب معايا السيتي و شاف فرق واضح
علي فكرة انا كنت من اشد المعجبين بالسيراتو قبل مشوف السيتي و لكن فوجئت بتقفيلها و خاماتها الداخلية اللي اقل من السيتي بمراحل و الايام بينا و هتتاكدوا من كلامي لاني و الحمدلله عندي خبرة في السيارات و سبق و كان معايا جيتا و عارف يعني ايه سحب عربية
عامة حصل خير زي ما قلت هي وجهات نظر و اختلاف الراي لا يفسد للود قضية
شكرا لجميع من ردوا و اسف ان كنت مخطئ في اي حاجة
اخوكم دكتور محمد الباز